Community News & Updates

Stay informed with the latest happenings, achievements, and announcements from our community.

All News

calendar_today January 26, 2026

Surat : કામરેજમાં સોવરીન બંગ્લોઝમાં ચોરી કરી તસ્કરોનો પોલીસને ખુલ્લો પડકાર, સોનાના ઘરેણાં અને રોકડ પર હાથ સાફ

સુરત જિલ્લાના કામરેજ વિસ્તારમાં તસ્કરોના આતંકમાં વધારો થયો હોવાનો વધુ એક બનાવ સામે આવ્યો છે.સોવરીન બંગ્લોઝ સોસાયટીમાં તસ્કરોએ એક મકાનમાં ચોરી કામરેજ સ્થિત ખોલડવ ગામના સોવરીન બંગ્લોઝ સોસાયટીમાં તસ્કરોએ એક મકાનને નિશાન બનાવી ચોરીની ઘટના અંજામ આપી હતી. ચોરો ઘરમાંથી સોનાના કિંમતી ઘરેણાં તેમજ રોકડ રકમની ચોરી કરી ફરાર થઈ ગયા હતા.  અન્ય બે મકાનોમાં પણ ચોરી કરવાનો પ્રયાસ કર્યો પ્રાપ્ત માહિતી અનુસાર, તસ્કરોએ રાત્રિના સમયે સુનિયોજિત રીતે ઘરમાં પ્રવેશ કરી આ ચોરીને અંજામ આપ્યો હતો. એટલું જ નહીં, તસ્કરોએ સોસાયટીના અન્ય બે મકાનોમાં પણ ચોરી કરવાનો પ્રયાસ કર્યો હતો, પરંતુ તેઓ પોતાના મનસૂબામાં નિષ્ફળ રહ્યા હતા. CCTV કેમેરાના ફૂટેજના આધારે તસ્કરોની તપાસ આ ઘટના બાદ સમગ્ર વિસ્તારમાં ભય અને ચિંતા વ્યાપી ગઈ છે. બનાવની જાણ થતાં જ કામરેજ પોલીસે ઘટનાસ્થળે પહોંચી તપાસ હાથ ધરી હતી. સોસાયટીમાં લાગેલા CCTV કેમેરાના ફૂટેજના આધારે તસ્કરોની ઓળખ માટે પોલીસ દ્વારા તપાસ શરૂ કરવામાં આવી છે. પોલીસની સુરક્ષા વ્યવસ્થા સામે સવાલો વારંવાર બનતી ચોરીની ઘટનાઓને લઈ સ્થાનિક રહીશોમાં પોલીસની સુરક્ષા વ્યવસ્થા સામે સવાલો ઉઠી રહ્યા છે. પોલીસ દ્વારા વહેલી તકે તસ્કરોને ઝડપી લેવાની ખાતરી આપવામાં આવી છે.આ પણ વાંચો----     Weather News : ઠંડીની વચ્ચે IMDની 11 રાજયમાં વરસાદની આગાહી, કેરળમાં ભારે પવન સાથે વરસાદ પડી શકે છે

Read Full Story arrow_forward

calendar_today January 26, 2026

Vadodara: સમા સ્પોર્ટ્સ કોમ્પ્લેક્સમાં અનોખી રીતે પ્રજાસત્તાક દિનની ઉજવણી, સ્વિમિંગ પૂલમાં બાળકો દ્વારા તરતાં-તરતાં દેશભક્તિના પર્વની ઉજવણી કરાઇ

દેશભરમાં 76મા પ્રજાસત્તાક દિનની ઉજવણી ધામધૂમથી થઈ રહી છે ત્યારે વડોદરાના સમા સ્પોર્ટ્સ કોમ્પ્લેક્સ ખાતે એક અનોખી અને આકર્ષક રીતે પ્રજાસત્તાક દિનની ઉજવણી કરવામાં આવી હતી. સ્વિમિંગ પૂલમાં બાળકો દ્વારા તરતાં-તરતાં રાષ્ટ્રપ્રેમની ભાવના વ્યક્ત કરાઇ શહેરના સમા સ્પોર્ટ્સ કોમ્પ્લેક્સના સ્વિમિંગ પૂલમાં બાળકો દ્વારા તરતાં-તરતાં રાષ્ટ્રપ્રેમની ભાવના વ્યક્ત કરવામાં આવી હતી. 5 વર્ષથી લઈને 16 વર્ષ સુધીના બાળકો જોડાયા આ ઉજવણીમાં 5 વર્ષથી લઈને 16 વર્ષ સુધીના બાળકો જોડાયા હતા. બાળકો દ્વારા રાષ્ટ્રધ્વજ હાથમાં લઈને સ્વિમિંગ પૂલમાં વિવિધ કરતબો રજૂ કરવામાં આવ્યા હતા, જે દર્શકો માટે આકર્ષણનું કેન્દ્ર બન્યા હતા. દેશભક્તિના ગીતો અને નારા સાથે સમગ્ર વાતાવરણ દેશપ્રેમથી ગુંજી ઉઠ્યું હતું. પાણીમાં ઉતરીને કરાયેલા આ કરતબો દ્વારા પ્રજાસત્તાક દિનનું મહત્ત્વ સમજાવવામાં આવ્યું બાળકો દ્વારા પાણીમાં ઉતરીને કરાયેલા આ કરતબો દ્વારા પ્રજાસત્તાક દિનનું મહત્ત્વ સમજાવવામાં આવ્યું હતું. સાથે સાથે બાળકોએ સમગ્ર દેશવાસીઓને પ્રજાસત્તાક દિનની હાર્દિક શુભેચ્છાઓ પાઠવી હતી. માતા-પિતા અને ખેલપ્રેમીઓમાં પણ ઉત્સાહ આ અનોખી ઉજવણીને લઈને હાજર રહેલા માતા-પિતા અને ખેલપ્રેમીઓમાં પણ ઉત્સાહ જોવા મળ્યો હતો અને બાળકોના આત્મવિશ્વાસ તથા દેશપ્રેમની ભાવનાને સરાહના મળી હતી.આ પણ વાંચો----    Republic Day 2026 : 77મા પ્રજાસત્તાક દિવસની ઉજવણી, આન-બાન-શાનનું પ્રતીક રાષ્ટ્રીય પર્વ: PM મોદી

Read Full Story arrow_forward

calendar_today January 26, 2026

Surat News : સુરતમાંથી 2.30 કરોડના ડ્રગ્સ સાથે નાઇઝેરિયન મહિલા ઝડપાવાનો કેસ, મહિલા આંતરરાષ્ટ્રીય ડ્રગ્સ સિન્ડીકેટની સભ્ય હોવાની શંકા

સુરત DRI મહિલાને લઇ વિદેશ મંત્રાલયને જાણ કરશે અને મહિલા પાસેથી જે ડ્રગ્સ મળ્યુ તે સૌથી ઘાતક હોવાનું ખુલ્યું છે, 2.30 કરોડના મેથામ્ફેટામાઇન-કોકેઇન ઝડપાયુ હતું. ડ્રગ્સ માફિયાઓ સામે ચાલી રહેલી ઝુંબેશમાં DRI ની સુરત ટીમને મોટી સફળતા મળી છે. સુરત રેલ્વે સ્ટેશન પરથી એક વિદેશી મહિલાને કરોડોની કિંમતના માદક પદાર્થો સાથે ઝડપી પાડીને આંતરરાષ્ટ્રીય ડ્રગ્સ સિન્ડિકેટનો પર્દાફાશ કરવામાં આવ્યો છે. નાઇઝેરિયન મહિલા જે ડ્રગ્સ સાથે પકડાઈ તે સૌથી ઘાતક DRIએ ટ્રેનમાં બેસેલી મહિલાને 2.30 કરોડના મેથામ્ફેટામાઇન અને કોકેઇન સાથે ઝડપતા આંતરરાષ્ટ્રીય ડ્રગ્સ સિન્ડિકેટની આશંકા સેવાઈ રહી છે અને ગોલ્ડન ટેમ્પલ ટ્રેનમાં ફરીદાબાદથી મુંબઈ જઈ રહેલી નાઇઝેરિયન મહિલાની ધરપકડ કરવામાં આવી છે, 50 લાખની કિંમતનું 50 ગ્રામ કોકેઈન અને 900 ગ્રામ મેથામ્ફેટામાઇન મળી કુલ 2.30 કરોડની કિંમતનું ડ્રગ્સ મળ્યું હતું. કોઈ મોટી આંતરરાષ્ટ્રીય ડ્રગ્સ સિન્ડિકેટ કામ કરી રહી હોય તેવી પ્રબળ શક્યતાઓ છે. નાઇઝેરિયન મહિલાની ધરપકડ કર્યા બાદ તેની જાણકારી વિદેશ મંત્રાલયને કરવામાં આવશે DRI ને મળેલી ચોક્કસ બાતમીના આધારે, મુંબઈથી અમૃતસર જતી ગોલ્ડન ટેમ્પલ મેઈલ ટ્રેનમાં સર્ચ ઓપરેશન હાથ ધરવામાં આવ્યું હતું. ટ્રેન જ્યારે સુરત સ્ટેશન પર પહોંચી ત્યારે તેના ફર્સ્ટ ક્લાસ એસી કોચમાં મુસાફરી કરી રહેલી વિદેશી મહિલા અગફેડો ઓસાટાહેવમેન જોયને અટકાવી તેની તલાશી લેવામાં આવી હતી. આ પણ વાંચો : Surat News : સુરતમાં વૃદ્ધને ડિજિટલ એરેસ્ટ કરી 1.71 કરોડ પડાવનાર આરોપીની સાયબર ક્રાઈમે કરી ધરપકડ 

Read Full Story arrow_forward