Community News & Updates

Stay informed with the latest happenings, achievements, and announcements from our community.

All News

calendar_today October 20, 2026

Rajkot: શહેરમાં વાયરલ અને મચ્છરજન્ય રોગચાળાનો વિસ્ફોટ, સરકારી અને ખાનગી દવાખાનાઓમાં દર્દીઓની લાંબી કતારો

રાજકોટ શહેરમાં હાલ બેવડી ઋતુ એટલે કે સવારે અને રાત્રે સામાન્ય ઠંડક તથા બપોરે અસહ્ય ગરમી અને બફારાના કારણે ઋતુજન્ય રોગચાળાએ ભરડો લીધો છે. વાતાવરણમાં સતત આવી રહેલા પલટાના પરિણામે ઘરે-ઘરે માંદગીના ખાટલા જોવા મળી રહ્યા છે. રાજકોટ મહાનગરપાલિકા (RMC) ના આરોગ્ય વિભાગ દ્વારા જાહેર કરાયેલા સાપ્તાહિક આંકડા અનુસાર, શહેરમાં માત્ર એક સપ્તાહમાં જ વાયરલ ફીવર (તાવ) ના 830 કેસ અને શરદી-ઉધરસના 940 કેસ નોંધાયા છે. સામાન્ય વાયરલ ઇન્ફેક્શનની સાથોસાથ મચ્છરજન્ય અને પાણીજન્ય રોગચાળાના કેસોમાં પણ ઉછાળો આવતાં આરોગ્ય વિભાગની કામગીરી સામે ગંભીર સવાલો ઊભા થયા છે.તાવ, શરદી અને ઝાડા-ઊલટીના કેસોમાં ધરખમ ઉછાળોશહેરના સરકારી અર્બન હેલ્થ સેન્ટરો, PDU સિવિલ હોસ્પિટલ અને ખાનગી ક્લિનિકોમાં નોંધાયેલા કેસોની સ્થિતિ. સૌથી વધુ 940 દર્દીઓ શરદી, ઉધરસ અને ગળાના ઇન્ફેક્શનના લક્ષણો સાથે સારવાર માટે પહોંચ્યા હતા. તાવના 830 સત્તાવાર કેસ નોંધાયા છે, જોકે ખાનગી હોસ્પિટલોમાં આ આંકડો બમણો હોવાનો અંદાજ છે. દૂષિત ખોરાક અને પાણીના કારણે ઝાડા-ઊલટીના 188 દર્દીઓ સામે આવ્યા છે. ડેન્ગ્યુના 3 કેસ, મેલેરિયાના 2 કેસ, ટાઈફોઈડના 2 કેસ અને કમળાનો 1 સત્તાવાર કેસ ચોપડે નોંધાયો છે.341 સ્થળોએથી મળ્યા મચ્છરોના બ્રીડિંગરોગચાળો વકર્યા બાદ આરોગ્ય શાખા દ્વારા ચેકિંગ હાથ ધરવામાં આવ્યું હતું.મનપાની મેલેરિયા શાખાની ટીમો દ્વારા શહેરના વિવિધ વિસ્તારોમાં તપાસ કરવામાં આવતાં 341 જેટલા સ્થળોએથી મચ્છરોની ઉત્પત્તિ (લારવા) મળી આવી હતી, જે દર્શાવે છે કે શહેરમાં પ્રી-મોન્સૂન કે પોસ્ટ-મોન્સૂન કામગીરી માત્ર કાગળ પર રહી ગઈ છે.તંત્ર દ્વારા શહેરના જુદા જુદા વિસ્તારોમાં કુલ 640 ઘરોમાં ફોગિંગ કામગીરી કરવામાં આવી હોવાનો દાવો કરાયો છે.સ્થાનિક રહીશોનો આક્ષેપ છે કે મોટાભાગના વિસ્તારોમાં દવા છંટકાવ કે ફોગિંગ નિયમિત થતું નથી, જેના કારણે મચ્છરોનો ઉપદ્રવ ચરમસીમા પર પહોંચ્યો છે અને મનપા તંત્ર રોગચાળો નિયંત્રિત કરવામાં સદંતર નિષ્ફળ સાબિત થયું છે.ઉકાળેલું પાણી અને મચ્છરથી બચાવ જરૂરીસ્થિતિને ધ્યાનમાં રાખીને આરોગ્ય નિષ્ણાતોએ નાગરિકોને સાવચેત રહેવા અપીલ કરી છે. મિશ્ર ઋતુ દરમિયાન તાજો અને ગરમ ખોરાક લેવો તેમજ પાણી ઉકાળીને પીવું હિતાવહ છે.ઘરની આસપાસ કે કૂંડા-ધાબા પર પાણી ભરાઈ ન રહે તેની કાળજી રાખવી જેથી ડેન્ગ્યુ અને મેલેરિયાના મચ્છરો ન પાંગરે.સામાન્ય તાવ કે શરદી જણાય તો જાતે મેડિકલ સ્ટોરમાંથી એન્ટિબાયોટિક્સ લેવાને બદલે તાત્કાલિક તબીબની સલાહ લેવી.આ પણ વાંચો: Gandhinagar: મંડળી ગરબામાં બાઉન્સરોની દાદાગીરી સામે પોલીસ એક્શન; સાંતેજ પોલીસ મથકે FIR

Read Full Story arrow_forward

calendar_today October 20, 2026

Gandhinagar News : વર્ષ 2027થી સરકારી અધિકારીઓ અને કર્મચારીઓની સર્વિસ બુક હવે ઓનલાઈન થશે

રાજ્ય સરકારના તથા પંચાયત વિભાગ હસ્તકના તમામ કર્મચારીઓ અધિકારીઓની સર્વિસ બુક સેવાપોથી અત્યાર સુધી ફિઝિકલ-હાર્ડકોપી તરીકે જળવાતી હતી.હવે આ સર્વિસ બુક ઓનલાઈન મુકાઈ રહી છે.કર્મયોગી પોર્ટલ ઉપર આ સર્વિસબુક નિભાવવામાં આવશે.નવા કેલેન્ડર વર્ષ 2027થી ઓનલાઈન થશે.નાણા વિભાગે તમામ વિભાગોના વડા અધિકારીઓને સૂચના આપી છે કે,તમામ અધિકારીઓ-કર્મીઓની સેવાકીય બાબતોની નોંધ પહેલી જાન્યુઆરી 2027થી કર્મયોગી પોર્ટલ ઉપર જ કરવાની રહેશે. ફિઝિકલ કોપી કર્મીની છેલ્લી મૂળ કચેરીએ જાળવવાની રહેશેઆ તારીખ પહેલાની સર્વિસબુક ફિઝિકલ છે.આ ફિઝિકલ કોપીનું સ્કેનિંગ કરી ફિઝિકલ કોપી વિભાગના વડા અધિકારીઓએ પોતાની કસ્ટડીમાં લઈ જાળવવાની થશે અને જે તે કર્મચારીએ આ બાબતે તેમની સર્વિસ બુક અંગે ખાતરી કરી લેવાની રહેશે.ફિઝિકલ કોપીનું સ્કેનિંગ કરીને કર્મયોગી પોર્ટલ ઉપર અપલોડ કરવાનું કાર્ય HRMS પ્રમાણે કરવાનું રહેશે.ફિઝિકલ કોપી કર્મીની છેલ્લી મૂળ કચેરીએ જાળવવાની રહેશે. સ્કેનિંગ થયેલી પીડીએફની જાતે ચકાસણી કરવાની રહેશેસર્વિસબુકની જાળવણીની જવાબદારી જેમના કાર્યક્ષેત્રમાં છે તે કર્મચારીએ જ તેમના હસ્તકનું તમામ સર્વિસબુક સેફ કસ્ટડીમાં જાળવવાની રહેશે.કર્મચારીની બદલી થયા પછી તેની ફિઝિકલ સર્વિસબુકનું હસ્તાંતરણ નહીં થાય.સ્કેનિંગ કરેલી સર્વિસબુકના કોઈ મુદ્દા બાબતે જ્યારે પણ પ્રશ્ન ઉપસ્થિત થાય ત્યારે ફિઝિકલ સર્વિસબુક કસ્ટોડિયન કચેરીએ ઉપલબ્ધ કરાવવાની રહેશે.દરેક કર્મચારીએ પણ સ્કેનિંગ થયેલી પીડીએફની જાતે ચકાસણી કરવાની રહેશે.આ પણ વાંચોઃ Gandhinagar: મંડળી ગરબામાં બાઉન્સરોની દાદાગીરી સામે પોલીસ એક્શન; સાંતેજ પોલીસ મથકે FIR

