Community News & Updates

Stay informed with the latest happenings, achievements, and announcements from our community.

All News

calendar_today January 31, 2026

Gandhinagar News : ક્ષત્રિય સમાજની મોટી જીત, 'પદ્માવત' આંદોલન સમયે થયેલા પોલીસ કેસો સરકારે પરત ખેંચ્યા!

ગુજરાતમાં પાટીદાર અનામત આંદોલનના કેસો પરત ખેંચાયા બાદ હવે ક્ષત્રિય સમાજ માટે પણ સરકારે મહત્વનો નિર્ણય લીધો છે. વર્ષ 2017માં રિલીઝ થયેલી 'પદ્માવત' ફિલ્મમાં ક્ષત્રિય સંસ્કૃતિના કથિત ખોટા ચિત્રણના વિરોધમાં રાજ્યભરમાં ઉગ્ર આંદોલન થયું હતું. આ પ્રદર્શન દરમિયાન મહેસાણા અને વિજાપુર સહિતના વિસ્તારોમાં ક્ષત્રિય યુવાનો પર પોલીસ કેસ દાખલ કરવામાં આવ્યા હતા. સમાજ દ્વારા આ કેસો પરત ખેંચવા માટે સરકારમાં બે વખત રજૂઆત કરવામાં આવી હતી, જેના પગલે સરકારે કોર્ટમાં અરજી કરી હતી. તાજેતરમાં કોર્ટે આ અરજીને માન્ય રાખતા મહેસાણા અને વિજાપુરના કેસોનો નિકાલ થયો છે.અસ્મિતાની લડાઈનો સુખદ અંત આ નિર્ણયને ક્ષત્રિય સમાજના અગ્રણીઓએ આવકાર્યો છે અને જણાવ્યું છે કે આ પગલાથી અનેક યુવાનોના ભવિષ્ય સુરક્ષિત થશે. જોકે, મહેસાણાના કેસોનો નિકાલ થઈ ગયો છે, પરંતુ અમદાવાદમાં નોંધાયેલા કેસો પર હજુ કાર્યવાહી ચાલુ છે. સમાજ તરફથી એવી પણ વિનંતી કરવામાં આવી છે કે 'અસ્મિતા' આંદોલન અને અન્ય વિરોધ પ્રદર્શનો સમયે થયેલા બાકીના તમામ કેસો પણ સત્વરે પરત ખેંચવામાં આવે. સરકારના આ વલણથી ક્ષત્રિય યુવાનોમાં હર્ષની લાગણી જોવા મળી રહી છે અને સામાજિક સમરસતા વધશે તેવી અપેક્ષા રાખવામાં આવી રહી છે. આ પણ વાંચો : Kutch ના રણની શાન વધી, છારી-ઢાંઢ પક્ષી અભયારણ્યને મળ્યો રામસર સાઇટનો દરજ્જો

Read Full Story arrow_forward

calendar_today January 31, 2026

Vadodara News : SMC ની મોટી કાર્યવાહી, ડ્રગ્સના દૂષણને ડામવા કરશે કંઇક આવું...!

વડોદરા પોલીસ બેડામાં શિસ્ત અને પ્રમાણિકતાના ધજાગરા ઉડાવતો કિસ્સો સામે આવ્યો છે, જેમાં સ્ટેટ મોનિટરિંગ સેલ (SMC) દ્વારા વડોદરા SOG (સ્પેશિયલ ઓપરેશન ગ્રુપ) ના મહિલા ASI લક્ષ્મી દેસાઈની ધરપકડ કરવામાં આવી છે. આશરે 15 દિવસ અગાઉ એસ.એમ.સી. દ્વારા શહેરના એક વિસ્તારમાં માદક પદાર્થો અંગે રેડ કરવામાં આવી હતી. આ રેડ દરમિયાન પકડાયેલા શખ્સો અને તપાસમાં ચોંકાવનારી વિગત બહાર આવી હતી કે, જે વિભાગનું કામ ડ્રગ્સનું દૂષણ ડામવાનું છે, તે જ એસ.ઓ.જી.ના એ.એસ.આઈ. લક્ષ્મી દેસાઈની આ નાર્કોટિક્સ કેસમાં સીધી સંડોવણી હતી.સ્ટેટ મોનિટરિંગ સેલનો સપાટો આ ઘટનાથી રાજ્યના ગૃહ વિભાગ અને ઉચ્ચ પોલીસ અધિકારીઓમાં ભારે નારાજગી જોવા મળી રહી છે, કારણ કે એક તરફ સરકાર અને ગૃહમંત્રી જાતે ડ્રગ્સના દૂષણને જળમૂળથી ઉખેડવા માટે ઝુંબેશ ચલાવી રહ્યા છે, ત્યારે પોલીસકર્મી જ તેમાં સામેલ હોવાનું ખુલ્યું છે. એસ.ઓ.જી. જેવી મહત્વની શાખામાં કાર્યરત એ.એસ.આઈ.ની ધરપકડ બાદ હવે પોલીસ તંત્રમાં પણ શુદ્ધિકરણની માંગ ઉઠી છે. એસ.એમ.સી. દ્વારા હાલમાં આ મામલે સઘન પૂછપરછ હાથ ધરવામાં આવી છે કે અન્ય કોઈ ઉચ્ચ અધિકારી કે કર્મચારી પણ આ નેટવર્ક સાથે જોડાયેલા છે કે કેમ. આ પણ વાંચો : Gandhinagar News : ક્ષત્રિય સમાજની મોટી જીત, 'પદ્માવત' આંદોલન સમયે થયેલા પોલીસ કેસો સરકારે પરત ખેંચ્યા!

