Community News & Updates

Stay informed with the latest happenings, achievements, and announcements from our community.

All News

calendar_today January 8, 2026

Bavla: રજોડા રોડ પર ઇજાગ્રસ્ત વાનરનું રેસ્ક્યૂ

અમદાવાદ હાઈવે ઉપર ગુરુવારે વહેલી સવારના સમયે એક વાનરનો અકસ્માત થયો હતો જેમાં વાનરને માથાના ભાગે અને હાથે પગે ગંભીર ઇજાઓ થતા તે દિવાલ કૂદવા જતા રોડ પરના કાદવ કિચડ વાળા પાણીમાં ફ્સાઈ ગયો હતો બનાવની જાણ રાહદારી દ્વારા બાવળા ના જીવ દયા પ્રેમી દાદન વ્હોરા ને કરતા તેઓ બાવળાના સ્થાનિક કિશોર પુજારા સાથે તાત્કાલિક સ્થળ પર પહોંચી ગયા હતા ઇજાગ્રસ્ત વાનરને ભારે જહેમતે મદદે આવેલા શૈલેષભાઈ અને રાહુલભાઈ ની મદદથી લોખંડની સીડી મારફ્તે રેસ્ક્યુ કરી બાવળા વેટરનરી હોસ્પિટલ ખાતે પ્રાથમિક સારવાર આપી વન વિભાગની મદદથી વધુ સારવાર માટે WLC અમદાવાદ મોકલવામાં આવ્યો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 8, 2026

Surendranagar: જિલ્લામાં ત્રિ-દિવસિય મુખ્ય શિક્ષક વ્યવસાયીક સજ્જતા તાલીમનો આરંભ કરાયો

સુરેન્દ્રનગર જિલ્લા શિક્ષણ અને તાલીમ ભવન દ્વારા તા.6 થી 8 જાન્યુઆરી દરમીયાન જિલ્લામાં 4 સ્થળે માધ્યમીક અને ઉચ્ચતર માધ્યમીક હાઈસ્કુલોના આચાર્યો માટે વ્યાવસાયીક સજ્જતા તાલીમનું આયોજન કરાયુ હતુ. જેમાં 15 તજજ્ઞો દ્વારા 205 આચાર્યોને વીવીધ વિષયો પર તાલીમ અપાઈ હતી. સમગ્ર દેશમાં નવી રાષ્ટ્રીય શિક્ષણ નીતી આવતા શિક્ષકો અને આચાર્યોને તેના અનુરૂપ શિક્ષણ આપવા તાલીમ અપાય છે. ત્યારે સુરેન્દ્રનગર જિલ્લા અને શિક્ષણ તાલીમ ભવન દ્વારા તા. 6ઠ્ઠીથી 8 જાન્યુઆરી દરમીયાન જિલ્લાની સરકારી અને અનુદાનીત હાઈસ્કુલોના આચાર્યો માટે ત્રિ-દિવસીય તાલીમનું આયોજન કર્યુ હતુ. આ અંગે ડાયેટના પ્રાચાર્ય ડો. સી. ટી. ટુંડીયાના જણાવાયા મુજબ ધ્રાંગધ્રા અને દસાડાની હાઈસ્કૂલોના આચાર્ય માટે એમ.એમ.શાહ વિદ્યાલય, વઢવાણમાં જિલ્લા શિક્ષણ અને તાલીમ ભવન, ચુડા-લખતર અને લીંબડી તાલુકાના આચાર્યો માટે સુરેન્દ્રનગરની એમ.એલ. દોશી અધ્યાપન મંદિર અને મુળી-સાયલા-ચોટીલા અને થાનના આચાર્યો માટે મૂળીના જસાપર ગામે આવેલ સુરેખા ગાર્ડી ઉત્તર બુનીયાદી વિદ્યાલયમાં તાલીમ યોજાઈ હતી. જેમાં જિલ્લાની હાઈસ્કૂલોના 205 આચાર્યોને 15 તજજ્ઞો દ્વારા ત્રણ દિવસ દરમિયાન રાષ્ટ્રીય શિક્ષણ નીતી-2020, રાષ્ટ્રીય અભ્યાક્રમ રૂપરેખા, શાળાઓમાં ગુણવત્તાસભર, સમાવેશી અને બાળ કેન્દ્રીત શિક્ષણ, શાળા નેતૃત્વ, શાળાનું સુદૃઢ આયોજન, અસરકારક વ્યવસ્થાપન, પ્રેરણાદાયક શૈક્ષણીક વાતાવરણ, વિદ્યાર્થી કેન્દ્રીત અભ્યાસ વિષય પર તાલીમ અપાઈ હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 8, 2026

Patan: ચાણસ્મા પંથકમાં લોભામણી સ્કીમોની લાલચ આપી છેતરપિંડી કરતાં તત્ત્વો સક્રિય થયાં

ચાણસ્મા પંથક સહિત પાટણ જીલ્લામાં એક ત્રિપુટી દ્વારા ઈનામી ડ્રોના નામે લોભામણી ઓફર બતાવી વધારે રૂપિયા મેળવી સામાન્ય વસ્તુઓ આપી રફુચક્કર થઈ જતાં હોવાના બનાવો પ્રકાશમાં આવ્યા છે જેને લઈ પોલીસ દ્વારા પણ આવા તત્વોથી સાવચેત રહેવા અને લોભામણી સ્કીમોની લાલચમાં ન આવવા જણાવ્યું છે.ચાણસ્મા તાલુકાના ધિણોજ રેલવેપુરા ગામના ખેડૂત નવિનભાઈ પટેલના ઘરે બપોરના સમયે એક સફેદ કલરની ગાડીમાં આવેલા ત્રણ શખ્સોએ બેસ્ટન એન્ટરપ્રાઈઝ નામનું કાર્ડ બતાવી લોભામણી લાલચ આપી હતી કે તેમને ઈલેક્ટ્રોનિકની વસ્તુઓ ઈનામમાં લાગેલ છે. જેથી 13 હજાર રૂપિયા આપો ફોટો પાડવાનો છે તેમ કહેતા ખેડૂત પાસે ન હોવાથી તેમણે પાડોશમાંથી 7 હજાર લાવી આપ્યાં હતાં.જેની સામે ત્રિપુટીએ ત્રણ વસ્તુઓ આપી હતી ત્યારબાદ તપાસ કરતા આપેલ વસ્તુઓની કિંમત રૂ. 3 હજાર જ થતી હોવાથી ખેડુતને તેની સાથે 4 હજારની છેતરપિંડી કરી હોવાનો અહેસાસ થતાં તેણે ચાણસ્મા પોલીસ સ્ટેશનમાં અરજી આપી હતી.આ અંગે ચાણસ્મા પોલીસે અરજીના આધારે તપાસ હાથ ધરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward