Community News & Updates

Stay informed with the latest happenings, achievements, and announcements from our community.

All News

calendar_today January 17, 2026

Vande bharat Sleeper: ઓટોમેટિક દરવાજા, લક્ઝરી કોચ..જાણો વંદે ભારત સ્લીપરની શું છે વિશેષતા

17 જાન્યુઆરી, 2026 ભારતીય રેલ્વેના ઇતિહાસમાં એક સુવર્ણ પ્રકરણ છે. PM નરેન્દ્ર મોદી પશ્ચિમ બંગાળના માલદા ટાઉન રેલ્વે સ્ટેશનથી દેશની પ્રથમ વંદે ભારત સ્લીપર ટ્રેનને લીલી ઝંડી આપશે. વંદે ભારત સ્લીપર ટ્રેન સંપૂર્ણપણે વાતાનુકૂલિત છે અને લાંબા અંતરની રાત્રિ મુસાફરીને અત્યંત આરામદાયક અને સલામત બનાવશે. તે હાવડા (કોલકાતા) અને કામાખ્યા (ગુવાહાટી) વચ્ચે દોડશે. કેવી છે વંદેભારત સ્લીપર ટ્રેન? વંદે ભારત સ્લીપર એક સેમી-હાઈ-સ્પીડ ટ્રેન છે જેમાં કુલ 16 કોચ છે 11 થર્ડ એસી, 4 સેકન્ડ એસી અને 1 ફર્સ્ટ એસી કોચ છે. થર્ડ એસીમાં 611 બર્થ, 188 સેકન્ડ એસી અને 24 ફર્સ્ટ એસી બર્થ છે. આ ટ્રેનમાં કુલ 823 મુસાફરોને સમાવી શકાશે. વંદે ભારત સ્લીપરની મહત્તમ ગતિ 180 કિલોમીટર પ્રતિ કલાક છે. તે પશ્ચિમ બંગાળના હાવડા અને ગુવાહાટી (કામખ્યા) વચ્ચેનું 958 કિમીનું અંતર માત્ર 14 કલાકમાં કાપશે. કેવા છે વંદેભારત સ્લીપરમાં શું છે ખાસ ? - ઉપરના બર્થ સુધી સરળતાથી પહોંચવા માટે નવી ડિઝાઇન કરેલી સીડી - સ્ટેશન પર ખુલતા અને બંધ થતા ઓટોમેટિક સ્લાઇડિંગ દરવાજા - કવચ એન્ટી-કોલિઝન સિસ્ટમ (ટ્રેન સલામતી માટે) - દરેક કોચમાં સીસીટીવી કેમેરા, ઇમરજન્સી ટોક-બેક સિસ્ટમ અને ફાયર ડિટેક્શન - આધુનિક બાયો-વેક્યુમ ટોઇલેટ અને ટચ-ફ્રી ફિટિંગ - પ્રાદેશિક ભોજન કેટરિંગ (જેમ કે બંગાળી અને આસામી વાનગીઓ) - જંતુનાશક ટેકનોલોજી કોચ સ્વચ્છ અને જંતુમુક્ત રહે તેની ખાતરી કરે છે વંદે ભારત સ્લીપર ટ્રેન ભાડું (હાવડાથી ગુવાહાટી) એસી થ્રી-ટાયર: આશરે ₹2,000 થી ₹2,300 (5% GST સાથે) એસી ટુ-ટાયર: લગભગ ₹2,500 થી ₹3,000 પ્રથમ એસી: ₹3,000 થી ₹3,600 ભાડા રાજધાની એક્સપ્રેસ કરતા થોડા મોંઘા છે પરંતુ મુસાફરી વધુ આરામદાયક અને ઝડપી હશે. ટ્રેન હાવડા અને કામાખ્યા વચ્ચે આ સ્ટેશનો પર રોકાશે. બંદેલ નવદ્વીપ ધામ કટવા અઝીમગંજ ન્યૂ ફરક્કા માલદા ટાઉન અલુઆબારી રોડ ન્યૂ જલપાઇગુડી (NJP) જલપાઇગુડી રોડ ન્યૂ કૂચ બિહાર ન્યૂ અલીપુરદ્વાર ન્યૂ બોંગાઇગાંવ રંગિયા ટ્રેનનું સમયપત્રક પ્રારંભિક અંદાજ મુજબ તે હાવડાથી સાંજે 6.20 વાગ્યે ઉપડશે અને બીજા દિવસે સવારે 6.20 વાગ્યે કામાખ્યા પહોંચશે. પરત ફરતી વખતે તે કામાખ્યાથી સાંજે 6.15 વાગ્યે ઉપડશે અને સવારે 8.15 વાગ્યે હાવડા પહોંચશે. રેલ્વે મંત્રી અશ્વિની વૈષ્ણવે જાહેરાત કરી છે કે 2026માં વધુ વંદે ભારત સ્લીપર ટ્રેનો શરૂ કરવામાં આવશે, જેનાથી લાંબા અંતરની મુસાફરી વધુ સરળ બનશે.

Read Full Story arrow_forward

calendar_today January 17, 2026

25 વર્ષ પછી, Mumbaiમાં નવો મેયર કોણ બનશે? જાણો તારીખ અને પ્રક્રિયા

મુંબઈના નગરની રાજકીય દ્રષ્ટિએ મહત્વપૂર્ણ ઘટના બની છે. 25 વર્ષ પછી, ઠાકરે પરિવારનું સત્તા પર રાજ સમાપ્ત થયું છે અને ભાજપે મહાયુતિ સાથે જોડાણ કરીને શહેરમાં ભવ્ય વિજય મેળવ્યો છે. હવે મુખ્ય પ્રશ્ન એ છે કે, મુંબઈને નવો મેયર ક્યારે મળશે અને તેની પસંદગી કેવી રીતે થશે. ભાજપ-મહાયુતિ ગઠબંધને નોંધપાત્ર સફળતા BMCની છેલ્લી ચૂંટણીમાં ભાજપ-મહાયુતિ ગઠબંધને નોંધપાત્ર સફળતા મળી છે. પરિણામ મુજબ, ભાજપે 88 બેઠકો જીતી હતી, શિવસેનાએ 28, ઠાકરે બંધુઓ 73, કોંગ્રેસ 24 અને અન્ય/અપક્ષ 10 બેઠક મેળવી હતી. આ પરિણામો દર્શાવે છે કે મહાયુતિ સાથે જોડાયેલા હિન્દુ મરાઠી ઉમેદવાર હવે નગરમાં મેયર તરીકે સેવા આપશે. મુંબઈને નવો મેયર ક્યારે મળશે? સૂત્રો અનુસાર, નવા મેયરની પસંદગી માટે લગભગ એક અઠવાડિયાનો સમય લાગશે. મુખ્યમંત્રી ફડણવીસ હાલમાં દાવોસ ઇન્વેસ્ટમેન્ટ સમિટ માટે જઇ રહ્યા છે અને 25 જાન્યુઆરીએ પાછા ફરશે. તેથી અપેક્ષા છે કે મેયરની ચૂંટણી 26 જાન્યુઆરી પછી યોજાશે. મેયર કેવી રીતે પસંદ થાય છે? મુંબઈના મેયર સીધા નાગરિકો દ્વારા નહીં, પરંતુ BMCના ચૂંટાયેલા કોર્પોરેટરો દ્વારા પસંદ થાય છે. બહુમતી ધરાવતા પક્ષ પોતાનો ઉમેદવાર મેયર તરીકે પસંદ કરે છે. ચૂંટણી પ્રક્રિયા BMC કમિશનર દ્વારા ઘોષિત થાય છે, ત્યારબાદ મેયર માટે ડ્રો યોજાય છે અને ત્યારબાદ મેયર અને ડેપ્યુટી મેયરની ચૂંટણી થાય છે. મેયરના કાર્યકાળ 2.5 વર્ષનો હોય છે અને ત્યારબાદ શાસક પક્ષ ફરીથી પોતાના ઉમેદવારને મેયર માટે પસંદ કરે છે. મેયરની જવાબદારીઓ શું છે? મુંબઈનો મેયર શહેરનો પ્રથમ નાગરિક ગણાય છે અને BMCના જનરલ બોડીના પ્રમુખ તરીકે કાર્ય કરે છે. મેયરની મુખ્ય જવાબદારી BMCની માસિક અને ખાસ બેઠકોનું આયોજન અને અધ્યક્ષપદ સંભાળવાની છે. તેઓ નાગરિક મુદ્દાઓ પર ચર્ચાઓને સુનિયોજિત કરે છે, દરખાસ્તો પર મતદાન કરે છે અને આ રીતે ગૃહની શિસ્ત અને લોકશાહી સુનિશ્ચિત કરે છે. મહારાષ્ટ્રની આ મહત્વપૂર્ણ ચૂંટણી પછી, નવો મેયર શહેરના વિકાસ અને નાગરિક સેવાઓ માટે મહત્વપૂર્ણ ભૂમિકા ભજવશે. BMCના નવા માળખા અને શાસક ગઠબંધન સાથે, મુંબઈમાં નવો દાયકાઓ સુધી ચાલનાર રાજકીય પરિવર્તન શરૂ થયું છે.આ પણ વાંચો : BMC Election 2026: માત્ર 7 મતનું અંતર! કોંગ્રેસે આ વોર્ડમાં BJPને પાછળ છોડ્યું

Read Full Story arrow_forward

calendar_today January 17, 2026

BMC Election Result: મુંબઇની ચૂંટણીમાં કેટલા મુસ્લિમ ઉમેદવારોને મળી જીત ?

બીએમસી સહિત મહારાષ્ટ્રની કોર્પોરેશનની ચૂંટણીમાં ભાજપ ગઠબંધનનો પરચમ લહેરાયો છે. આ વખતે ઠાકરે બંધુઓએ ઘણી જ ઓછી બેઠકો મેળવી. જો કે હા, AIMIMએ પણ સારી બેઠકો પર પ્રભૂત્વ જમાવ્યું છે. ત્યારે આવો જાણીએ બીએમસીની આ વખતની ચૂંટણીમાં કેટલા મુસ્લિમ ઉમેદવારો જીત્યા. કેટલા મુસ્લિમ ઉમેદવારો જીત્યા? મુંબઈમાં બૃહન્મુંબઈ મ્યુનિસિપલ કોર્પોરેશન (BMC) ની ચૂંટણીમાં આ વખતે ઘણા મુસ્લિમ ઉમેદવારો જીત્યા. પાંચ મુસ્લિમ ઉમેદવારો જીત્યા. વિજેતા ઉમેદવારોમાંથી ચાર અલગ અલગ રાજકીય પક્ષોના હતા, જ્યારે એક સ્વતંત્ર ઉમેદવાર હતો. આ ભારતની આર્થિક રાજધાનીમાં વિવિધ વોર્ડમાં ચૂંટણી પરિણામોની વિવિધતા દર્શાવે છે. અહીં વિજેતા જાહેર કરાયેલા ઉમેદવારોમાં ઇરમ સિદ્દીકીનો સમાવેશ થાય છે. ઇરમે સ્વતંત્ર ઉમેદવાર તરીકે ચૂંટણી લડી અને આ વખતે જીતી. સકીના શેખ શિવસેના (UBT) ની ટિકિટ પર જીત્યા. અશરફ આઝમી કોંગ્રેસનું પ્રતિનિધિત્વ કરીને જીત્યા. ચૂંટણી કોણ જીત્યું? ઓલ ઇન્ડિયા મજલિસ-એ-ઇત્તેહાદુલ મુસ્લિમીન (AIMIM) પણ વિજેતાઓમાં મુખ્ય ભૂમિકા ભજવી. પાર્ટીના સફળ ઉમેદવારોમાં ઇર્શાદ ખાન, મહજબીન અતિક અહેમદ અને ખૈરુનિશા હુસૈનનો સમાવેશ થાય છે. તેમની જીત મ્યુનિસિપલ બોડીમાં AIMIM માટે નોંધપાત્ર ફાયદો દર્શાવે છે. 