Community News & Updates

Stay informed with the latest happenings, achievements, and announcements from our community.

All News

calendar_today January 19, 2026

Vadodara News: મારામારીનો કેસમાં 3 ડિલિવરી બોયની ધરપકડ

સંસ્કારી નગરી વડોદરામાં ઓનલાઇન ડિલિવરી કંપનીના કર્મચારીઓ વચ્ચે થયેલી હિંસક મારામારીનો કિસ્સો સામે આવ્યો છે. ઓર્ડર મેળવવાની લ્હાયમાં અને આંતરિક બોલાચાલીમાં વાત એટલી વણસી ગઈ હતી કે રસ્તા પર જ યુદ્ધ જેવો માહોલ સર્જાયો હતો. આ ઘટનાનો વીડિયો સોશિયલ મીડિયામાં વાયરલ થતાં હરકતમાં આવેલી પોલીસે ત્રણેય ડિલિવરી બોયઝની ધરપકડ કરી લીધી છે.શું હતો સમગ્ર મામલો? વડોદરા શહેરમાં ઓનલાઇન ઓર્ડર ડિલિવરી કરવા બાબતે કર્મચારીઓ વચ્ચે ઉગ્ર બોલાચાલી થઈ હતી. સામાન્ય બોલાચાલીમાં વાત કાબૂ બહાર જતાં ડિલિવરી બોયઝ વચ્ચે છૂટાહાથની મારામારી શરૂ થઈ હતી. આ દ્રશ્યો આસપાસના લોકોએ કેમેરામાં કેદ કર્યા હતા અને થોડી જ વારમાં આ વીડિયો વાયરલ થયો હતો. વીડિયોમાં કર્મચારીઓ એકબીજા પર તૂટી પડતા જોઈ શકાયા હતા, જેનાથી જાહેર માર્ગ પર લોકોમાં કુતૂહલ અને ભય ફેલાયો હતો. પોલીસે ત્રણની ધરપકડ કરી વાયરલ વીડિયોના આધારે પોલીસે તાત્કાલિક કાર્યવાહી હાથ ધરી હતી અને મારામારીમાં સામેલ ત્રણ મુખ્ય શખ્સોની ધરપકડ કરી છે. પકડાયેલા આરોપીઓના નામ હિતેશ ગાંધી, પ્રફુલ પટેલ અને મોહંમદ મલિકનો સમાવેશ થાય છે. ઓર્ડરની માથાકૂટ પડી મોંઘી પ્રાથમિક તપાસમાં ખુલાસો થયો છે કે, વધુ ઓર્ડર લેવા અથવા ડિલિવરીના શિડ્યુલ બાબતે આ કર્મચારીઓ વચ્ચે જૂની કોઈ અદાવત અથવા તાત્કાલિક ઉશ્કેરણી થઈ હતી. ડિલિવરી કંપનીઓમાં વધતા સ્પર્ધાત્મક દબાણ વચ્ચે કર્મચારીઓ હવે રસ્તા પર પણ બાખડી રહ્યા હોવાનું આ ઘટના પરથી સાબિત થાય છે. હાલ પોલીસે ત્રણેય વિરુદ્ધ ગુનો નોંધી જેલના સળિયા પાછળ ધકેલી દીધા છે. આ પણ વાંચો - Vadodara : MS યુનિવર્સિટીની રિયા સિંઘે અશ્લીલતા ફેલાવનારને ભણાવ્યો પાઠ

Read Full Story arrow_forward

calendar_today January 19, 2026

India Tariff on America: ભારતે 30 ટકા ટેરિફ લાદતા અમેરિકાની ઊંઘ ઉડી, અમેરિકી સીનેટરે વિદેશ મંત્રી સાથે કરી મુલાકાત

ભારત વિશ્વનો સૌથી મોટો કઠોળનો ગ્રાહક દેશ છે જે વૈશ્વિક વપરાશના આશરે 27% હિસ્સો ધરાવે છે. ભારત યુનાઇટેડ સ્ટેટ્સથી લઈને રશિયા, ઓસ્ટ્રેલિયા અને મ્યાનમાર જેવા દેશોમાંથી પણ કઠોળ પાકની મોટા પાયે આયાત કરે છે. પોતાની જરૂરિયાતો પૂરી કરવા માટે, ભારત આ દેશોમાંથી વટાણા, મગ, તુવેર અને મસૂરની આયાત કરે છે. તાજેતરના યુએસ ટેરિફના જવાબમાં, ભારતે યુએસ કઠોળ પર 30% ટેરિફ લાદ્યો. ભારતના નિર્ણયથી યુએસને ફટકો ભારત કૃષિ ઉત્પાદનો ખાસ કરીને કઠોળ માટે એક મુખ્ય બજાર હોવાથી ભારતના આ પગલાને યુએસ દ્વારા સારી રીતે આવકારવામાં આવ્યો ન હતો. મોન્ટાનાના રિપબ્લિકન સેનેટર સ્ટીવ ડેઇન્સ અને નોર્થ ડાકોટાના કેવિન ક્રેમરે રાષ્ટ્રપતિ ડોનાલ્ડ ટ્રમ્પને પત્ર લખીને રાષ્ટ્રપતિ ટ્રમ્પને વડા પ્રધાન નરેન્દ્ર મોદી સાથે કઠોળ પરના ટેરિફ અંગે ચર્ચા કરવા અને આ ટેરિફને ઘટાડવા વિનંતી કરી હતી. વળી આ સંદર્ભમાં યુએસ સેનેટર સ્ટીવ ડેઇન્સે રવિવારે નવી દિલ્હીમાં વિદેશ પ્રધાન એસ. જયશંકર સાથે મુલાકાત કરી હતી. બંનેએ ભારત-અમેરિકા દ્વિપક્ષીય સંબંધો અને તેમના વ્યૂહાત્મક મહત્વની ચર્ચા કરી. ભારતના ટેરિફ અમેરિકાને નુકસાન પહોંચાડે16 જાન્યુઆરીના પત્રમાં બે રિપબ્લિકન સેનેટરોએ રાષ્ટ્રપતિ ટ્રમ્પને જાણ કરી હતી કે મોન્ટાના અને નોર્થ ડાકોટા અમેરિકામાં ટોચના કઠોળ ઉત્પાદકો છે. તેથી ભારતના આ ટેરિફ તેમના ખેડૂતોને નુકસાન પહોંચાડી રહ્યા છે. ભારતે 1 નવેમ્બરના રોજ યુએસ પીળા વટાણા પર 30% ટેરિફ લાદ્યો હતો. પરિણામે યુએસ કઠોળ ઉત્પાદકો ભારતમાં તેમના ઉચ્ચ-ગુણવત્તાવાળા ઉત્પાદનો નિકાસ કરતી વખતે નોંધપાત્ર સ્પર્ધાત્મક ગેરલાભનો સામનો કરી રહ્યા છે. તેમણે ટ્રમ્પ વહીવટીતંત્રને ભારત સાથેના વેપાર સોદાની વાટાઘાટો દરમિયાન આ મુદ્દો ઉઠાવવા વિનંતી કરી.વધુ વાંચો- Stock Market Opening: અમેરિકી ટેરિફથી ભારતીય શેરબજારમાં ટેન્શન, સેન્સેક્સ 458 પોઇન્ટ તૂટ્યો

Read Full Story arrow_forward

calendar_today January 19, 2026

Republic day 2026: ગણતંત્ર દિવસ પહેલા દિલ્હીમાં એલર્ટ, વોન્ટેડ આતંકીઓના પોસ્ટર લગાવાયા

ભારત આ વર્ષે તેનો 77મો પ્રજાસત્તાક દિવસ ઉજવી રહ્યું છે.આ પ્રસંગે આતંકવાદી હુમલાની ગુપ્ત માહિતી મળ્યા બાદ સુરક્ષા એજન્સીઓને હાઇ એલર્ટ પર રાખવામાં આવી છે. આ પછી દિલ્હી પોલીસે રાજધાનીના રેલ્વે સ્ટેશનો, જાહેર સ્થળો અને ભીડભાડવાળા વિસ્તારોમાં મોસ્ટ-વોન્ટેડ આતંકવાદીઓના પોસ્ટર લગાવ્યા છે. દિલ્હી પોલીસે રવિવારે મોડી રાત્રે આતંકવાદીઓના પોસ્ટર લગાવ્યા હતા. જૈશ-એ-મોહમ્મદ સહિત અનેક સંગઠનોના આતંકવાદીઓના પોસ્ટર દિલ્હી પોલીસે આતંકવાદી સંગઠન જૈશ-એ-મોહમ્મદ અને અલ-કાયદાના મોસ્ટ-વોન્ટેડ આતંકવાદીઓ તેમજ રાજધાનીમાં અન્ય અનેક પ્રતિબંધિત સંગઠનોના સભ્યોના પોસ્ટર લગાવ્યા છે. તેમાં અર્શદીપ સિંહ ઉર્ફે અર્શ દલ્લાનો પણ સમાવેશ થાય છે. દિલ્હી પોલીસે રવિવારે રાત્રે શહેરના અનેક મુખ્ય રેલ્વે સ્ટેશનો પર આતંકવાદીઓના પોસ્ટર લગાવ્યા હતા જેમાં નવી દિલ્હી રેલ્વે સ્ટેશન, જૂની દિલ્હી રેલ્વે સ્ટેશન, નિઝામુદ્દીન રેલ્વે સ્ટેશન, આનંદ વિહાર અને સરાય રોહિલ્લાનો સમાવેશ થાય છે. ભીડભાડવાળા બજારોમાં સતર્કતા વધારી દિલ્હી પોલીસે રાજધાનીના સરોજિની નગર, કરોલ બાગ, લાજપત નગર, પહાડગંજ, સદર બજાર અને ચાંદની ચોક જેવા ગીચ બજારોમાં મોસ્ટ વોન્ટેડ આતંકવાદીઓના પોસ્ટર પણ લગાવ્યા છે. આ પોસ્ટરોનો હેતુ એ સુનિશ્ચિત કરવાનો છે કે આ વિસ્તારોની મુલાકાત દરરોજ લાખો મુસાફરો અને ખરીદદારો લે છે. જો કોઈ આ આતંકવાદીઓને ઓળખે છે અથવા તેમની પ્રવૃત્તિઓ વિશે માહિતી છે તો તે પોલીસને જાણ કરી શકે છે. તેથી પોલીસે જાહેર જનતાને કોઈપણ શંકાસ્પદ પ્રવૃત્તિની તાત્કાલિક નજીકના પોલીસ સ્ટેશનમાં જાણ કરવા અથવા ઇમરજન્સી નંબર 112 પર કૉલ કરવા અપીલ કરી છે. એજન્સીઓ સતર્ક પ્રજાસત્તાક દિવસ પહેલા દિલ્હીમાં સુરક્ષા વ્યવસ્થા કડક કરવામાં આવી છે. ગુપ્તચર માહિતીના આધારે, દિલ્હી પોલીસ અને સુરક્ષા એજન્સીઓ સંપૂર્ણ સતર્ક છે. પરિણામે, રાજધાનીના મુખ્ય રેલ્વે સ્ટેશનો, બસ ટર્મિનલ, મેટ્રો સ્ટેશનો અને ભીડભાડવાળા બજારોમાં વોન્ટેડ આતંકવાદીઓના પોસ્ટરો લગાવવામાં આવ્યા છે.વધુ વાંચો- Stock Market Opening: અમેરિકી ટેરિફથી ભારતીય શેરબજારમાં ટેન્શન, સેન્સેક્સ 458 પોઇન્ટ તૂટ્યો

Read Full Story arrow_forward