android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Delhi: મહિલાઓ પ્રત્યે તેમની માનસિકતા શું છે... સ્મૃતિ ઈરાનીએ રાહુલ ગાંધી પર કર્યા પ્રહાર
calendar_today October 21, 2026

Delhi: મહિલાઓ પ્રત્યે તેમની માનસિકતા શું છે... સ્મૃતિ ઈરાનીએ રાહુલ ગાંધી પર કર્યા પ્રહાર

સ્મૃતિ ઈરાનીએ લોકસભામાં વિરોધ પક્ષના નેતા રાહુલ ગાંધી પર ફરી એકવાર પ્રહાર કર્યો છે. તેમણે રાહુલ ગાંધીના તાજેતરના એક નિવેદનનો ઉલ્લેખ કરતા તેમના પર નિશાન સાધ્યું અને આરોપ લગાવ્યો કે તેમણે ગણવેશધારી મહિલા પોલીસ અધિકારી પ્રત્યે અયોગ્ય અને તેમનું અપમાન કરતું વર્તન કર્યું છે.સ્મૃતિ ઈરાનીએ રાહુલ ગાંધીના વર્તન પર ટિપ્પણી કરતા કહ્યું, "મહિલાઓ પ્રત્યે તેમનો અભિગમ તે ઘટના પરથી સ્પષ્ટ થાય છે કે તેમણે ગણવેશધારી મહિલા પોલીસ અધિકારી સાથે કેવું વર્તન કર્યું. આ એક અપમાનજનક અને તુચ્છ કૃત્ય હતું. એક રીતે જોઈએ તો, આવા વ્યક્તિને સામાજિક જીવનમાંથી બાજુ પર કરી દેવા એ આપણી સામાજિક જવાબદારી છે. આપણા સમાજમાં મહિલાઓ સશક્ત છે." ="જ્યારે લોકસભામાં વિરોધ પક્ષના નેતા તરફથી આવી ટિપ્પણીઓ આવે છે, ત્યારે તે માત્ર ભાજપ કે આરએસએસ (RSS) સાથે જોડાયેલી મહિલાઓનું જ નહીં, પરંતુ સમાજના તમામ વર્ગોની મહિલાઓનું અપમાન છે. એવું લાગે છે કે તેઓ માત્ર સમાચારોમાં (હેડલાઇન્સમાં) રહેવા માટે આવી હલકી અને ક્ષુલ્લક ટિપ્પણીઓ કરે છે."રાહુલ ગાંધીએ પોતાની પોસ્ટમાં શું કહ્યું હતું?20 ઓક્ટોબર, 2024ના રોજ, રાહુલ ગાંધીએ સોશિયલ મીડિયા પ્લેટફોર્મ 'X' પર આરએસએસ (RSS)ને નિશાન બનાવ્યું. તેમણે લખ્યું, "આરએસએસ એક એવું સંગઠન છે જે બંધારણની વિરુદ્ધ છે અને માને છે કે મહિલાઓ પુરુષોની મિલકત છે. હું 'શિવ-શક્તિ'માં વિશ્વાસ રાખું છું, અને તેથી જ મને તેમની સામે લડવામાં એક મોટો ઉદ્દેશ્ય દેખાય છે. સૌથી સારી વાત એ છે કે જે ઘણી મહિલાઓ એક સમયે તેમનું સમર્થન કરતી હતી, તેઓ હવે મારી સાથે ઊભી છે. =સંસ્થાઓ પર દબાણ લાવવાના આરોપોઆ પહેલા પણ ભાજપના વરિષ્ઠ નેતા સ્મૃતિ ઈરાનીએ લોકસભામાં વિરોધ પક્ષના નેતા રાહુલ ગાંધી પર આકરા પ્રહારો કર્યા હતા. તેમના તાજેતરના વિરોધ પ્રદર્શનો અને નિવેદનોનો ઉલ્લેખ કરતા તેમણે આરોપ લગાવ્યો કે રાહુલ ગાંધી 'સત્તા પરિવર્તન' ઈચ્છે છે અને લોકશાહી સંસ્થાઓ પર દબાણ લાવવાનો પ્રયાસ કરી રહ્યા છે. તેમણે ચૂંટણી પંચ અને મુખ્ય ચૂંટણી કમિશનરના રાજીનામાની વિરોધ પક્ષની માંગને રાજકીય પ્રેરિત ગણાવી હતી.આ પણ વાંચો: Delhi માં Grap-1 લાગુ, વધતા પ્રદુષણને લઈને સરકારે લીધો મોટો નિર્ણય

