Vadodara:કરજણ તાલુકાના બાળવૈજ્ઞાનિક રાજ્યકક્ષાના પ્રદર્શનમાં ભાગ લેશે
કરજણ તાલુકાની બે શાળા જેમાં કુરાઈ પ્રાથમિક શાળા અને કુરાલી નૂતન હાઈસ્કૂલની બાળાઓએ ગણિત- વિજ્ઞાન પ્રદર્શનમાં જિલ્લા કક્ષામાં પ્રથમ નંબર આવ્યા બાદ રાજ્ય કક્ષાએ ભાગ લેનાર છે. જે તાલુકાનું અને તાલુકાની શાળાઓનું ગૌરવ છે.ગણિત- વિજ્ઞાન પ્રદર્શનમાં સમગ્ર રાજ્યની પ્રા. અને મા. શાળામાં સ્પર્ધા યોજાય છે. જેમાં શાળાઓના બાળકો પોતાની પ્રતિભા અનેવૈજ્ઞાનિક શક્તિ અજમાવે છે. જેમાં કરજણ તાલુકાની ઘણી શાળાએ ગણિત- વિજ્ઞાન પ્રદર્શનમાં ભાગ લીધેલ હતો. જેમાં તાલુકાના કુરાઈ પ્રા.શાળા અને નૂતન હાઈસ્કૂલ કુરાલીની બાળાઓએ તાલુકા કક્ષામાં વિજેતા થયા બાદ જિલ્લા કક્ષાએ ભાગ લીધો હતો. બાદ જિલ્લાકક્ષામાં બંને શાળા પ્રથમ નંબર આવતા રાજ્ય કક્ષાએ ભાગ લેશે. જ્યારે નૂતન હાઇસ્કુલ કુરાલીની ધો.10ની તરૂણા ગોપાલભાઇ વસાવા અને જાનવી મહેશભાઇ વસાવાએ સુજબુજથી વૈજ્ઞાનિક ઢબે જે કૃતિ બનાવેલ હતી. જે મહિલા સુરક્ષાને ધ્યાનમાં રાખીને બનાવેલ સ્માર્ટ કંગન, બેલ્ટ, બકલ, ગેજેટ જિલ્લા કક્ષાએ આકર્ષણ કેન્દ્ર બન્યાં હતા. મુશ્કેલીના સમયે ગેજેટના બટનને ટચ કરવાથી 10 મોબાઈલ નંબર ઉપર મદદ માટે મેસેજ પહોંચી જાય અને સમયસર મદદ મળે છે. કૃતિ સમાજ માટે અત્યંત ઉપયોગી સાબિત થયેલ છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
