Sayla: હાઈવે પર ખનીજ ભરેલા ડમ્પરમાં ઓચિંતી આગ ફટી નીકળતા સ્વાહા
સાયલા લીંબડી હાઈવે પર બ્લેક્ટ્રેપ ખનીજ ભરીને જતા ડમ્પરમાં ઓચિંતી આગ ફટી નીકળી હતી. થોડીવારમાં આગે વિકરાળ સ્વરૂપ ધારણ કરી લેતા ડમ્પર સળગી ઊઠયું હતું. આગ સમયે ચાલકે રોડની નીચેની તરફ્ ડમ્પર ઉતારી લેતા અન્ય કોઈ દુર્ઘટના ટળી હતી તેમજ ચાલક પણ વાહનમાંથી બહાર નીકળી જતા તેનો આબાદ બચાવ થયો હતો. આગના સમાચાર મળતા સાયલા પોલીસની ટીમ દ્વારા ઘટના સ્થળે પહોંચી તુરંત સુરેન્દ્રનગર ફાયરબ્રિગેડને જાણ કરી હતી. પરંતુ તેને પહોંચવામાં મોડું થતાં ડમ્પર આગમાં સ્વાહા થઈ ગયું હતું. ડમ્પરમાં અચાનક આગળના ભાગે લાગેલી આગમાં શોર્ટ સર્કીટ ને કારણે બનાવ બન્યો હોવાનું જાણવા મળી રહ્યું છે. ત્યારે સાયલા તાલુકામાં ફાયર ફાઇટરની સુવિધા નહીં હોવાથી આકસ્મિક આગના બનાવોમાં જાહેર, ખાનગી માલ મિલ્કતને મોટું નુકશાન થઈ રહ્યું છે તે માટે સરકાર યોગ્ય વ્યવસ્થા ઉભી કરે તે પણ જરૂરી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