Read Full Story arrow_forward
Ahmedabad News : CTM ના પરિવારે ઉત્સાહભેર ખોલ્યું નમકીનનું પેકેટ, અંદરથી એવું શું નીકળ્યું કે આખો પરિવાર ચોંકી ઉઠ્યો?
calendar_today October 21, 2026

Ahmedabad News : CTM ના પરિવારે ઉત્સાહભેર ખોલ્યું નમકીનનું પેકેટ, અંદરથી એવું શું નીકળ્યું કે આખો પરિવાર ચોંકી ઉઠ્યો?

અમદાવાદ શહેરમાં પેકેટબંધ ખાદ્યપદાર્થોની ગુણવત્તા અને સ્વચ્છતા સામે ફરી એકવાર મોટા અને ગંભીર સવાલો ઊભા થયા છે. શહેરના સીટીએમ (CTM) વિસ્તારમાં રહેતા એક પરિવાર માટે બજારમાંથી ખરીદેલું નમકીન આરોગવું અત્યંત કડવો અને આંચકાજનક અનુભવ સાબિત થયો છે. જાણીતી બ્રાન્ડ ગણાતા 'લક્ષ્મી નમકીન' ના ચવાણાના સીલબંધ પેકેટમાંથી મરેલા વંદા મળી આવતાં સમગ્ર વિસ્તારમાં અને ગ્રાહકોમાં ભારે સન્નાટો તેમજ રોષ વ્યાપી ગયો છે.પેકેટબંધ ખાદ્યપદાર્થોની ગુણવત્તા સામે ગંભીર સવાલોબનાવની વિગતો અનુસાર, CTM વિસ્તારના પરિવારે નાસ્તા માટે લક્ષ્મી નમકીનનું પેકેટ ખરીદ્યું હતું. જ્યારે તેમણે આ પેકેટ સીલ ખોલીને પ્લેટમાં ઠાલવ્યું ત્યારે અંદરથી મરેલા વંદા મળી આવ્યા હતા. આ દ્રશ્ય જોઈને પરિવારજનોના હોશ ઉડી ગયા હતા. પેકિંગમાં આ પ્રકારની ગંભીર બેદરકારી સામે આવતાં બ્રાન્ડેડ અને મોંઘા ભાવે વેચાતા પેકેટબંધ નમકીનની ગુણવત્તા, પેકિંગની જગ્યાએ રખાતી સ્વચ્છતા અને ફૂડ સેફ્ટીના દાવાઓ સામે મોટા પ્રશ્નાર્થચિહ્નો ખડા થયા છે.ગ્રાહકે હેલ્થ વિભાગમાં કરી ફરિયાદઆ ચોંકાવનારી ઘટના બાદ જાગૃત ગ્રાહકે ત્વરિત કાયદેસરની કાર્યવાહી કરતાં અમદાવાદ મ્યુનિસિપલ કોર્પોરેશનના હેલ્થ (આરોગ્ય) વિભાગમાં સત્તાવાર ફરિયાદ નોંધાવી છે. ગ્રાહકોના આરોગ્ય સાથે ખુલ્લેઆમ ચેડાં કરતી આવી નમકીન બનાવતી કંપની સામે હેલ્થ વિભાગ દ્વારા તાત્કાલિક દરોડા પાડીને યોગ્ય સેમ્પલ લેવામાં આવે અને કડકમાં કડક કાનૂની તપાસ હાથ ધરવામાં આવે તેવી ઉગ્ર માગણી કરવામાં આવી છે.આ પણ વાંચો : Gandhinagar News : ગરબાની તકરાર લોહિયાળ બની, અરવિંદસિંહ ચાવડા પર 3 રાઉન્ડ ફાયરિંગ, 8 શખ્સો સામે ફરિયાદ નોંધાઈ

