Community News & Updates

Stay informed with the latest happenings, achievements, and announcements from our community.

All News

calendar_today January 17, 2026

Suratમાં આવાસ યોજનાના નામે લાખોની ઠગાઈ, ઇકો સેલે મુખ્ય આરોપી મયંક મિશ્રાને દિલ્હીથી ઝડપી લીધો

સુરત મહાનગરપાલિકાના નામે અને સરકારી આવાસ યોજનાઓમાં વગર ડ્રો એ ફ્લેટ તેમજ દુકાનો અપાવવાની લાલચ આપી લાખો રૂપિયાની છેતરપિંડી કરનાર મુખ્ય આરોપી મયંક મિશ્રાને સુરત ઇકો સેલે દિલ્હીથી ઝડપી પાડ્યો છે. આરોપીએ પોતાની ઓળખ મનપાના ઉચ્ચ અધિકારી તરીકે આપી કુલ 49 જેટલા નિર્દોષ લોકો સાથે આશરે ₹60.21 લાખની છેતરપિંડી આચરી હતી.ફ્લેટ અને દુકાનો અપાવવાના બહાને ઠગાઇ કરી મયંક મિશ્રાએ લોકોને વિશ્વાસમાં લેવા માટે પોતે સુરત મનપામાં સરકારી નોકરી કરતો હોવાની ખોટી ઓળખ આપી હતી. તેણે પ્રધાનમંત્રી આવાસ યોજના અને મુખ્યમંત્રી આવાસ યોજનામાં ડ્રો વગર જ મકાન અપાવવાની ખાતરી આપી લોકો પાસેથી લાખો રૂપિયા પડાવ્યા હતા. લોકોનો ભરોસો જીતવા માટે આરોપીએ SBI બેંકના બોગસ ડિમાન્ડ ડ્રાફ્ટ (DD) અને સિક્યુરિટી ચેક પણ આપ્યા હતા, જે પાછળથી નકલી હોવાનું બહાર આવ્યું હતું. કોર્ટે આરોપીની 5 દિવસના રિમાન્ડ કર્યા મંજૂર આરોપી મયંક મિશ્રા વિરુદ્ધ અગાઉ પાંડેસરા પોલીસ સ્ટેશનમાં બનાવટી આધારકાર્ડ અને પાનકાર્ડ જેવા બોગસ દસ્તાવેજો બનાવવાના ગુના પણ નોંધાયેલા છે. ઇકો સેલે આરોપીને દિલ્હીથી પકડી પાડી સુરતની નામદાર કોર્ટમાં રજૂ કર્યો હતો, જ્યાં કોર્ટે તેના 5 દિવસના રિમાન્ડ મંજૂર કર્યા છે. પોલીસ હવે એ તપાસ કરી રહી છે કે આ કૌભાંડમાં અન્ય કોઈ મોટા માથાઓ સામેલ છે કે કેમ અને મેળવેલી રકમ ક્યાં છુપાવી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 17, 2026

Junagadh: ગોપાલ ઇટાલિયા પર જૂતું ફેંકવાના કેસમાં મોટો ઘટસ્ફોટ, સબીર મીરે 'આપ' નેતા પિયુષ પરમાર પર લગાવ્યા ગંભીર આક્ષેપ

જૂનાગઢમાં આમ આદમી પાર્ટીના પ્રદેશ નેતા ગોપાલ ઇટાલિયા પર જૂતું ફેંકવાની ઘટના હવે આંતરિક જૂથવાદ અને રાજકીય ષડયંત્ર તરફ વળી રહી હોય તેવું જણાય છે. આ ઘટનામાં સંડોવાયેલા યુવક સબીર મીરે પોલીસ સમક્ષ નવું નિવેદન આપીને સનસનાટી મચાવી દીધી છે. તેણે દાવો કર્યો છે કે તેણે આ કૃત્ય પોતાની મરજીથી નહીં, પરંતુ 'આપ'ના જ એક સ્થાનિક નેતાના કહેવાથી કર્યું હતું.કોના ઈશારે ફેંકાયું જૂતું?જૂતું ફેંકનાર યુવક સબીર મીરે મીડિયા અને પોલીસ સમક્ષ જણાવ્યું છે કે, આમ આદમી પાર્ટીના નેતા પિયુષ પરમારના કહેવાથી જ તેણે ગોપાલ ઇટાલિયા પર જૂતું ફેંક્યું હતું. સબીરના આ નિવેદને આમ આદમી પાર્ટીના આંતરિક રાજકારણમાં ચાલી રહેલા મોટા જૂથવાદને સપાટી પર લાવી દીધો છે. અગાઉ સબીરે અલગ નિવેદન આપ્યું હતું, પરંતુ હવે વારંવાર બદલાતા તેના નિવેદનોથી પોલીસ પણ અવઢવમાં મુકાઈ છે.રાજકીય ખળભળાટ અને આક્ષેપ-પ્રતિઆક્ષેપઆ ઘટસ્ફોટ બાદ રાજકીય માહોલ ગરમાયો છે. ભાજપ અને કોંગ્રેસ જેવા વિરોધી પક્ષોએ આમ આદમી પાર્ટી પર પ્રહારો શરૂ કર્યા છે. વિરોધ પક્ષોનું કહેવું છે કે પબ્લિસિટી મેળવવા માટે 'આપ' પોતે જ પોતાના નેતાઓ પર હુમલા કરાવે છે. આ ગંભીર આક્ષેપો અંગે આમ આદમી પાર્ટી દ્વારા હજુ સુધી કોઈ સત્તાવાર પ્રતિક્રિયા આપવામાં આવી નથી. પાર્ટીના નેતાઓ હાલ આ મામલે મૌન સેવી રહ્યા છે.પોલીસ તપાસ તેજજૂનાગઢ પોલીસ હવે સબીર મીરના આ નવા નિવેદનની સત્યતાની તપાસ કરી રહી છે.શું ખરેખર પિયુષ પરમાર અને સબીર મીર વચ્ચે કોઈ સંપર્ક હતો? શું આ કોઈ પૂર્વનિયોજિત ષડયંત્ર હતું?સીસીટીવી ફૂટેજ અને કોલ ડિટેલ્સના આધારે તપાસને આગળ ધપાવવામાં આવી રહી છે.આ પણ વાંચો: જમવા જેવી નજીવી બાબતે ઉશ્કેરાયેલા પતિએ પત્નીની કુહાડીના ઘા ઝીંકી કરી કરપીણ હત્યા

Read Full Story arrow_forward

calendar_today January 17, 2026

Gandhinagar: ગુજરાતના સિનિયર IAS અનુપમ આનંદની કેન્દ્રમાં બદલી, અમદાવાદ ખાતે 'IN-SPACE' ના સંયુક્ત સચિવ તરીકે નિમણૂક

ગુજરાત કેડરના વર્ષ 2000ની બેચના સિનિયર IAS અધિકારી અનુપમ આનંદની કેન્દ્ર સરકારમાં ડેપ્યુટેશન પર નિમણૂક કરવામાં આવી છે. રાજ્ય સરકારના સામાન્ય વહીવટ વિભાગ દ્વારા બહાર પાડવામાં આવેલા સત્તાવાર આદેશ અનુસાર, તેમની સેવાઓ હવે ભારત સરકારના અવકાશ વિભાગ (Department of Space) હસ્તક સોંપવામાં આવી છે.મહત્વની નિમણૂક અને કાર્યકાળIAS અનુપમ આનંદની નિમણૂક અમદાવાદ સ્થિત IN-SPACE (ઈન્ડિયન નેશનલ સ્પેસ પ્રમોશન એન્ડ ઓથોરાઈઝેશન સેન્ટર) માં સંયુક્ત સચિવ (Joint Secretary) તરીકે કરવામાં આવી છે.  આ નિમણૂક પદ સંભાળ્યાની તારીખથી પાંચ વર્ષના કાર્યકાળ માટે અથવા આગામી આદેશો સુધી કરવામાં આવી છે.આ નિમણૂક ગુજરાતના રાજ્યપાલના હુકમથી સામાન્ય વહીવટ વિભાગના અધિક મુખ્ય સચિવ ડૉ. અંજુ શર્મા દ્વારા જાહેર કરવામાં આવી છે.વહીવટી પ્રક્રિયા અને જાણકારીઆ બદલીના આદેશની નકલ ભારત સરકારના કર્મચારી મંત્રાલય (નવી દિલ્હી), મુખ્યમંત્રી કાર્યાલય (CMO), અને રાજ્યપાલ સચિવાલય સહિતના વિવિધ વિભાગોને જાણ અને જરૂરી કાર્યવાહી માટે મોકલી આપવામાં આવી છે.IN-SPACE શું છે?IN-SPACE એ ભારત સરકારના અવકાશ વિભાગ હેઠળની એક સ્વાયત્ત સંસ્થા છે, જેનું મુખ્ય મથક અમદાવાદના બોપલ વિસ્તારમાં આવેલું છે. આ સંસ્થા ખાનગી ક્ષેત્રની કંપનીઓને અંતરિક્ષ ગતિવિધિઓમાં સહભાગી થવા માટે પ્રોત્સાહન અને પરવાનગી આપવાનું કાર્ય કરે છે. અનુપમ આનંદ જેવા અનુભવી અધિકારીની અહીં નિમણૂકથી અંતરિક્ષ ક્ષેત્રે વહીવટી કામગીરીને વધુ વેગ મળશે તેમ માનવામાં આવે છે.આ પણ વાંચો: ગોપાલ ઇટાલિયા પર જૂતું ફેંકવાના કેસમાં મોટો ઘટસ્ફોટ, સબીર મીરે 'આપ' નેતા પિયુષ પરમાર પર લગાવ્યા ગંભીર આક્ષેપ

Read Full Story arrow_forward