Community News & Updates

Stay informed with the latest happenings, achievements, and announcements from our community.

All News

calendar_today January 2, 2026

Amreli : જિલ્લા ભાજપના ઉપાધ્યક્ષ સુરેશ પાનસુરિયાનો પુત્ર વ્યાજખોરોના ત્રાસથી ગુમ, ઘરેથી સ્યુસાઇડ નોટ લખીને નીકળી ગયો

ગુજરાતમાં વ્યાજખોરો ફરી સક્રિય થયા છે. પોલીસે વ્યાજખોરો સામે કડક કાર્યવાહી કરી હોવા છતાં હજી ત્રાસ ઓછો થયો નથી. વારંવાર વ્યાજખોરોના ત્રાસથી લોકો હેરાન થતા હોવાના દાખલા સામે આવી રહ્યાં છે. ત્યારે અમરેલીમાં ભાજપના ઉપાધ્યક્ષનો પુત્ર વ્યાજખોરના ત્રાસથી લાપતા થયો છે. સુરેશ પાનસુરિયાનો પુત્ર 31મી ડિસેમ્બરે સ્યુસાઈડ નોટ લખીને ગુમ થયો છે. પોલીસે તેની શોધખોળ માટે તપાસ શરૂ કરી દીધી છે. 31મી ડિસેમ્બરે રાત્રે સ્યુસાઈડ નોટ લખીને રવિ ગુમ થયો પ્રાપ્ત વિગતો પ્રમાણે અમરેલી જિલ્લા ભાજપ ઉપાધ્યક્ષ સુરેશ પાનસુરિયાનો પુત્ર રવિ પાનસુરિયા વ્યાજખોરોના ત્રાસથી ગુમ થયો હોવાની વિગતો પ્રાપ્ત થઈ રહી છે. 31મી ડિસેમ્બરે રાત્રે સ્યુસાઈડ નોટ લખીને રવિ ગુમ થયો હતો. રવિએ ગોધરા નીટ કાંડના દિક્ષિત પટેલ સહિત 16 લોકો પાસેથી 11.25 કરોડ રૂપિયા વ્યાજે લીધા હતાં. 4.90 કરોડની મિલકત અને 3.38 કરોડ રૂપિયા આરટીજીએસથી તેણે ચૂકવ્યા હતાં. વ્યાજખોરોએ માત્ર 2.97 કરોડની સામે 15 કરોડની ઉઘરાણી કરી હતી. વ્યાજખોરો દ્વારા થતી પઠાણી ઉઘરાણીનો વીડિયો વાયરલ વ્યાજખોરો દ્વારા થતી પઠાણી ઉઘરાણીનો વીડિયો વાયરલ થયો હતો. 31મી ડિસેમ્બરની રાત્રે રવિ ઘરેથી નીકળ્યો તે સીસીટીવીમાં કેદ થઈ ગયો હતો. ગુમ થયેલા રવિ પાનસુરિયાની પોલીસે શોધખોળ હાથ ધરી છે. ગોધરા નીટ કાંડના દીક્ષિત પટેલ સહિતના 15 જેટલા વ્યાજખોરોના ત્રાસથી રવિ પાનસુરીયા ગુમ થયો હોવાનો આરોપ લગાવાયો છે. આ પણ વાંચોઃ Gandhinagar: મહાત્મા મંદિર ખાતે GSRTCનો નિમણૂંક પત્ર એનાયત સમારોહ, 4,700થી વધુ યુવાનોને મળી નોકરી

Read Full Story arrow_forward

calendar_today January 2, 2026

Ahmedabad: અમદાવાદના ત્રાગડ ગરનાળાની કામગીરી એક વર્ષથી ઠપ્પ, તંત્રના પાપે નાગરિકો પરેશાન

અમદાવાદ શહેરમાં સ્માર્ટ સિટીના દાવાઓ વચ્ચે રેલવે અને મ્યુનિસિપલ કોર્પોરેશન વચ્ચેના સંકલનનો અભાવ જનતા માટે આશીર્વાદને બદલે અભિશાપ બની રહ્યો છે.અનેક વિસ્તારોમાં બંને વિભાગો દ્વારા સંયુક્ત પ્રોજેક્ટ્સ ચાલી રહ્યા છે, પરંતુ પરસ્પર તાલમેલના અભાવે અને તંત્રની હુંસાતુંસીના કારણે સામાન્ય નાગરિકોને હાલાકી ભોગવવાનો વારો આવ્યો છે. આ નિંભર તંત્રની બેદરકારીનો તાજો નમૂનો ત્રાગડ ગામનું રેલવે ગરનાળું છે. ગરનાળાની કામગીરી એક વર્ષથી ઠપ્પ એક વર્ષથી કામગીરી ઠપ્પ ત્રાગડ વિસ્તારમાં ટ્રાફિકની સમસ્યા હળવી કરવા માટે રેલવે ગરનાળાનું આયોજન કરવામાં આવ્યું હતું. રેલવે વિભાગે પોતાની જવાબદારી નિભાવતા રેલવે ટ્રેકની નીચે સુધીનું ગરનાળું તૈયાર કરી દીધું છે. પરંતુ, નવાઈની વાત એ છે કે છેલ્લા એક વર્ષથી આ કામગીરી આગળ વધી નથી. રેલવે લાઇન પછીના ભાગમાં કોર્પોરેશનની હદ શરૂ થાય છે, જ્યાં કામ અધવચ્ચે અટકી પડ્યું છે. તંત્રના પાપે નાગરિકો પરેશાન સ્મશાન બન્યું અડચણ? સૂત્રો દ્વારા મળતી માહિતી મુજબ, ગરનાળાની આગળની કામગીરીમાં મનપાની હદમાં આવેલું એક જૂનું ભઠ્ઠીનું સ્મશાન અડચણરૂપ બની રહ્યું છે. આ ધાર્મિક અને સંવેદનશીલ દબાણ અથવા જગ્યાના પ્રશ્નનો ઉકેલ લાવવા માટે રેલવે કે મનપા બંનેમાંથી કોઈ પણ સત્તાવાર રીતે આગળ આવી રહ્યું નથી. અધિકારીઓના મૌન નીતિની સ્પષ્ટતાના અભાવે કરોડોના ખર્ચે બનેલું ગરનાળું 'જે સે થે'તેવી જ સ્થિતિમાં પડ્યું છે. આ ઘટનાને કારણે ત્રાગડના રહીશો વર્ષોથી ધૂળ અને ટ્રાફિક વચ્ચે અટવાયેલા છે. આ પણ વાંચોઃ Kutch News : ગાંધીધામ ખાતે રિજનલ વાઈબ્રન્ટ સમિટનો કરાયો ભવ્ય પ્રારંભ, ₹8,700 કરોડના કરાયા MOU

Read Full Story arrow_forward

calendar_today January 2, 2026

Vadodara: રિક્ષામાં યુવકનું અપહરણ કરાયા બાદ જૂની અદાવતમાં તેને પાઇપ-ઈંટથી ઢોર માર માર્યો, મુખ્ય આરોપી ધરપકડ

વડોદરાના તરસાલી વિસ્તારમાં રહેતા આકાશ સોનવણે નામના યુવકનું 31 ડિસેમ્બરના રોજ 6 શખસે રિક્ષામાં અપહરણ કરી તેને આરોપીઓએ વાઘોડિયા રોડ પર જંગલ જેવા વિસ્તારમાં લઈ જઈને પાઇપો, ઈંટો અને ધોકા વડે ઢોર માર માર્યો હતો.  આ મામલે આકાશ સોનવણેએ પોલીસમાં ફરિયાદ નોંધાવી છે કે ગત 31 ડિસેમ્બરના રોજ તેને 6 શખ્સોએ રિક્ષામાં બળપૂર્વક બેસાડી વાઘોડિયા રોડ નજીક જંગલ જેવા વિસ્તારોમાં લઇ જઈ પાઇપો અને ઈંટોથી માર માર્યો હતો. આ ઘટના પાછળ જૂની અદાવતનો મુદ્દો હોવાનું જાણવા મળ્યું છે.મુખ્ય આરોપી પ્રિન્સ ચૌહાણની ધરપકડ મકરપુરા પોલીસના જણાવ્યા મુજબ, આકાશની ફરિયાદના આધારે ગતરોજ મુખ્ય આરોપી પ્રિન્સ ચૌહાણની ધરપકડ કરી લીધી છે. 2 જાન્યુઆરીએ પોલીસે આરોપીને ઘટનાસ્થળે લઈ જઈ સમગ્ર ઘટનાનું રિ-કન્સ્ટ્રક્શન કરાવ્યું. બાકીના શખ્સોની શોધખોળ ચાલી રહી છે અને વધુ તપાસ હાથ ધરવામાં આવી રહી છે. મિત્રોની મદદથી મકરપુરા પોલીસ સ્ટેશન પહોંચ્યો આકાશ સોનવણેએ જણાવ્યું કે જ્યારે હું બહાર ઊભો હતો ત્યારે એક અજાણ્યા છોકરાએ મને બોલાવીને રિક્ષામાં બેસાડ્યો, અને મને વાઘોડીયા રોડ બાજુ ખંડેર જેવા મકાનમાં લઇ ગયા હતા અને ત્યાં બીજા ત્રણ-ચાર લોકો ભેગા થઈ ગયા અને પાઇપના ફટકા મારી માર માર્યો હતો. હું ભાન આવતા હું હાઇવે સુધી પહોંચ્યો અને મિત્રોની મદદથી મકરપુરા પોલીસ સ્ટેશન પહોંચ્યો, જ્યાં ફરિયાદ નોંધાવી અને સયાજી હોસ્પિટલ લઈ જવાયો હતો આ મામલે ગુનો નોંધાયો છે અને તપાસ ચાલુ મકરપુરા પોલીસના એસીપી પ્રણવ કટારીયાના જણાવ્યા પ્રમાણે, પ્રિન્સ ચૌહાણ અને તેના ભાઇએ આકાશને કપુરાઇ ચોકડી હાઈવે નજીક અવાવરુ મકાનમાં લઈ જઈ પાઇપથી માર માર્યો હતો. ઘટનાસ્થળે પ્રિન્સની માતા અને અન્ય 2 શખ્સો હાજર હતા. આ મામલે ગુનો નોંધાયો છે અને તપાસ ચાલુ છે.આ પણ વાંચો----   ACB ની કાર્યવાહી, 1 વર્ષમાં રાજ્યમાં 1.72 કરોડની રકમની લાંચ લેવાઇ, સૌથી વધુ ગૃહ વિભાગમાં 59, પંચાયતમાં 27 કેસ થયા

Read Full Story arrow_forward