Community News & Updates

Stay informed with the latest happenings, achievements, and announcements from our community.

All News

calendar_today October 24, 2026

Mahesana : ના ગંજ બજાર સ્થિત વેપારી પેઢી પાસે આગ ભભૂકી

મહેસાણા ગંજ બજાર સ્થિત એક વેપારી પેઢી નજીક રાત્રે આગ લાગી હતી.આ ઘટનાની જાણ મહેસાણા મહાનગરપાલિકાના ફાયર બ્રિગેડને થતાં ફાયર ફાયટર સાથે ટીમ બનાવ સ્થળે પહોંચી આગ પર પાણીનો મારો ચલાવી આગને કાબુમાં લીધી હતી.આ આગમાં એક ટ્રકને નુકસાન થયું હતું.જોકે આ બનાવમાં કોઈને ઈજા થઈ ન હતી. મહેસાણા ગંજ બજાર ખાતે ભાનુશાલી નરેશભાઈ ભાણજીભાઈ પેઢીના ગોડાઉન પાસે શુક્રવારે રાત્રે પૂંઠામાં કોઈ કારણોસર આગ લાગી હતી.આ આગમાં કોઈ મોટું નુકસાન થયું ન હતું.જોકે એક ટ્રક આગની ઝપટમાં આવી જતા નુકસાન થયું હતું.આ આગ લાગતા મહેસાણા મહાનગરપાલિકાના ફાયર બ્રિગેડને જાણ કરવામાં આવી હતી.ઉક્ત મેસેજ આધારે ફાયર ફાયટર ટીમ ગણતરીની મિનિટોમાં બનાવ સ્થળે પહોંચી હતી.તો આગ લાગેલ હોય ત્યાં ટીમે હોઝ પાઈપ તેમજ સીલીંગ હુક થકી પાણીનો મારો ચલાવી આગ પર કાબૂ મેળવ્યો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 24, 2026

Chiloda : મિલિટરી સ્ટેશનની પ્રેરણાદાયી મુલાકાત

કડી સર્વ વિશ્વવિદ્યાલય સંલગ્ન સર્વ નેતૃત્વ સેલ દ્વારા 124મી શિબિરના 13 કોલેજોના તાલીમાર્થીઓની મોટા ચિલોડા સ્થિત મિલિટરી સ્ટેશનની પ્રેરણાદાયી મુલાકાતનું આયોજન કરાયું હતું. વિદ્યાર્થીઓએ આ મુલાકાતમાં ભારતીય સેનાની કામગીરી, શિસ્ત, સાહસ, નેતૃત્વ અને રાષ્ટ્રસેવાની ભાવનાનો પ્રત્યક્ષ અનુભવ કર્યો હતો. આ ઉપરાંત રોકેટ લોન્ચર, મોર્ટાર પ્લાટૂન સહિતની વિવિધ સૈન્ય કામગીરી અને સાધનોથી વિદ્યાર્થીઓ માહિતગાર થયા હતા. લાઈવ ડેમો દ્વારા સૈન્યની કાર્યપદ્ધતિનો પ્રત્યક્ષ અનુભવ કર્યો હતો. સૈન્યમેં જોડાવવા માટેની વિવિધ પરીક્ષાઓ તથા તકો, શારીરિક અને માનસિક સજ્જતા, મસલ મેમરી તેમજ નેતૃત્વ ગુણો વિશે પણ વિસ્તૃત માર્ગદર્શન મેળવ્યું હતું. 85 ઈન્ફન્ટ્રી બ્રિગેડના કમાન્ડિંગ ઓફિસર દિનેશ યાદવે વિદ્યાર્થીઓ સાથે સંવાદ કર્યો હતો. કર્નલ મનસુર, વિવેકકુમાર શર્મા વગેરેએ વિદ્યાર્થીઓને પ્રેરણાદાયી માહિતી આપી સેનાની દેશ પ્રત્યેની જવાબદારી વગેરે બાબતોથી ઉજાગર કર્યા હતા.ગુજરાતના વધુ સમાચાર વાંચવા માટે ક્લિક કરો 

Read Full Story arrow_forward

calendar_today October 24, 2026

Mansa : માણસા-પ્રાંતિજને જોડતો અનોડિયા બ્રિજ ફરી ભારે વાહનો માટે બંધ કરાયો

માણસા તાલુકાના અનોડિયા ગામથી પ્રાંતિજને જોડત બ્રીજ ઉપર ફરી ભારે વાહનોની અવરજવર બંધ કરી દેવાઈ છે. જેને પગલે સ્થાનિક ખેડૂતો અને નાગરિકો ફરી મુશ્કેલીમાં મુકાયા છે. સલામતીના કારણોસર અગાઉ તંત્ર દ્વારા આ બ્રીજ ભારે વાહનો માટે બંધ કરવામાં આવ્યો હતો. જોકે આસપાસના વિસ્તારના ખેડૂતો, વાહનચાલકો અને નાગરિકો દ્વારા બ્રિજ શરૂ કરવા માટે રજૂઆતો કરવામાં આવતાં બ્રીજના છેડે લગાવવામાં આવેલા લોખંડના ગડર હટાવી વાહનોની અવરજવર શરૂ કરવામાં આવી હતી. પરંતુ હવે ફરી એકવાર તંત્ર દ્વારા બ્રીજના છેડે લોખંડના ગડર લગાવી ભારે વાહનોની અવરજવર પર પ્રતિબંધ મૂકવામાં આવ્યો છે. માણસા તાલુકાના ગ્રામ્ય વિસ્તારોને અનોડિયા બ્રીજ પ્રાંતિજ સાથે જોડતો મહત્વનો માર્ગ છે. ખાસ કરીને અનોડિયા અને આસપાસના ગામોના ખેડૂતો માટે પ્રાંતિજ નજીક પડતું હોવાથી ખેતપેદાશોના વેચાણ, ખેતીને લગતી વસ્તુઓની ખરીદી તેમજ અન્ય જરૂરી કામકાજ માટે આ માર્ગથી અવરજવર કરવામાં સરળતા રહે છે. આ માર્ગે ખેત પેદાશો લઈને જતાંખેડૂતોનો સમય અને વાહનના ઈંધણનો ખર્ચ પણ બચે છે. જોકે હવે બ્રિજ પર ફરી ભારે વાહનોની અવરજવર બંધ થતાં વાહનચાલકોને વૈકલ્પિક માર્ગનો ઉપયોગ કરીને લાંબું અંતર કાપવાની ફરજ પડી રહી છે. જેના કારણે સમય અને ખર્ચમાં વધારો થઈ જશે. અગાઉ સ્થાનિક લોકોની રજૂઆતો બાદ લોખંડના ગડર હટાવી બ્રીજ પરથી વાહનોની અવરજવર શરૂ કરવામાં આવી હતી. પરંતુ હવે ફરીથી ગડર લગાવી ભારે વાહનો માટે પ્રતિબંધ મુકી દેવાયો છે. બ્રીજની સલામતીને ધ્યાનમાં રાખીને તંત્ર દ્વારા જરૂરી પગલાં લેવામાં આવે તે આવકાર્ય છે, પરંતુ સાથે સાથે ખેડૂતો અને નાગરિકોને પડતી મુશ્કેલીઓનું પણ નિરાકરણ લવાય તેવી સ્થાનિકની માંગણી છે. જેમાં બ્રીજની સલામતી અંગે યોગ્ય તપાસ કરી, જરૂરી સમારકામ અથવા અન્ય તકેદારીનાં પગલાં સાથે આ માર્ગ પર અવરજવર સરળ બને તેવી વ્યવસ્થા કરવામાં સ્થાનિકોની માંગણી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward