Community News & Updates

Stay informed with the latest happenings, achievements, and announcements from our community.

All News

calendar_today October 19, 2026

Siddhapur : ના કાકોશીમાં સગીરા સાથે હેવાનિયત મહિલાએ જ સગીરાને ફસાવી પુરુષોને સોંપી દીધી

સિદ્ધપુર તાલુકાના કાકોશી પોલીસ સ્ટેશનના ચોપડે એક માસુમ સગીરા સાથે હેવાનિયતની હદ પાર કરતો એક ગંભીર કેસ નોંધાયો છે. પંથકમાં રહેતી એક 15 વર્ષીય સગીરાને એક પરિચિત મહિલાએ વિશ્વાસમાં લઈને લાલચ આપી એક નરાધમ સાથે વિશ્વાસ કેળવવા સમજાવીને આરોપી મહિલાના ઘરે તેમજ અન્ય જગ્યાએ મળાવતાં નરાધમે સગીરાની મરજી વિરુદ્ધ દુષ્કર્મ આચર્યું હતું. તેમજ તેના બિભત્સ ફોટા પાડીને અન્ય એક શખ્સ પાસે મોકલતાં તેણે પણ સગીરાની મરજી વિરુદ્ધ દુષ્કર્મ આચરી વિડિયો ઉતારી લીધો હતો. સીલસીલો આટલે ના અટકતાં આરોપીઓ દ્વારા ફરીથી અવાવરૂ ઓરડીમાં સગીરા સાથેદુષ્કર્મ આચરી માર મારી તેના કાકાના હવાલે કરતાં તેણે પણ સગીરાની મરજી વિરુદ્ધ દુષ્કર્મ આચરી જાનથી મારી નાખવાની ધમકી આપતાં મહિલા સહિત ચાર આરોપી વિરુદ્ધ કાકોશી પોલીસ સ્ટેશનમાં ફરીયાદ નોંધાવી છે. સંવેદનશીલ મામલો હોવાથી સિદ્ધપુર પીઆઈ એમ.કે. ઝાલાએ વધું તપાસ હાથ ધરીને મહિલા આરોપી રંજન પરમાર અને અમન વિક્રમભાઈ વાદીને દબોચી વધું તપાસ હાથ ધરી છે. હજુ બે શખ્સો પોલીસ પકડથી દુર હોવાનું જાણવા મળ્યું છે. પોલીસે ઝડપાયેલ શખ્સ પાસેથી પરીક્ષા કબજે કરી છે.કાકોશી પોલીસ સ્ટેશનમાં પંથકમાં રહેતી 15 વર્ષીય સગીરાએ ફરીયાદ નોંધાવી છે કે રંજનબેન પુનમભાઈ પરમારની મહિલાએ તેને વિશ્વાસ અને લાલચ આપી તેના માણસ અમન વિક્રમભાઈ વાદી સાથે વિશ્વાસ કેળવવા સમજાવી તેના ઘરે તેમજ અન્ય જગ્યાએ અમન વાદી સાથે મોકલીને સગીરાની મરજી વિરુદ્ધ દુષ્કર્મ કરાવ્યું હતું તેમજ બિભત્સ ફોટા પડાવી લીધા હતા. ત્યારબાદ અન્ય હરેશ કમલેશભાઈ પરમાર સાથે મોકલતાં તેણે પણ સગીરા પર દુષ્કર્મ આચરી વિડિયો ઉતારી લીધો હતો. હેવાનિયત આટલે ના અટકતાં ગત 5 ઓક્ટોબરે અમન વાદીએ એક ગામની નજીક અવાવરૂ ઓરડીમાં સાંજે 6થી 8 વાગ્યા સુધી દુષ્કર્મ આચરીને માર માર્યો હતો. તેમજ અમન વાદીના કાકા દ્વારા પણ પુલ નજીક નહેર પર સગીરાની મરજી વિરુદ્ધ દુષ્કર્મ આચરી તમામ આરોપીઓ દ્વારા જાનથી મારી નાખવાની ધમકી આપતાં આખરે સગીરાએ ફરીયાદ નોંધાવી છે. જેની તપાસ સિદ્ધપુર પીઆઈ એમ.કે. ઝાલાએ હાથ ધરીને તાત્કાલિક અસરથી ટીમો બનાવી આરોપીઓને ઝડપવા ચક્રો ગતિમાન કરતાં ગણતરીના કલાકોમાં જ મહિલા આરોપી રંજનબેન પરમાર અને અમન વિક્રમભાઈ વાદીની ધરપકડ કરી વધું તપાસ હાથ ધરી છે. પોલીસે અમન વાદી પાસેથી રીક્ષા કબજે કરી હોવાનું તપાસ અધિકારી પીઆઈ એમ.કે.ઝાલાએ જણાવ્યું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 19, 2026

