Community News & Updates

Stay informed with the latest happenings, achievements, and announcements from our community.

All News

calendar_today January 29, 2026

Union Budeget 2026: 1લી ફેબ્રુઆરીએ 11 વાગે બજેટ થશે રજૂ, જાણો બજેટની ટીમમાં કોણ કોણ ?

નાણામંત્રી નિર્મલા સીતારમણ 1  ફેબ્રુઆરીએ સંસદમાં કેન્દ્રીય બજેટ (યુનિયન બજેટ2026-27) રજૂ કરશે. નાણામંત્રીનું બજેટ ભાષણ સવારે 11 વાગ્યે શરૂ થશે. આ બજેટ આગામી નાણાકીય વર્ષ માટે સરકારની આર્થિક નીતિઓની દિશા નક્કી કરશે. તમે બજેટ ભાષણ ક્યાં લાઈવ જોઈ શકો છો? દેશભરના વિવિધ ક્ષેત્રોને બજેટ પાસેથી ઘણી અપેક્ષાઓ છે. પરિણામે, બધાની નજર નાણામંત્રીના બજેટ ભાષણ પર છે. દર વર્ષે 1 ફેબ્રુઆરીએ કેન્દ્રીય બજેટ રજૂ કરવામાં આવે છે, પરંતુ ભારતના ઇતિહાસમાં આ પહેલી વાર બનશે કે રવિવારે કેન્દ્રીય બજેટ રજૂ કરવામાં આવશે. જો તમે નાણામંત્રી નિર્મલા સીતારમણનું બજેટ ભાષણ લાઈવ જોવા અને સાંભળવા માંગતા હો, તો અમે તમને જણાવી રહ્યા છીએ કે તેને કેવી રીતે અને ક્યાં લાઈવ જોવું.  બજેટનું લાઇવ કવરેજ  ભારત સરકારની સત્તાવાર યુટ્યુબ ચેનલ પર ઉપલબ્ધ રહેશે. બજેટ 2026નું લાઇવ પ્રસારણ સંસદ ટીવી, સત્તાવાર સંસદ ચેનલ અને રાષ્ટ્રીય ટેલિવિઝન ચેનલ પર કરવામાં આવશે.  નવમુ બજેટ કરશે રજૂ નાણામંત્રી નિર્મલા સીતારમણ 1 ફેબ્રુઆરીએ તેમનું નવમું બજેટ રજૂ કરશે. આ બજેટ ફક્ત તેમની જવાબદારી નથી, પરંતુ નવ સભ્યોની એક શક્તિશાળી ટીમ પણ સમગ્ર બજેટ તૈયાર કરવામાં સામેલ છે. આ ટીમ રાજકોષીય નીતિ, સરકારી ખર્ચ, કર પ્રણાલી, બેંકિંગ અને આર્થિક સુધારાના દરેક પાસાઓ પર કામ કરે છે. તેમના પ્રયાસો બજેટમાં વૃદ્ધિ અને રાજકોષીય સંતુલન વચ્ચે સંતુલન જાળવવાની ખાતરી કરે છે.બજેટની ટીમમાં કોનો સમાવેશ ?  ૧. નિર્મલા સીતારમણ (નાણા મંત્રી) ૨. પંકજ ચૌધરી (નાણા રાજ્ય મંત્રી) ૩. અનુરાધા ઠાકુર (આર્થિક બાબતોના સચિવ) ૪. અરવિંદ શ્રીવાસ્તવ (મહેસૂલ સચિવ) ૫. વુમલુનમુંગ વલનમ (ખર્ચ સચિવ) ૬. એમ. નાગરાજુ (નાણાકીય સેવાઓ વિભાગના સચિવ) ૭. અરુણિશ ચાવલા (રોકાણ અને જાહેર સંપત્તિ વ્યવસ્થાપન વિભાગના સચિવ) ૮. કે. મોસેસ ચાલાઈ (જાહેર સાહસો વિભાગના સચિવ) ૯. વી. અનંત નાગેશ્વરન (મુખ્ય આર્થિક સલાહકાર, સીઈએ)

Read Full Story arrow_forward

calendar_today January 29, 2026

Miracle! 912 દિવસ પછી 10 વર્ષની બાળકીનું મોં બંધ થયું, ડોકટરોનું અશક્યને શક્ય બનાવ્યું

કોલકાતાની એક કોલેજ અને હોસ્પિટલના ડોકટરોએ એક અસાધારણ અને માનવતાભર્યો ચમત્કાર સર્જ્યો છે. છેલ્લા અઢી વર્ષથી એટલે કે લગભગ 912 દિવસ સુધી પોતાનું મોં બંધ ન કરી શકતી 10 વર્ષની બાળકી આખરે સામાન્ય જીવન તરફ પરત ફરી છે. આ બાળકી એક એવી દુર્લભ બીમારીથી પીડાઈ રહી હતી, જેના કારણે તેના ચહેરા અને જડબાના સ્નાયુઓ નિયંત્રિત કરતી ચેતાને ગંભીર નુકસાન થયું હતું. બાળકીની સ્થિતિ ગંભીર બાળકીની સ્થિતિ એટલી ગંભીર હતી કે મોં સતત ખુલ્લું રહેવાને કારણે તેને ખાવા, બોલવા અને સૂવા જેવી સામાન્ય ક્રિયાઓમાં પણ ભારે તકલીફ થતી હતી. લાંબા સમય સુધી મોં ખુલ્લું રહેતાં તેના મોઢામાં શુષ્કતા, ચેપ, જડબાનું અસંતુલન અને દાંતનો અસામાન્ય વિકાસ શરૂ થયો હતો. દાંત ઉપર તરફ વધવા લાગ્યા હતા, જેને તબીબી ભાષામાં ‘સુપ્રા-એરપ્શન’ કહેવામાં આવે છે. પરિવાર દ્વારા મોટા હોસ્પિટલોમાં દોડધામ પરિવારજનોએ રાજ્યની અંદર તેમજ બહાર અનેક મોટી હોસ્પિટલોમાં સારવાર માટે દોડધામ કરી, પરંતુ ક્યાંય પણ રાહત મળી નહીં. ઘણી જગ્યાએ આ કિસ્સાને અત્યંત જટિલ ગણાવીને સારવાર અશક્ય હોવાનું કહી દેવામાં આવ્યું. આવી નિરાશાજનક સ્થિતિમાં આખરે એત કોલેજ અને હોસ્પિટલમાં બાળકી દાખલ કરવામાં આવી. બાળકની બિમારી હોસ્પિટલના વરિષ્ઠ ડોકટરોની ટીમે તપાસ બાદ ખુલાસો કર્યો કે બાળકી ‘એક્યુટ ડિસેમિનેટેડ એન્સેફાલોમાયલિટિસ’ (ADEM) નામની દુર્લભ ઓટોઇમ્યુન ન્યુરોલોજીકલ બીમારીથી પીડાઈ રહી હતી. આ રોગમાં શરીરની રોગપ્રતિકારક શક્તિ મગજ અને કરોડરજ્જુ પર હુમલો કરે છે, જેના કારણે સ્નાયુઓ અને ચેતાઓ યોગ્ય રીતે કામ નથી કરતી. બાળકી માટે ખાસ મેડિકલ બોર્ડ બાળકી માટે ખાસ મેડિકલ બોર્ડ બનાવવામાં આવ્યું અને વિગતવાર ચર્ચા બાદ એક મહત્વપૂર્ણ નિર્ણય લેવામાં આવ્યો. ડોકટરોએ જણાવ્યું કે વધુ નુકસાન અટકાવવા માટે પાછળના દાંત કાઢીને જડબાને તાળું મારવું તબીબી રીતે જરૂરી હતું. આ જ એકમાત્ર વ્યવહારુ વિકલ્પ હતો, જેથી બાળકીનું મોં બંધ રાખી શકાય. બાળકી હવે પોતાનું મોં બંધ કરી શકે તાજેતરમાં કરવામાં આવેલી સફળ પ્રક્રિયા બાદ બાળકી હવે પોતાનું મોં બંધ કરી શકે છે. ડોકટરોએ જણાવ્યું કે આ સારવારથી ભવિષ્યમાં દાંતના સડો, ચેપ અને કાયમી નુકસાનનો ખતરો ઘણો ઓછો થશે. સાથે સાથે ADEM માટેની ન્યુરોલોજીકલ સારવાર પણ ચાલુ છે. આ કિસ્સો માત્ર તબીબી સફળતા નહીં, પરંતુ માનવતા, ધીરજ અને આશાનું ઉત્તમ ઉદાહરણ બની રહ્યો છે. આ પણ વાંચો : Bijapurમાં મોટી કાર્યવાહી: DRGએ 2 માઓવાદીઓને ઠાર કર્યા

