Community News & Updates

Stay informed with the latest happenings, achievements, and announcements from our community.

All News

calendar_today February 3, 2026

Rajkot: મોંઘવારીના માર વચ્ચે ગૃહિણીઓને રાહત, સિંગતેલ અને કપાસિયા તેલના ભાવમાં મોટો ઘટાડો

છેલ્લા કેટલાક સમયથી સતત વધી રહેલા ખાદ્યતેલના ભાવમાં આખરે ઘટાડો નોંધાતા મધ્યમ વર્ગના પરિવારો અને ખાસ કરીને ગૃહિણીઓએ રાહતનો શ્વાસ લીધો છે. બજારમાં સિંગતેલ અને કપાસિયા તેલના ભાવમાં ડબ્બે રૂ. 30 થી રૂ. 50 સુધીનો ઘટાડો નોંધાયો છે. ખાદ્યતેલના ભાવમાં ચાલી રહેલી સટ્ટાકીય તેજીને આખરે બ્રેક લાગી છે.તેલના ભાવમાં ઘટાડો થતા બજારમાં નવી સ્થિતિ નીચે મુજબ છેતેલનો પ્રકાર        જૂનો ભાવ (15 કિલો)     નવો ભાવ (15 કિલો)      ઘટાડો  સિંગતેલ                રૂ. 2900                       રૂ. 2850                 રૂ. 50કપાસિયા તેલ        રૂ. 2340                         રૂ. 2310                રૂ. 30ભાવ ઘટવા પાછળના મુખ્ય કારણોબજારના નિષ્ણાતો અને વેપારીઓના મતે ભાવમાં ઘટાડો થવા પાછળ બે મુખ્ય કારણો જવાબદાર છે. મગફળીની પુષ્કળ આવક: હાલમાં માર્કેટિંગ યાર્ડ અને ખુલ્લા બજારમાં વિપુલ માત્રામાં નવી મગફળી ઠલવાઈ રહી છે. પુરવઠો વધવાને કારણે તેલના ભાવ પરનું દબાણ ઘટ્યું છે.ખાદ્યતેલના ભાવ આસમાને પહોંચતા સામાન્ય ગ્રાહકોએ ખરીદીમાં કાપ મૂક્યો હતો. ઘરાકી ઓછી થતા અને ઊંચા ભાવે વેચાણ અટકતા સટ્ટાખોરોએ તેજી પર બ્રેક લગાવવી પડી છે.આ પણ વાંચો: Surat: ગજેરા ગ્રુપ પર 6 દિવસીય IT મેગા સર્ચ પૂર્ણ, કરોડોના બેનામી વ્યવહારો અને દસ્તાવેજો જપ્ત

Read Full Story arrow_forward

calendar_today February 3, 2026

Junagadh : વંથલીમાં પ્રેમ પ્રકરણમાં તીક્ષ્ણ હથિયારના ઘા ઝીંકી યુવકની હત્યા, એકને ઇજા, પોલીસે શરુ કરી તપાસ

જૂનાગઢના વંથલીના સ્ટેશન ઝાંપા વિસ્તારમાં મોડી રાત્રે હિંસક ઘટના સામે આવી છે. ચાર શખ્સોએ પ્રેમ પ્રકરણની અદાવતમાં તીક્ષ્ણ હથિયારો વડે હુમલો કર્યો હતો જેમાં યુવકનું મોત થયું હતું જ્યારે અન્ય એક યુવકને ઇજા તથતાં તેને સારવાર માટે ખસેડાયો છે.યુવકનું મોત વંથલી સ્ટેશન ઝાંપા વિસ્તારમાં હુમલાખોરોએ તિક્ષ્ણ હથિયારથી હુમલો કરતાં 25 વર્ષીય તાજીમ મુસાભાઈનું ઘટનાસ્થળે જ કરૂણ મોત નીપજ્યું છે, જ્યારે અન્ય યુવાન શકીલ રજાકભાઈ જેઠવા ગંભીર ઇજાગ્રસ્ત છે. આડેધડ તીક્ષ્ણ હથિયારો વડે હુમલો હુમલાખોરોએ આડેધડ તીક્ષ્ણ હથિયારો વડે હુમલો કરવાથી સમગ્ર વિસ્તારમાં ચકચાર મચી ગઈ હતી. ઇજાગ્રસ્ત શકીલને તરત નજીકની હોસ્પિટલમાં સારવાર માટે ખસેડવામાં આવ્યો છે અને તેની હાલત હાલ સ્થિર હોવાનું હોસ્પિટલના સ્રોતોએ જણાવ્યું છે. પોલીસે તપાસ શરુ કરી હિંસક ઘટનાની જાણ થતાં જ વંથલી પોલીસનો કાફલો ઘટના સ્થળે દોડી આવ્યો હતો હત્યા પાછળનું કારણ પ્રેમ પ્રકરણ હોવાનું અને યુવતીના પરિવારજનોએ હુમલો કર્યો હોવાનું બહાર આવ્યું છે. પોલીસે ચાર આરોપીઓ સામે ગુનો નોંધી તપાસ આદરી હતી.આ પણ વાંચો----     Gujarat Latest News Live : અમદાવાદમાં મનપાની ગંભીર બેદરકારી, રોડ જ નહીં, હવે બમ્પ પર પણ પડી રહ્યા છે ખાડા

Read Full Story arrow_forward

calendar_today February 3, 2026

Ahmedabad: અસારવામાં કેન્સરની બીમારીથી કંટાળી આધેડનો આત્મવિલોપનનો પ્રયાસ, લોકોએ પાણી છાંટી જીવ બચાવ્યો

શહેરના અસારવા વિસ્તારમાં એક હૃદયદ્રાવક ઘટના સામે આવી છે, જેમાં એક આધેડ વયની વ્યક્તિએ ગંભીર બીમારીથી કંટાળીને જાહેરમાં આત્મવિલોપન કરવાનો પ્રયાસ કર્યો હતો. કેન્સર જેવી જીવલેણ બીમારીના દુઃખ અને માનસિક તણાવને કારણે આ અંતિમ પગલું ભર્યું હોવાનું પ્રાથમિક તપાસમાં બહાર આવ્યું છે.બીમારીથી કંટાળીને આત્મવિલોપનનો પ્રયાસ મળતી માહિતી મુજબ, અસારવા વિસ્તારમાં ભીડભાડ વાળી જગ્યાએ એક આધેડે અચાનક પોતાના શરીર પર જ્વલનશીલ પ્રવાહી (પેટ્રોલ અથવા કેરોસીન જેવું પદાર્થ) છાંટી દીવાસળી ચાંપી દીધી હતી. જોતજોતામાં આધેડ આગની જ્વાળાઓમાં લપેટાઈ ગયા હતા, જેને જોઈ આસપાસના લોકોમાં અફરાતફરી મચી ગઈ હતી.સ્થાનિકોની સમયસૂચકતાઆગની જ્વાળાઓ જોઈને ત્યાં હાજર સ્થાનિક લોકો તરત જ મદદે દોડી આવ્યા હતા. લોકોએ વિલંબ કર્યા વગર આધેડ પર પાણીનો મારો ચલાવી આગને બુઝાવી દીધી હતી. લોકોની આ સમયસૂચકતાને કારણે આધેડનો જીવ બચી ગયો હતો, જોકે તેઓ ગંભીર રીતે દાઝી ગયા હતા.પોલીસ કાર્યવાહી અને સારવારઘટનાની જાણ થતા જ શાહિબાગ પોલીસનો કાફલો ઘટનાસ્થળે પહોંચી ગયો હતો. ગંભીર રીતે દાઝેલા આધેડને તાત્કાલિક સારવાર માટે નજીકની સિવિલ હોસ્પિટલમાં ખસેડવામાં આવ્યા છે.પોલીસની પ્રાથમિક પૂછપરછમાં સામે આવ્યું છે કે, મૃત્યુની નજીક લઈ જતી કેન્સરની બીમારીથી તેઓ લાંબા સમયથી પીડાતા હતા અને તે શારીરિક પીડા સહન ન થતા તેમણે જીવન ટૂંકાવવાનો પ્રયાસ કર્યો હતો.આ પણ વાંચો:Rajkot: મોંઘવારીના માર વચ્ચે ગૃહિણીઓને રાહત, સિંગતેલ અને કપાસિયા તેલના ભાવમાં મોટો ઘટાડો

Read Full Story arrow_forward