Patan : માં અનોખી પરંપરા : મડા સાતમની ઉજવણી કરાઈ

પાટણમાં વસતા શ્રીમાળી સામવેદી બ્રાહ્મણો દ્વારા પરંપરાગત રીતે મડા સાતમની ઉજવણી કરવામાં આવી હતી. જેમાં કુળદેવી બિંદુક્ષણી માતાની પુજા અર્ચના કરી માતાજીનું વાહન ગણાતા સબ વાહિનીના ભાગરૂપે તેના પ્રતિક રૂપે લીમડાની ડાળીઓમાંથી બનાવેલ નનામી પર સમાજના તમામ લોકો બેસી વર્ષ દરમિયાન આરોગ્ય સારૂં રહે તેના માટે પ્રાર્થના કરી હતી પાટણમાં વસતા શ્રીમાળી સામવેદી બ્રાહ્મણોનું મૂળ વતન રાજસ્થાનનું ભીંનમાળ છે. જ્યાં વર્ષો પહેલા રોગચાળો અને અત્યાચારનું પ્રમાણ વધતા તેમનું જીવન નિર્વાહ કરવું મુશ્કેલ બનવા પામ્યું હતું ત્યારે બ્રાહ્મણોએ અત્યાચાર અને રોગચાળાથી બચવા માટે નનામી બનાવીને તેના પર સુઈ જઈને સ્થળાંતર કરી પાટણ અને ખેરાલુ ખાતે વસવાટ કર્યો હતો. ત્યારે બિંદુક્ષણી માતાનું વાહન પણ નનામી હોવાને લઈ વર્ષોથી બ્રાહ્મણો દ્વારા દર નવરાત્રીની સાતમના દિવસે પાટણ ખાતે આવેલ બિંદુક્ષણી માતાના મંદિરે પુજા અર્ચના કરી માતાજીના સમીપ પ્રતીકરૂપ બનાવેલ નનામી પર બેસીને પરિવારનું આરોગ્ય સ્વસ્થ રહે તે માટે પ્રાર્થના કરે છે. વર્ષોથી ચાલી આવતી મડા સાતમની પરંપરા આજે પણ શ્રીમાળી બ્રાહ્મણ જ્ઞાતિમાં યથાવત રહેવા પામી છે અને મોટી સંખ્યામાં કુળદેવી બિંદુક્ષણી માતાના મંદિરે ભેગા થઈ માતાજીની પુજા અર્ચના કરે છે અને પ્રતિક રૂપે બનાવેલ નનામી પર બેસી વર્ષ દરમિયાન આરોગ્ય સારૂં રહે તેના માટે માતાજીને પ્રાર્થના કરે છે. આદ્ય શક્તિ માં અંબાના નવલા નોરતા ચાલી રહ્યા છે. ત્યારે વિવિધ સમાજોમાં રહેલ પ્રથાઓ આજે પણ અક્બંદ રહેવા પામી છે. આધુનિક યુગ હોવા છતા સમાજમાં રહેલ પ્રથાઓ તેમજ કરવઠુંને લોકો શ્રદ્ધા પૂર્વક પૂરી કરે છે. ત્યારે પાટણમાં પણ આ પરંપરા શ્રીમાળી સામવેદી સમાજમાં અક્બંદ રહેવા પામી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 19, 2026

Chanasma : રણાસણ ગામે જોગણી માતાજીના ફુલોના અને માટીના ગરબા યોજાયા

ચાણસ્મા તાલુકાના રણાસણ ગામે બિરાજમાન ગામખેડાના દેવ જોગણી માતાજીના મંદિર સામે ઊજવાતા નવરાત્રી મહોત્સવ દરમિયાન આસો સુદ આઠમના દિવસે પરંપરાગત સમસ્ત ગ્રામજનો દ્વારા માતાજીના ફુલોના અને માટીના ગરબાનું આયોજન કરવામાં આવ્યું હતું. જેમાં ચાલું વર્ષે 35 થી વધું ફુલોના ગરબા અને અન્ય માટી તેમજ ત્રાંબાના ગરબા સાથે ચાચર ચોકમાં ધાર્મિક માહોલ સાથે વાતાવરણ ગરબામય બની જવા પામ્યું હતું. બીજી તરફ્ આઠમના દિવસે નૈવેદ્ય માટે શહેરોમાં વસવાટ કરતા લોકો પણ ગામમાં આવતાં રાત્રીના સમયે ચાચર ચોક ભરચક જોવા મળ્યો હતો. રાત્રિ દરમિયાન પ્રસાદ સહિત ચા પાણી અને નાસ્તો તેમજ લહાણીનું દાતા પરિવાર દ્વારા આયોજન કરવામાં આવ્યું હતું. રણાસણ ગામે વર્ષોથી ચાલી આવતી પરંપરા મુજબ જે પરિવારમાં પ્રથમ પુત્રનો જન્મ થયો હોય તે પરિવાર દ્વારા પુત્રના જન્મ નિમિત્તે આસો સુદ આઠમના દિવસે ગામખેડાના દેવ જોગણી માતાજીના ફુલોના ગરબા ચડાવતાં હોય છે. સાથે સાથે બાધા આખડી અને ખુશી રૂપે અન્ય લોકો માટીના તેમજ ત્રાંબાના ગરબા પણ ચડાવતાં હોવાથી રાત્રિના સમયે તમામ ગરબા માતાજીના મંદિર સામેચાચર ચોકમાં એકઠા થયાં બાદ માતાજીની આરતી પુર્ણ થતાં જ માથે ગરબા સાથે ચોકમાં ઘુમાવવાની શરૂઆત થઈ ગઈ હતી. ચાલુ વર્ષે 35 થી વધુ ફુલોના અને માટીના તેમજ તાંબાના ગરબા યોજાયા હતા. મધરાતે શુભ મુહૂર્તમાં માતાજીને વધામણા કર્યા બાદ ગરબાને વિદાય આપી હતીઅને ત્યારબાદ ડી.જે ના તાલે ગરબાની રમઝટ જામી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward