Community News & Updates

Stay informed with the latest happenings, achievements, and announcements from our community.

All News

calendar_today January 4, 2026

Gir Somnath: ખાણ ખનીજ વિભાગના અધિકારીઓ પર ભ્રષ્ટાચારનો આક્ષેપ, ગાડી દીઠ 15 હજારના હપ્તાનો આક્ષેપ

ગીર સોમનાથ જિલ્લામાં ખાણ ખનીજ વિભાગના અધિકારીઓ સામે ભ્રષ્ટાચારના ગંભીર આક્ષેપો સાથે ભારે ખળભળાટ મચી ગયો છે. તાજેતરમાં જ મળેલી બ્લેક સ્ટોન ક્વોરી લીઝ એસોસિએશનની બેઠકમાં સંચાલકોએ અધિકારીઓની કનગડત અને અઘાડી લૂંટ સામે લડત આપવાનો મક્કમ નિર્ધાર કર્યો છે. ભ્રષ્ટાચારના સનસનીખેજ આક્ષેપો એસોસિએશનના સભ્યોએ આક્ષેપ કર્યો છે કે ખાણ-ખનીજ વિભાગના અધિકારીઓ દ્વારા ક્વોરી સંચાલકો પાસેથી માસિક ધોરણે લાખો રૂપિયાની ખંડણી ઉઘરાવવામાં આવે છે. ખનીજ ભરેલી પ્રતિ ગાડી દીઠ રૂ. 15,000 નો હપ્તો માંગવામાં આવે છે. આ ઉપરાંત, અધિકારીઓ દ્વારા માસિક દોઢ લાખ રૂપિયા જેવી મોટી રકમના હપ્તા ફિક્સ કરવામાં આવ્યા હોવાનો ગંભીર આક્ષેપ કરાયો છે. સરકારી પ્રોજેક્ટ્સનો સપ્લાય બંધ અધિકારીઓના ત્રાસ અને આર્થિક શોષણના વિરોધમાં એસોસિએશને આક્રમક વલણ અપનાવ્યું છે. હાલમાં સરકાર દ્વારા શરૂ કરવામાં આવેલા ત્રણ મહત્વના પ્રોજેક્ટ્સમાં બ્લેક સ્ટોનનો માલ સપ્લાય કરવાનું બંધ કરવાનો નિર્ણય લેવામાં આવ્યો છે. સંચાલકોનું કહેવું છે કે જો અધિકારીઓની મનસ્વી રીતે ચાલતી હપ્તાખોરી બંધ નહીં થાય, તો તેઓ વ્યવસાય કરવો મુશ્કેલ બની જશે. રાજ્યના મુખ્યમંત્રીને લેખિત રજૂઆત કરશે ભ્રષ્ટાચારના આ પુરાવાઓ અને અધિકારીઓની જોહુકમી સામે હવે એસોસિએશન રાજ્યના મુખ્યમંત્રીને લેખિત રજૂઆત કરશે. સંચાલકોએ ચીમકી આપી છે કે જો તટસ્થ તપાસ કરવામાં નહીં આવે અને ભ્રષ્ટ અધિકારીઓ સામે પગલાં લેવામાં નહીં આવે તો આંદોલન વધુ તેજ બનાવવામાં આવશે. આ મામલે જિલ્લા વહીવટી તંત્ર અને રાજ્ય સરકાર કેવી તપાસ કરે છે તેના પર સૌની મીટ મંડાયેલી છે.આ પણ વાંચોઃ Banaskantha: ઠાકોર સમાજમાં પરિવર્તનનો શંખનાદ, ઠાકોર સમાજનું સામાજીક મુદ્દે નવું બંધારણ જાહેર

Read Full Story arrow_forward

calendar_today January 4, 2026

Rajkot News : રાજકોટમાં બાટલી ગેંગના 14 સાગરીત સામે ગુજસીટોકનો ગુનો નોંધાયો, DCP ક્રાઈમે કહ્યું, કાં તો ગુનાખોરી છોડી દો અથવા રાજકોટ છોડી દો

જેમાં વધુ એક ગેંગ સામે ગુજસીટોક હેઠળ કાર્યવાહી કરવામાં આવી છે જેમાં બાટલી ગેંગના 14 જેટલા સાગરીત વિરુદ્ધ ગુજસીટોક અંતર્ગત ગુનો દાખલ કરી 9 જેટલા આરોપીઓને ઝડપી પાડવામાં આવ્યા છે. બાટલી ગેંગના સભ્યો વિરુદ્ધ ઘરફોડ ચોરી, લૂંટ, NDPS,ખૂન, ખૂનની કોશિશ, અપહરણ સહિતના 57 જેટલા ગુના છેલ્લા દસ વર્ષમાં દાખલ થઈ ચૂક્યા હોવાનું સામે આવ્યું છે. બાટલી ગેંગના સભ્યો 2016થી ગુનાહિત પ્રવૃત્તિઓ સાથે સંકળાયેલા હોવાનું સામે આવ્યું છે રાજકોટ શહેરમાં છેલ્લા ઘણા વર્ષોથી સાવન ઉર્ફે લાલી વાઘેલા નામનો વ્યક્તિ ગુનાહિત પ્રવૃત્તિ ચલાવવા માટે ઓર્ગેનાઈઝ ક્રાઈમ સિન્ડિકેટ બનાવી હોવાનું જાણવા મળ્યું હતું. તેમજ તે ઓર્ગેનાઇઝ ક્રાઇમ સિન્ડિકેટ બાટલી ગેંગના નામે ઓળખાતી હોવાનું સામે આવ્યું હતું. પોલીસની પ્રાથમિક તપાસમાં આરોપીઓની આજીવિકાનુ મુખ્ય સાધન ગેરકાયદેસર પ્રવૃત્તિ થકી મેળવવામાં આવેલ ધન હોવાનું સામે આવ્યું છે. ત્યારે બાટલી ગેંગના ગેંગ લીડર સાવન ઉર્ફે લાલી વાઘેલા સહિત કુલ 14 જેટલા આરોપીઓ વિરુદ્ધ ગુનો દાખલ કરવામાં આવેલ છે. ગેંગ લીડર સાવન ઉર્ફે લાલી વાઘેલા હાલ વડોદરા ખાતે પાસાની કાર્યવાહી અંતર્ગત જેલમાં બંધ છે જેનો કબજો મેળવીને તેની ધરપકડ કરવામાં આવશે. ભૂરો પાટડીયા સહિતના વ્યક્તિઓની ધરપકડ કરવામાં આવી છે ક્રાઈમ બ્રાન્ચ દ્વારા હાલ સરફરાજ ઉર્ફે ઈડો કાદરી, કમલેશ ઉર્ફે લાલુ પરમાર, સમીર ઉર્ફે ધમો શેખ, ઈશોભા દલ, મીરખાન દલ, અસલમ ઉર્ફે સર્કિટ શેખ, સુલેમાન દલ, ઈરફાન ભાણું તેમજ સાહિલ ઉર્ફે ભૂરો પાટડીયા સહિતના વ્યક્તિઓની ધરપકડ કરવામાં આવી છે. જ્યારે અન્ય ચાર આરોપીઓની શોધખોળ ચાલી રહી છે. તેમ ક્રાઈમ બ્રાન્ચના ડીસીપી જગદીશ બાંગરવાએ જણાવ્યું હતું. રાજકોટ શહેર ક્રાઈમ બ્રાન્ચ દ્વારા વર્ષ 2024થી લઈ અત્યાર સુધીમાં કુલ 4 જેટલી ગેંગ વિરુદ્ધ ગુજસીટોક હેઠળ કાર્યવાહી કરવામાં આવી છે. જેમાં ચડ્ડી બનીયાન ધારી ગેંગ, પૈંડા ગેંગ, મરઘા ગેંગ તેમજ બાટલી ગેંગનો સમાવેશ થાય છે. ગઠિત ગુનાખોરી કરતા હોય તેવી ગેંગ વિરુદ્ધ આવનારા દિવસોમાં ગુજસીટોક હેઠળ ગુના દાખલ કરવામાં આવશે પૈંડા ગેંગના સભ્યો અને મરઘા ગેંગના સભ્યો દ્વારા ગેરકાયદેસર પ્રવૃતિઓ આચરીને એકઠી કરેલ સંપતિ બાબતે હાલ તપાસ કરવામાં આવી રહી છે. આગામી સમયમાં તેમની સંપતિ ટાંચમાં લેવા બાબતે પણ પ્રક્રિયા હાથ ધરવામાં આવશે. તેમજ હાલ રાજકોટ શહેર ક્રાઈમ બ્રાન્ચ દ્વારા એક ડેટા પણ તૈયાર કરવામાં આવ્યો છે. જે અંતર્ગત છેલ્લા 10 વર્ષમાં 2 થી વધુ ગુના આચર્યા હોય તેમજ સંગઠિત ગુનાખોરી કરતા હોય તેવી ગેંગ વિરુદ્ધ આવનારા દિવસોમાં ગુજસીટોક હેઠળ ગુના દાખલ કરવામાં આવશે. આ પણ વાંચો : Surendranagar News : સાયલા વન વિભાગે ફિલ્મી ઢબે પીછો કરી બે શિકારીને દબોચ્યા, જંગલમાં નીલગાયનો કરતા હતા શિકાર

Read Full Story arrow_forward

calendar_today January 4, 2026

Surat News: પત્નીના આડા સંબંધોએ લીધો પતિનો જીવ

સુરત શહેરના સચિન GIDC વિસ્તારમાંથી એક હૃદયદ્રાવક ઘટના સામે આવી છે. જ્યાં એક પરણેિત યુવાને પત્નીના આડા સંબંધોથી કંટાળીને ગળેફાંસો ખાઈ આત્મહત્યા કરી લેતા ચકચાર મચી ગઈ છે. એક સંતાનના પિતા એવા આ યુવાને પત્નીને તેના પ્રેમી સાથે જોઈ લીધા બાદ આ અંતિમ પગલું ભર્યું હોવાનું પ્રાથમિક દ્રષ્ટિએ જણાઈ રહ્યું છે. જોકે, મૃતકના પરિવારે પત્ની સામે ગંભીર આક્ષેપો કર્યા છે.શું છે સમગ્ર મામલો? ઘટનાની મળતી માહિતી અનુસાર, સચિન GIDC વિસ્તારમાં રહેતા યુવાનના લગ્નજીવનમાં છેલ્લા કેટલાક સમયથી ખટરાગ ચાલતો હતો. અંદાજે 10 દિવસ પહેલા પતિએ પોતાની પત્નીને તેના પ્રેમી સાથે કઢંગી હાલતમાં જોઈ લીધી હતી. આ ઘટના બાદ દંપતી વચ્ચે ઉગ્ર બોલાચાલી અને ઝઘડા થયા હતા. પત્નીના આડા સંબંધોનો પર્દાફાશ થતા ઘરમાં કંકાસ વધ્યો હતો અને પત્ની રિસાઈને તેના પિયર ચાલી ગઈ હતી. પરિવારના ગંભીર આક્ષેપ: "મારીને લટકાવી દીધો" યુવાનના મોતના સમાચાર મળતા જ પરિવારમાં માતમ છવાઈ ગયો હતો. જોકે, મૃતકના પરિવારજનોએ આ મામલે પત્ની અને તેના પક્ષના લોકો પર ગંભીર આક્ષેપ કર્યા છે. પરિવારનું કહેવું છે કે, આ આત્મહત્યા નથી પણ હત્યા હોઈ શકે છે. તેઓએ શંકા વ્યક્ત કરી છે કે, યુવાનને મારીને લટકાવી દેવામાં આવ્યો છે. હાલમાં આ મામલે સચિન GIDC પોલીસે અકસ્માત મોતનો ગુનો નોંધી તપાસના ચક્રો ગતિમાન કર્યા છે. પોલીસ તપાસ તેજ આ ઘટનાની જાણ થતા જ સચિન GIDC પોલીસનો કાફલો ઘટનાસ્થળે પહોંચી ગયો હતો અને મૃતદેહને પોસ્ટ મોર્ટમ માટે ખસેડ્યો હતો. પત્નીના આડા સંબંધો, ઘરેલું કંકાસ અને પરિવારના આક્ષેપો એમ તમામ પાસાઓ પર પોલીસ ઊંડાણપૂર્વક તપાસ કરી રહી છે. પોસ્ટ મોર્ટમ રિપોર્ટ આવ્યા બાદ જ મોતનું સાચું કારણ સામે આવશે. આ પણ વાંચો - Surat news: રન ફોર ગર્લ ચાઇલ્ડ મેરેથોન 2.0નું આયોજન કરાયું

Read Full Story arrow_forward