Community News & Updates

Stay informed with the latest happenings, achievements, and announcements from our community.

All News

calendar_today February 7, 2026

Gir Somnath: નાવદ્રા-ઇન્દ્રોયમાં આતંક મચાવતો દીપડો આખરે પાંજરે પુરાયો, ખેડૂતોમાં રાહત

ગીર સોમનાથના ગ્રામ્ય વિસ્તારોમાં વન્ય પ્રાણીઓના રહેણાંક વિસ્તારોમાં પ્રવેશની ઘટનાઓ વધી રહી છે. નાવદ્રા–ઇન્દ્રોય ગામની સીમમાં આવેલા દાનાભાઈ વાઢેરની વાડીમાં છેલ્લા કેટલાક દિવસોથી એક દીપડાએ ધામા નાખ્યા હતા. દીપડાની હાજરીને કારણે ખેડૂતો ખેતરે જતા પણ ડરતા હતા અને વિસ્તારમાં ભારે ભયનો માહોલ જોવા મળતો હતો.વન વિભાગનું સફળ ઓપરેશનસ્થાનિકોની વારંવારની રજૂઆતને પગલે વન વિભાગે ગઈકાલે દાનાભાઈની વાડીમાં પાંજરું ગોઠવ્યું હતું. આજે વહેલી સવારે શિકારની શોધમાં આવેલો દીપડો પાંજરે પુરાઈ ગયો હતો. વન વિભાગની ટીમે તાત્કાલિક સ્થળ પર પહોંચીને પાંજરે પુરાયેલ દીપડાનો કબજો મેળવ્યો હતો અને તેને પ્રાથમિક તપાસ બાદ અમરાપુર એનિમલ કેર સેન્ટર ખાતે સુરક્ષિત રીતે ખસેડવામાં આવ્યો છે.હજુ પણ 8 જેટલા દીપડાનો ભય!એક દીપડો પકડાયા બાદ પણ ગ્રામજનોની ચિંતા સંપૂર્ણપણે ટળી નથી. સ્થાનિક ખેડૂતોના જણાવ્યા અનુસાર આ વિસ્તારની સીમમાં હજુ પણ 8 જેટલા ખૂંખાર દીપડાઓ મુક્તપણે ફરી રહ્યા છે. રાત્રિના સમયે વાડીમાં પાણી વાળવા કે રક્ષણ માટે જવું જોખમી બની ગયું છે. ગ્રામજનોએ માંગ કરી છે કે વન વિભાગ અન્ય દીપડાઓને પણ વહેલી તકે પાંજરે પૂરે જેથી કોઈ જાનહાનિ ન થાય.આ પણ વાંચો: Gandhinagar: મુંબઈના મધદરિયે કોસ્ટ ગાર્ડનું મોટું ઓપરેશન, આંતરરાષ્ટ્રીય ઓઈલ સ્મગલિંગ રેકેટનો પર્દાફાશ

Read Full Story arrow_forward

calendar_today February 7, 2026

Dahod : દાહોદ-લીમખેડા હાઈવે પર અજાણ્યા વાહનની ટક્કરથી દીપડાનું કમકમાટીભર્યું મોત

દાહોદ જિલ્લામાં દાહોદ-લીમખેડા હાઈવે પર દાંતીયા ગામ પાસે રસ્તા ક્રોસ કરી રહેલા દીપડાને અજાણ્યા વાહનની ટક્કર વાગતાં દીપડાનું મોત થયું હતું. વાહનની ટક્કર વાગી દીપડો રોડ ક્રોસ કરી રહ્યો હતો ત્યારે ફુલ સ્પીડે પસાર થઇ રહેલા વાહનની ટક્કર વાગી હતી જેથી દીપડો રોડના ડિવાઇડર પર લોહીલુહાણ હાલતમાં પડી ગયો હતો અને મોતને ભેટ્યો હતો. નેશનલ હાઈવે પેટ્રોલિંગની ટીમે મૃત દીપડાને જોયો નેશનલ હાઈવે પેટ્રોલિંગની ટીમે મૃત દીપડાને જોયા પછી તરત જ વન વિભાગને જાણ કરી હતી. ઘટનાની જાણ થતાં જ વન વિભાગનો તાત્કાલિક કાફલો ઘટનાસ્થળે દોડી આવ્યો હતો દીપડાના મૃતદેહને પોસ્ટમોર્ટમ માટે ખસેડાયો વન વિભાગે દીપડાના મૃતદેહને પોસ્ટમોર્ટમ માટે ખસેડવાની તજવીજ હાથ ધરી છે અને અકસ્માત સર્જનારા વાહન ચાલકની પણ શોધખોળ કરાઇ રહી છે. આ પણ વાંચો-----   AMCમાં વહીવટદાર શાસન નિશ્ચિત, 9 માર્ચે ચૂંટાયેલા પ્રતિનિધિઓની ટર્મ પૂર્ણ થશે

Read Full Story arrow_forward

calendar_today February 7, 2026

Mathura Accident Today : યમુના એક્સપ્રેસ વે પર પૂરપાટ ઝડપે આવતા કન્ટેનરે યાત્રીઓને કચડ્યા, 6ના મોત

