android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Aravalli : હોટલ પર હુમલો : વધુ પાંચ આરોપી સકંજામાં
calendar_today October 24, 2026

Aravalli : હોટલ પર હુમલો : વધુ પાંચ આરોપી સકંજામાં

અમદાવાદ ઉદેપુર ને.હા.48 પર શામળાજીની રતનપુર બોર્ડર પર વેણપુર ગામની સીમમાં આશીર્વાદ હોટલ ઉપર થોડા દિવસ અગાઉ રાત્રીના સુમારે ઘાતક હથિયારો સાથે હિંસક હુમલો કરનાર રોયલ ગેંગના મુખ્ય સૂત્રધાર જીતુ નિનામા સહિત ચાર આરોપીઓને શામળાજી પોલીસે દબોચી લઈ આ ગુન્હાના વધુ પાંચ આરોપીઓને ગણતરીના દિવસોમાં ઝડપી લઈ કાયદેસરની કાર્યવાહી હાથધરી હતી પાંચ આરોપીઓમાંથી બે આરોપી સગીર હોવાનું જાણી પોલીસ ચોંકી ઉઠી હતી આરોપીઓમાં રાહુલ વિનોદ નિનામા (રહે,ચિત્રોડી-વિજયનગર), દીપક કાળુ બોડાત (રહે,હાથિયા-ભિલોડા), અર્જુન ભરત મેણાત (રહે,શામળપુર) તેમજ કાયદાના સંઘર્ષના આવેલા બે બાળ કિશોરને ઝડપી પાડી કાયદેસરની કાર્યવાહી હાથ ધરી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Mahudha : કેનાલનું હજારો લીટર પાણી ગટરમાં વહી ગયું
calendar_today October 24, 2026

Mahudha : કેનાલનું હજારો લીટર પાણી ગટરમાં વહી ગયું

મહુધા તાલુકાના સાકળીયાથી સરદાપુરા ગામને જોડતી કેનાલમાં ઓવરફ્લો થતાં હજારો લીટર પાણી ખુલ્લી ગટરમાં વહી જવાની ઘટના સામે આવી છે. એક તરફ્ આ કેનાલ પર આધારિત આશરે 500 જેટલા ખેડૂતોને સમયસર સિંચાઈનું પાણી મળતું ન હોવાની ફરિયાદો છે, ત્યારે બીજી તરફ્ કિંમતી પાણીનો વેડફાટ થતાં કેનાલ વિભાગની કામગીરી સામે સવાલો ઊઠયા છે. પાણીના યોગ્ય વિતરણ અને સંચાલનના અભાવે ખેડૂતોને મુશ્કેલીનો સામનો કરવો પડતો હોવાના આક્ષેપો વચ્ચે જવાબદાર તંત્ર દ્વારા તપાસ કરી યોગ્ય પગલાં ભરવાની માંગ ઊઠી છે. મળતી માહિતી મુજબ, સાકળીયાથી સરદાપુરા ગામને જોડતી કેનાલમાં એક દિવસ અગાઉ પાણીનો પ્રવાહ વધતાં ઓવરફ્લોની સ્થિતિ સર્જાઈ હતી અને મોટી માત્રામાં પાણી ખુલ્લી ગટર તરફ્ વહી ગયું હતું. આ કેનાલ સાથે આશરે 500 ખેડૂતોની ખેતી અને સિંચાઈની જરૂરિયાતો સંકળાયેલી છે. ખેતીમાં પાણીનું એક-એક ટીપું મહત્ત્વનું હોય છે, ત્યારે ખેડૂતોને સમયસર પાણી ન મળતું હોવાની ફરિયાદો વચ્ચે કેનાલનું પાણી વેડફાતાં ખેડૂતોમાં ચિંતા ઊભી થઈ છે. કેનાલમાં પાણી છોડતાં પહેલાં યોગ્ય આયોજન કરવામાં આવ્યું હતું કે કેમ, પાણીના પ્રવાહ પર નિયમિત દેખરેખ રાખવામાં આવતી હતી કે નહીં અને ઓવરફ્લો અટકાવવા માટે જરૂરી વ્યવસ્થા કેમ કરવામાં આવી નહોતી તેવા સવાલો ઊઠી રહ્યા છે. જો પાણીના પ્રવાહનું યોગ્ય નિયંત્રણ અને સમયસર નિરીક્ષણ કરવામાં આવે તો આવી પરિસ્થિતિ ટાળી શકાય છે. જોકે, ઓવરફ્લો થવા પાછળનું ચોક્કસ કારણ તપાસ બાદ જ સ્પષ્ટ થઈ શકશે. ખેડૂતોને જરૂરિયાત મુજબ સમયસર સિંચાઈનું પાણી મળી રહે તે માટે કેનાલ વિભાગ દ્વારા પાણી વિતરણનું વ્યવસ્થિત સમયપત્રક તૈયાર કરવામાં આવે, પાણી છોડતી વખતે પ્રવાહ પર સતત નજર રાખવામાં આવે અને બિનજરૂરી વેડફાટ અટકાવવા અસરકારક વ્યવસ્થા કરવામાં આવે તેવી માંગ ઊઠી છે. સાથે જ, આ ઘટનાની તપાસ કરી સંચાલનમાં કોઈ ખામી કે બેદરકારી જણાય તો જવાબદારો સામે યોગ્ય કાર્યવાહી કરવાની પણ માગણી થઈ રહી છે. પાણી બચાવવાના સંદેશાઓ વચ્ચે સિંચાઈ માટે ઉપયોગી પાણી ગટરમાં વહી જવાની ઘટના તંત્રના આયોજન અંગે ગંભીર પ્રશ્નો ઊભા કરે છે. હવે કેનાલ વિભાગ દ્વારા આ મામલે શું પગલાં લેવામાં આવે છે અને ખેડૂતોની પાણીની સમસ્યાનો ક્યારે ઉકેલ આવે છે તે જોવાનું રહ્યું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Anand : નાવલીમાં સાયબર અવેરનેસ કાર્યક્રમ યોજાયો
calendar_today October 24, 2026

Anand : નાવલીમાં સાયબર અવેરનેસ કાર્યક્રમ યોજાયો

નાવલી ખાતે ચાલી રહેલા 4 ગુજ બટાલિયન એનસીસી કેમ્પમાં સેવા સંકલ્પ અભિયાન અંતર્ગત સાયબર અવેરનેસ કાર્યક્રમ યોજાયો હતો. કાર્યક્રમમાં કેડેટ્સને ડિજીટલ સુરક્ષાનું મહત્વ સમજાવી અજાણી લિંક પર ક્લિક ન કરવા, ઓટીપી, પાસવર્ડ અને બેંકિંગ વિગતો કોઈની સાથે શેર ન કરવા તેમજ શંકાસ્પદ ફોનકોલ અને સંદેશાઓથી સાવચેત રહેવા અંગે માર્ગદર્શન આપવામાં આવ્યું હતું. સાથે જ ઓનલાઈન નાણાકીય છેતરપિંડીનો ભોગ બનવાના કિસ્સામાં તાત્કાલિક 1930 સાયબર ક્રાઈમ હેલ્પલાઈન પર સંપર્ક કરી ફરિયાદ નોંધાવવા અંગે માહિતગાર કરવામાં આવ્યા હતા.ગુજરાતના વધુ સમાચાર વાંચવા માટે ક્લિક 

Read Full Story arrow_forward