Community News & Updates

Stay informed with the latest happenings, achievements, and announcements from our community.

All News

calendar_today January 7, 2026

Ahmedabad: મહારાષ્ટ્રના લીલાબેન બ્રેઈન ડેડ થતાં તેમના અંગોથી ત્રણને નવજીવન મળશે

માનવતાની મહેક ફેલાવતી ઘટનામાં અમદાવાદ સિવિલ હોસ્પિટલ ખાતે વર્ષ 2026નું પ્રથમ અંગદાન સંપન્ન થયું છે.મૂળ મહારાષ્ટ્રના નાગપુરના વતની 56 વર્ષીય લીલાબેન રોતના અંગદાનથી એક લીવર અને બે કિડની એમ કુલ ત્રણ જરૂરિયાતમંદ દર્દીઓને નવું જીવન મળશે. આ સાથે જ સિવિલ હોસ્પિટલમાં અત્યાર સુધીમાં કુલ 224 અંગદાન નોંધાયા છે. લીલાબેન વિરમગામ ખાતે પોતાની દીકરીને મળવા આવ્યા હતા, જ્યાં ગત 3 જાન્યુ.ના રોજ તેમને બ્રેઈન હેમરેજ થતા સારવાર અર્થે સિવિલ હોસ્પિટલ ખસેડાયા હતા. સારવાર દરમિયાન તબીબોએ તેમને 'બ્રેઈન ડેડ' જાહેર કર્યા હતા. પિતાની ગેરહાજરીમાં સંતાનો માટે માતાના અંગદાનનો નિર્ણય લેવો કઠિન હતો, પરંતુ અંગદાન ચેરીટેબલ ટ્રસ્ટના દિલીપ દેશમુખ (દાદા) ની સમજાવટથી પરિવારે સંમતિ આપી હતી. સિવિલ સુપ્રીન્ટેન્ડેન્ટ ડૉ. રાકેશ જોષીએ જણાવ્યું કે, *સિવિલ હોસ્પિટલમાં અત્યાર સુધી 224 અંગદાન દ્વારા કુલ 742 અંગો અને 194 પેશીઓ મળી કુલ 936 દાન પ્રાપ્ત થયા છે.* આ અંગદાન દ્વારા મળેલી બે કિડની અને લીવરનેસિવિલ મેડિસિટી કેમ્પસની કિડની હોસ્પિટલના દર્દીઓમાં પ્રત્યારોપણ કરવામાં આવશે. શોકતુર પરિવારે લીધેલા આ નિર્ણયની ચારેતરફ્ સરાહના થઈ રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 7, 2026

Ahmedabad: નિકોલમાં ચાર રસ્તાની વચ્ચે ટ્રાન્સફોર્મરથી બ્લાઈન્ડ સ્પોટ : અકસ્માતનો ભય તોળાયો

શહેરના નિકોલ વિસ્તારમાં આવેલા એમ.જી. રોડ પર એરીસ સર્કલ પાસે તંત્રની ઘોર બેદરકારી સામે આવી છે.અહીં ચાર રસ્તાની બિલકુલ વચ્ચોવચ GEB (ગુજરાત એનર્જી બોર્ડ) દ્વારા લોખંડની મોટી ઇલેક્ટ્રિક ટ્રાન્સફેર્મર પેટીઓ ખડકી દેવામાં આવી છે. આ પેટીઓ માત્ર ટ્રાફ્કિ માટે અડચણરૂપ નથી, પરંતુ સ્થાનિક રહીશો અને વાહનચાલકો માટે 'જીવતું જોખમ' બની ગઈ છે. આસપાસની રેસિડેન્શિયલ સોસાયટીઓમાં રહેતા પરિવારો અત્યારે ફ્ફ્ડાટમાં જીવી રહ્યા છે. ખાસ કરીને નાના બાળકો સર્કલ પાસે જતા ડરે છે. વીજળીના હાઈ-વોલ્ટેજ વાયરો અને આ પેટીઓ ગમે ત્યારે મોટી દુર્ઘટનાને નિમંત્રણ આપી શકે તેમ છે. આ અંગે સ્થાનિકોનો આક્ષેપ છે કે, *રસ્તાની વચ્ચે આવી પેટીઓ હોવી એ નિયમોનું ઉલ્લંઘન છે, છતાં તંત્ર આંખ આડા કાન કરી રહ્યું છે. તેમજ આ રોડ પર પેટ્રોલ પંપ આવેલો હોવાથી દિવસ-રાત અહીં ફેર-વ્હીલર અને ભારે વાહનોની સતત અવરજવર રહે છે. ચાર રસ્તા પર જ આ પેટીઓ હોવાને કારણે વાહનચાલકોને વળાંક લેવામાં મુશ્કેલી પડે છે, જેના કારણે અવારનવાર નાના-મોટા અકસ્માતો સર્જાય છે. રાહદારીઓ માટે પણ આ રસ્તો ક્રોસ કરવો જોખમી બન્યો છે.સ્થાનિક નાગરિકો અને આગેવાનો દ્વારા અનેકવાર ય્ઈમ્ના અધિકારીઓ તથા સ્થાનિક ધારાસભ્યને પણ લેખિત અને મૌખિક રજૂઆતો કરવામાં આવી છે. રોડ પર બિનજરૂરી વીજ થાંભલાઓ અને લટકતા વાયરો હટાવવાની માંગણી લાંબા સમયથી પડતર છે. લોકોમાં ભારે રોષ છે કે તંત્ર કોઈ મોટી અઘટિત ઘટના બને તેની રાહ જોઈ રહ્યું છે? રહીશોની એક જ માંગ છે કે કોઈ નિર્દોષનો જીવ જાય તે પહેલાં યુદ્ધના ધોરણે આ ટ્રાન્સફેર્મર પેટીઓ અને બિનજરૂરી થાંભલાઓ અહીંથી હટાવી સેફ્ જગ્યાએ ખસેડવામાં આવે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 7, 2026

Ahmedabad: અંબિકાનગરના લોકો ગંદું પાણી પીવા મજબૂર 15 હજારની વસતીના આરોગ્ય સાથે ચેડાં

એક તરફ્ સ્માર્ટ સિટીના બણગાં ફૂંકવામાં આવે છે, તો બીજી તરફ્ ઓઢવના અંબિકાનગર વિસ્તારમાં સ્થિતિ અત્યંત દયનીય છે. લાઈબ્રેરી પાસે લાઈન નાખવાની કામગીરીમાં થયેલા લિકેજને કારણે પીવાના પાણીમાં ભયંકર વાસ આવી રહી છે. અંબિકાનગર અને તેની આસપાસની 20થી વધુ સોસાયટીઓમાં છેલ્લા કેટલાક દિવસોથી પીવાના પાણીમાં અસહ્ય દુર્ગંધ આવતી હોવાની વ્યાપક ફ્રિયાદો ઉઠી છે. સ્થાનિક રહીશોનો આક્ષેપ છે કે પાણી એટલું પ્રદૂષિત છે કે તેનો ઉપયોગ કરવાથી ગમે ત્યારે રોગચાળો ફટી નીકળે તેવી ભીતિ સેવાઈ રહી છે, છતાં તંત્ર ઘોર નિદ્રામાં હોય તેમ જણાય છે.આ અંગે સ્થાનિકો ફરિયાદ કરતાં જણાવ્યું કે, અંબિકાનગરમાં આવેલી લાઈબ્રેરી પાસે હાલમાં નવી પાઈપલાઈન નાખવાની કામગીરી ચાલી રહી છે. આ કામ દરમિયાન જૂની પાણીની લાઈનમાં મોટું લિકેજ થયું છે, જેના કારણે પીવાના પાણીમાં ગટરનું કે ગંદુ પાણી ભળી રહ્યું હોવાની શક્યતા છે. આ બાબતે સ્થાનિકોએ જવાબદાર અધિકારી વી. ડી. ગોહિલને રજૂઆત કરતા તેમણે એવું કહીને હાથ ઊંચા કરી દીધા હતા કે, *આ કામ પ્રોજેક્ટ વિભાગનું છે અને અમે તેમને જાણ કરી દીધી છે.* અધિકારીઓની આ 'ખો' આપવાની નીતિને કારણે સામાન્ય જનતા પીસાઈ રહી છે. ઓઢવ વોટર ડિસ્ટ્રિબ્યુશન સેન્ટરની આસપાસ આવેલી 20થી વધુ સોસાયટીઓ, જેમાં સુવ્રત પાર્ક અને વલ્લભ નગર જેવા મુખ્ય વિસ્તારોનો સમાવેશ થાય છે, ત્યાં સ્થિતિ અત્યંત ગંભીર છે. આશરે 15,000થી વધુ નાગરિકોને ફ્રજિયાતપણે ગંદુ અને વાસ મારતું પાણી વાપરવું પડી રહ્યું છે. સ્થાનિકોનું કહેવું છે કે જો સત્વરે આ લિકેજ રિપેર કરવામાં નહીં આવે, તો ઝાડા-ઊલટી અને કમળા જેવા પાણીજન્ય રોગો ઘર કરી જશે. જ્યારે આ મામલે સ્થાનિકોનું કહેવું છે કે, *અમે વેરો ભરીએ છીએ તો અમને શુદ્ધ પાણી કેમ મળતું નથી?* તેવો પ્રશ્ન જનતા પૂછી રહી છે. શું તંત્ર કોઈ મોટી હોનારત કે રોગચાળો ફટે તેની રાહ જોઈ રહ્યું છે? ઉચ્ચ અધિકારીઓ આ મામલે મધ્યસ્થી કરી તાત્કાલિક ધોરણે લિકેજ બંધ કરાવે તેવી ઉગ્ર માંગ ઉઠી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward