Community News & Updates

Stay informed with the latest happenings, achievements, and announcements from our community.

All News

calendar_today January 2, 2026

Anandના ઉમરેઠમાં ગંભીર બેદરકારી: પ્લેટિનિયમ પ્લાઝા સામે જાહેરમાં મેડિકલ વેસ્ટનો ખડકલો

ઉમરેઠ શહેરના પ્લેટિનિયમ પ્લાઝા શોપિંગ સેન્ટર સામે આવેલા કાંસમાં અજાણ્યા શખ્સો દ્વારા ગંભીર પ્રકારનો મેડિકલ વેસ્ટ ખુલ્લેઆમ ફેંકી દેવામાં આવતા સ્થાનિકોમાં ભારે રોષ અને ફફડાટ જોવા મળી રહ્યો છે. નિયમોના ધજાગરા ઉડાવતી આ ઘટનાએ જાહેર આરોગ્ય સામે મોટું જોખમ ઊભું કર્યું છે. જાહેરમાં ફેંકાયેલા આ કચરામાં વપરાયેલી સોય (નીડલ્સ), ઇન્જેક્શનની બોટલો અને પ્લાસ્ટિકની પાઇપો જેવા જોખમી તબીબી સાધનોનો સમાવેશ થાય છે.સરકારની કડક ગાઇડલાઇનની અવગણના  સામાન્ય રીતે, મેડિકલ વેસ્ટનો નિકાલ સરકારની કડક ગાઇડલાઇન મુજબ કરવાનો હોય છે, પરંતુ અહીં તેની ઘોર અવગણના કરવામાં આવી છે. કાંસમાં પડેલો આ કચરો માત્ર રોગચાળો જ નહીં, પરંતુ રખડતા પશુઓ માટે પણ જીવલેણ સાબિત થઈ શકે છે. રાહદારીઓ અને દુકાનદારોના જણાવ્યા મુજબ, ખુલ્લામાં પડેલી સોયથી ચેપ લાગવાનો મોટો ડર છે. વળી, વરસાદી પાણીના નિકાલ માટેના કાંસમાં આવો કચરો હોવાથી પાણી દૂષિત થઈ રહ્યું છે. સ્થાનિકોની માંગ અને તંત્રની જવાબદારીસ્થાનિકોએ માંગ કરી છે કે: તંત્ર તાત્કાલિક ધોરણે આ વેસ્ટ દૂર કરે, આસપાસના CCTV ફૂટેજ તપાસીને જવાબદાર હોસ્પિટલ કે લેબોરેટરીની ઓળખ કરવામાં આવે અનેદોષિતો સામે કડક દંડનાત્મક કાર્યવાહી કરવામાં આવે. આ પ્રકારની બેદરકારી આખા શહેરના સ્વાસ્થ્યને જોખમમાં મૂકી શકે છે, તેથી તંત્ર આ મામલે કેટલી ઝડપી કાર્યવાહી કરે છે તે જોવું રહ્યું. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 2, 2026

Gandhinagar: મુખ્યમંત્રી જ્ઞાન સાધના મેરીટ સ્કોલરશીપ યોજના અંતર્ગત રજીસ્ટ્રેશન અને ચોઈસ ફીલિંગની અંતિમ તક

શિક્ષણ વિભાગ દ્વારા તેજસ્વી વિદ્યાર્થીઓને પ્રોત્સાહન આપવા માટે અમલી 'મુખ્યમંત્રી જ્ઞાન સાધના મેરીટ સ્કોલરશીપ યોજના' અંતર્ગત વર્ષ ૨૦૨૫-૨૬ માટેની ખાલી પડેલી જગ્યાઓ ભરવા માટે મહત્વનો નિર્ણય લેવામાં આવ્યો છે. રાજ્ય પરીક્ષા બોર્ડ દ્વારા લેવાયેલ પરીક્ષામાં ઉત્તીર્ણ થયેલા પરંતુ રજીસ્ટ્રેશન પ્રક્રિયામાં બાકી રહી ગયેલા વિદ્યાર્થીઓ માટે પોર્ટલ પુન: ખુલ્લું મૂકવામાં આવ્યું છે. રજીસ્ટ્રેશન કે ચોઈસ ફીલિંગ બાકી હોય તેવા વિદ્યાર્થીઓ અરજી કરી શકશે જે વિદ્યાર્થીઓએ તા. 12 એપ્રિલ 2025 ના રોજ લેવામાં આવેલી પરીક્ષા આપી હોય, પ્રથમ કામચલાઉ (Provisional) મેરીટ યાદીમાં સમાવેશ થયો હોય, પરંતુ પ્રથમ ફાઈનલ મેરીટ યાદીમાં જે વિદ્યાર્થીઓને સમાવેશ થયો નથી અને રજીસ્ટ્રેશન કે ચોઈસ ફીલિંગની કામગીરી બાકી રહી ગઈ હોય તેવા વિદ્યાર્થીઓ આ યોજના અંતર્ગત રજીસ્ટ્રેશન કરાવી શકે છે. વેબસાઈટ પર ઓનલાઈન અરજી કરી શકાશે શિક્ષણ વિભાગના આ નિર્ણયથી રાજ્યના અનેક તેજસ્વી વિદ્યાર્થીઓને આર્થિક સહાય મેળવવાની વધુ એક તક પ્રાપ્ત થશે. 'મુખ્યમંત્રી જ્ઞાન સાધના મેરીટ સ્કોલરશીપ યોજના અંતર્ગત કુલ 25000 તેજસ્વી વિદ્યાર્થીઓને સ્કોલરશીપ આપવાનું લક્ષ્ય છે, જેમાં ખાલી રહેલી બેઠકોમાં આ પ્રક્રિયા દ્વારા વિદ્યાર્થીઓ અરજી કરી શકશે. આગામી તા.15 જાન્યુઆરી 2026 સુધી http://gssyguj.in વેબસાઈટ પર ઓનલાઈન અરજી કરી શકાશે. જરૂરી આધાર-પુરાવા અપલોડ કરવાના રહેશે પાત્રતા ધરાવતા વિદ્યાર્થીઓએ નિયત સમયમર્યાદામાં વેબસાઈટ પર ઓનલાઈન રજીસ્ટ્રેશન કરી જરૂરી આધાર-પુરાવા અપલોડ કરવાના રહેશે. રજીસ્ટ્રેશન માટેની વિગતવાર માર્ગદર્શિકા અને સૂચનાઓ વેબસાઈટ પર ઉપલબ્ધ કરવામાં આવી છે. વિદ્યાર્થીઓ અને વાલીઓએ આ અંગેની અપડેટ્સ મેળવવા માટે સમયાંતરે પોર્ટલની મુલાકાત લેવાની રહેશે તેમ શિક્ષણ વિભાગની યાદીમાં જણાવવામાં આવ્યું છે. આ પણ વાંચો: Gandhinagar: મહાત્મા મંદિર ખાતે GSRTCનો નિમણૂંક પત્ર એનાયત સમારોહ, 4,700થી વધુ યુવાનોને મળી નોકરી

Read Full Story arrow_forward

calendar_today January 2, 2026

Surat News: કામરેજમાં તાપી નદીમાં યુવતીએ ઝંપલાવ્યું

માનવતા હજુ જીવતી છે એવો કિસ્સો સુરતના કામરેજ વિસ્તારમાં જોવા મળ્યો છે. કામરેજ નજીક આવેલા આંબોલી તાપી નદીના બ્રિજ પરથી એક અજાણી યુવતીએ અગમ્ય કારણોસર નદીમાં ઝંપલાવી દીધું હતું. જોકે, નદીમાં હાજર દેવદૂત સમાન માછીમારોએ સમયસૂચકતા વાપરી યુવતીનો જીવ બચાવી લીધો હતો.માછીમારો બન્યા દેવદૂત જ્યારે યુવતીએ બ્રિજ પરથી મોતની છલાંગ લગાવી, ત્યારે નીચે નદીમાં કેટલાક માછીમારો પોતાની નાવડીમાં માછીમારી કરી રહ્યા હતા. યુવતીને પાણીમાં પડતી જોઈ માછીમારો ક્ષણનો પણ વિલંબ કર્યા વગર પોતાની નાવડી લઈને ઘટનાસ્થળે પહોંચી ગયા હતા. યુવતી પાણીમાં ડૂબી રહી હતી, ત્યારે જ એક માછીમારે તેનો હાથ પકડી લીધો હતો અને તેને સુરક્ષિત રીતે કિનારે લાવી હતી. ઘટનાનો વીડિયો વાયરલ આ સમગ્ર રેસ્ક્યુ ઓપરેશનનો વીડિયો સોશિયલ મીડિયા પર વાયરલ થયો છે, જેમાં માછીમારો યુવતીને ડૂબતી બચાવતા સ્પષ્ટ જોઈ શકાય છે. લોકો આ બહાદુર માછીમારોની પ્રશંસા કરી રહ્યા છે. તપાસનો વિષય યુવતી કોણ છે, ક્યાંની રહેવાસી છે અને તેણે આવું અંતિમ પગલું ભરવાની કોશિશ કેમ કરી? તે હજુ સુધી જાણી શકાયું નથી. સ્થાનિક પોલીસને આ અંગે જાણ કરવામાં આવી છે, અને હાલ આ મામલે તપાસ શરૂ કરવામાં આવી છે. આ ઘટનાએ ફરી એકવાર સાબિત કર્યું છે કે, સતર્કતા અને સેવાભાવથી કોઈનો અમૂલ્ય જીવ બચાવી શકાય છે. આ પણ વાંચો - Surat : માંડવીમાં ધર્માંતરણના મોટા રેકેટમાં સંડોવાયેલો વધુ એક શિક્ષક ઝડપાયો, તે ધર્માંતરણ માટે આવતા ફંડ નો હિસાબ રાખતો

Read Full Story arrow_forward