ઉત્તર પ્રદેશના મથુરામાં યમુના એક્સપ્રેસ વે પર ગઈકાલે મોડી રાત્રે એક મોટો અકસ્માત થયો. એક ઝડપથી આવતા કન્ટેનરે મુસાફરોને લઈ જતી બસને ટક્કર મારી. સ્લીપર બસમાંથી ઉતર્યા પછી મુસાફરો ઉભા હતા ત્યારે એક કન્ટેનર કાબુ બહાર આવી ગયું અને તેમને કચડી નાખ્યા. છ લોકોના ઘટનાસ્થળે જ મોત થયા. સ્લીપર બસનો અકસ્માત સુરીર પોલીસ સ્ટેશન વિસ્તારમાં યમુના એક્સપ્રેસ વેના માઇલસ્ટોન 88 પાસે આ અકસ્માત થયો. પ્રાપ્ત માહિતી અનુસાર સ્લીપર બસ નોઈડાથી ફરુખાબાદ જઈ રહી હતી. કેટલાક મુસાફરો પેશાબ કરવા માટે યમુના એક્સપ્રેસ વે પરથી ઉતર્યા, ત્યારબાદ કેટલાક અન્ય મુસાફરો પણ નીચે ઉતરીને રસ્તા પર ઉભા રહી ગયા. 6 મુસાફરોને કન્ટેનરે કચડી નાંખ્યા એક ઝડપથી કન્ટેનર આવ્યુ અને બસમાંથી ઉતરેલા મુસાફરોને ટક્કર મારી. મુસાફરો પોતાને સમજી શકે કે સમજાવી શકે તે પહેલાં કન્ટેનર તેમના પર ચડી ગયું. અકસ્માતમાં છ લોકોના ઘટનાસ્થળે જ મોત થયા, જ્યારે એક મુસાફર ગંભીર રીતે ઘાયલ થયો. તેની હાલત અત્યંત નાજુક છે. ટોયલેટ જવા માટે ઉભી રાખી હતી બસ દિલ્હીથી કાનપુર જતી એક ખાનગી બસના મુસાફરો ટોયલેટ જવા માટે રસ્તાની બાજુ પર ઉભા હતા. ત્યારે જ પાછળથી એક અનિયંત્રિત કન્ટેનર આવ્યુ અને બસને ટક્કર મારી. પહેલા બસને ટક્કર મારી અને પછી નીચે ઉભેલા મુસાફરોને ક્રૂરતાથી કચડી નાખ્યા. અહેવાલો અનુસાર આ દુ:ખદ અકસ્માત સવારે 3:00 વાગ્યે થયો હતો. બસ દિલ્હીથી કાનપુર જઈ રહી હતી તે દરમિયાન ટોયલેટ જવા માટે ડ્રાઇવરે બસ રોકી હતી. જો કે નિયમોનુસાર બસને સુરક્ષિત "ગ્રીન ઝોન" અથવા "વેસાઇડ સુવિધાઓ" પર રોકવી જોઈતી હતી, પરંતુ ડ્રાઇવરે એક્સપ્રેસ વેની વચ્ચે બસ ઉભી રાખી હતી. મુસાફરો બસમાંથી ઉતરીને બાજુ પર ઉભા રહ્યા કે તરત જ પાછળથી આવતા એક કન્ટેનરે તેમને એટલી જોરથી ટક્કર મારી દીધી કે 6 મુસાફરોનું ઘટનાસ્થળે જ મોત નીપજ્યું, જ્યારે એક વ્યક્તિ ગંભીર રીતે ઘાયલ થયો.https://x.com/ANI/status/2019977352357507314 અકસ્માતમાં કોના મોત ? અકસ્માતને પગલે અફડાતફડી મચી ગઈ. નજીકના લોકો મદદ માટે દોડી આવ્યા અને મોટી ભીડ એકઠી થઈ ગઈ. માહિતી મળતાં પોલીસ ઘટનાસ્થળે પહોંચી અને બચાવ કામગીરી શરૂ કરી હતી. પોલીસે તાત્કાલિક ઘાયલોને જિલ્લા હોસ્પિટલમાં ખસેડ્યા જ્યાં તેઓ હાલમાં સારવાર લઈ રહ્યા છે. અકસ્માતમાં સોનુ (42), દેવેશ, અસલમ (27), સંતોષ (45) અને અન્ય બે લોકોના મોત થયા, જ્યારે ઔરૈયાના શિવકાંત દુબે (45) ઘાયલ થયા.  પોલીસે તમામ મૃતદેહોને કબજે કરી લીધા છે અને તેમને પોસ્ટમોર્ટમ માટે મોકલી દીધા છે. આગળની કાનૂની કાર્યવાહી ચાલુ છે. મૃતકોના પરિવારોને જાણ કરવામાં આવી છે. પોસ્ટમોર્ટમ તપાસ પછી મૃતદેહો તેમના પરિવારોને સોંપવામાં આવશે.Gold Silver Price Today: ચાંદી ફરી સસ્તી થઇ, સોનામાં પણ ભાવ ઘટ્યા, જાણી લો લેટેસ્ટ રેટ

Read Full Story arrow_forward