Community News & Updates

Stay informed with the latest happenings, achievements, and announcements from our community.

All News

calendar_today January 24, 2026

Surat News: અમરોલીમાં ઓનલાઈન સટ્ટો રમતા બે ઈસમો ઝડપાયા

સુરત જિલ્લામાં ગુનાખોરીનું પ્રમાણ વધી રહ્યું છે. સુરતમાં ઓનલાઇન સટ્ટો રમતા બે ઈસમોને પોલીસે જેલના હવાલે કર્યા છે. આ આરોપીઓ એપ્લિકેશનના મારફતે લોકોને સટ્ટો રમાડતા હતા. આ હાઈટેક સટ્ટોડિયા પોલીસના હાથે ચડ્યા બાદ ઓનલાઈન બેટિંગનું મોટું કૌભાંડ સામે આવે તેવી શક્યતા છે. હાલ પોલીસ દ્વારા આ બે આરોપીની પૂછપરછ કરવામાં આવી રહી છે.ઘટનાની વિગત ઘટનાની મળતી માહિતી અનુસાર, સુરતના અમરોલી વિસ્તારમાં આવેલા અંજની વિસ્તારમાંથી પોલીસે ઓનલાઈન સટ્ટો રમતા બે શખ્સોને ઝડપી લીધા છે. આ બંને આરોપીઓ એપ્લિકેશન મારફતે ચાલતું સટ્ટા બેટિંગનું રેકેટ ચલાવતા હતા. આ બંને આરોપીઓ આઇડી અને પાસવર્ડ આપીને ઓનલાઈન સટ્ટો રમાડતા હતા. આ બંને આરોપીઓ પાસેથી પોલીસે મોબાઇલ અને રોકડ રકમ કબ્જે કરી આગળની કાર્યવાહી હાથ ધરી છે. ઓનલાઈન બેટિંગ રેકેટ અંગે પોલીસ તપાસ આરોપીઓ શૈલેષ માલવિયા અને વિપુલ ગઢિયાની પોલીસે ધરપકડ કરી છે. આ ઓનલાઈન બેટિંગ રેકેટમાં કોણ કોણ સંડોવાયેલું છે, એ અંગે પોલીસ દ્વારા તપાસ કરવામાં આવી રહી છે. વધુ તપાસ બાદ ઘણા મોટા નામો ખુલે તેવી શક્યતા છે. આ સાથે પોલીસ તપાસ બાદ ઓનલાઈન બેટિંગ રેકેટમાં મોટા ખુલાસા થાય તેવી શક્યતા છે. આ રેકેટના છેડા અન્ય ઘણા શહેરોમાં હોય તેવી શંકા પોલીસને છે. આ પણ વાંચો - Surat માં સ્કૂલ ફંક્શન બન્યું અખાડો, પાલ વિસ્તારમાં એન્યુઅલ ફંક્શન દરમિયાન મિસ-મેનેજમેન્ટને લઈ ભારે મારામારી

Read Full Story arrow_forward

calendar_today January 24, 2026

Gandhinagar News : ઉત્તર પ્રદેશ, મણિપુર, મેઘાલય, ત્રિપુરા અને અસમ રાજ્યના સ્થાપના દિવસની ગુજરાત લોકભવન ખાતે ભવ્ય ઉજવણી

રાજ્યપાલ આચાર્ય દેવવ્રતજીના અધ્યક્ષસ્થાને આજે લોકભવન, ગાંધીનગર ખાતે ઉત્તરપ્રદેશ, મણિપુર, મેઘાલય, ત્રિપુરા અને અસમ રાજ્યના સ્થાપના દિવસની ઉજવણી કરવામાં આવી હતી. આ પ્રસંગે રાજયપાલે વિવિધ રાજ્યોના સ્થાપના દિવસની શુભકામનાઓ પાઠવી હતી. ભારત હંમેશા સમગ્ર વિશ્વના કલ્યાણની પ્રાર્થના કરનારો દેશ રહ્યો છે રાજ્યપાલે આ તકે પ્રસ્તુત થયેલા વિવિધ સાંસ્કૃતિક કાર્યક્રમોની પ્રશંસા કરતા કહ્યું કે, ગુજરાતમાં રહીને અભ્યાસ કરતા વિદ્યાર્થીઓ અને અહીં વસતા નાગરિકોએ જે કલાનું પ્રદર્શન કર્યું છે તે ભારતની એકતાનું શ્રેષ્ઠ ઉદાહરણ છે. તેમણે ભારતીય સંસ્કૃતિના પાયાના મૂલ્યો 'વસુધૈવ કુટુંબકમ' અને 'સર્વે ભવન્તુ સુખિનઃ'નો ઉલ્લેખ કરતા જણાવ્યું કે, ભારત હંમેશા સમગ્ર વિશ્વના કલ્યાણની પ્રાર્થના કરનારો દેશ રહ્યો છે. રાજ્યપાલે ઉમેર્યું કે, આ કાર્યક્રમ માત્ર એક સાંસ્કૃતિક ઉજવણી જ નહીં પરંતુ એક શક્તિશાળી સંદેશ પણ છે કે એકતા એ રાષ્ટ્રની સૌથી મોટી શક્તિ છે. 'વિકસિત ભારત'ના સંકલ્પને સાકાર કરવા માટે સૌને સહયોગી થવા આહવાન કર્યું રાજ્યપાલે કહ્યું કે, છેલ્લા ૧૧ વર્ષમાં ભારતે માળખાગત સુવિધાઓમાં ક્રાંતિ કરી છે. વંદે ભારત જેવી આધુનિક ટ્રેનો અને રેલ્વે સ્ટેશનોનું નવીનીકરણ ભારતની નવી ઓળખ બની છે. તેમણે ઉમેર્યું કે છેલ્લા ૮ વર્ષમાં ૨૫ કરોડ લોકો ગરીબી રેખામાંથી બહાર આવ્યા છે, જે ભારતના આર્થિક ઉત્થાનનો પુરાવો છે. રાજ્યપાલે સૌને આહવાન કર્યું કે, આપણે રાષ્ટ્ર નિર્મિત વસ્તુઓનો ઉપયોગ કરીએ અને ભારતના કૌશલ્યને વિશ્વ સમક્ષ લાવીએ. તેમણે 'આત્મનિર્ભર ભારત' અને 'વિકસિત ભારત'ના સંકલ્પને સાકાર કરવા માટે સૌને સહયોગી થવા આહવાન કર્યું હતું. ગુજરાતને પોતાનું ઘર બનાવીને રહેતા વિભિન્ન રાજ્યોના નાગરિકો ઉપસ્થિત રહ્યા હતા આ પ્રસંગે ઉત્તરપ્રદેશના શહેરી વિકાસ અને ઉર્જા મંત્રી એ. કે. શર્માએ તેમના સંબોધનમાં ગુજરાત અને ઉત્તર પ્રદેશ વચ્ચેના વિકાસના સંબંધો અને પ્રધાનશ્રીમંત્રીના વિઝન વિશે વાત કરી હતી. કાર્યક્રમની શરૂઆતમાં સૌએ અસમ અને મણિપુર રાજ્યના રાજયપાલશ્રીઓના વીડિયો સંદેશ નિહાળ્યા હતા. વિભિન્ન રાજ્યોના સંગઠનોના પ્રતિનિધિઓએ રાજયપાલનું સન્માન કર્યું હતું. "એક ભારત શ્રેષ્ઠ ભારત" ની ભાવનાને મૂર્તિમંત કરતી કૃતિઓના મનમોહક પ્રદર્શન રજૂ કરવામાં આવતા હતા. આ કાર્યક્રમમાં બાપુનગરના ધારાસભ્ય દીનેશસિંહ કુશવાહા, લોકભવનના અગ્ર સચિવ અશોક શર્મા, વડોદરાના અધિક મુખ્ય ન્યાયિક મેજિસ્ટ્રેટ ધીરેન્દ્રસિંહ રાજપૂત, ગુજરાત હાઈકોર્ટના નિવૃત ન્યાયાધીશ રવિ ત્રિપાઠી, વિવિધ રાજ્યોના અગ્રણીઓ, વરિષ્ઠ અધિકારીઓ, સુરક્ષાદળો તેમજ ગુજરાતને પોતાનું ઘર બનાવીને રહેતા વિભિન્ન રાજ્યોના નાગરિકો ઉપસ્થિત રહ્યા હતા. આ પણ વાંચો : Botad News : પાટણ ખાતે યોજાયેલ રાજ્ય કક્ષાની કુસ્તી સ્પર્ધામાં આદર્શ શૈક્ષણિક સંકુલ, બોટાદની DLSS ખેલાડીઓનું પ્રભાવશાળી પ્રદર્શન 

Read Full Story arrow_forward

calendar_today January 24, 2026

Ahmedabad : વસ્ત્રાપુર NRI ટાવર ફાયરિંગ કેસમાં મોટો ખુલાસો, યશ ગોહિલ સામે પત્નીની હત્યાની ફરિયાદ, મારી નાખવાના ઇરાદે ગોળી માર્યાનો ફરિયાદમાં ઉલ્લેખ

અમદાવાદના વસ્ત્રાપુર વિસ્તારમાં આવેલા NRI ટાવરમાં થયેલા ફાયરિંગ અને મોતના મામલે હવે મહત્વપૂર્ણ ખુલાસો થયો છે. વસ્ત્રાપુર પોલીસ મથકમાં એ ડિવિઝન ACP જયેશ ડી. બ્રહ્મભટ્ટ ફરિયાદી બન્યા છે અને યશ ગોહિલ એટલે કે યશકુમાર સિંહ સામે પત્નીની હત્યાનો ગુનો નોંધાયો છે. યશ ગોહિલે પત્નીને મારી નાખવાના ઇરાદે રિવોલ્વરથી માથામાં ગોળી મારી ફરિયાદ મુજબ, યશ ગોહિલે પોતાની પત્ની રાજેશ્વરી ગોહિલને મારી નાખવાના ઇરાદે રિવોલ્વરથી માથામાં ગોળી મારી હતી, જેના કારણે તેનું સ્થળ પર જ મોત થયું હતું.  મોત માથામાં વાગેલી ગોળીથી થયું PM રિપોર્ટમાં સ્પષ્ટ થયું છે કે રાજેશ્વરીનું મોત માથામાં વાગેલી ગોળીથી થયું છે. રિવોલ્વર દ્વારા આકસ્મિક રીતે ફાયર થવાની કોઈ શક્યતા નથી પોલીસે શરૂઆતમાં અકસ્માતે મોતનો ગુનો નોંધ્યો હતો, પરંતુ ફોરેન્સિક, PM અને પ્રાથમિક તપાસ બાદ સ્પષ્ટ થયું કે રિવોલ્વર દ્વારા આકસ્મિક રીતે ફાયર થવાની કોઈ શક્યતા નથી. અકસ્માતે ગોળી છૂટવાની વાત અશક્ય  પોલીસ તપાસમાં અકસ્માતે ગોળી છૂટવાની વાત અશક્ય હોવાનું સામે આવ્યું છે. રિવોલ્વરમાં માત્ર બે જ કારતૂસ મળ્યા  યશ ગોહિલે પત્નીની હત્યા કર્યા બાદ પોતે પણ માથામાં ગોળી મારી આત્મહત્યા કરી હતી. ઘટના સ્થળેથી મળેલા રિવોલ્વરમાં માત્ર બે જ કારતૂસ મળ્યા છે અને તે બંનેનો ઉપયોગ થયો હોવાનું સામે આવ્યું છે. FSL તથા ફિંગરપ્રિન્ટ તપાસ શરુ આ સમગ્ર કેસની તપાસ એ ડિવિઝન ACP જે.ડી. બ્રહ્મભટ્ટ દ્વારા કરવામાં આવી રહી છે. ઘટના બાદ પોલીસે રિવોલ્વર કબજે લઈ FSL તથા ફિંગરપ્રિન્ટ તપાસ માટે મોકલી આપી છે. વસ્ત્રાપુર NRI ટાવરની આ ઘટનાએ શહેરમાં ભારે ચકચાર જગાવી છે. આ પણ વાંચો-----    Vadodara : અકોટા બ્રિજ પાસે બાઈક અકસ્માતમાં યુવકના થયેલા મોતમાં ચોંકાવનારો ઘટસ્ફોટ, યુવકે તેના મોંઢા પર પ્લાસ્ટિકની કોથળી કેમ બાંધી ?

Read Full Story arrow_forward