Mansa : રખાયેલા 5 પશુને મુક્ત કરાવાયા
માણસા તાલુકાના ઇટાદરા ગામના રજવીપુરા વિસ્તારમાં ક્રૂરતાપૂર્વક બાંધી રખાયેલા પાંચ પશુઓને બચાવાયા છે. પ્રાણીઓ સાથે ક્રૂરતા આચરવામાં આવતી હોવાની બાતમીના આધારે માણસા પોલીસે કાર્યવાહી કરી કરી હતી. જેમાં પશુઓને મુક્ત કરાવી પાંજરાપોળ ખાતે મોકલી અપાયા હતા અને બે શખ્સો વિરુદ્ધ પશુક્રૂરતા નિવારણ કાયદા હેઠળ ગુનો નોંધી કાયદેસરની કાર્યવાહી હાથ ધરવામાં આવી છે. પ્રાપ્ત માહિતી મુજબ માણસા પોલીસ સ્ટેશનની ટીમ ગઈકાલે સાંજે માણસા તાલુકાના ઇટાદરા વિસ્તારમાં પેટ્રોલિંગમાં હતી. તે દરમિયાન ઇટાદરાના રજવીપુરાથી ઇન્દ્રપુરા ગામ તરફ્ જતા રસ્તા પર રહેતા આદિલહુસેન ઝાકીરહુસેન બેલિમ અને ઝાકીરહુસેન નજરમિયા બેલિમ પોતાના રહેણાક મકાનની બાજુમાં આવેલી ઓરડીમાં પશુઓને હલનચલન ન કરી શકે તેવી રીતે બાંધી રાખી ક્રૂરતા આચરતા હોવાની બાતમી મળી હતી. આ બાતમીના આધારે પોલીસે સ્થળ પર જઈ તપાસ કરતાં ઓરડીમાં ગાયો અને વાછરડાં સહિત કુલ પાંચ પશુઓ ટૂંકા દોરડાથી બાંધેલી હાલતમાં મળી આવ્યાં હતાં. પશુઓને સાંકડી જગ્યામાં એકબીજાની નજીક બાંધી રાખવામાં આવ્યાં હતાં તેમજ તેમના માટે ખોરાક અને પાણીની પૂરતી વ્યવસ્થા પણ કરવામાં આવી નહોતી. જેથી પોલીસે પાંચેય પશુઓને હસ્તગત કરી માણસા પાંજરાપોળ ખાતે મોકલી આપ્યાં હતાં. આ અંગે માણસા પોલીસ દ્વારા બંને શખ્સો વિરુદ્ધ પશુઓ પ્રત્યેક્રૂરતા નિવારણ કાયદાની સંબંધિત કલમો હેઠળ ગુનો નોંધી આગળની કાયદેસરની કાર્યવાહી હાથ ધરવામાં આવી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward