Community News & Updates

Stay informed with the latest happenings, achievements, and announcements from our community.

All News

calendar_today October 25, 2026

PM Modi Mann ki Baat Live: PM મોદીની આજે 139મી વખત મનકી બાત, 'કેટલીક પ્રેરણાદાયી કહાની સામે આવી'

PM Modi Mann ki Baat: PM મોદી આજે 139મી વખત મનકી બાત કરી રહ્યા છે. પ્રધાનમંત્રી નરેન્દ્ર મોદી 'મન કી બાત' કાર્યક્રમ દ્વારા દેશ-વિદેશના લોકો સાથે પોતાના વિચારો વહેંચી રહ્યા છે. આ માસિક રેડિયો કાર્યક્રમનો ૧૩૯મો એપિસોડ છે. પ્રધાનમંત્રી મોદીએ 'મન કી બાત'ને એક તીર્થયાત્રા સમાન ગણાવી છે. તેમણે કપાસની ખેતી પર વિશેષ ભાર મૂકતા જણાવ્યું કે, પંજાબની 'ખેતી વિરાસત મિશન' નામની સંસ્થાએ જૈવિક અને પરંપરાગત કૃષિ પદ્ધતિઓને પુનર્જીવિત કરવાનું શરૂ કર્યું છે. આ સંસ્થાએ પંજાબના માલવા ક્ષેત્રમાં કુદરતી કપાસની ખેતીને પ્રોત્સાહન આપવાનો પ્રયાસ કર્યો છે અને આ પહેલને 'નવ-ત્રિંજન' (Nav-Trinjan) નામ આપવામાં આવ્યું છે.રાસાયણિક મુક્ત ઓર્ગેનિક કપાસપ્રધાનમંત્રી મોદીએ જણાવ્યું હતું કે આ પહેલ હેઠળ, અહીં કોઈપણ પ્રકારના રસાયણોના ઉપયોગ વિના ઓર્ગેનિક કપાસની ખેતી કરવામાં આવે છે. અહીં કુદરતી રંગો ધરાવતા કપાસનું પણ ઉત્પાદન થાય છે, જેના કારણે તેમાંથી બનતા સૂતર કે કાપડને રંગવા માટે વધારાના રસાયણોની જરૂર પડતી નથી. તમે કલ્પના કરી શકો છો કે પર્યાવરણ સંરક્ષણમાં આ કેટલું મોટું યોગદાન આપે છે.'વોકલ ફોર લોકલ' (સ્થાનિક માટે અવાજ ઉઠાવવો) પર ભાર'વોકલ ફોર લોકલ' પહેલ પર પ્રકાશ પાડતા પ્રધાનમંત્રી મોદીએ ઉલ્લેખ કર્યો કે બિહારના મખાણા અને કર્ણાટકની અરહર દાળ (તુવેર દાળ) વિશ્વભરમાં નવા બજારો મેળવી રહ્યા છે. મહારાષ્ટ્રના આદિવાસી ઉત્પાદનો એવી પેકેજિંગ શૈલી દ્વારા ઓળખ મેળવી રહ્યા છે, જે આદિવાસી કળાની સમૃદ્ધિને દર્શાવે છે. ખાદીની લોકપ્રિયતા વધી રહી છે, જે એવા કારીગરોને ટેકો પૂરો પાડે છે જેમની કલા આપણી પરંપરાઓને જીવંત રાખે છે. ચાલો, આપણા સ્થાનિક કારીગરો દ્વારા તૈયાર કરાયેલ ઉત્પાદનો પસંદ કરીને 'વોકલ ફોર લોકલ'ને વધુ મજબૂત બનાવીએ.12 વર્ષ પહેલાં 'મન કી બાત' કાર્યક્રમની શરૂઆત'મન કી બાત'ના 139મા એપિસોડને સંબોધતા પ્રધાનમંત્રી નરેન્દ્ર મોદીએ કહ્યું, "બાર વર્ષ પહેલાં, વિજયાદશમીના શુભ અવસરે આપણે 'મન કી બાત'ની શરૂઆત કરી હતી. ત્યારથી આપણી આ યાત્રા અવિરત ચાલતી રહી છે. આ સમગ્ર સફરમાં, આપ સૌ મારા સહયાત્રી હોવાની સાથે સાથે મારા માર્ગદર્શક પણ રહ્યા છો. મારા માટે, 'મન કી બાત' એ આપણા દેશના સામાન્ય નાગરિકોના પરિશ્રમ, સાહસ, દ્રઢ નિશ્ચય, સમર્પણ અને સેવાભાવને બિરદાવવાની એક અદ્ભુત તક રહી છે. આપણા દેશમાં તીર્થયાત્રાની સદીઓ જૂની પરંપરા છે. મારા માટે, 'મન કી બાત' એક તીર્થયાત્રાથી જરાય ઓછી નથી—આ એક એવી યાત્રા છે જેના માધ્યમથી હું મારા દેશવાસીઓના પ્રયાસોને નજીકથી સમજી શકું છું અને તેમના યોગદાન પ્રત્યે આદર વ્યક્ત કરી શકું છું." = સતત અપડેટ ચાલુ છે... 

