Community News & Updates

Stay informed with the latest happenings, achievements, and announcements from our community.

All News

calendar_today October 21, 2026

Morbi News: બૂંદિયાળો બુધવાર! અકસ્માતની બે ઘટનામાં ત્રણ લોકોએ ગુમાવ્યા જીવ! 12 લોકો ઈજાગ્રસ્ત

મોરબી જિલ્લામાં બુધવારનો દિવસ આફતો લઈને આવ્યો હોય તેમ અકસ્માતની બે હચમચાવી નાખનારી ઘટનાઓ સામે આવી છે. આ અકસ્માતોની ઘટનાઓમાં કૂલ ત્રણ લોકોના મોત થયા છે. જ્યારે 12 લોકો ઈજાગ્રસ્ત થયા છે. હાલ ઈજાગ્રસ્તોને સારવાર હેઠળ ખસેડી પોલીસ ઘટનાઓની વિગતવાર તપાસ કરી રહી છે. મોરબી-હળવદ રોડ પહેલી ઘટના મોરબી-હળવદ રોડ પર આવેલા નીચી માંડલ ગામ પાસેના એક સિરામિક કારખાનામાં બની હતી. જ્યાં કારખાનાની અંદર સફાઈ કામ કરી રહેલા 57 વર્ષીય અમરતબેન નામના આધેડ મહિલાને પૂરઝડપે આવી રહેલા એક ડમ્પર ચાલકે પોતાની અડફેટે લીધા હતા. ડમ્પર નીચે ચગદાઈ જવાથી અમરતબેનનું ઘટના સ્થળે જ મોત નીપજ્યું હતું. આ સમગ્ર દર્દનાક અકસ્માત કારખાનામાં લાગેલા સીસીટીવી કેમેરામાં કેદ થઈ ગયો હતો. બનાવ અંગે મૃતક મહિલાના પુત્ર દ્વારા મોરબી તાલુકા પોલીસ સ્ટેશનમાં ડમ્પર ચાલક વિરુદ્ધ કાયદેસરની ફરિયાદ નોંધાવવામાં આવી છે.નવલખી રોડ પર બીજી ઘટનામોરબીમાં અકસ્માતની બીજી મોટી દુર્ઘટના નવલખી રોડ પર સર્જાઈ હતી. જ્યાં એક ટ્રક અને બોલેરો ગાડી વચ્ચે ધડાકાભેર અકસ્માત થયો હતો. આ બોલેરો ગાડીમાં સવાર બાળકો સહિત કુલ 12 જેટલા લોકો ગંભીર રીતે ઈજાગ્રસ્ત થયા હતા. અકસ્માત એટલો ભીષણ હતો કે તેમાં બે યુવાનો મહેન્દ્ર મોવેલ અને શંકર અજનાલ નામના વ્યક્તિઓના ઘટના સ્થળે જ પ્રાણ પંખેરૂ ઉડી ગયા હતા. જ્યારે આ દુર્ઘટનામાં 3 બાળકો સહિત કુલ 10 જેટલા લોકો ગંભીર ઇજાઓ સાથે હાલ સારવાર હેઠળ છે.બિસ્માર રસ્તાઓ બન્યા મોતના સોદાગરમોરબીના નવલખી રોડની હાલત અત્યંત જર્જરિત અને બિસ્માર હોવાનું સામે આવ્યું છે. સ્થાનિક લોકોના જણાવ્યા અનુસાર, આ રોડ પર મોટા-મોટા ખાડાઓ અને ખરાબ રસ્તાના કારણે અવારનવાર નાના-મોટા અને જીવલેણ અકસ્માતો સર્જાતા રહે છે. તંત્રની બેદરકારીના કારણે નિર્દોષ નાગરિકોએ પોતાના જીવ ગુમાવવાનો વારો આવી રહ્યો છે, જેને લઈને મોરબીના નાગરિકોમાં ભારે રોષ જોવા મળી રહ્યો છે.આ પણ વાંચો: Morbi News: માંગણીઓ નહીં સંતોષાય તો દિવાળી પછી રાજ્યભરના ખેડૂતો શક્તિપ્રદર્શન કરશે

Read Full Story arrow_forward

calendar_today October 21, 2026

Ahmedabad News : દર્દીઓની મુશ્કેલીઓનો આવશે અંત!, સોલા સિવિલમાં સારવાર ઝડપી બનાવવા કમિટીની રચના

અમદાવાદની જાણીતી સોલા સિવિલ હોસ્પિટલમાં સારવાર માટે આવતા હજારો દર્દીઓ માટે એક અત્યંત રાહતજનક સમાચાર સામે આવ્યા છે. હોસ્પિટલ તંત્ર દ્વારા દર્દીઓને ઝડપી અને સરળતાથી સારવાર મળી રહે તે હેતુથી વિવિધ સુવિધાઓમાં નોંધપાત્ર વધારો કરવામાં આવ્યો છે. હોસ્પિટલમાં આવતા સામાન્ય અને ગરીબ દર્દીઓને કોઈ તકલીફ ન પડે તે માટે તંત્ર દ્વારા ખાસ આયોજન કરીને આરોગ્ય સેવાઓને વધુ સુદ્રઢ બનાવવામાં આવી છે.હેલ્પ ડેસ્ક અને એક્સ્ટ્રા OPDની શરૂઆતસોલા સિવિલમાં દર્દીઓની વધતી ભીડ અને લાંબી લાઈનોને ધ્યાનમાં રાખીને ત્વરિત સારવાર પૂરી પાડવા માટે વિશેષ હેલ્પ ડેસ્ક તેમજ વધારાની OPD શરૂ કરી દેવામાં આવી છે. આ ઉપરાંત, દૂર-દૂરથી કે ગ્રામ્ય વિસ્તારોમાંથી આવતા દર્દીઓને કોઈ પ્રકારની મુશ્કેલી કે અગવડતા ન પડે તે માટે એક વિશેષ કમિટીની પણ રચના કરવામાં આવી છે. આ કમિટી હોસ્પિટલની રોજબરોજની કામગીરી અને દર્દીઓની સુવિધાઓ પર સીધી નજર રાખશે.વિવાદો બાદ તંત્ર એક્શન મોડમાંવિગતવાર પ્રાપ્ત માહિતી અનુસાર, ભૂતકાળમાં સોલા સિવિલ હોસ્પિટલમાં દર્દીઓને પડેલી હાલાકી અને કેટલાક વિવાદોને પગલે ઉચ્ચ અધિકારીઓ દ્વારા ગંભીરતાથી નોંધ લેવામાં આવી હતી. દર્દીઓ સાથે બેદરકારી દાખવનાર અને હાલાકી માટે જવાબદાર કર્મચારીઓ કે અધિકારીઓ સામે આકરાં એક્શન લેવામાં આવ્યા છે. હોસ્પિટલ સત્તાધીશોએ સ્પષ્ટ ચેતવણી આપી છે કે જો દૂરથી આવતા દર્દીઓને કોઈ પણ પ્રકારની તકલીફ પડશે તો ભવિષ્યમાં પણ કડકમાં કડક કાર્યવાહી કરવામાં આવશે.આ પણ વાંચો : Patan News: ગાંધીના ગુજરાતમાં દારૂના દૂષણે લીધો વધુ એકનો ભોગ! જનતા રેડ બાદ સફાળી જાગી પોલીસ!

Read Full Story arrow_forward

calendar_today October 21, 2026

Rajkot: લોધિકા સંઘમાં ચેરમેન-વાઇસ ચેરમેનની નિમણૂક અધ્ધરતાલ, ભાજપના આંતરિક જૂથવાદે કામગીરી ઠપ્પ કરી!

રાજકોટ જિલ્લામાં સત્તાધારી ભાજપનો આંતરિક વિખવાદ અને જૂથવાદ હવે સહકારી માળખા પર સીધો હાવી થઈ રહ્યો છે. ખેડૂતો અને સહકારી પ્રવૃત્તિઓ સાથે સીધા સંકળાયેલા અત્યંત પ્રતિષ્ઠિત એવા રાજકોટ-લોધિકા ખરીદ વેચાણ સંઘ માં ચેરમેન અને વાઇસ ચેરમેનની નિમણૂક પ્રક્રિયા સદંતર અધ્ધરતાલ લટકી ગઈ છે. સંઘમાં ડિરેક્ટરોની ચૂંટણી સંપન્ન થઈ ચૂકી હોવા છતાં, પદાધિકારીઓની વરણી બાબતે સર્જાયેલી ખેંચતાણના પગલે સમગ્ર ચૂંટણી પ્રક્રિયા દિવાળી પછી સુધી ઠેલાઈ ગઈ છે. ભાજપના સ્થાનિક જૂથો વચ્ચે સત્તા કબજે કરવાની ચાલી રહેલી તીવ્ર લડાઈના કારણે પ્રદેશ ભાજપ મોવડી મંડળ પણ આખરી નિર્ણય લેવામાં અનિર્ણીત સાબિત થઈ રહ્યું છે.ડિરેક્ટરો ચૂંટાયા પણ ખુરશીઓ ખાલીરાજકોટ લોધિકા ખરીદ વેચાણ સંઘ તેમજ રાજકોટ જિલ્લા સંઘમાં ડિરેક્ટરોની ચૂંટણીઓ પૂર્ણ થઈ ગઈ છે, પરંતુ ટોચના બે પદો (ચેરમેન અને વાઇસ ચેરમેન) માટે સંમતિ સધાતી નથી.પ્રદેશ ભાજપના મેન્ડેટ વિના ચૂંટણી યોજી શકાય તેમ ન હોવાથી સ્થાનિક સ્તરે કોઈ જૂથ નમતું જોખવા તૈયાર નથી.સૂત્રોના જણાવ્યા મુજબ, વર્તમાન તહેવારોની મોસમમાં કોઈપણ જૂથની નારાજગી ન વહોરવી પડે તે માટે મવડી મંડળે દિવાળી સુધી કોઈ સત્તાવાર બેઠક કે વરણી ન કરવાનો વચગાળાનો માર્ગ પસંદ કર્યો છે.ટોચના હોદ્દેદારો વિના સંઘનું નીતિવિષયક વહીવટી કામકાજ અટકી પડતાં સહકારી પ્રવૃત્તિઓ સાથે જોડાયેલા ખેડૂતો અને વેપારીઓમાં રોષ ફેલાયો છે.આગામી માર્કેટિંગ યાર્ડોની ચૂંટણીઓ પર પડશે સીધી અસરરાજકોટ લોધિકા સંઘ બાદ આગામી દિવસોમાં જિલ્લાના વિવિધ મોટા માર્કેટિંગ યાર્ડ (APMC) અને જિલ્લા સ્તરની અન્ય મહત્વપૂર્ણ સહકારી મંડળીઓની પણ સામાન્ય ચૂંટણીઓ યોજાવાની છે.જો અત્યારથી જ લોધિકા સંઘ જેવી સંસ્થામાં જૂથવાદ વકર્યો હોય, તો આગામી યાર્ડોની ચૂંટણીમાં ભાજપના બંને જૂથો ખુલ્લેઆમ સામસામે આવી જવાની પૂરી શક્યતા છે.પાયાના કાર્યકરો અને સહકારી આગેવાનોમાં એવી ચર્ચા છે કે જો પ્રદેશ નેતૃત્વ કડક હાથે જૂથવાદને નહીં ડામી શકે, તો પંચાયત અને સહકારી ક્ષેત્ર પર ભાજપની પરંપરાગત પકડ ઢીલી પડી શકે છે.આ પણ વાંચો: Ahmedabad: 23 ઓક્ટોબરથી પ્રથમ વખત ‘કોમનવેલ્થ કબડ્ડી ચેમ્પિયનશિપ 2026’, 13 દેશોના 400થી વધુ ખેલાડીઓ વચ્ચે મહામુકાબલો!

Read Full Story arrow_forward