Community News & Updates

Stay informed with the latest happenings, achievements, and announcements from our community.

All News

calendar_today October 23, 2026

Gandhinagar News: નાયબ મુખ્યમંત્રી હર્ષ સંઘવી દક્ષિણ કોરિયાના ઉદ્યોગ સાહસિકો સાથે બેઠકો યોજશે

વાયબ્રન્ટ ગુજરાત ગ્લોબલ સમિટ અંતર્ગત ગુજરાતમાં વૈશ્વિક મૂડીરોકાણ અને ઔદ્યોગિક ભાગીદારીને નવી ગતિ આપવા માટે સાઉથ કોરિયાના પ્રવાસે પહોંચેલા ગુજરાતના નાયબ મુખ્યમંત્રી હર્ષ સંઘવીના નેતૃત્વ હેઠળના ઉચ્ચસ્તરીય ડેલિગેશન દ્વારા આજે સિઓલ ખાતે વિવિધ ગ્લોબલ કંપનીઓના વડાઓ સાથે કુલ 10 જેટલી મહત્વપૂર્ણ વન-ટુ-વન અને રાઉન્ડટેબલ બેઠકો યોજાશે.તેમજ દિવસના અંતે કોરિયન ઉદ્યોગજગત સાથે એક વિશેષ બિઝનેસ સેમિનાર અને ડિનરનું આયોજન કરવામાં આવ્યું છે.એડવાન્સ્ડ ટેક્નોલોજી સેન્ટર એસોસિએશન સાથે બેઠક દિવસની શરૂઆતમાં પ્રતિનિધિમંડળ ATCAના સીઈઓ અને ચેરમેન જેજિયોંગ લી તથા મુખ્ય સંશોધકો સાથે બ્રેકફાસ્ટ બેઠક યોજીને અદ્યતન ટેક્નોલોજી ક્ષેત્રે સહયોગ અંગે ચર્ચા કરશે.કેમિકલ અને ટેક્સટાઇલ ક્ષેત્રની અગ્રણી કંપની કોલોન ઇન્ડસ્ટ્રીઝના પ્રેસિડેન્ટ અને સીઈઓ હહ સુંગ સાથે વન-ટુ-વન બેઠક યોજાશે. આર્ટિફિશિયલ ઇન્ટેલિજન્સ અને BESS સોલ્યુશન્સ ક્ષેત્રે કાર્યરત DeltaXના સીઈઓ સ્ટીફન કિમ સાથે બેઠકનું આયોજન છે.નાયબ મુખ્યમંત્રી એલએસ ઇલેક્ટ્રિકના વડામથકની મુલાકાત લઈ કંપનીના ચેરમેન જા-ગ્યુન કૂ સાથે ઇલેક્ટ્રોનિક્સ ક્ષેત્રે રોકાણ અંગે ચર્ચા કરશે.નિયમો અને રોકાણ સરળતા અંગે રાઉન્ડ ટેબલ બેઠકઆ ઉપરાંત અદ્યતન ટેક્નોલોજી ક્ષેત્રે જાણીતી કંપની સિઓલ વાયોસિસના ઉચ્ચ નેતૃત્વ સાથે પ્રતિનિધિમંડળ બેઠક કરશે.કોરિયાની અગ્રણી કાનૂની સંસ્થાઓ સાથે નિયમો અને રોકાણ સરળતા અંગે રાઉન્ડ ટેબલ બેઠક યોજાશે.જેટી કોર્પોરેશન સાથે ઔદ્યોગિક સહયોગ અંગે બેઠક યોજાશે.નાયબ મુખ્યમંત્રીએ કોરિયાની લીડિંગ ટેકસટાઇલ કંપની યંગવન કોર્પોરેશનના મુખ્ય મથકની મુલાકાત લઈ કંપનીના ચેરમેન સુંગ કી-હાક સાથે વન-ટુ-વન બેઠક યોજી ટેક્સટાઇલ ઉત્પાદન ક્ષેત્રે વિસ્તરણ અંગે વિચારવિમર્શ કરશે.બાયોટેકનોલોજી ક્ષેત્રની અગ્રણી કંપનીઓ UMTR, Plantner અને Bereumના સીઈઓઓ સાથે રાઉન્ડટેબલ ચર્ચા હાથ ધરાશે.કોરિયન ઉદ્યોગસાહસિકો સાથે વ્યાપક સંવાદતેઓ ફૂડ અને કન્ફેક્શનરી ક્ષેત્રની વૈશ્વિક કંપની લોટ્ટે વેલફૂડના ગ્લોબલ બિઝનેસ હેડ ચો ક્યુંગ વૂન સાથે વિસ્તરણ અંગે બેઠક યોજાશે.બ્યુટી અને હેલ્થકેર પ્રોડક્ટ્સના વૈશ્વિક અગ્રણી ઉત્પાદક કોસ્મેક્સના મુખ્ય મથકની મુલાકાત લઈને વાઇસ ચેરમેન સાથે બેઠક યોજાશે.સાઉથ કોરિયાના ઉભરતા સ્ટાર્ટઅપ્સ સાથે ગુજરાતમાં ઇનોવેશન અને ઇકોસિસ્ટમ વિકસાવવા અંગે વિશેષ રાઉન્ડટેબલ યોજાશે.દિવસના સમાપને ઇન્ડિયન ચેમ્બર ઓફ કોમર્સ ઇન કોરિયા (ICCK) દ્વારા આયોજિત સેમિનાર અને ડિનરમાં કોરિયન ઉદ્યોગસાહસિકો સાથે વ્યાપક સંવાદ સાધવામાં આવશે.આ પણ વાંચોઃ Mahuva: માર્કેટિંગ યાર્ડમાં મગફળીના ભાવમાં મોટો ઉછાળો, 66 નંબરના સીધા ₹2,260 બોલાયા!

