Valsad : ગુજરાત રાજ્ય યોગ બોર્ડ દ્વારા નાનાપોંઢા તાલુકામાં બે દિવસીય યોગ શિબિર યોજાઈ
ગુજરાત રાજ્ય બોર્ડ ગાંધીનગરના ચેરમેન શિશપાલ રાજપુતના માર્ગદર્શન હેઠળ અને દક્ષિણ ઝોન કો -ઓર્ડીનેટર પ્રીતિબેન પાંડેની અધ્યક્ષતામાં કાર્યરત ગુજરાત રાજ્ય યોગ બોર્ડની વલસાડ જિલ્લાની ટીમ દ્વારા નવનિર્મિત તાલુકા નાનાપોંઢામાં બે દિવસીય યોગ શિબિરનું સફળતાપૂર્વક આયોજન થયું હતું.સમગ્ર તાલુકાને યોગ તરફ વાળવાનો સંદેશો 30 જાન્યુઆરી સાંજે અને 31 જાન્યુઆરી સવારે એમ બે દિવસ નાનાપોંઢાની એન. આર. રાઉત હાઈસ્કૂલના ગ્રાઉન્ડમાં શિબિરનું આયોજન થયું હતું. આ શિબિરમાં મુખ્ય અતિથિ તરીકે કપરાડાના ધારાસભ્ય જીતુ ચૌધરી ઉપસ્થિત રહ્યા હતા અને સાથે નાયબ મામલતદાર મનીષાબેન પટેલ, શિક્ષણ સમિતિના ચેરમેન કેતન પટેલ, એ.પી.એમ.સી.ના ચેરમેન મુકેશભાઈ પટેલ, હાઈસ્કૂલના આચાર્ય વિનોદભાઈ રાઉત, હનુમાનભાઈ (કલ્પના પ્રી સ્કૂલ ચીવલ અને માંડવા) વાપી નગરપાલિકાના પૂર્વ પ્રમુખ વિઠ્ઠલભાઈ અને સરપંચ સહિત અન્ય આગેવાનો અને ગ્રામજનોએ ઉપસ્થિત રહી યોગા કર્યા હતા અને સમગ્ર તાલુકાને યોગ તરફ વાળવાનો સંદેશો આપ્યો હતો. વરિષ્ઠ યોગ ટ્રેનર કાંતિભાઈએ આ યોગ શિબિરને સફળ બનાવવા અથાગ પ્રયત્નો કર્યા ધારાસભ્ય જીતુ ચૌધરીએ પોતાના વક્તવ્યમાં જણાવ્યું કે તેઓ પોતે પણ નિયમિત રીતે યોગા કરે છે, જેથી ઉપસ્થિત લોકોને પણ નિયમિત યોગ કરી તંદુરસ્ત જીવન જીવવા અનુરોધ કર્યો હતો. આ સફળ યોગ શિબિરનું સમગ્ર આયોજન વલસાડ જિલ્લાના યોગ કો-ઓર્ડીનેટર પ્રિતીબેન દ્વારા થયું હતું. વલસાડના વરિષ્ઠ યોગ ટ્રેનર કાંતિભાઈએ આ યોગ શિબિરને સફળ બનાવવા અથાગ પ્રયત્નો કર્યા અને આજુબાજુના ગામોના તમામ સરપંચોને એકત્રિત કર્યા હતા. યોગ કોચ મનીષા ઠાકોર, જાગૃતિ દેસાઈ, શિવમ ગુપ્તા, પ્રજ્ઞા ફેટિંગ, પંકજ આશાર્યા તેમજ યોગ ટ્રેનર મિતેશભાઈ, સ્વાતિબેન, અલ્પા દેસાઈ માધવી પરમાર, ભાવિકાબેને શિબિર માટે યોગદાન આપ્યું હતું.આ પણ વાંચો : Ahmedabad: રિવરફ્રન્ટ પર પોલીસની બિનસત્તાવાર વિદાય પાર્ટી, AMCની મંજૂરી વગર નિયમોના ઉડ્યા ધજાગરા
Read Full Story arrow_forward
