Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 04 ફેબ્રુઆરીના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
અરવલ્લી જિલ્લાના ભિલોડા તાલુકામાં ફરી એકવાર વન્ય પ્રાણીના હુમલાની ઘટના સામે આવી છે. ભિલોડાના લીલછા-મૂડી માર્ગ પર આવેલા મઉ સબ સ્ટેશન નજીક એક દીપડાએ યુવક પર હુમલો કરતા સમગ્ર પંથકમાં ભયનો માહોલ ફેલાયો છે. જોકે, યુવકની સમયસૂચકતા અને હિંમતને કારણે મોટી જાનહાનિ ટળી છે.શું હતી સમગ્ર ઘટના? ઘટનાની મળતી માહિતી અનુસાર, ભિલોડા પંથકનો એક યુવક લીલછા-મૂડી માર્ગ પરથી પસાર થઈ રહ્યો હતો, ત્યારે મઉ સબ સ્ટેશન નજીક કુદરતી હાજતે જવા ઉભો રહ્યો હતો. આ દરમિયાન ઝાડીઓમાં છુપાયેલા દીપડાએ અચાનક યુવક પર તરાપ મારી હતી. દીપડાના અચાનક હુમલાથી યુવક હેબતાઈ જવાને બદલે મક્કમતાથી સામનો કર્યો હતો. યુવકે હિંમતપૂર્વક સ્વબચાવ કરતા દીપડો ત્યાંથી ભાગી છૂટ્યો હતો. યુવક સારવાર હેઠળ, વન વિભાગ એક્શનમાં દીપડાના નહોર વાગવાથી યુવક લોહીલુહાણ થયો હતો અને તેને તાત્કાલિક સારવાર અર્થે ભિલોડાની કોટેજ હોસ્પિટલ ખાતે ખસેડવામાં આવ્યો છે. આ ઘટનાની જાણ થતા જ વન વિભાગની ટીમ સતર્ક થઈ ગઈ છે. વન વિભાગ દ્વારા તાત્કાલિક અસરથી દીપડાને પકડવા માટે હુમલાવાળા સ્થળની આસપાસના વિસ્તારમાં પાંજરા ગોઠવવાની કવાયત હાથ ધરવામાં આવી છે. સ્થાનિક ગ્રામજનોમાં દીપડાના આતંકને લઈને રોષ અને ફફડાટ જોવા મળી રહ્યો છે. વન વિભાગ દ્વારા લોકોને રાત્રિના સમયે ખેતરમાં કે અવાવરું જગ્યાએ એકલા ન જવાની સલાહ આપવામાં આવી છે. આ પણ વાંચો - Aravalli : મોડાસામાં ભાઈનું ગળું દબાવી ભાઈએ જ કરી હત્યા, નોકરી અને મિલ્કતના વિવાદમાં હત્યા કરી હોવાનો ખુલાસો
Read Full Story arrow_forward
બનાસકાંઠામાં ઠાકોર સમાજ દ્વારા સમાજનું નવું બંધારણ અમલમાં મુકવામાં આવ્યું છે.આ બંધારણમાં લગ્ન પ્રસંગે ડીજેનો ઉપયોગ નહીં કરવા ઉલ્લેખ કરાયો છે. ત્યારે ઠાકોર સમાજના સિંગર ગબ્બર ઠાકોર અને અર્જુન ઠાકોર દ્વારા બંધારણનું સરેઆમ ઉલ્લંઘન કરવામાં આવ્યું હતું.આ ઘટના બાદ ઠાકોર સમાજના આગેવાનોએ જાબડીયામાં બેઠક યોજી હતી અને તેમાં સિંગર ગબ્બર ઠાકોર અને અર્જુન ઠાકોરને 1 વર્ષ માટે સમાજની બહાર મુકવા માટે નિર્ણય લીધો હતો.હવે ઠાકોર સમાજમાં બે ભાગ પડ્યા હોવાનું સામે આવ્યું છે. જાબડિયાના લોકોએ ત્રણેય કલાકારો સાથે સંબંધ ચાલુ રાખવાની જાહેરાત કરી છે. કલાકારોના પરિવાર સાથે સંબંધ ચાલુ રાખવામાં આવશે આ બાબતે જાબડીયા ગામના આગેવાન બસકુજી ઠાકોરે કહ્યું હતું કે, ત્રણેય કલાકારોના પરિવાર સાથે સંબંધ ચાલુ રાખવમાં આવશે.અમે 150 પરિવારે ગબ્બર અને અર્જુનની સાથે છીએ. ગ્રામજનોને બોલાવ્યા વિના જ સમાજના આગેવાનોએ નિર્ણય કરી દીધો હતો. અમે એકપણ પરિવાર ગબ્બર ઠાકોર કે અર્જુન ઠાકોર અને લહેરાજી ઠાકોર સાથે સંબંધ તોડીશું નહિ અમે તેમની સાથે જ છીએ. દોષિતોને એક વર્ષ માટે સમાજ બહાર મુકવામાં આવશે ડીસાના જાબડિયા ગામમાં ઠાકોર સમાજે એવો નિર્ણય લીધો હતો કે, ગામના દોષિતોને એક વર્ષ માટે સમાજ બહાર મુકવામાં આવશે. સામાજિક, આર્થિક અને ધંધાકિય બાબતોમાં સહકાર આપવામાં આવશે નહીં. જે સાથ આપશે તેને પણ દોષિત ગણાશે. સોશિયલ મીડિયાના ફોલોઅર્સ પણ તેને અનફોલો કરે તેવી અપીલ કરવામાં આવી છે. કોઈપણ પ્રકારના સંબંધ આ પરિવારો સાથે રાખવા નહીં અને પ્રસંગોમાં પણ આમંત્રણ આપવું નહીં. આ પણ વાંચોઃ Banaskantha : ગબ્બર ઠાકોર સમાજની બહાર, ઠાકોર સમાજની બેઠકમાં કરાયો કડક નિર્ણય
Read Full Story arrow_forward