Read Full Story arrow_forward

calendar_today October 20, 2026

vijayadashami wishes : PM મોદીથી અમિત શાહ સુધીના નેતાઓએ પાઠવી શુભેચ્છાઓ, જાણો કોણે શું કહ્યું!

વિજયાદશમીના પાવન પર્વ નિમિત્તે વડાપ્રધાન નરેન્દ્ર મોદી સહિત દેશના અનેક મોટા નેતાઓએ દેશવાસીઓને શુભેચ્છાઓ પાઠવી છે. વડાપ્રધાન મોદીએ આ તહેવાર સૌના જીવનમાં નવી શક્તિ, સુખ અને સફળતા લઈને આવે તેવી પ્રાર્થના કરી છે. બીજી તરફ, રાષ્ટ્રપતિ દ્રૌપદી મુર્મુ, રક્ષામંત્રી રાજનાથ સિંહ અને ઉત્તર પ્રદેશના મુખ્યમંત્રી યોગી આદિત્યનાથે પણ દેશવાસીઓને વિજયાદશમીની શુભકામનાઓ આપી છે.આ પર્વને અધર્મ પર ધર્મ, અસત્ય પર સત્ય અને બુરાઈ પર અચ્છાઈની જીતના પ્રતીક તરીકે ઉજવવામાં આવે છે. દેશના નેતાઓએ પણ પોતાના સંદેશમાં આ પર્વના સાંસ્કૃતિક અને આધ્યાત્મિક મહત્વને ઉજાગર કર્યું છે.PM મોદીએ દેશવાસીઓને શું કહ્યું?વડાપ્રધાન નરેન્દ્ર મોદીએ સોશિયલ મીડિયા પ્લેટફોર્મ એક્સ પર પોસ્ટ કરીને દેશવાસીઓને વિજયાદશમીની શુભેચ્છાઓ પાઠવી હતી. તેમણે લખ્યું કે આ ઉત્સાહ અને વિશ્વાસનો પર્વ સૌના સંકલ્પને નવી શક્તિ આપે.વડાપ્રધાને સૌના જીવનમાં સુખ, સૌભાગ્ય અને સફળતા વધે તેવી શુભકામના પણ વ્યક્ત કરી હતી. તેમના સંદેશમાં ભગવાન શ્રીરામના આદર્શો અને વિજયાદશમીના મહત્વનો ભાવ જોવા મળ્યો હતો. રાજનાથ સિંહે બુરાઈ પર અચ્છાઈની જીતનો સંદેશ આપ્યોરક્ષામંત્રી રાજનાથ સિંહે પણ વિજયાદશમીના પવિત્ર પર્વ પર દેશવાસીઓને શુભેચ્છાઓ પાઠવી હતી.તેમણે જણાવ્યું કે વિજયાદશમી અધર્મ પર ધર્મ, અસત્ય પર સત્ય અને બુરાઈ પર અચ્છાઈની જીતનું પ્રતીક છે. આ પર્વ આપણી આસ્થા, સભ્યતા અને સાંસ્કૃતિક પરંપરાનો ઉત્સવ પણ છે.રાજનાથ સિંહે પ્રાર્થના કરી કે આ પવિત્ર પર્વ દરેકના જીવનમાં સુખ, શાંતિ અને સમૃદ્ધિ લાવે. સાથે જ સમાજમાં એકતા, સદભાવ અને પરસ્પર ભાઈચારાની ભાવના વધુ મજબૂત બને. યોગી આદિત્યનાથે ભગવાન શ્રીરામના આદર્શો યાદ કરાવ્યાઉત્તર પ્રદેશના મુખ્યમંત્રી યોગી આદિત્યનાથે પણ વિજયાદશમીની શુભેચ્છાઓ પાઠવી હતી. તેમણે ભગવાન શ્રીરામના જીવનમૂલ્યોને યાદ કરતાં લોકોને અહંકાર અને નકારાત્મકતાનો ત્યાગ કરવાની પ્રેરણા આપી હતી.યોગી આદિત્યનાથના સંદેશ અનુસાર, વિજયાદશમીનો પર્વ લોકોને સત્ય, સદાચાર અને લોકકલ્યાણના માર્ગે ચાલવાની પ્રેરણા આપે છે. તેમણે ભગવાન શ્રીરામને સૌના જીવનમાં સુખ, શાંતિ અને કલ્યાણ જાળવી રાખવા પ્રાર્થના કરી હતી. રાષ્ટ્રપતિ દ્રૌપદી મુર્મુએ પણ પાઠવી શુભકામનાઓરાષ્ટ્રપતિ દ્રૌપદી મુર્મુએ દેશ અને વિદેશમાં રહેતા તમામ ભારતીયોને વિજયાદશમીની શુભેચ્છાઓ પાઠવી હતી.તેમણે જણાવ્યું હતું કે વિજયાદશમી ભગવાન શ્રીરામની રાવણ પરની જીતનું પ્રતીક છે. ભગવાન શ્રીરામને ધર્મનિષ્ઠા અને નૈતિક આચરણના આદર્શ તરીકે પૂજવામાં આવે છે. આ પર્વ અધર્મ અને અન્યાય સામે ધર્મ અને ન્યાયની જીતનો સંદેશ આપે છે.રાષ્ટ્રપતિએ ભારતીય સંસ્કૃતિમાં નૈતિકતા અને કર્તવ્યના મહત્વ પર ભાર મૂક્યો હતો. તેમણે લોકોને સાંસ્કૃતિક પરંપરાઓના ઉત્તમ આદર્શોને જાળવી રાખવા અને સમાવેશી સમાજ તથા વિકસિત ભારતના નિર્માણમાં યોગદાન આપવાનો સંકલ્પ લેવા અપીલ કરી હતી.વિજયાદશમીનો પર્વ આપે છે સત્યના માર્ગે ચાલવાની પ્રેરણાવિજયાદશમી માત્ર ધાર્મિક તહેવાર નથી, પરંતુ સત્ય, ન્યાય અને સદાચારના માર્ગે ચાલવાનો સંદેશ આપતો પર્વ પણ છે. દેશના નેતાઓના શુભેચ્છા સંદેશમાં પણ આ જ ભાવ જોવા મળ્યો છે.આ પર્વ લોકોને નકારાત્મકતા છોડીને સારા વિચારો અને સકારાત્મક કાર્યો અપનાવવા પ્રેરિત કરે છે. દેશભરમાં વિજયાદશમીની ઉજવણી વચ્ચે નેતાઓએ સૌના જીવનમાં સુખ, શાંતિ, સમૃદ્ધિ અને રાષ્ટ્રની પ્રગતિ માટે શુભકામનાઓ વ્યક્ત કરી છે.આ પણ વાંચો - PM Modiની વિદેશ યાત્રાના રેકોર્ડ પર પડી ગયો પડદો, આખરે હાઈકોર્ટે કેમ રોક લગાવી ?

Read Full Story arrow_forward