Amreli News: લુણસાપુર પાસે ટ્રક અને બાઈક વચ્ચે અકસ્માત, યુવકે ગુમાવ્યો જીવ!
અમરેલી જિલ્લામાં માર્ગ અકસ્માતોની વણઝાર દિનપ્રતિદિન વધી રહી છે, જેમાં વધુ એક માસૂમ જીવ હોમાઈ ગયો છે. જાફરાબાદ તાલુકાના લુણસાપુર ગામ નજીક પૂરપાટ ઝડપે દોડતા વાહનોની લાપરવાહીને કારણે એક ગમખ્વાર અકસ્માત સર્જાયો હતો, જેના કારણે સમગ્ર પંથકમાં શોકનું મોજું ફરી વળ્યું છે.ટ્રક અને બાઈક વચ્ચે જોરદાર ટક્કરઘટનાની માહિતી અનુસાર, લુણસાપુર ગામ નજીકથી પસાર થઈ રહેલા એક બાઈક સવારને સામેથી આવતા બેફામ ટ્રક ચાલકે જોરદાર હડફેટે લીધો હતો. ટ્રક અને બાઈક વચ્ચેની આ ટક્કર એટલી ભયાનક હતી કે બાઈક પર સવાર યુવાન હવામાં ફંગોળાયો હતો અને તેને ગંભીર ઇજાઓ પહોંચી હતી. આ અકસ્માતને પગલે ઘટના સ્થળે લોકટોળા એકઠા થઈ ગયા હતા.યુવાનનું મોત અને હોસ્પિટલ ખસેડવાની ત્વરિત કાર્યવાહીઆ અકસ્માતમાં 22 વર્ષીય ભરત બાબુભાઈ શિયાળ નામના યુવાનનું ઘટના સ્થળે જ કમકમાટીભર્યું મોત નિપજયું હતું. ઘટનાની જાણ થતાં જ 108 એમ્બ્યુલન્સ તાત્કાલિક સ્થળ પર પહોંચી ગઈ હતી. મૃતકના મૃતદેહને પોસ્ટ મોર્ટમ તથા આગળની કાર્યવાહી માટે જાફરાબાદ સિવિલ હોસ્પિટલ ખાતે ખસેડવામાં આવ્યો હતો.પોલીસ તપાસ અને સ્થાનિકોમાં રોષઘટનાની જાણ થતાં જ સ્થાનિક પોલીસ કાફલો તાત્કાલિક ઘટના સ્થળે દોડી આવ્યો હતો. પોલીસે ટ્રાફિક હળવો કરી પંચનામું હાથ ધર્યું હતું. હાલ પોલીસે અકસ્માત સર્જનારા ટ્રક ચાલક સામે ગુનો નોંધીને કાયદેસરની વધુ તપાસ શરૂ કરી છે, જ્યારે પરિવારજનોમાં આક્રંદ છવાઈ ગયો છે. આ ઘટના બાદ સ્થાનિકો બેફામ વાહન ચલાવતા લોકો સામે કડક કાર્યવાહી કરવામાં આવે તેવી માગ કરી રહ્યા છે.આ પણ વાંચો: Amreli News: પૈસાની લેતીદેતીમાં પિતા અને પુત્ર પર જીવલેણ હુમલો, બંનેને ગંભીર ઈજાઓ પહોંચી
Read Full Story arrow_forward