29 મ્યુનિસિપલ કોર્પોરેશનની ચૂંટણીના પરિણામો દર્શાવે છે કે અસદુદ્દીન ઓવૈસીના નેતૃત્વ હેઠળની ઓલ ઈન્ડિયા મજલિસ-એ-ઇત્તેહાદુલ મુસ્લિમીન (AIMIM) રાજ્યના રાજકારણમાં મજબૂત દાવેદાર તરીકે ઉભરી આવી છે. પાર્ટીએ 121 બેઠકો જીતી, રાજ ઠાકરેના નેતૃત્વ હેઠળની મહારાષ્ટ્ર નવનિર્માણ સેના (MNS) અને સમાજવાદી પાર્ટીને પાછળ છોડી દીધી. તેણે મુંબઈમાં આઠ બેઠકો મેળવી અને સંભાજી નગર અને માલેગાંવમાં બીજા ક્રમની સૌથી મોટી પાર્ટી બની. AIMIM ક્યાં સારું પ્રદર્શન કર્યું? AIMIM એ છત્રપતિ સંભાજી નગરમાં તેનું અત્યાર સુધીનું શ્રેષ્ઠ પ્રદર્શન નોંધાવ્યુ. 113 બેઠકોમાંથી 33 બેઠકો જીતીને બીજા ક્રમની સૌથી મોટી પાર્ટી તરીકે ઉભરી આવી. ભાજપે 58 બેઠકો, શિવસેનાએ 12 અને શિવસેના (UBT) એ 6 બેઠકો જીતી. પાછલી ચૂંટણીઓમાં, AIMIM એ 25 બેઠકો જીતી હતી. 2019 માં તેણે એક લોકસભા બેઠક પણ જીતી. માલેગાંવમાં AIMIM બીજા સ્થાને રહ્યું બીજું એક શહેર જ્યાં પાર્ટી રાજકીય પ્રભુત્વ જમાવશે તેવી અપેક્ષા છે તે માલેગાંવ છે, જ્યાં તેણે 84 માંથી 20 બેઠકો જીતી હતી. AIMIM બીજા સ્થાને રહ્યું. તેની હાજરીને વધુ મજબૂત બનાવી. શિવસેનાએ 18 બેઠકો મેળવી. મુસ્લિમ બહુમતી ધરાવતા આ શહેરમાં ઇસ્લામ પાર્ટી 35 બેઠકો સાથે સૌથી મોટી પાર્ટી તરીકે ઉભરી આવી. સમાજવાદી પાર્ટી (SP) એ છ બેઠકો જીતી અને કોંગ્રેસને ફક્ત ત્રણ બેઠકો મળી. AIMIM એ નાંદેડમાં 14, અમરાવતીમાં 11 અને ધુળે મ્યુનિસિપલ કોર્પોરેશનમાં 10 બેઠકો જીતી. પાર્ટીએ સોલાપુર અને મુંબઈમાં આઠ-આઠ, નાગપુરમાં સાત, થાણેમાં પાંચ, અકોલામાં ત્રણ અને અહિલ્યાનગર અને જાલનામાં બે-બે બેઠકો જીતી. ચંદ્રપુરમાં એક બેઠક જીતીને તેણે પોતાનું ખાતું પણ ખોલ્યું.વધુ વાંચો- BMC Election Results: મારુ ઘર તોડનારાને જનતાને પાઠ ભણાવ્યો, ઉદ્ધવ ઠાકરેની હાર પર બોલી કંગના રનોત

Read Full Story arrow_forward