Read Full Story arrow_forward

calendar_today January 29, 2026

Beating Retreat Ceremony 2026 : વિજય ચોક ખાતે બીટિંગ ધ રિટ્રીટ સેરેમની, PM Modi સહિત દિગ્ગજો રહ્યા હાજર

દિલ્હીના વિજય ચોક ખાતે બીટિંગ ધ રીટ્રીટ સમારોહનું આયોજન કરાયુ છે. આ સાથે ચાર દિવસના પ્રજાસત્તાક દિવસના કાર્યક્રમોનું સમાપન થયુ. . રાષ્ટ્રપતિ દ્રૌપદી મુર્મુ આ સમારોહમાં મુખ્ય મહેમાન તરીકે હાજર રહ્યા છે. આ ઉપરાંત વડા પ્રધાન નરેન્દ્ર મોદી સહિત અન્ય નેતાઓ હાજર રહ્યા છે. દેશભક્તિની ધૂન કરાઇ રજૂ આ સમારોહ દેશની લશ્કરી પરંપરાઓની ભવ્યતા દર્શાવે છે. જેમાં ત્રણેય સેનાઓ અને CAPF ના બેન્ડ દ્વારા દેશભક્તિની ધૂન રજૂ કરવામાં આવી. વિજય ચોકની તમામ મુખ્ય ઇમારતોને રંગબેરંગી લાઇટિંગથી શણગારવામાં આવી છે. રાષ્ટ્રપતિએ લહેરાવ્યો તિરંગોકાર્યક્રમની શરૂઆત સેના દ્વારા રાષ્ટ્રપતિને રાષ્ટ્રીય સલામી આપીને કરવામાં આવી હતી. આ પછી રાષ્ટ્રગીત ગાઇને તિરંગો ફરકાવવામાં આવ્યો.  આ પ્રસંગે પીએમ મોદી, રાજનાથ સિંહ સહિત સેનાની ત્રણેય પાંખના વ઼ડા ઉપસ્થિત રહ્યા.  કેમ યોજાય છે 'બીટિંગ ધ રીટ્રીટ સેરેમનીબીટિંગ રીટ્રીટ સમારોહ એટલે સેનાનું બેરેકમાં પાછા ફરવું. આ પરંપરા રાજાઓ અને સમ્રાટોના સમયથી ચાલી આવે છે. જેમાં સેના આખો દિવસ લડતી અને પછી સૂર્યાસ્ત પછી સૈનિકો લડવાનું બંધ કરી દેતા. તે સમયે એક સંગીત વગાડવામાં આવતું હતું જેને બીટિંગ રીટ્રીટ કહેવામાં આવતું હતું. પ્રજાસત્તાક દિવસ પછી બીટિંગ રીટ્રીટ પણ એ જ પરંપરાને ધ્યાનમાં રાખીને ઉજવવામાં આવે છે. જેમાં સૂર્યાસ્ત પછી રાષ્ટ્રગીત પછી રાષ્ટ્રધ્વજ નીચે ઉતારવામાં આવે છે. પ્રજાસત્તાક દિવસના ચોથા દિવસે 'બીટિંગ ધ રીટ્રીટ સેરેમની'નું આયોજન કરવામાં આવે છે.

Read Full Story arrow_forward