Community News & Updates

Stay informed with the latest happenings, achievements, and announcements from our community.

All News

calendar_today October 22, 2026

Wadhwan : માં પશુ ચોરી કેસમાં ફરાર આરોપીને પોલીસે કચ્છથી પકડી પાડયો

વઢવાણના નવા દરવાજા સામે રહેતા ફૈઝલભાઈ ઈકબાલભાઈ વડદરીયા પશુપાલનનો વ્યવસાય કરે છે. તા. 14-6-25 ના રોજ રાત્રે તેમના વરંડામાંથી ર પશુઓ ચોરાયા હતા. બીજી તરફ આ જ સમયે આજ વિસ્તારમાં રહેતા શારદાબેન રાજુભાઈ વૈષ્ણવના પણ ર પશુઓની ચોરી થઈ હતી. આ અંગે વઢવાણ પોલીસ મથકે રૂપીયા 47 હજારની કિંમતના 4 પશુઓની ચોરીની ફરિયાદ નોંધાઈ હતી. આ કેસમાં ફરાર આરોપી રૂડા પરમાર કચ્છમાં હોવાની બાતમી પેરોલ ફર્લો સ્કવોડના કપીલભાઈ સુમેરાને મળી હતી. જેમાં સ્ટાફના કિશોરભાઈ, રાકેશભાઈ સહિતનાઓએ કચ્છમાં ધામા નાંખી ફરાર આરોપી મુળ વાંકાનેરના અને હાલ કચ્છના રાપર તાલુકાના મોમાઈપરામાં રહેતા રૂડા ઉર્ફે વિજય ટપુભાઈ પરમારને કચ્છના આદેસરમાંથી ઝડપી લીધો છે. આ શખ્સને વઢવાણ પોલીસના હવાલે કરીને વધુ કાર્યવાહી હાથ ધરાઈ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 22, 2026

Mandal : વનપરડીમાં 100 વર્ષથી વધુ જુની નાટય પરંપરા આજેય જીવંત

અમદાવાદ જિલ્લાના માંડલ તાલુકાના વનપરડી ગામમાં 100 વર્ષથી પણ વધુ સમયથી નવરાત્રી પર્વ દરમ્યાન બહુચર મંડળ દ્વારા ધાર્મિક અને સાંસ્કૃતિક પરંપરાને જીવંત રાખવામાં આવી રહી છે. ગામમાં નવરાત્રી શરૂ થયેથી પ્રથમ જ નોરતાથી નોમ સુધી દરરોજ વિવિધ નાટકો ભજવવામાં આવે છે. પરંપરા ગામની લોકસંસ્કૃતિ અને ધાર્મીક આસ્થાનું પ્રતીક બની રહી છે. માતાજી સમક્ષ માનતા રાખનાર ભક્તોની મનોકામના પુર્ણ થતાં તેમના તરફથી જાતરનો ખેલ યોજવામાં આવે છે. જ્યારે દશેરાના પવિત્ર દિવસે બહુચર મંડળ દ્વારા પરંપરાગત રીતે જાતરનું આયોજન કરવામાં આવે છે. આ પ્રસંગે સૌ પ્રથમ ગણપતિજીનો ખેલ અને ત્યારબાદ મહાકાળી માતાજીનો ખેલ ભજવવામાં આવે છે. મંડળના મેનેજર તરીકે પટેલ આત્મારામભાઈ મગનભાઈ સેવા આપી રહ્યાં છે. ગામના તમામ જ્ઞાતિ-સમાજના ઉત્સાહી યુવાનો એકસાથે જોડાઈને નાટકનું મંચન કરે છે અને વર્ષો જુની પરંપરાને આગળ ધપાવે છે. આધુનિક યુગમાં પણ વનપરડી ગામના યુવાનો દ્વારા લોકનાટય અને ધાર્મિક સંસ્કૃતિનું જતન કરવામાં આવી રહ્યું છે. જે ગામની એકતા,શ્રદ્ધા અને સાંસ્કૃતિક વારસાની આગવી ઓળખ સમાન છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 22, 2026

Deesa : રૂ.500 કરોડના GST કૌભાંડમાં વીડિયો વાઈરલ

ડીસા ખેતીવાડી ઉત્પન્ન બજાર સમિતિમાં અનેક પ્રકારની ગેરનીતિઓની અનેક વખત ફરિયાદો થઈ ચૂકી છે પરંતુ ચૂંટાયેલા સત્તાધીશો અને માર્કેટના અધિકારીઓની મિલીભગતથી સરકારને ચૂનો લગાડવાનું કામ વર્ષોથી ચાલી રહ્યું છે. ત્યારે હમણાં એક વેપારી 2.47 મિનિટનો એક વિડીયો વાયરલ કર્યો છે જે ખળભળાટ મચાવી દે તેઓ આ વિડીયો સામે આવ્યો છે. આ વિડીયોના કારણે માર્કેટમાં પેઢી ધરાવતા અનેGSTની ચોરી કરનાર અનેક વેપારીઓમાં દોડધામ મચી જવા પામી છે સાથે માર્કેટના સંડોવાયેલ અધિકારીઓ પણ પોતાના બચાવમાં દોડધામ શરૂ કરી છે. આ વિડીયોમાં રૂ.500 કરોડનું GST કૌભાંડ થયું હોવાનું સ્પષ્ટ દર્શાવવામાં આવી રહ્યું છે. 2025-26 માં બીજા રાજ્યોમાંથી મગફળી ખરીદી ખેડૂતોના રોકડા પૈસા આપી અને એ બિલોનો વહીવટ બારોબાર કરી દેવામાં આવ્યો છે. તા.5/5/25 થી 31/6/2026 સુધી આ બિલોનું વહીવટ થયું હોવાના આક્ષેપો પણ કરવામાં આવી રહ્યા છે. ચોમાસુ મગફળીમાં આનો વહીવટ થયો હોવાનું પણ સ્પષ્ટ કહેવામાં આવી રહ્યું છે. હાલમાં હરાજીમાં ખરીદી કરી અને વેપારીઓ ખેડૂતોને રોકડા પૈસા આપી દેતા હોય છે અને તેના બિલો અન્ય રાજયોમાંથી આવેલા બિલો જે ડીસામાંથી ખરીદી કરતા વેપારીઓને બારોબાર પકડાવી દેતા હોય છે જેનાથી રાજ્યનેGSTનું મોટું નુકસાન થઈ રહ્યું છે. 2025-26 માં ગુજકોમાસોલ દ્વારા વિવિધ મંડળીઓને ટેકાના ભાવે મગફળી ખરીદવાની મંજુરીઆપી હતી. તેમાં પણ વેપારીઓ અને મંડળીના સંચાલકો ભેગા મળી અન્ય રાજ્યોમાંથી મગફળી લાવી અને હલકી ગુણવત્તાની મગફળી ભરાવી સરકારને નુકસાન કરાવવાનું કામ કર્યું છે હાલમાં પણ મગફળીની ખરીદી બિલોથી થતી નથી. માત્ર પાંચ ટકા જ વેપારીઓ બિલથી વ્યવહાર કરી રહ્યા છે બાકીના વેપારીઓ સરકારને નુકસાન કરાવવાનું કામ કરી રહ્યા છે જોકે કેટલીક પેઢીઓના નામ ન આપવાની સાથે જણાવ્યું હતું કે, અગાઉ ખરીદેલી મગફળીનું હવે વેચાણ બતાવી અને પાકા બિલો બનાવવાનું શરૂ કરી દીધેલ છે અને GSTની સરકારને નુકસાન કરાવવાનું કામ પણ વેપારીઓ દ્વારા કરવામાં આવી રહ્યું છે ત્યારે GSTબાબતે સરકારે નોંધ લેવી જરૂરી છે તેવું આ વિડીયોમાં કહેવામાં આવ્યું છે. જોકે આ વિડીયો છેલ્લા ચારથી પાંચ દિવસથી માર્કેટના વેપારીઓના ગ્રુપોમાં ફરી રહ્યું છે જેના કારણે GSTચોરી કરતા વેપારીઓમાંફફડાટ ફેલાયો છે અને પોતાના બચાવ માટે દોડધામ શરૂ કરી છે પરંતુ GSTના અધિકારીઆો આ બાબતે તપાસ કરી છે કે કેમ તે હજુ સુધી જાણવા મળ્યું નથી. આ કૌભાંડમાં GSTના અધિકારીઓની સંડોવણી છે કે કેમ તે પણ ચર્ચાનો વિષય બન્યો છે. હાલમાં તો માર્કેટમાં આ વિડીયોને લઈને સન્નાટો જોવા મળી રહ્યો છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward