Community News & Updates

Stay informed with the latest happenings, achievements, and announcements from our community.

All News

calendar_today January 6, 2026

Chhota Udepurમાં ગાંડા બનેલા ભૂંડે મચાવ્યો આતંક, અનેક લોકોને કર્યા લહુ લુહાણ

છોટાઉદેપુર નગરમાં છેલ્લા ત્રણ દિવસથી એક ગાંડા બનેલા ભૂંડે ભારે આતંક મચાવ્યો છે. આ હિંસક ભૂંડે નગરના વિવિધ વિસ્તારોમાં ફરતા અનેક નિર્દોષ લોકો પર હુમલો કરી તેમને ઇજાગ્રસ્ત કર્યા છે. આ વિચિત્ર અને ભયજનક પરિસ્થિતિને કારણે સ્થાનિક રહીશોમાં ભારે ફફડાટ વ્યાપી ગયો હતો. ભૂંડ જ્યારે એકાએક હુમલો કરવા માટે નગરની એક દુકાનમાં ધસી ગયું, ત્યારે દુકાનદારે અદ્ભુત સાહસ અને સમયસૂચકતાનો પરિચય આપ્યો હતો.છેલ્લા 3 દિવસથી ભૂંડે મચાવ્યો હતો આતંક જેવો ભૂંડ દુકાનની અંદર પ્રવેશ્યો, કે તરત જ દુકાનદાર સાવચેતીપૂર્વક બહાર નીકળી ગયા હતા અને બહારથી દુકાનનું શટર બંધ કરી દીધું હતું. આ યુક્તિને કારણે આતંક મચાવતો ભૂંડ દુકાનમાં જ કેદ થઈ ગયો હતો અને વધુ લોકોને ઇજા પહોંચાડતો અટકી ગયો હતો. ભૂંડ દુકાનમાં કેદ થતાં જ મોટી સંખ્યામાં લોકો ઉમટી પડ્યા હતા. ત્યારબાદ સ્થાનિકો અને ભૂંડ પકડવામાં નિષ્ણાત શખ્સોએ મળીને પૂરતી સાવચેતી સાથે ભૂંડને પકડી પાડ્યું હતું.ગાંડા બનેલા ભૂંડે અનેક લોકો ઉપર કર્યો હુમલો ભૂંડ પકડાઈ જતાં છેલ્લા ત્રણ દિવસથી ભયના ઓથાર હેઠળ જીવતા છોટાઉદેપુરના નગરજનોએ આખરે રાહતનો શ્વાસ લીધો છે. વન વિભાગ અને પાલિકા તંત્રને પણ આ બાબતે જાણ કરવામાં આવી છે જેથી ભવિષ્યમાં આવા રખડતા અને હિંસક પ્રાણીઓનો ત્રાસ અટકાવી શકાય. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 6, 2026

Anand: DYCM હર્ષ સંઘવીની આણંદ બસ સ્ટેશન પર સરપ્રાઈઝ મુલાકાત, વિદ્યાર્થીઓની રજૂઆત બાદ તાત્કાલિક નવી બસો ફાળવી

રાજ્યના નાયબ મુખ્યમંત્રી હર્ષ સંઘવીએ આજે આણંદના નવા બસ સ્ટેશનની ઓચિંતી મુલાકાત લઈને સૌને ચોંકાવી દીધા હતા. સામાન્ય મુસાફરની જેમ બસ સ્ટેન્ડ પહોંચેલા મંત્રીએ ત્યાં હાજર વિદ્યાર્થીઓ અને મુસાફરો સાથે સીધો સંવાદ કર્યો હતો. આ મુલાકાત દરમિયાન વિદ્યાર્થીઓની એક મોટી સમસ્યાનું તત્કાલ નિરાકરણ કરવામાં આવ્યું હતું.વિદ્યાર્થીઓએ મંત્રી સમક્ષ પોતાની વ્યથા ઠાલવીમુલાકાત દરમિયાન બોરસદ પંથકના વિદ્યાર્થીઓએ મંત્રી સમક્ષ પોતાની વ્યથા ઠાલવી હતી. વિદ્યાર્થીઓએ રજૂઆત કરી હતી કે બસની સંખ્યા ઓછી હોવાને કારણે 60 મુસાફરોની ક્ષમતા વાળી બસમાં 100-100 વિદ્યાર્થીઓને ઘેટા-બકરાની જેમ ભરાઈને મુસાફરી કરવી પડે છે. આ બાબતે વધુ બસો મૂકવાની માગણી લાંબા સમયથી પડતર હતી.ગાંધીનગર ફોન કરી તાત્કાલિક ઉકેલ લાવ્યાવિદ્યાર્થીઓની રજૂઆત સાંભળતા જ હર્ષ સંઘવી એક્શન મોડમાં આવ્યા હતા. તેમણે કોઈ પણ જાતના વિલંબ વગર ઘટનાસ્થળેથી જ ગાંધીનગર એસટી નિગમના ઉચ્ચ અધિકારીઓ સાથે ટેલિફોનિક વાતચીત કરી હતી. મંત્રીની સૂચનાને પગલે તંત્ર દ્વારા તાત્કાલિક ધોરણે બોરસદ રૂટ માટે નવી બસની ફાળવણી કરી દેવામાં આવી છે.આવતીકાલથી દોડતી થશે નવી બસોનાયબ મુખ્યમંત્રીએ ખાતરી આપી હતી કે હવે વિદ્યાર્થીઓએ હાલાકી ભોગવવી નહીં પડે. આવતીકાલથી જ બોરસદ-આણંદ અને આણંદ-ડાકોર રૂટની નવી બસો સેવામાં કાર્યરત થઈ જશે. આ નિર્ણયથી આસપાસના ગ્રામ્ય વિસ્તારોમાંથી અભ્યાસ અર્થે આવતા હજારો વિદ્યાર્થીઓને મોટી રાહત મળશે.આ પણ વાંચો:ચેક રિટર્ન કેસમાં સજા પડ્યાના બીજા જ દિવસે સેન્ટ્રલ જેલમાં કેદીનું મોત

Read Full Story arrow_forward

calendar_today January 6, 2026

Kutch: અસ્તિત્વના આરે ઉભેલા કચ્છના ખારાઈ ઊંટ, સંખ્યામાં થતા ઘટાડાને રોકવા સેમીનારનું કરાયું આયોજન

કચ્છ જિલ્લામાં જોવા મળતા ખારાઇ ઊંટને રાષ્ટ્રીય માન્યતા આપવામાં આવી છે. દરિયામાં તરવાની ક્ષમતા સાથે દરિયામાં રહેલા ચેરિયાના ઝાડ પર નિર્ભર ખારાઇ ઊંટની સંખ્યા ઘટી રહી છે. ખારાઇ ઊંટ સામે ઉભા થયેલા ખતરાંને લઇને કચ્છ યુનિવર્સિટી ખાતે ઉચરેક માલધારી સંગઠન અને સહજીવન સંસ્થા દ્વારા સેમીનારનું આયોજન કરવામાં આવ્યુ હતુ. ખારાઈ ઊંટનું સંકટ કચ્છની ભૌગોલિક વિશેષતા સમાન ખારાઈ ઊંટ આજે ગંભીર ખતરાનો સામનો કરી રહ્યા છે. રાષ્ટ્રીય માન્યતા પ્રાપ્ત આ નસલ દુનિયાની એકમાત્ર એવી ઊંટની પ્રજાતિ છે જે દરિયાના પાણીમાં તરી શકે છે અને મુખ્યત્વે દરિયા કિનારે જોવા મળતા ચેરિયા ના પાન ખાઈને જીવે છે. જોકે, છેલ્લા કેટલાક વર્ષોમાં તેમની સંખ્યામાં ચિંતાજનક ઘટાડો નોંધાયો છે. સંખ્યામાં ચિંતાજનક ઘટાડો વર્ષ 2015 માં જ્યાં આ ઊંટોની સંખ્યા અંદાજે 4000 હતી, તે આજે ઘટીને માત્ર 1000 ની આસપાસ રહી ગઈ છે. આ ઘટાડા પાછળનું મુખ્ય કારણ તેમના ખોરાક અને ચરિયાણનો પ્રશ્ન છે. કચ્છના ભચાઉ (જંગી), અબડાસા અને મુંદ્રા પંથકમાં જોવા મળતા આ ઊંટો માટે ચેરિયાના જંગલો અનિવાર્ય છે. પરંતુ વધતા જતાં ઔદ્યોગિકીકરણને કારણે દરિયાકાંઠેથી ચેરિયાના વૃક્ષોનું નિકંદન નીકળી રહ્યું છે, જેના પરિણામે ખારાઈ ઊંટના અસ્તિત્વ સામે જોખમ ઊભું થયું છે. સંરક્ષણ માટે સેમીનારનું કરાયું આયોજન આ ગંભીર પરિસ્થિતિને ધ્યાનમાં રાખીને તાજેતરમાં કચ્છ યુનિવર્સિટી ખાતે 'સહજીવન સંસ્થા' અને 'ઊંટ ઉછેરક માલધારી સંગઠન' દ્વારા એક વિશેષ સેમિનારનું આયોજન કરવામાં આવ્યું હતું. આ બેઠકમાં પશુપાલન વિભાગ, વન વિભાગ અને સ્થાનિક માલધારીઓએ સાથે મળીને ચર્ચા કરી હતી.જેમાં અનેક મુદ્દાઓની ચર્ચા કરવામાં આવી હતી. ચેરિયાના જંગલોનું પુનઃસંવર્ધન કરવું.ઔદ્યોગિક એકમો સામે ચરિયાણની જમીનનું રક્ષણ કરવું.માલધારીઓને પ્રોત્સાહન આપી ખારાઈ નસલને બચાવવી. આ પણ વાંચોઃ Vadodara : વડોદરા પોલીસને મળી સફળતા, મકાન ભાડે રાખી ચોરી કરતી ગેંગ ઝડપાઇ

Read Full Story arrow_forward