Community News & Updates

Stay informed with the latest happenings, achievements, and announcements from our community.

All News

calendar_today January 8, 2026

Rajkot News : વિંછીયા ફાયરિંગ કેસમાં મોટું એક્શન, રાજકોટ ગ્રામ્ય પોલીસે 5 આરોપીઓની ધરપકડ કરી

રાજકોટ જિલ્લાના વિંછીયા તાલુકાના ઓરી ગામે પવનચક્કીના ધંધાના વર્ચસ્વને લઈને થયેલા જૂથ અથડામણ અને ફાયરિંગના મામલે પોલીસે તપાસ તેજ કરી છે. રાજકોટ ગ્રામ્ય પોલીસે આ ઘટનામાં તાત્કાલિક કાર્યવાહી કરતા 5 આરોપીઓને ઝડપી પાડ્યા છે. વિગતો મુજબ, પવનચક્કીના વ્યવસાય બાબતે ચાલી રહેલી તકરારમાં બે જૂથો સામસામે આવી ગયા હતા અને 4 થી વધુ રાઉન્ડ ફાયરિંગ કરવામાં આવ્યું હતું. આ હિંસક અથડામણને પગલે વિસ્તારમાં ભયનો માહોલ ફેલાયો હતો, ત્યારબાદ પોલીસે ઘટનાસ્થળે પહોંચી સ્થિતિ પર કાબૂ મેળવ્યો હતો.વર્ચસ્વની લડાઈમાં ફાયરિંગ આ મામલે પોલીસે બંને પક્ષના કુલ 9 વ્યક્તિઓ સામે નામજોગ ફરિયાદ દાખલ કરી છે, જેમાં લઘુ ધાધલ, પ્રતાપ અને કુલદિપ ખાચર જેવા મુખ્ય વ્યક્તિઓનો સમાવેશ થાય છે. પોલીસે તમામ આરોપીઓ સામે હત્યાનો પ્રયાસ (Attempt to Murder) અને રાયોટીંગ સહિતની કલમો હેઠળ ગુનો નોંધી વધુ તપાસ હાથ ધરી છે. પકડાયેલા આરોપીઓની પૂછપરછમાં અન્ય કેટલા લોકો સંડોવાયેલા છે અને હથિયારો ક્યાંથી આવ્યા તે દિશામાં પણ તપાસ કરવામાં આવી રહી છે. હાલ ઓરી ગામે ચુસ્ત પોલીસ બંદોબસ્ત ગોઠવી દેવામાં આવ્યો છે. આ પણ વાંચો : Rajkot થી કોલકાતા સુધી EDનો સપાટો, રેલવે સહિત 10 સરકારી વિભાગોના નામે ચાલતું રેકેટ ઝડપાયું

Read Full Story arrow_forward

calendar_today January 8, 2026

Anand News: મૂળ માલિકને ચોરાયેલો મોબાઈલ પરત સોંપાયો

ગુજરાત પોલીસ દ્વારા નાગરિકોની સુરક્ષા અને ખોવાયેલી કે ચોરી થયેલી વસ્તુઓ પરત અપાવવા માટે ચલાવવામાં આવતા અભિયાન અંતર્ગત આણંદ રેલવે પોલીસ (GRP)ને મોટી સફળતા મળી છે. 'તેરા તુજકો અર્પણ' કાર્યક્રમ હેઠળ પોલીસે ચોરી થયેલો મોબાઈલ અને રોકડ રકમ સહિત કુલ રૂપિયા 20,000નો મુદ્દામાલ તેના મૂળ માલિકને સન્માનપૂર્વક પરત કર્યો છે.શું હતો સમગ્ર કિસ્સો? ઘટનાની મળતી માહિતી અનુસાર, રેલવે સ્ટેશન અથવા ટ્રેન મુસાફરી દરમિયાન એક મુસાફરનો રૂપિયા 10000ની કિંમતનો મોબાઈલ ફોન અને રૂપિયા 10000ની રોકડ રકમની ચોરી થઈ હતી. આ અંગે આણંદ રેલવે પોલીસ સ્ટેશનમાં ફરિયાદ નોંધાવવામાં આવી હતી. રેલવે પોલીસે ટેકનિકલ સર્વેલન્સ અને હ્યુમન ઇન્ટેલિજન્સની મદદથી તપાસ હાથ ધરી ગણતરીના દિવસોમાં મુદ્દામાલ રિકવર કર્યો હતો. 'તેરા તુજકો અર્પણ' કાર્યક્રમ દ્વારા પારદર્શિતા આણંદ રેલવે પોલીસ દ્વારા આયોજિત એક નાના કાર્યક્રમમાં મૂળ માલિકને બોલાવીને તેમનો કિંમતી મોબાઈલ અને રોકડ રકમ પરત કરવામાં આવી હતી. પોતાની ખોવાયેલી મત્તા પરત મળતા મૂળ માલિકના ચહેરા પર ખુશી જોવા મળી હતી અને તેમણે આણંદ રેલવે પોલીસની ત્વરિત કામગીરી અને પ્રમાણિકતાની પ્રશંસા કરી આભાર વ્યક્ત કર્યો હતો. પોલીસની અપીલ આ પ્રસંગે રેલવે પોલીસ અધિકારીઓએ જણાવ્યું હતું કે, રેલવે પરિસરમાં મુસાફરોની સુરક્ષા અમારી પ્રાથમિકતા છે. 'તેરા તુજકો અર્પણ' કાર્યક્રમનો હેતુ લોકોનો પોલીસ પરનો વિશ્વાસ વધારવાનો અને ગુનાખોરી ડામવાનો છે. પોલીસે મુસાફરોને પણ વિનંતી કરી છે કે, મુસાફરી દરમિયાન પોતાના કિંમતી સામાનનું ધ્યાન રાખવું અને કોઈપણ શંકાસ્પદ પ્રવૃત્તિ જણાય તો તુરંત રેલવે પોલીસનો સંપર્ક કરવો. આ પણ વાંચો - Aanand : બોરસદ આણંદ રૂટ પર નવી બસોનો પ્રારંભ,ધારાસભ્યએ બસ ચલાવીને કર્યું નવા રૂટનું લોકાર્પણ

Read Full Story arrow_forward

calendar_today January 8, 2026

Gir Somnath News : પૃથ્વીના તેજપૂંજ સમાન 'કૈલાસ મહામેરૂ પ્રાસાદ'નો ઇતિહાસ અને સ્થાપત્ય વૈભવ વિશે જાણો

૧૩ નવેમ્બર ૧૯૪૭, વિક્રમ સંવતના નૂતન વર્ષના મંગલ દિવસે ભારતની એકતાના શિલ્પી સરદાર વલ્લભભાઈ પટેલે મંદિરના ભગ્નાવશેષો જોઈને સમુદ્રજળની અંજલિ લઈ સંકલ્પ કર્યો હતો કે, "સોમનાથના મંદિરનું પુનઃનિર્માણ થવું જોઈએ." આ સંકલ્પને સાકાર કરવામાં જામસાહેબ દિગ્વિજયસિંહજી, ક.મા. મુનશી અને કાકાસાહેબ ગાડગીલ જેવા મહાનુભાવોનો સિંહફાળો રહ્યો છે. ૧૯૫૧માં ડૉ. રાજેન્દ્ર પ્રસાદના હસ્તે આ આધુનિક મંદિર રાષ્ટ્રને સમર્પિત થયું હતું.સ્થાપત્યનો અજોડ સંગમ: કૈલાસ મહામેરૂ પ્રાસાદ વાસ્તુશાસ્ત્રની નાગર શૈલીમાં નિર્મિત આ મંદિર 'કૈલાસ મહામેરૂ પ્રાસાદ' તરીકે ઓળખાય છે. પરિમાણ: મંદિરની ઊંચાઈ ૧૫૫ ફૂટ છે, જેના પર ૩૭ ફૂટનો ધ્વજદંડ અને ૧૦૪ ફૂટની વિશાળ ધ્વજ લહેરાય છે. ચંદ્ર-શિવ સાયુજ્ય: કાર્તિકી પૂર્ણિમાની મધ્યરાત્રિએ આકાશનો ચંદ્ર અને ગર્ભગૃહનું શિવલિંગ એક સીધી રેખામાં આવે છે, જે એક અલૌકિક દ્રશ્ય સર્જે છે. કળશ અને શિખર: ગર્ભગૃહના શિખર પર ૧૦ ટન વજનનો પથ્થરનો કળશ છે, જ્યારે સભા અને નૃત્ય મંડપના ઘુમ્મટ પર ૧૦૦૧ નાના કળશ કંડારાયા છે. ભૌગોલિક વિશેષતા: મંદિરના દક્ષિણ ભાગમાં આવેલ 'બાણસ્તંભ' સૂચવે છે કે અહીંથી દક્ષિણ ધ્રુવ સુધી સીધી લીટીમાં ક્યાંય જમીનનો ટુકડો આવતો નથી. આક્રમણો સામે અજેય આસ્થા સોમનાથ પર ૧૦૨૬માં મહમદ ગઝનીથી લઈને ૧૭૦૧માં ઔરંગઝેબ સુધીના અનેક આક્રમણખોરોએ હુમલા કર્યા, પરંતુ દરેક વખતે હિન્દુ ધર્મપ્રેમીઓએ તેનો જીર્ણોદ્ધાર કર્યો. ભાવ બૃહસ્પતિની 'સોમનાથ પ્રશસ્તિ' મુજબ, આ મંદિર સતયુગમાં સોમ (ચંદ્ર) દ્વારા, ત્રેતામાં રાવણ દ્વારા, દ્વાપરમાં શ્રીકૃષ્ણ દ્વારા અને કળિયુગમાં ભીમદેવ સોલંકી દ્વારા નિર્મિત થયું હોવાનું મનાય છે. આધુનિક નેતૃત્વ અને સાંસ્કૃતિક વારસો સોમનાથ ટ્રસ્ટના માધ્યમથી લાલકૃષ્ણ અડવાણી, કેશુભાઈ પટેલ અને વર્તમાન અધ્યક્ષ પ્રધાનમંત્રી નરેન્દ્ર મોદીના માર્ગદર્શન હેઠળ સોમનાથનો કાયાકલ્પ થયો છે. યાત્રિકો માટે સુવિધાઓ, લાઈટ એન્ડ સાઉન્ડ શો અને 'સોમનાથ વર્તમાન' માસિક જેવા માધ્યમોથી ભક્તોને જોડાવાના પ્રયાસો થઈ રહ્યા છે. લોકપરંપરાનું પર્વ: કાર્તિકી પૂર્ણિમાનો મેળો ગરવા ગિરનારની લીલી પરિક્રમા પૂર્ણ કર્યા બાદ, સોરઠની જનતા સોમનાથના ભાતીગળ મેળામાં ઉમટી પડે છે. કારતક માસની તેરશથી પૂનમ સુધી ભરાતો આ મેળો સોરઠની લોકસંસ્કૃતિનું ધબકતું પ્રતીક છે.આજે સોમનાથ માત્ર એક દેવાલય નથી, પણ ભારતવર્ષના પુનરુત્થાન અને અખંડ શ્રદ્ધાનું પ્રતીક બનીને અરબી સમુદ્રના તટે અડીખમ ઊભું છે. આ પણ વાંચો : Agriculture News : માટીની પ્રાકૃતિક સુગંધ સાથે બદલાયું જીવન, ગઢડાના યોગેશભાઈની પ્રાકૃતિક ખેતીની પ્રેરક સફર 

Read Full Story arrow_forward