Read Full Story arrow_forward

calendar_today October 23, 2026

UP Ration Card New Rule: રેશનકાર્ડ ધારકોને મફત રાશન સાથે હવે મળશે 5 લાખ સુધીની મફત સારવાર, જાણો કેવી રીતે?

ઉત્તર પ્રદેશના કરોડો નાગરિકો માટે રાજ્ય સરકાર તરફથી એક ખુબ જ આશ્વાસન આપનારા અને મહત્વપૂર્ણ સમાચાર સામે આવ્યા છે. ઉત્તર પ્રદેશ સરકારે પાત્ર પરિવારોને મફત રાશનની સાથે સાથે વધુ ઉત્તમ આરોગ્ય સુરક્ષા આપવા માટે મોટો નિર્ણય લીધો છે. હવે રાજ્યના તમામ રેશનકાર્ડ ધારકોને 'પ્રધાનમંત્રી આયુષ્માન ભારત યોજના' સાથે જોડવાના પ્રસ્તાવને સૈદ્ધાંતિક મંજૂરી આપી દેવામાં આવી છે. સરકારના આ ક્રાંતિકારી પગલાથી રાજ્યના અંદાજે 14.61 કરોડ લોકોને સીધો અને મોટો ફાયદો થશે.14.61 કરોડ લોકોને ₹5 લાખ સુધીની કેશલેસ સારવારવર્તમાન સમયમાં ઉત્તર પ્રદેશમાં લાલ (અંત્યોદય) અને સફેદ (પાત્ર ઘરગથ્થુ) એમ બંને મળીને કુલ ૩.૬૩ કરોડ રેશનકાર્ડ છે, જેનાથી 14.61 કરોડથી વધુ લોકો આવરી લેવાયેલા છે. નવી સિસ્ટમ અમલમાં આવતાંની સાથે જ આ તમામ રેશનકાર્ડ ધારકો આયુષ્માન કાર્ડ મેળવવા માટે પાત્ર બની જશે. આ યોજના હેઠળ લાભાર્થી પરિવારો કોઈપણ સૂચિબદ્ધ સરકારી તેમજ ખાનગી હોસ્પિટલોમાં પ્રતિ વર્ષ ₹5 લાખ સુધીની મફત અને કેશલેસ ઈલાજની સુવિધા મેળવી શકશે.સરકારી કર્મચારીઓ માટે નિયમો અને શરતોસરકાર આ યોજનાના પારદર્શક અને સુચારુ અમલીકરણ માટે તમામ તકનીકી પાસાઓ પર ગંભીરતાથી કામ કરી રહી છે. જે પરિવારોના સભ્યો સરકારી નોકરીમાં ફરજ બજાવે છે અને પોતાના વિભાગોમાંથી અગાઉથી જ આરોગ્ય વીમો કે કેશલેસ તબીબી સુવિધાઓ મેળવી રહ્યા છે, તેમને આ યોજનામાંથી બાકાત રાખવામાં આવી શકે છે જેથી જરૂરિયાતમંદ લોકોને જ તેનો વાસ્તવિક લાભ મળી શકે.સરકારી ખજાના પર બજેટનો બોજ વધશેરેશનકાર્ડ ધારકોને આયુષ્માન યોજનામાં સામેલ કરવાથી રાજ્ય સરકાર પર નાણાકીય બોજ વધશે. હાલમાં ઉત્તર પ્રદેશ સરકાર આયુષ્માન યોજના પર વાર્ષિક આશરે ₹6,000 થી ₹9,000 કરોડનો ખર્ચ કરે છે, જે તમામ રેશનકાર્ડ ધારકોના સમાવેશ બાદ વધીને વાર્ષિક ₹15,000 કરોડ થવાની સંભાવના છે.રાજ્ય સરકાર આગામી પૂરક બજેટ અથવા વિધાનસભા સત્રમાં આ માટે વધારાના ભંડોળની ફાળવણી કરી શકે છે. બજેટની ફાળવણી અને વહીવટી પ્રક્રિયાઓ પૂર્ણ થયા બાદ સરકાર યોજના લાગુ કરવાની સત્તાવાર તારીખ જાહેર કરશે.આ પણ વાંચોઃ Gurugram Blackout: ગુરૂગ્રામમાં કેમ અડધી રાતથી જ છવાયો અંધારપટ, 7 કલાકમાં 5,500 આવી ફરિયાદો

Read Full Story arrow_forward

calendar_today October 23, 2026

Face Off With China: અરુણાચલ બોર્ડર પર ચીન સાથે Face OFF યથાવત ! ITBP DGએ કહ્યું અમે જડબાતોડ જવાબ આપવા તૈયાર

ભારત અને ચીન વચ્ચે 'લાઇન ઓફ એક્ચ્યુઅલ કંટ્રોલ' (LAC) પર તણાવ યથાવત છે. આ સંદર્ભમાં ITBPના ડાયરેક્ટર જનરલ શત્રુજીત કપૂરે એક મહત્વપૂર્ણ ખુલાસો કર્યો છે. તેમણે જણાવ્યું કે અરુણાચલ પ્રદેશની સરહદ પર ભારત અને ચીન વચ્ચે અનેકવાર સામસામેની સ્થિતિ (face-offs) સર્જાઈ છે અને આ પરિસ્થિતિ હજુ પણ ચાલુ છે.LAC પર તણાવ યથાવત, વિપક્ષે સાધ્યું નિશાન  અગાઉ, ડોકલામમાં પણ બંને દેશો વચ્ચે સંઘર્ષ થયો હતો. કોંગ્રેસ પક્ષે આ મુદ્દે કેન્દ્ર સરકાર પર નિશાન સાધ્યું છે અને પક્ષના નેતા જયરામ રમેશે 'X' (ટ્વિટર) પર એક પોસ્ટ શેર કરી છે.જયરામ રમેશે 'X' પર લખ્યું, જેઓ પોતાને 'વિશ્વગુરુ' ગણાવે છે, તેમણે ચીનને છૂટો દોર આપી દીધો છે. ITBPના ડીજીએ અરુણાચલ પ્રદેશમાં ચીની સેના સાથેના તાજેતરના ઘર્ષણ દરમિયાન પોતાના જવાનોની કામગીરીના વખાણ કર્યા છે અને તે યોગ્ય પણ છે. તેમ છતાં, વડાપ્રધાને આ સમગ્ર મામલે સંપૂર્ણ મૌન સેવ્યું છે, જે ખરેખર આશ્ચર્યજનક છે."ITBPના ડીજીએ શું કહ્યું ? ભારત અને ચીન વચ્ચેની વાસ્તવિક નિયંત્રણ રેખા (LAC) પર તણાવ હોવો કોઈ નવી વાત નથી, પરંતુ આ પ્રથમ વખત છે જ્યારે ITBPના ડાયરેક્ટર જનરલ શત્રુજીત સિંહ કપૂરે જાહેરમાં સ્વીકાર્યું છે કે અરુણાચલ પ્રદેશના વિવિધ વિસ્તારોમાં જુલાઈથી ચીની PLA સૈનિકો સાથે સામસામેની સ્થિતિ ચાલી રહી છે.એક કાર્યક્રમમાં બોલતા ITBPના ડીજી શત્રુજીત કપૂરે કહ્યું, "અરુણાચલ પ્રદેશમાં એવી ઘણી ઘટનાઓ બની છે જ્યાં બંને પક્ષો સામસામે આવી ગયા હતા. આવી પરિસ્થિતિઓ હજુ પણ સર્જાઈ રહી છે. ત્યાં અમારી 'શૌર્ય' કમાન્ડો ટીમો તૈનાત છે અને તેમણે ઉત્કૃષ્ટ કામગીરી કરી છે.આ એક નવી પહેલ હતી. આપણે જાણીએ છીએ કે, ITBPની મૂળ કલ્પના એક પહાડી ગેરિલા (છાપામાર) દળ તરીકે કરવામાં આવી હતી; ત્યારબાદ તે ચીન સરહદની રક્ષા કરનાર એક પરંપરાગત દળમાં પરિવર્તિત થયું. જોકે હવે ગેરિલા યુદ્ધ પદ્ધતિ મુખ્ય જરૂરિયાત રહી નથી, પરંતુ અમે હવે ઉચ્ચ પર્વતીય વિસ્તારો માટેના એક વિશિષ્ટ દળ તરીકે પોતાની ઓળખ સ્થાપિત કરી રહ્યા છીએ.ITBPના ડાયરેક્ટર જનરલ શત્રુજીત કપૂરે સત્તાવાર રીતે પુષ્ટિ કરી છે કે અરુણાચલ પ્રદેશમાં ચીની PLA સૈનિકો સાથે સામસામેની સ્થિતિ (face-off) સર્જાઈ છે, જે જુલાઈ મહિનાથી ચાલી રહી છે. અનેક સ્થળોએ તણાવ યથાવત છે. ITBP ચીન સામેની પોતાની તૈયારીઓને વધુ સઘન બનાવી રહ્યું છે; જેમાં ડ્રોન પ્લાટૂન તૈનાત કરવા, હુમલાની તાલીમ આપવી અને ભૂગર્ભ બંકરોનું નિર્માણ કરવું જેવી બાબતોનો સમાવેશ થાય છે.રાજસ્થાનના અલવરમાં જવાનોને સંબોધતા તેમણે જણાવ્યું હતું કે, આસાફિલા જેવા વિસ્તારોમાં ચીની સૈનિકોએ ભારત દ્વારા માનવામાં આવતી LACથી માત્ર છથી સાત કિલોમીટરના અંતરે તંબુ નાખ્યા છે. આ નિવેદન મહત્વપૂર્ણ છે કારણ કે તે ઉત્તરી સરહદ પર વધી રહેલા તણાવની સત્તાવાર સ્વીકૃતિ છે એવી સ્થિતિ જે બ્રિક્સ (BRICS) સમિટ અને 1962ના યુદ્ધની વર્ષગાંઠ દરમિયાન પણ યથાવત હતી.ડોકલામમાં ભારત અને ચીન વચ્ચે અગાઉ થયેલા સંઘર્ષોવર્ષ 2017માં, ભારત અને ચીન વચ્ચે લાંબા સમય સુધી તણાવ રહ્યો હતો, જેમાં ડોકલામ ક્ષેત્રમાં બંને દેશોની સેનાઓ સામસામે આવી ગઈ હતી. ત્યારબાદ થોડો સમય શાંતિ રહી હતી, પરંતુ હવે ફરીથી તણાવ ઉભો થયો છે. સંસદમાં પણ ડોકલામનો મુદ્દો જોરશોરથી ઉઠાવવામાં આવ્યો હતો, જ્યાં વિપક્ષે કેન્દ્ર સરકારને આડે હાથ લીધી હતી. આ પણ વાંચો: Sanwaliya Seth: 23 કરોડ રોકડ, 92 કિલો સોનું ચાંદી અને..સાંવરિયા શેઠ મંદિરનો ખૂલ્યો ભંડાર

Read Full Story arrow_forward