Community News & Updates

Stay informed with the latest happenings, achievements, and announcements from our community.

All News

calendar_today January 11, 2026

Banaskantha News: ડીસામાં રબારી સમાજની બેઠક મળી, આગામી 25 જાન્યુઆરીએ સમાજનું સંમેલન યોજાશે

તાજેતરમાં જ બનાસકાંઠામાં ઠાકોર સમાજની બેઠક યોજાઈ હતી. જેમાં સમાજનાં બંધારણનું વિમોચન કરવામાં આવ્યું હતું. હવે બનાસકાંઠાના ડીસામાં રબારી સમાજની બેઠક મળી હતી. જેમાં આગામી 25મી જાન્યુઆરીએ સમાજિક બંધારણનું ગઠન કરવા અંગેનો નિર્ણય લેવાયો હતો. સમાજના આગેવાનો દ્વારા સમાજમાંથી કુરિવાજો દૂર કરવા માટે નિર્ણય લેવાયો હતો. બનાસકાઠાંના ડીસામાં રબારી સમાજની બેઠક મળી બનાસકાંઠાના ડીસામાં રબારી સમાજની બેઠક મળી હતી. આ બેઠકમાં ધારાસભ્ય માવજીભાઈ દેસાઈ પણ હાજર રહ્યા હતાં. સમાજના આગેવાનોની આ બેઠકમાં સમાજમાંથી કુરિવાજો દૂર કરવા અને સામાજિક બંધારણના ગઠન અંગે નિર્ણય લેવાયો હતો. 3 પરગણાના આગેવાનો સંયુક્ત બેઠક યોજાઈ હતી. ડીસા,સમાલ અને કોળીયારા પરગણાની સંયુક્ત બેઠક યોજાઈ હતી. આગામી તા. 25 જાન્યુઆરીના રોજ સમશેરપુરા ખાતે સામાજિક બંધારણ માટે રબારી સમાજનું સંમેલન યોજાશે. આ પણ વાંચોઃ Gujarat News: PM મોદીએ રાજકોટમાં કચ્છ સૌરાષ્ટ્રની વાઈબ્રન્ટ સમિટનો પ્રારંભ કરાવ્યો

Read Full Story arrow_forward

calendar_today January 11, 2026

Gondalના રીબડા GIDCમાં ત્યજાયેલું 4 વર્ષનું બાળક મળી આવ્યું, લોહીલુહાણ હાલતમાં બાળક મળતા મચી ચકચાર

ગોંડલ તાલુકાના રીબડા GIDC વિસ્તારમાં માનવતા મરી પરવારી હોય તેવી એક ચોંકાવનારી ઘટના સામે આવી છે. GIDCના એક નિર્જન ખાડામાંથી અંદાજે 4 વર્ષનું એક માસૂમ બાળક લોહીલુહાણ અને ગંભીર ઈજાગ્રસ્ત હાલતમાં મળી આવતા સમગ્ર પંથકમાં ચકચાર મચી ગઈ છે. સ્થાનિકોને બાળક મળી આવ્યા બાદ જાણ થતાં તુરંત 112 જનરક્ષક પોલીસ અને 108 એમ્બ્યુલન્સની ટીમ ઘટનાસ્થળે પહોંચી હતી.108 દ્વારા બાળકને રાજકોટ સિવિલ ખસેડાયુંતે સમયે રસ્તા પરથી પસાર થઈ રહેલી એમ.એમ. ટ્રસ્ટની ટીમ પણ મદદે દોડી આવી હતી. બાળકની હાલત એટલી દયનીય હતી કે તેના કાન, નાક અને મોઢાના ભાગે કીડીઓ ચડી ગઈ હતી. સેવાભાવી યુવાનોએ તાત્કાલિક બાળકને સાફ કરી પ્રાથમિક સારવારની પ્રક્રિયા હાથ ધરી હતી. બાળકને પ્રથમ ગોંડલ સિવિલ હોસ્પિટલ ખસેડવામાં આવ્યું હતું, જ્યાં શિવમ સાર્વજનિક ટ્રસ્ટના સભ્યોએ તેની સંભાળ લીધી હતી. પોલીસે બાળકના વાલીઓની શોધખોળ શરુ કરીબાળકની સ્થિતિ નાજુક જણાતા તેને વધુ સારવાર માટે રાજકોટની સિવિલ હોસ્પિટલમાં રિફર કરવામાં આવ્યું છે. ગોંડલ તાલુકા પોલીસે આ મામલે ગુનો નોંધી બાળકના વાલી-વારસની શોધખોળ શરૂ કરી છે. શું બાળકને કોઈ જાણીજોઈને અહીં ફેંકી ગયું છે કે તેની સાથે કોઈ અઘટિત ઘટના બની છે, તે દિશામાં પોલીસે સીસીટીવી ફૂટેજ અને આસપાસના વિસ્તારમાં તપાસ તેજ કરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 11, 2026

Surat: 1550 કરોડના ઇન્ટરનેશનલ સાયબર ફ્રોડનો મુખ્ય સૂત્રધાર ઝડપાયો, કરોડોની રોકડ જપ્ત

આજના ડિજિટલ યુગમાં સાયબર ક્રાઇમની ઘટનાઓ સતત વધી રહી છે, ત્યારે સુરતની ઉધના પોલીસે એક અત્યંત મોટા આંતરરાષ્ટ્રીય સાયબર ફ્રોડ રેકેટનો પર્દાફાશ કરીને મોટી સફળતા મેળવી છે. કુલ 1550 કરોડ રૂપિયાના આ સાયબર કૌભાંડમાં પોલીસે વધુ ચાર આરોપીઓની ધરપકડ કરી છે, જેમના પાસેથી કરોડોની રોકડ અને મુદ્દામાલ જપ્ત કરવામાં આવ્યો છે.મુખ્ય સૂત્રધાર સહિત 4ની ધરપકડઉધના પોલીસે આ કેસમાં સઘન તપાસ કરીને અબ્દુલરબ ચામડીયા, અમીત ચોક્સી, ચિરાગ ઉર્ફે ચાર્લી સુતરીયા અને પ્રવિણ ગઢીયાની ધરપકડ કરી છે. પોલીસ તપાસમાં બહાર આવ્યું છે કે પકડાયેલો આરોપી અબ્દુલરબ ચામડીયા આ સમગ્ર કૌભાંડનો મુખ્ય સૂત્રધાર છે. તેની ધરપકડથી આ આંતરરાષ્ટ્રીય નેટવર્કના અનેક રહસ્યો ખુલવાની શક્યતા છે.કરોડોનો મુદ્દામાલ અને રોકડ જપ્તપોલીસે આરોપીઓ પાસેથી જે વસ્તુઓ જપ્ત કરી છે તે જોઈને અધિકારીઓ પણ ચોંકી ઉઠ્યા હતા. 1.92 કરોડ રૂપિયા રોકડા.39.35 લાખના સોના-ચાંદીના દાગીના અને 20 હજારના હીરા. ચાર જેટલા રોકડ ગણવાના મશીન. અંદાજે 2.60 કરોડથી વધુનો મુદ્દામાલ પોલીસે કબજે કર્યો છે.USDT (ક્રિપ્ટોકરન્સી) દ્વારા વ્યવહારતપાસમાં ખુલાસો થયો છે કે આ ટોળકી અત્યંત શાતિર રીતે વ્યવહાર કરતી હતી. આરોપીઓ ઇન્ટરનેશનલ ટ્રાન્ઝેક્શન માટે USDT (ક્રિપ્ટોકરન્સી) નો ઉપયોગ કરતા હતા જેથી પોલીસની નજરમાંથી બચી શકાય. મુખ્ય આરોપી અબ્દુલરબ અન્ય ત્રણ આરોપીઓને પૈસા ઇન્વેસ્ટમેન્ટ માટે આપતો હતો, અને તેમાંથી થતો નફો પરત મેળવતો હતો.પોલીસની અત્યાર સુધીની કાર્યવાહીઉધના પોલીસ આ મામલે લાંબા સમયથી તપાસ ચલાવી રહી છે. અગાઉ આ કેસમાં 15 આરોપીઓની ધરપકડ કરવામાં આવી હતી, અને હવે વધુ 4ની ધરપકડ સાથે કુલ આરોપીઓનો આંકડો વધ્યો છે. સુરત પોલીસ હવે આ કૌભાંડના છેડા કયા કયા દેશો સાથે જોડાયેલા છે અને અન્ય કોણ કોણ આમાં સામેલ છે તે દિશામાં ઊંડાણપૂર્વક તપાસ કરી રહી છે. આ પાણ વાંચો: હારીજ-રાધનપુર હાઈવે પર લક્ઝરી બસ અને એક્ટિવા વચ્ચે અકસ્માત, બેના મોત

Read Full Story arrow_forward