Community News & Updates

Stay informed with the latest happenings, achievements, and announcements from our community.

All News

calendar_today February 5, 2026

Kheda : નડિયાદની દિનશા પટેલ નર્સિંગ કોલેજના વિદ્યાર્થીએ કરેલી આત્મહત્યાના કેસમાં આચાર્ય સહિત 5 વિરુદ્ધ ગુનો દાખલ કરાતા ખળભળાટ

નડિયાદની દિનશા પટેલ નર્સિંગ કોલેજમાં પ્રથમ વર્ષના વિદ્યાર્થી જય પાટીલની આત્મહત્યા બાદ લોકોમાં ભારે રોષ જોવા મળી રહ્યો છે. આ મામલે મૃતકની માતાએ કોલેજના આચાર્ય સહીત પાંચ વિરુદ્ધ ફરિયાદ નોંધાવતા ખળભળાટ મચી ગયો છે.મૃતકની માતાએ ફરિયાદ નોંધાવી વરસોલા પીએચસીમાં ફરજ બજાવતા મૃતકની માતા ઉર્મિલાબેન પાટીલે નડીયાદ રુરલ પોલીસમાં આચાર્ય સહિત પાંચ શખ્સ સામે ફરિયાદ નોંધાવતા પોલીસે ગુનો નોંધી તપાસ શરુ કરી છે. મહિલા પ્રોફેસરના શરીર વિષયક કોમેન્ટને લઈને જય પાટીલ પર માનસિક ત્રાસ આરોપ મુજબ, મહિલા પ્રોફેસરના શરીર વિષયક કોમેન્ટને લઈને જય પાટીલ પર માનસિક ત્રાસ ગુજારાયો હતો. મૃતકની સુસાઇ઼ડ નોટમાં તેણે પોતાની નિર્દોષતા દર્શાવી હતી અને માતાને સોરી કહ્યું હતું. મૃતક વિદ્યાર્થી પાસે બળજબરીથી માફી પત્રક લખાવવાનો આરોપ  કોલેજના સ્ટાફ દ્વારા વિદ્યાર્થીને એકલો પાડીને ખોટો આરોપ મુકવામાં આવ્યો હતો. ત્રણે પ્રોફેસરો દ્વારા આચાર્ય સમક્ષ, મૃતક વિદ્યાર્થી પાસે બળજબરીથી માફી પત્રક લખાવવાનો આરોપ પણ લગાવ્યો છે. પોલીસે તપાસ શરુ કરી પોલીસ આ કેસની તપાસ કરી રહી છે . ઉલ્લેખનિય છે કે મૃતકના પરિવારે આ મામલે જિલ્લા પોલીસ વડાને પણ આવેદનપત્ર આપ્યું હતું. આ પણ વાંચો----    Ahmedabad : ગૌ હત્યા અને હેરાફેરી સામે કાયદો પણ ગૌવંશને કતલખાને લઇ જનારા તત્વો બેફામ, જાણો ગૌવંશ હત્યાનો કાયદો કેટલો કડક છે

Read Full Story arrow_forward

calendar_today February 5, 2026

Gandhinagar News : સાયબર ગુનાના મોટા રેકેટનો પર્દાફાશ, 930 કરોડના સાયબર ગુના આચરનાર 5 આરોપીની ધરપકડ કરાઈ

સાયબર સેન્ટર ઓફ એકસેલન્સે મોટુ ઓપરેશન પાર પાડયું છે જેમાં સાયબર ગુનાના મોટા રેકેટનો પર્દાફાશ કરવામાં આવ્યો છે આરોપીઓએ છેતરપિંડી કરવા બેંકમાં 80 એકાઉન્ટ ખોલાવ્યા હતા અને અલગ-અલગ મોડસ ઓપરેન્ડીથી ગુના આચરતા હતા. બેંકમાં ખાતા ખોલાવીને રૂપિયા ટ્રાન્સફર કરતા હોવાની વાત સામે આવી છે.ઇન્વેસ્ટમેન્ટ ફ્રોડથી સાવધાન સોશીયલ મિડિયા પ્લેટ ફોર્મ જેવા કે, ફેસબુક, ઇન્સ્ટાગ્રામ, વોટસએપ તથા ટેલીગ્રામ પર શેર બજારમાં રોકાણ કરી વધુ નફો મેળવો જેવી ઇન્વેસમેન્ટ કંપનીઓના મળતા-ભળતા નામની જાહેરાતોમાં વિશ્વાસમાં આવી રોકાણ કરવુ નહીં. સોશિયલ મિડિયા પર કોઇપણ પ્રકારના નામ વાળી .APK ફાઇલ (એપ્લિકેશન)મળે તો ક્યારેય ઇન્સ્ટોલ કરશો નહીં. .APK ફાઇલ પર જો કરશો કિલક તો તમારી સમગ્ર માહિતી થઈ શકે છે લીક. તમે ગેરકાયદેસર પ્રવૃત્તિ કરી છે તમને “ડિજિટલ એરેસ્ટ” કરવામાં આવ્યા છે એમ કહી નાણાંની કે પર્સનલ માહિતી માંગે તો આપશો નહી. ડિજિટલ એરેસ્ટની કોઇ કાયદાકિય જોગવાઇ નથી. "CYBER CRIME AS A SERVICE “CaaS”ના આરોપીઓની ધરપકડ" નવા પ્રકારની ગુનાહિત પ્રવૃત્તિ "CYBER CRIME AS A SERVICE “CaaS” જેમાં ગેરકયદેસર રીતે વર્ચ્યુઅલ મોબાઇલ નંબર અને OTP પ્રોવાઇડ કરાવી ઇ-કોમર્સ પ્લેટ ફોર્મ પર સાયબર ફ્રોડ કરવા માટે સરળતા પુરી પાડવા અને ધમકીભર્યા ફોન કે ઇ-મેઇલ કરવા માટેની કાર્યવાહિ કરતા સાયબર ક્રાઇમના અપરાધીરોની મધ્યપ્રદેશ ખાતેથી ઝડપી પાડેલ છે. આ પણ વાંચો : Ahmedabad News : સાણંદની દારૂ પાર્ટીમાં "અમીરોનો" નશો પોલીસે ઉતારી દીધો, વિકેન્ડ હોમમાં દારૂ વહ્યો 'બેફામ' પછી પડી પોલીસની એન્ટ્રી

Read Full Story arrow_forward

calendar_today February 5, 2026

Supreme Court DA verdict : સુપ્રીમ કોર્ટનો મોટો ફટકો, મમતા સરકારને કર્મચારીઓનું 25% DA ચૂકવવાનો આદેશ

