android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Botad: રાણપુરમાં ગાયને હડકવા ઉપડતા અને બજારમાં દંગલ મચાવતા દોડધામ મચી
calendar_today February 5, 2026

Botad: રાણપુરમાં ગાયને હડકવા ઉપડતા અને બજારમાં દંગલ મચાવતા દોડધામ મચી

બોટાદ જિલ્લાના રાણપુર શહેરમાં એક ગાયને હડકવા ઉપડતા અચાનક અફરાતફરીનો માહોલ સર્જાયો હતો. હડકાયેલી ગાયે શહેરના બજાર વિસ્તારમાં કેટલાક લોકોને ઈજાગ્રસ્ત કર્યા હતા. જેના કારણે લોકોમાં ભય ફેલાયો હતો. આ ઘટનાની જાણ થતાં જ ગૌ-નંદી સેવા ગ્રુપ રાણપુરના કાર્યકરો પોતાના સાધનો અને વાહનો સાથે તાત્કાલિક સ્થળ પર પહોંચ્યા હતા. ગાયને સુરક્ષિત રીતે કાબૂમાં લેવા માટે મોડી રાત સુધી સતત અને અથાગ પ્રયત્નો કરવામાં આવ્યા હતા. રેસ્ક્યુ ઓપરેશનમાં ગૌ-નંદી સેવા ગ્રુપ રાણપુરની સાથે શહેરના સામાજિક આગેવાનો તથા જીવદયાપ્રેમીઓ પણ જોડાયા હતા. રાણપુરની મેઈન બજાર, ગી-બી રોડ, અણીયાળી રોડ અને રેલવે સ્ટેશન રોડ સહિતના વિસ્તારોમાં ભારે જહેમત બાદ ગાયને સુરક્ષિત રીતે પકડી સલામત સ્થળે બાંધવામાં આવી હતી. ગાયને સુરક્ષિત કરવામાં આવતા શહેરના લોકોએ રાહતનો શ્વાસ લીધો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Surendranagar: જિ. પ્રા. શિક્ષક સંઘના હોદ્દેદારો દિલ્હી ધરણાં કાર્યક્રમમાં જોડાયા
calendar_today February 5, 2026

Surendranagar: જિ. પ્રા. શિક્ષક સંઘના હોદ્દેદારો દિલ્હી ધરણાં કાર્યક્રમમાં જોડાયા

અખીલ ભારતીય પ્રાથમીક શિક્ષક સંઘ દ્વારા પડતર પ્રશ્નોને લઈને મહાનગર દિલ્હીના જંતરમંતર ખાતે તા. 5મી ફેબ્રુઆરીએ ધરણાંનો કાર્યક્રમ રાખવામાં આવ્યો હતો. જેમાં દેશભરના પ્રાથમિક શિક્ષકો જોડાયા હતા. આ ધરણામાં સુરેન્દ્રનગર જિલ્લા પ્રાથમીક શિક્ષક સંઘના પ્રમુખ ડો. દીપેન્દ્રભાઈ ધાધલના નેજા હેઠળ ચોટીલા યુનીટના પ્રમુખ ઘનશ્યામભાઈ મેણીયા, સાયલાના યુનીટના પ્રમુખ દેવાયતભાઈ, ચુડાના પ્રમુખ જેરામભાઈ, શંકરભાઈ, કારોબારી સભ્યો અને શિક્ષકો મોટીસંખ્યામાં જોડાયા હતા. શિક્ષકોના લાંબા સમયથી 2011 પહેલા શિક્ષકોને ટેટની પરીક્ષામાંથી મુકિત, 2005 બાદ ભરતી થયેલા શિક્ષકોનો ઓપીએસમાં સમાવેશ, નેશનલ એજયુકેશન પોલીસીમાં સુધારા, શાળા વિલીનીકરણ, શિક્ષણ સિવાયની કામગીરીમાંથી મુકિત, વધારે પડતી ઓનલાઈન કામગીરીમાંથી મુકિત, કોન્ટ્રાકટ પ્રથા બંધ કરવી સહિતના પ્રશ્નો પડતર રહેલા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Surendranagar: દુધરેજ કેનાલમાં પ્રેમી પંખીડાએ ઝંપલાવ્યુ
calendar_today February 5, 2026

Surendranagar: દુધરેજ કેનાલમાં પ્રેમી પંખીડાએ ઝંપલાવ્યુ

સુરેન્દ્રનગરના 80 ફુટ રોડ વિસ્તારમાં આવેલ સારસ્વતનગરમાં રહેતા પરિવારની દિકરી તા. 2ના રોજ રાત્રે કયાંક ચાલી ગઈ હતી. જેમાં પરિવારજનોએ તા. 3ના રોજ બી ડીવીઝન પોલીસ મથકે ગુમ નોંધ કરાવી હતી. જેમાં મફતીયાપરામાં રહેતા એક યુવક સાથે તે ફોનમાં વાત કરતી હોવાનું જણાવ્યુ હતુ. ત્યારે તા. 5ના રોજ બપોરે બન્નેની લાશ દુધરેજ કેનાલના પમ્પીંગ સ્ટેશનમાંથી મળી આવી છે.આજના આધુનીક યુગમાં યુવાન હૈયાઓ ક્ષણીક આકર્ષણને પ્રેમ સમજી બેસે છે. અને માતા-પિતા કે પરિવારનો વીચાર કર્યા વગર ન ભરવાનું પગલુ ભરી બેસે છે. ત્યારે સુરેન્દ્રનગર જિલ્લામાં 2 દિવસમાં પ્રેમી પંખીડાઓના સજોડે આપઘાતના 2 બનાવ સામે આવ્યા છે. જેમાં સુરેન્દ્રનગરની દુધરેજથી ધોળીધજા ડેમ તરફ જતી નર્મદા કેનાલના આવેલ પમ્પીંગ સ્ટેશન પાસે પાણીમાં ગુરૂવારે બપોરે 2 લાશ તરતી હોવાની માહીતી સુરેન્દ્રનગર મહાનગરપાલીકાના ફાયર વિભાગને મળી હતી. આથી ફાયર વિભાગના દેવાંગભાઈ દુધરેજીયા સહિતની ટીમ દોડી ગઈ હતી. જેમાં સૌ પ્રથમ એક યુવતીની લાશ બહાર કઢાઈ હતી. જયારે યુવકની લાશ પાણીમાં ઉંડી ફસાઈ હોય બાદમાં બહાર કાઢવામાં આવી હતી. બનાવની જાણ થતા એ ડીવીઝન પોલીસ મથકના બીટ જમાદાર કાંતીભાઈ પરમાર, મુકેશભાઈ સહિતનાઓ દોડી ગયા હતા. અને બન્નેની લાશને પીએમ માટે સરકારી હોસ્પીટલ લઈ જવાઈ હતી. જયારે મૃતકોની તપાસ કરાતા યુવતી વઢવાણના 80 ફુટ રોડ પર આવેલ સારસ્વતનગરમાં રહેતા પરિવારની 19 વર્ષીય દિકરી જયોતીબેન મનોજભાઈ ચૌહાણ હતી. તે તા. 2ના રોજ રાત્રે ઘરેથી પડોશીના ઘરે જવાનું કહીને નીકળી ગઈ હતી. લાંબો સમય સુધી જયોતીબેન ઘરે પરત ન આવતા પરિવારજનોએ પડોશમાં તપાસ કરતા જયોતી ત્યાં ગઈ જ ન હોવાનું સામે આવ્યુ હતુ. બાદમાં જયોતીએ પિતાને ફોન કરી પપ્પા હું જાઉ છુ, મારી ચિંતા કરતા નહી તેમ જણાવ્યુ હતુ. પરિવારજનોએ આ અંગે તા.3-2ના રોજ સુરેન્દ્રનગર બી ડીવીઝન પોલીસ મથકે ગુમ નોંધ પણ કરાવી હતી. જયોતીબેન અગાઉ બસ સ્ટેશન નજીક આવેલા સ્વામીનારાયણ મંદિર પાછળના મફતીયાપરામાં રહેતા સાહીલ અલ્લાઉદ્દીનભાઈ માણેક સાથે ફોનમાં વાત કરતી હોવાનું પરીવારજનોને ધ્યાને આવ્યુ હતુ. આથી પરિવારજનોએ સાહીલના ઘરે પણ તપાસ કરી હતી. પરંતુ તે ઘરે હાજર હતો નહી. ત્યારે તા. 5ના રોજ 21 વર્ષીય સાહીલ માણેક અને 19 વર્ષીય જયોતી ચૌહાણની લાશ કેનાલના પમ્પીંગ સ્ટેશનમાંથી મળી આવી છે. બનાવની જાણ થતા બન્નેના પરિવારજનો પણ હોસ્પીટલ દોડી ગયા હતા. આ અંગે વધુ કાર્યવાહી એ ડીવીઝન પોલીસે હાથ ધરી છે ગુજરાતના વધુ સમાચાર વાંચવા માટે ક્લિક કરો

Read Full Story arrow_forward