Community News & Updates

Stay informed with the latest happenings, achievements, and announcements from our community.

All News

calendar_today October 21, 2026

Rajkot: મનપામાં 1784 કરોડના વિકાસ કામો પર AI થી નજર, દેશમાં પ્રથમ વખત બનશે ખાસ કંટ્રોલ રૂમ!

રાજકોટ મહાનગરપાલિકા (RMC) માં વિકાસ કામોના નામે ચાલતી અધિકારીઓ અને કોન્ટ્રાક્ટરો વચ્ચેની કથિત મિલીભગત, હલકી ગુણવત્તાનું બાંધકામ અને સમયમર્યાદામાં કામ પૂર્ણ ન કરવાની જૂની પદ્ધતિઓ પર કાયમ માટે પૂર્ણવિરામ મૂકવા વહીવટી તંત્રે કમર કસી છે. મ્યુનિસિપલ કમિશનર તુષાર સુમેરાના નેતૃત્વ હેઠળ મનપા દ્વારા આર્ટિફિશિયલ ઇન્ટેલિજન્સ (AI) આધારિત એક અત્યાધુનિક ડિજિટલ સિસ્ટમ તૈયાર કરવામાં આવી છે.AI અત્યાધુનિક ડિજિટલ સિસ્ટમ તૈયાર આ સમગ્ર પ્રોજેક્ટ છેલ્લા 6 મહિનાની ભારે જહેમત બાદ કાર્યરત કરાયો છે અને સમગ્ર દેશભરની મહાનગરપાલિકાઓમાં આવી સિસ્ટમ સૌપ્રથમ હોવાનો દાવો કરવામાં આવ્યો છે. શહેરમાં હાલ ચાલી રહેલા અંદાજે ₹1,784 કરોડના વિકાસ કામોની શરૂઆતથી લઈને પૂર્ણાહુતિ સુધીની તમામ ક્ષણ-ક્ષણની વિગતો હવે આ AI સોફ્ટવેર મારફતે સીધી કમિશનરના રડારમાં રહેશે.પ્રોજેક્ટ મેનેજમેન્ટ યુનિટ અને ખાસ કમાન્ડ કંટ્રોલ રૂમમનપા ભવન ખાતે આ સિસ્ટમ માટે ખાસ કમાન્ડ એન્ડ કંટ્રોલ રૂમ ઊભો કરવામાં આવ્યો છે, જ્યાંથી તમામ કામોની સમીક્ષા થશે. પ્રતિદિન 15 જેટલા વિશેષ પ્રશિક્ષિત કર્મચારીઓ આ સોફ્ટવેર અને ફિલ્ડ સાઇટનું લાઈવ મોનિટરિંગ કરશે.કોર્પોરેટર દ્વારા રજૂ કરાતા વિકાસ કામોની ખરેખર જરૂરિયાત છે કે નહીં તે આ ડેટાબેઝ દ્વારા ચકાસ્યા બાદ જ મંજૂરી અપાશે. સાઇટ પર કયું મટીરિયલ વપરાઈ રહ્યું છે અને કામ કેટલી ટકાવારી પૂર્ણ થયું છે તે રીઅલ-ટાઇમ અપડેટ થશે.કોન્ટ્રાક્ટરો અને અધિકારીઓ માટે ફરજિયાત ઓનલાઇન અપડેટદરેક કોન્ટ્રાક્ટરે પોતાની દૈનિક કામગીરીની પ્રગતિની વિગતો ફરજિયાતપણે દરરોજ સિસ્ટમમાં અપલોડ કરવી પડશે.સાઇટ વિઝિટ માટે જતા મનપાના એન્જિનિયરો અને અધિકારીઓએ સ્થળ પરથી જ જીઓ-ટેગિંગવાળા ફોટોગ્રાફ્સ સાથેનો ડેટા સિસ્ટમમાં સબમિટ કરવો પડશે.તમામ પ્રોજેક્ટ્સની આ માહિતી જાહેર પ્લેટફોર્મ પર ઓનલાઇન મુકાશે, જેથી સામાન્ય નાગરિકો પણ વિકાસ કામોની સ્થિતિ જોઈ શકશે.વિજિલન્સ તપાસ માટે ફૂલપ્રૂફ વ્યવસ્થાઅત્યાર સુધી વિજિલન્સ ટીમ નીકળે ત્યારે કોન્ટ્રાક્ટરોને પહેલેથી માહિતી મળી જતી હોવાની ફરિયાદો રહેતી હતી.હવે જો કોઈ કામમાં ગેરરીતિની આશંકા જણાશે અને વિજિલન્સ તપાસની જરૂર ઊભી થશે, તો તપાસ ટીમના જીપીએસ પર માત્ર ૨૦૦ મીટર પહેલાં જ ચોક્કસ સાઇટનું લોકેશન ખુલશે.આ ગુપ્તતાના કારણે તપાસ ટીમને પણ છેલ્લી ઘડી સુધી ખબર નહીં હોય કે તેઓ કઈ સાઇટની તપાસ કરવા જઈ રહ્યા છે, જેનાથી માહિતી લીક થવાની શક્યતા શૂન્ય થઈ જશે.આ પણ વાંચો: Surat: સાયણ-હજીરા હાઇવે પર કેમિકલ ચોરીના મોટા રેકેટનો પર્દાફાશ; ₹1.20 કરોડના મુદ્દામાલ સાથે 3 ઝડપાયા, 3 ફરાર

Read Full Story arrow_forward

calendar_today October 21, 2026

Gandhinagar News : ગરબાની તકરાર લોહિયાળ બની, અરવિંદસિંહ ચાવડા પર 3 રાઉન્ડ ફાયરિંગ, 8 શખ્સો સામે ફરિયાદ નોંધાઈ

ગાંધીનગર જિલ્લાના માણસા તાલુકામાં આવેલા વરસોડા ગામમાં કાયદો અને વ્યવસ્થાની સ્થિતિ વણસી હોય તેવી એક ગંભીર અને ચોંકાવનારી ઘટના સામે આવી છે. ગામમાં રહેતા અરવિંદસિંહ ચાવડા નામના ખેડૂત પર જૂની તકરારનો ખાર રાખીને કેટલાક માથાભારે તત્વો દ્વારા અચાનક ફાયરિંગ કરવામાં આવ્યું હતું. આ બનાવના કારણે શાંત ગણાતા વરસોડા ગામ સહિત સમગ્ર માણસા પંથકમાં ભારે સન્નાટો અને દહેશતનો માહોલ વ્યાપી ગયો છે.ગરબાના સાઉન્ડ સિસ્ટમનો વિવાદમળતી પ્રાથમિક વિગતો અનુસાર, અગાઉ નવરાત્રી દરમિયાન ગરબામાં સાઉન્ડ સિસ્ટમ વગાડવા મુદ્દે અરવિંદસિંહ ચાવડાને સ્થાનિક કેટલાક લોકો સાથે બોલાચાલી અને જૂની અદાવત ચાલી રહી હતી. આ જ વિવાદનું વેર રાખીને 8 જેટલા શખ્સો ઘાતક હથિયારો સાથે એકસંપ થઈને ખેડૂત પર તૂટી પડ્યા હતા. હુમલાખોરોએ અરવિંદસિંહને લક્ષ્ય બનાવીને તાબડતોબ 3 રાઉન્ડ ફાયરિંગ કર્યું હોવાનો ગંભીર આક્ષેપ કરાયો છે. આ દરમિયાન ત્રીજી ગોળી ખેડૂતના જમણા પગના ભાગે વાગી જતાં તેઓ લોહીલુહાણ થઈને ઢળી પડ્યા હતા.ઈજાગ્રસ્ત ખેડૂત અમદાવાદ સિવિલમાં સારવાર હેઠળઘટના બની તુરંત જ આસપાસના લોકો એકઠા થઈ જતાં હુમલાખોરો ત્યાંથી ફરાર થઈ ગયા હતા. ગંભીર રીતે ઈજાગ્રસ્ત બનેલા ખેડૂત અરવિંદસિંહ ચાવડાને તાત્કાલિક અસરથી વધુ અને સઘન સારવાર અર્થે અમદાવાદની સિવિલ હોસ્પિટલમાં ખસેડવામાં આવ્યા છે, જ્યાં હાલ તેમની તબીબી સારવાર ચાલી રહી છે. આ બનાવ અંગે મળેલી માહિતીના આધારે માણસા સ્થાનિક પોલીસે ત્વરિત કાર્યવાહી કરીને હુમલો કરનાર 8 આરોપીઓ સામે ગુનો નોંધી તેમને ઝડપી પાડવા ચક્ર ગતિમાન કર્યા છે.આ પણ વાંચો : Kutchના મુન્દ્રામાં કાળમુખી માલગાડીનો આતંક, 17થી વધુ ગૌવંશ કચડાયા, પશુપ્રેમીઓમાં ભારે રોષ!

Read Full Story arrow_forward

calendar_today October 21, 2026

Surendranagar : માલગાડીની બોગી પાટા પરથી ખડી પડતાં તમામ ટ્રેન વ્યવહાર સંપૂર્ણ ખોરવાયો

સુરેન્દ્રનગરમાં ટીબી હોસ્પિટલ પાસે અમદાવાદથી રાજકોટ તરફ જઈ રહેલી એક માલગાડીની બોગી અચાનક પાટા પરથી નીચે ઉતરી જવાની ગંભીર ઘટના બની છે. આ દુર્ઘટનાને પગલે સમગ્ર રેલવે તંત્રમાં ભારે દોડધામ અને અફરાતફરી મચી જવા પામી હતી. ટ્રેનની બોગી પાટા પરથી ખડી પડવાના કારણે તમામ રૂટ બંધ કરી દેવામાં આવતાં ટ્રેન વ્યવહાર ખોરવાઈ ગયો હતો.બોગી અચાનક ટ્રેક પરથી નીચે ઉતરી ગઈ સુરેન્દ્રનગર શહેરના ટીબી હોસ્પિટલ વિસ્તાર નજીકથી પસાર થઈ રહેલી અમદાવાદથી રાજકોટ તરફ જતી માલગાડી સાથે આ બનાવ બન્યો હતો. ટ્રેન નંબર ENKDPRTK 24686 ધરાવતી આ માલગાડી નિયત રૂટ પર આગળ વધી રહી હતી ત્યારે તેની એક બોગી અચાનક ટ્રેક પરથી નીચે ઉતરી ગઈ હતી.ઘટનાસ્થળે ભારે અફરાતફરી સર્જાઈમાલગાડીની એક બોગી ટ્રેક પરથી ખડી પડતાં જ ઘટનાસ્થળે ભારે અફરાતફરી સર્જાઈ હતી અને કર્મચારીઓમાં નાસભાગ તથા દોડધામનો માહોલ જોવા મળ્યો હતો. માલગાડી પાટા પરથી ઉતરી જવાની આ ઘટનાને લીધે રેલવે લાઇન પરની સલામતી સામે મોટો પ્રશ્ન ઊભો થયો હતો અને તાત્કાલિક ધોરણે આ લાઇન પરનો વાહનવ્યવહાર અટકાવી દેવાની ફરજ પડી હતી.અધિકારીઓ તાબડતોબ ઘટનાસ્થળે દોડી આવ્યાઆ ઘટનાની જાણ થતાં જ રેલવે વિભાગના ઉચ્ચ અધિકારીઓ તાબડતોબ ઘટનાસ્થળે દોડી આવ્યા હતા. બોગી નીચે ઉતરી જતાં સલામતીના પગલારૂપે તાત્કાલિક અસરથી ટ્રેનના તમામ સંબંધિત રૂટ બંધ કરી દેવામાં આવ્યા હતા.ટ્રેન વ્યવહાર સંપૂર્ણપણે પ્રભાવિત તમામ રેલવે રૂટ બંધ કરી દેવાતાં અમદાવાદ અને રાજકોટ વચ્ચેનો ટ્રેન વ્યવહાર સંપૂર્ણપણે પ્રભાવિત થયો હતો અને રેલવે વ્યવહાર ખોરવાઈ જવા પામ્યો હતો. ઘટનાસ્થળે પહોંચેલા રેલવે અધિકારીઓએ પરિસ્થિતિનું નિરીક્ષણ કરીને આગળની કામગીરી હાથ ધરી હતી અને સમગ્ર તંત્રમાં ભારે દોડધામ મચી ગઈ હતી. ટ્રેક પરથી ઉતરેલી બોગીને કારણે અન્ય ટ્રેનોના સંચાલન પર સીધી અસર પડી હતી અને રેલવે તંત્ર દ્વારા પરિસ્થિતિ થાળે પાડવાના પ્રયાસો શરૂ કરવામાં આવ્યા હતા. આ સમગ્ર બનાવને પગલે રેલવે તંત્રમાં ભારે ચકચાર અને દોડધામ જોવા મળી હતી.  આ પણ વાંચો    :   Dussehra Explainer: ફાફડા જલેબી આરોગી લીધા ? તો હવે વાંચો કે તમારા ચટકારાનો આખો ફંડા શું છે..

Read Full Story arrow_forward