સુપ્રીમ કોર્ટે પશ્ચિમ બંગાળની મમતા બેનર્જી સરકારને મોટો ફટકો આપતો ઐતિહાસિક નિર્ણય આપ્યો છે. આ ચુકાદામાં કોર્ટે રાજ્યના કર્મચારીઓને મળતું મોંઘવારી ભથ્થું (Dearness Allowance – DA) એક વૈધાનિક અધિકાર હોવાનું જાહેર કર્યું છે. કોર્ટે રાજ્ય સરકારને 2009 થી 2019 દરમિયાન બાકી રહેલા DAના ઓછામાં ઓછા 25 ટકા એરિયર્સ ચૂકવવાનો આદેશ આપ્યો છે. રાજ્ય સરકારની તમામ દલીલોને ફગાવી જસ્ટિસ સંજય કરોલ અને જસ્ટિસ પી.કે. મિશ્રાની બેન્ચે રાજ્ય સરકારની તમામ દલીલોને ફગાવી દીધી હતી. રાજ્ય સરકારે દલીલ કરી હતી કે તેમની નાણાકીય સ્થિતિ નબળી હોવાથી DA ચૂકવવું શક્ય નથી, પરંતુ સુપ્રીમ કોર્ટે આ દલીલ સ્વીકારી નહોતી. કોર્ટના મતે, નાણાકીય મુશ્કેલીના બહાને કર્મચારીઓના અધિકારોને નકારી શકાય નહીં. ROPA નિયમો હેઠળ પગારની ગણતરી કોર્ટે સ્પષ્ટ કહ્યું કે ROPA (Revision of Pay and Allowances) નિયમો હેઠળ પગારની ગણતરી કરવા માટે DA આવશ્યક ઘટક છે. DA વગર પગારની સંપૂર્ણ ગણતરી થઈ શકે નહીં. આ કારણે DAને વૈકલ્પિક નહીં પરંતુ ફરજિયાત માનવામાં આવ્યું છે. ચુકાદામાં સુપ્રીમ કોર્ટે 13 મુખ્ય કાનૂની પ્રશ્નો આ મહત્વપૂર્ણ ચુકાદામાં સુપ્રીમ કોર્ટે 13 મુખ્ય કાનૂની પ્રશ્નો પર વિચાર કર્યો. તેમાં ભારતીય બંધારણની કલમ 309 હેઠળ રાજ્ય સરકારની સત્તા, ROPA નિયમોની વ્યાખ્યા અને કર્મચારીઓની “કાયદેસર અપેક્ષા” (Legitimate Expectation) જેવા મુદ્દાઓનો સમાવેશ થાય છે.  DA કોઈ સ્થિર રકમ નથી કોર્ટે જણાવ્યું કે DA કોઈ સ્થિર રકમ નથી, પરંતુ તે એક ગતિશીલ (Dynamic) ભથ્થું છે, જે મહામૂલ્યવૃદ્ધિ પ્રમાણે બદલાય છે. રાજ્ય સરકારે DAના નિયમોમાં કરેલા ફેરફારોને કોર્ટએ “મનસ્વી” અને “તરંગી” ગણાવ્યા છે. આ ફેરફારોથી કર્મચારીઓમાં યોગ્ય અપેક્ષા ઊભી થઈ હતી, જેને રાજ્ય સરકારે કોઈ મજબૂત કારણ વગર તોડી નાખી. સુપ્રીમ કોર્ટે એક વિશેષ સમિતિની રચના ચુકવણી પ્રક્રિયા પારદર્શક અને યોગ્ય રીતે થાય તે માટે સુપ્રીમ કોર્ટે એક વિશેષ સમિતિની રચના કરી છે. આ સમિતિનું નેતૃત્વ ભૂતપૂર્વ સુપ્રીમ કોર્ટ જજ જસ્ટિસ ઇન્દુ મલ્હોત્રા કરશે. સમિતિમાં બે નિવૃત્ત હાઇકોર્ટના મુખ્ય ન્યાયાધીશ અને CAG (Comptroller and Auditor General)ના એક વરિષ્ઠ અધિકારીનો સમાવેશ થશે.  સરકાર દ્વારા અગાઉના કાનૂની પરાજય આ ચુકાદો પશ્ચિમ બંગાળ સરકાર દ્વારા અગાઉના કાનૂની પરાજય સામે દાખલ કરવામાં આવેલી અપીલોના જવાબમાં આવ્યો છે. અગાઉ પણ હાઇકોર્ટોએ કર્મચારીઓની તરફેણમાં ચુકાદા આપ્યા હતા, જેને હવે સુપ્રીમ કોર્ટે પણ માન્યતા આપી છે. આ નિર્ણય માત્ર પશ્ચિમ બંગાળ માટે નહીં, પરંતુ સમગ્ર દેશમાં સરકારી કર્મચારીઓ માટે મહત્વપૂર્ણ નજિરૂરૂપ સાબિત થઈ શકે છે. આ ચુકાદો સ્પષ્ટ સંદેશ આપે છે કે કર્મચારીઓના અધિકારો સાથે કોઈપણ સરકાર મનમાની કરી શકતી નથી. આ પણ વાંચો : Manipurમાં રાષ્ટ્રપતિ શાસન હટાવાશે, જાણો મુખ્યમંત્રીને કઈ સત્તાઓ મળશે?

Read Full Story arrow_forward