Read Full Story arrow_forward
Ahmedabad : દાણીલીમડામાં નકલી પત્રકારો ઝડપાયા, સમાચાર પ્રસિદ્ધ કરવાની ધમકી આપી ઓનલાઈન રૂપિયા ટ્રાન્સફર કરાવ્યા
calendar_today October 21, 2026

Ahmedabad : દાણીલીમડામાં નકલી પત્રકારો ઝડપાયા, સમાચાર પ્રસિદ્ધ કરવાની ધમકી આપી ઓનલાઈન રૂપિયા ટ્રાન્સફર કરાવ્યા

અમદાવાદના દાણીલીમડા વિસ્તારમાં પત્રકાર હોવાની ખોટી ઓળખ આપીને ફરિયાદી પાસે રૂપિયાની માગણી કરનારા બે નકલી પત્રકારોને પોલીસે ગણતરીના કલાકોમાં ઝડપી લીધા છે. આરોપીઓએ ફરિયાદી વિરુદ્ધ સમાચાર પ્રસિદ્ધ કરવાની ધમકી આપી માનસિક દબાણ ઊભું કર્યું હતું. ત્યારબાદ તેમણે ફરિયાદી પાસેથી ઓનલાઈન નાણાં ટ્રાન્સફર કરાવ્યા હતા. દાણીલીમડા પોલીસે આ મામલે ગુનો નોંધી કાર્યવાહી કરી છે.કૃણાલ મુનશી અને જયેશ ઠક્કરનો કારસોઅમદાવાદ શહેરના દાણીલીમડા પોલીસ મથક વિસ્તારમાં બનેલી આ ઘટનામાં બે શખ્સો દ્વારા પત્રકાર તરીકેની ખોટી ઓળખ આપીને ગેરકાયદે નાણાં પડાવવાનો મામલો સામે આવ્યો છે. પકડાયેલા આરોપીઓ કૃણાલ મુનશી અને જયેશ ઠક્કર હોવાનું સામે આવ્યું છે. સમાચાર પ્રસિદ્ધ કરવાની ખુલ્લી ધમકી આપીઆ બંને શખ્સોએ ફરિયાદીને મળી પોતે પત્રકાર હોવાનું જણાવ્યું હતું અને તેમની પાસે રૂપિયાની માગણી કરી હતી. આરોપીઓએ ફરિયાદી વિરુદ્ધ સમાચાર પ્રસિદ્ધ કરવાની ખુલ્લી ધમકી આપી હતી. આ પ્રકારની ધમકી આપીને તેમણે ફરિયાદી પર સતત દબાણ ઊભું કર્યું હતું.ઓનલાઈન નાણાં ટ્રાન્સફર કરાવ્યાઆખરે દબાણ હેઠળ આવી ગયેલા ફરિયાદી પાસેથી આરોપીઓએ ઓનલાઈન નાણાં ટ્રાન્સફર કરાવી લીધા હતા. ફરિયાદી સાથે બનેલી આ સમગ્ર ઘટના બાદ પોલીસનો સંપર્ક કરવામાં આવ્યો હતો.બંને આરોપીઓને ઝડપી લેવાયાઆ સમગ્ર મામલે દાણીલીમડા પોલીસ મથકમાં ફરિયાદ નોંધાતા જ પોલીસે તુરંત તપાસ શરૂ કરી હતી. દાણીલીમડા પોલીસના સર્વેલન્સ સ્ક્વોડે સક્રિય બનીને ગણતરીના કલાકોમાં જ બંને આરોપીઓને ઝડપી પાડવામાં સફળતા મેળવી હતી. પોલીસે બંને શખ્સો કૃણાલ મુનશી અને જયેશ ઠક્કરની વિધિવત ધરપકડ કરી લીધી છે. પકડાયેલા આ બંને આરોપીઓ વિરુદ્ધ ભારતીય ન્યાય સંહિતા એટલે કે BNSની વિવિધ કલમો હેઠળ ગુનો દાખલ કરવામાં આવ્યો છે. આ પણ વાંચો :   Dussehra Explainer: ફાફડા જલેબી આરોગી લીધા ? તો હવે વાંચો કે તમારા ચટકારાનો આખો ફંડા શું છે..

Read Full Story arrow_forward