Community News & Updates

Stay informed with the latest happenings, achievements, and announcements from our community.

All News

calendar_today January 4, 2026

Surat News: કતારગામ-અમરોલી બ્રિજનું ટૂંક સમયમાં લોકાર્પણ

'બ્રિજ સિટી' તરીકે ઓળખાતા સુરત શહેરમાં ટ્રાફિકની સમસ્યા હળવી કરવા માટે વધુ એક મહત્વનો બ્રિજ ટૂંક સમયમાં લોકાર્પણ માટે તૈયાર છે. કતારગામના ગજેરા સર્કલ પાસે થતા ભારે ટ્રાફિકના ભારણને ઘટાડવા માટે નિર્મિત કતારગામ-અમરોલી બ્રિજનો એક તરફનો ભાગ આગામી થોડા દિવસોમાં જાહેર જનતા માટે ખુલ્લો મૂકવામાં આવશે.મેયરની મુલાકાત અને કામગીરીનું નિરીક્ષણ આજ રોજ સુરતના મેયર દક્ષેશ માવાણીએ બ્રિજની મુલાકાત લીધી હતી. તેમણે બ્રિજની કામગીરીનું ઝીણવટભર્યું નિરીક્ષણ કર્યું હતું અને નિર્ધારિત સમય મર્યાદામાં કામ પૂર્ણ કરવા માટે સૂચનાઓ આપી હતી. આ મુલાકાત દરમિયાન તેમણે સ્થાનિકો અને બ્રિજ નિર્માણ સાથે જોડાયેલા કોન્ટ્રાક્ટરો સાથે પણ ચર્ચા કરી હતી. અત્રે ઉલ્લેખનીય છે કે, બે મહિના પહેલા પણ મેયરે આ કામગીરીની મુલાકાત લીધી હતી અને ઢીલી કામગીરી બદલ અધિકારીઓ તેમજ કોન્ટ્રાક્ટરનો ઉધડો લીધો હતો. ટ્રાફિકની સમસ્યામાંથી મળશે મુક્તિ કતારગામ ગજેરા સર્કલ વિસ્તારમાં સવાર-સાંજ ટ્રાફિકની ગંભીર સમસ્યા રહેતી હોય છે. સુરત મહાનગરપાલિકા દ્વારા આશરે બે વર્ષ પહેલાં આ બ્રિજનું આયોજન કરવામાં આવ્યું હતું. હાલમાં કતારગામથી અમરોલી તરફ જવાનો એક સાઈડનો બ્રિજ સંપૂર્ણ તૈયાર થઈ ગયો છે. જોકે, અમરોલીથી કતારગામ આવતા બ્રિજનું કામ પૂર્ણ થતા હજુ અંદાજે 6 મહિના જેટલો સમય લાગી શકે તેમ છે. લોકોને મોટી રાહત બ્રિજનો એક ભાગ ખુલ્લો થવાથી હજારો વાહનચાલકોને ગજેરા સર્કલ પરના ટ્રાફિકમાંથી મુક્તિ મળશે. ટૂંક સમયમાં જ આ બ્રિજનું વિધિવત લોકાર્પણ કરવામાં આવશે, જેનાથી અમરોલી અને કતારગામ વચ્ચેની અવરજવર વધુ સરળ અને ઝડપી બનશે. આ પણ વાંચો - Surat News: પત્નીના આડા સંબંધોએ લીધો પતિનો જીવ

Read Full Story arrow_forward

calendar_today January 4, 2026

India : ઇન્દોરમાં ફક્ત એક જ નહીં પરંતુ અનેક ભગીરથપુરા... દરરોજ કાળું, ગંદુ અને પ્રદૂષિત પીવાનું પાણી

મધ્યપ્રદેશનું ગૌરવ ગણાતું ઇન્દોર શહેર હાલ એક ગંભીર અને ચિંતાજનક પરિસ્થિતિમાંથી પસાર થઈ રહ્યું છે. ભગીરથપુરામાં દૂષિત પાણી પીવાથી થયેલા મૃત્યુ પછી આ મુદ્દો હેડલાઇન્સમાં આવ્યો છે, પરંતુ હકીકતમાં ભગીરથપુરા એકમાત્ર વિસ્તાર નથી. ઇન્દોરના અનેક વિસ્તારોમાં પીવાના પાણીની સ્થિતિ અત્યંત દયનીય બની ગઈ છે. આ વિસ્તારોમાં પણ પાણીની સમસ્યા ગુલઝાર કોલોની, પીપલિયારાવ સહિત ઘણા વિસ્તારોમાં નર્મદાનું પાણી પૂરું પાડવામાં આવે છે, પરંતુ આ પાણી કાળું, દુર્ગંધયુક્ત અને સંપૂર્ણપણે પ્રદૂષિત હોવાનું સ્થાનિક રહેવાસીઓ કહે છે. દરરોજ સવારે લગભગ 8 વાગ્યે આવતું આ પાણી પીવા લાયક તો દૂર, વપરાશ લાયક પણ નથી. તેમ છતાં લોકો પાસે બીજો કોઈ વિકલ્પ ન હોવાથી એ જ પાણી પીવા માટે મજબૂર બન્યા છે. સ્થાનિક લોકોએ અનેક વખત કરી ફરિયાદ સ્થાનિક લોકોએ અનેક વખત કાઉન્સિલર, ધારાસભ્ય અને મંત્રી સુધી ફરિયાદ કરી છે, પરંતુ આજદિન સુધી કોઈ અસરકારક કાર્યવાહી કરવામાં આવી નથી. પરિણામે બાળકો, વૃદ્ધો અને મહિલાઓમાં દરરોજ પેટના રોગો, તાવ, ઉલ્ટી, ડાયરીયા જેવી ઘરગથ્થુ બીમારીઓ વધી રહી છે. આ સમસ્યા હવે માત્ર અસુવિધા નહીં પરંતુ જીવલેણ બની રહી છે. સરકારના મંત્રીની સ્પષ્ટા  ભારત સરકારના પીવાના પાણી મંત્રાલયના નોડલ અધિકારી સુધીન્દ્ર મોહન શર્માએ પણ સ્પષ્ટ કહ્યું કે જો આવું પાણી લાંબા સમય સુધી પીવામાં આવે તો લોકો ગંભીર રીતે બીમાર પડી શકે છે અને મૃત્યુનો જોખમ પણ વધી શકે છે. જો સમયસર યોગ્ય પગલાં લેવામાં નહીં આવે, તો “સ્વચ્છ શહેર”ની ઓળખ ધરાવતું ઇન્દોર ભવિષ્યમાં ગંભીર આરોગ્ય સંકટનું કેન્દ્ર બની શકે છે. આ પણ વાંચો : VIDEO: ત્રિશૂર રેલ્વે સ્ટેશન પર મોટી આગ, 200 વાહનો બળીને ખાખ

Read Full Story arrow_forward

calendar_today January 4, 2026

Vav Tharad : આપણે સિંહોના દાંત ગણવા વાળા ઠાકોર સમાજ છીએ, આજનો દિવસ કસોટીનો છે : ધારાસભ્ય લવિંગજી ઠાકોર

બનાસકાંઠામાં વાવ થરાદના ઓગડ ખાતે ઠાકોર સમાજનું મહા સંમેલન યોજાયું છે. જેમાં 16 મુદ્દાના બંધારણની જાહેરાત કરવામાં આવી છે. જેમાં સાંસદ ગેની બહેન સહિતના આગેવાનો જોડાયા હતાં. આ સંમેલનમાં રાધનપુરના ધારાસભ્ય લવિંગજી ઠાકોરે નિવેદન આપતાં કહ્યું હતું કે, હું કાયમ કહેતો કે જય એટલે વિજય. આજનો દિવસ આપણી કસોટીનો દિવસ છે. સિંહના દાંત ગણવા વાળા આપણે ઠાકોર સમાજ છીએ. હું ગામડામાં ગયો તો કહેવાયું કે તમે આગેવાનો બંધારણ પાળજો. એટલે તમે દેખાડામાં ના પડતા બંધારણ પાળજો નહીં તો સદારામ બાપા છે. હવે શિક્ષણનો પ્યાલો પીવાની જરૂર છે આ મહા સંમેલનમાં ઠાકોર સમાજના આગેવાન કેશાજી ઠાકોરે કહ્યું હતુ કે, લાભ પાંચમે વાત મુકી હતી આજે નવા બંધારણનું વિમોચન થયું છે. ગાંધીજીએ જે રીતે સંકલ્પ કર્યો હતો તે જ રીતે આપણે સંકલ્પબદ્ધ બનવાનું છે. આ સમાજના શક્તિશાળી બનાવવાનો છે. કોઈનો ઓશિયાળો ના બને તેવો શક્તિશાળી સમાજ બનાવવાનો છે. જ્યારે અમૃતજી ઠાકોરે કહ્યું હતું કે, આજે ઈતિહાસના પાના લખાશે. બંધારણ માટે સામે બેઠા એ તો રેડી છે. સમાજના 14 મુદ્દાના બંધારણનો અમલ આજથી જ નક્કી કરો. હું મારા ઘરેથી પાલન કરીશ પછી પાડોશીને કહેવા જઈશ. હવે શિક્ષણનો પ્યાલો પીવાની જરૂર છે. બંધારણનો ભંગ કરનાર સમાજનો દેશદ્રોહી ગણાશે આ મહા સંમેલનમાં કોંગ્રેસના બનાસકાંઠાના સાંસદ ગેનીબેન ઠાકોરે કહ્યુ હતું કે, બંધારણનો ભંગ કરનાર સમાજનો દેશદ્રોહી ગણાશે. બે લાખ લોકોની સહમતીથી આ બંધારણ બન્યું છે. સમાજની દીકરી હોવાના નાતે ગંભીરતાથી વાત કરુ છું. વ્યસન મુક્તિ માટે સાધુ સંતો આગળ આવે. સમાજમા નાની ઉંમરે દીકરીઓ વિધવા થઈ રહી છે. હું ખોળો પાથરીને ભીખ માગુ છું સમાજમાંતી બદીઓ ભાંગો. સદારામધામ માટે હું 1 વીઘા જમીન આપીશ મારી સમાજ પાસે માંગણી છે સદરામધામ બનવું જોઈએ. સદારામના નામે આપણો સમાજ ભેગો થવો જોઈએ. માથાદીઠ રૂ.100 રૂપિયા આપે તો કરોડો રૂપિયા આવે.સદારામધામ માટે હું 1 વીઘા જમીન આપીશ. નવું બંધારણ ઠાકોર સમાજને મદદરૂપ થશે. નવા નિયમોથી સમાજના ખર્ચા ઘટશે. અમે પ્રેમલગ્નના વિરોધી નથી.પ્રેમલગ્નના નામે વર્ગવિગ્રહ રોકવો જરૂરી છે. 1998માં ભાવસીંગજીની અધ્યક્ષતામાં બંધારણ કર્યું હતું. લાભ પાંચમે સ્નેહ મિલનમાં નવા બંધારણ માટેની ચર્ચા કરાઈ હતી. આ પણ વાંચોઃ Junagadh News: વાડીમાં રમતા બાળકને સિંહણે ફાડી ખાધો

Read Full Story arrow_forward