Read Full Story arrow_forward

calendar_today January 31, 2026

Bhavnagar News: ડામર જેવા પદાર્થથી દાઝ્યો મજૂર, હાલત ગંભીર

ભાવનગરમાં શ્રમિક ડામર જેવા પદાર્થથી દાઝી જવાના કારણે ગંભીર હાલતમાં હોસ્પિટલ ખસેડવામાં આવ્યો હતો. આ ઘટનામાં શ્રમિક દાઝી જતા ગંભીર ઇજાઓ પહોંચી છે. હાલ તેની હોસ્પિટલમાં સારવાર ચાલી રહી છે. જ્યાં તેની હાલત સ્થિર છે. આ સમગ્ર દુર્ઘટના કેવી રીતે બની તે તપાસનો વિષય છે.ઘટનાની વિગતો ઘટનાની મળતી માહિતી અનુસાર, કામ કરતા સમયે શ્રમિક પર ડામર જેવો પદાર્થ પડ્યો છે. ઇજાગ્રસ્ત શ્રમિકને તાત્કાલિક હોસ્પિટલ ખસેડાયો હતો. ભાવનગરમાં કામ કરતા શ્રમીકોની સુરક્ષા અંગે રાખવામાં આવતી બેદરકારીની ઘટના સામે આવી છે. ભાવનગર શહેરના ચિત્રા વિસ્તારમાં એક શ્રમિક ડામર જેવા પદાર્થથી દાઝી જતા ગંભીર ઇજાઓ પહોંચી છે. ડામર જોવો ગરમ પદાર્થ પડતા શ્રમિક ગંભીર રીતે દાઝી ગયો ચિત્રા વિસ્તારમાં ખાનગી કામગીરી દરમિયાન શ્રમિક ઉપર ડામર જોવો ગરમ પદાર્થ પડતા શ્રમિક ગંભીર રીતે દાઝી ગયો છે. ઈજાગ્રસ્ત શ્રમિકને સારવાર માટે તાત્કાલિક ભાવનગર સિવિલ હોસ્પિટલ ખાતે ખસેડાયો હતો. ખાનગી કામગીરી દરમિયાન શ્રમિકને કોઈ સુરક્ષાના સાધનો વગર કામ કરાવવામાં આવતા ઘટના બની હોવાનું પ્રાથમિક જાણવા મળ્યું છે. આ ઘટનામાં શ્રમિક કાનાભાઈને મોઢાના ભાગે ગંભીર ઈજાઓ પહોંચી હોવાથી ઇમર્જન્સી વોર્ડમાં સારવાર માટે ખસેડાયા હતા. આ બનાવ મામલે હોસ્પિટલ પોલીસ ચોકી ખાતે નોંધ કરી આગળની કાર્યવાહી પોલીસે હાથ ધરી છે.આ પણ વાંચો -  Bhavnagar: ભાવનગરમાં ન્યાય સભા પૂર્વે વિવાદની ચિનગારી, અસામાજિક તત્વોએ કોળી સમાજના પોસ્ટરો ફાડ્યા

Read Full Story arrow_forward