Read Full Story arrow_forward

calendar_today October 25, 2026

Jammu-Kashmirમાં પુસ્તકો પર બૅન કેમ? વિધાનસભાથી હાઈકોર્ટ સુધી વિવાદ

જમ્મુ-કાશ્મીરમાં સરકારી લાઇબ્રેરીઓમાંથી હજારો પુસ્તકો હટાવવાનો મામલો વિધાનસભાથી લઈને હાઈકોર્ટ સુધી પહોંચ્યો છે. મુખ્યમંત્રી ઓમર અબ્દુલ્લાના નિવેદન બાદ આ મુદ્દે રાજકીય ચર્ચા તેજ બની છે. તેમણે કહ્યું કે વર્તમાન વ્યવસ્થામાં ચૂંટાયેલી સરકાર પાસે પુસ્તકો પર પ્રતિબંધ મૂકવાનો કે તેમને હટાવવાનો નિર્ણય લેવાનો અધિકાર નથી.22 લાખથી વધુ પુસ્તકો અને પ્રકાશનોની તપાસવિધાનસભામાં શિક્ષણ વિભાગે આપેલી માહિતી મુજબ, જમ્મુ-કાશ્મીરમાં કુલ 21,81,582 પુસ્તકો અને અન્ય પ્રકાશનોની તપાસ કરવામાં આવી હતી. તેમાંથી 4,812 પુસ્તકોને લાઇબ્રેરીના સર્ક્યુલેશનમાંથી દૂર કરવામાં આવ્યાં હતાં.મુખ્ય આંકડા આ પ્રમાણે છે:કુલ તપાસ: 21,81,582 પુસ્તકો અને પ્રકાશનોલાઇબ્રેરીમાંથી દૂર કરાયાં: 4,812 પુસ્તકોઅગાઉના પ્રતિબંધ સાથે જોડાયેલી નકલો: 518અગાઉથી પ્રતિબંધિત શીર્ષકો: 19, S.O. 203 હેઠળસમીક્ષા દરમિયાન વાંધાજનક સામગ્રી મળી હોવાનો ઉલ્લેખ: અન્ય 4,249 પુસ્તકોકાશ્મીર વિભાગમાં તપાસ: 12,48,641 પુસ્તકોજમ્મુ વિભાગમાં તપાસ: 9,32,941 પુસ્તકોઓમર અબ્દુલ્લા અને શિક્ષણ મંત્રીએ શું કહ્યું?મુખ્યમંત્રી ઓમર અબ્દુલ્લાએ કહ્યું કે પુસ્તકો પર પ્રતિબંધ હોવો જોઈએ કે નહીં, તે અંગે તેમનો પોતાનો અભિપ્રાય છે, પરંતુ હાલની વ્યવસ્થામાં ચૂંટાયેલી સરકાર પાસે આ નિર્ણય લેવાની સત્તા નથી. બીજી તરફ, શિક્ષણ મંત્રી સકીના ઇટૂએ જણાવ્યું કે પુસ્તકોની તપાસ માટે સરકારે સમિતિ બનાવી હતી. તેમણે કહ્યું કે લોકો અને બાળકો જે પુસ્તકો વાંચવા માગે છે, તેમને જાણીજોઈને અટકાવવા યોગ્ય નથી.AIP અને PDPએ ઉઠાવ્યા સવાલોAIPના ધારાસભ્ય શેખ ખુર્શીદે આરોપ લગાવ્યો કે સરકારે તેમના સવાલનો સંપૂર્ણ જવાબ આપ્યો નથી. તેમણે પુસ્તકોનાં નામ, લેખકો અને પ્રકાશકોની વિગતો માગી હતી. તેમણે સવાલ કર્યો કે સરકારી લાઇબ્રેરીઓમાંથી હજારો પુસ્તકો શા માટે હટાવાયાં. PDPના ધારાસભ્ય આઘા સૈયદ મુન્તઝિરે પણ સરકારને ઘેરી હતી. તેમણે આરોપ લગાવ્યો કે ભાજપ જમ્મુ-કાશ્મીરના જૂના ઇતિહાસને બદલવા માગે છે. તેમના મતે, ચૂંટાયેલી સરકારે આ મુદ્દે વિધાનસભામાં ચર્ચા કરવી જોઈએ.મામલો હાઈકોર્ટમાં, તારિગામીએ પણ નોંધાવ્યો વિરોધપુસ્તકો હટાવવાના નિર્ણયને જમ્મુ-કાશ્મીર અને લદ્દાખ હાઈકોર્ટમાં પડકારવામાં આવ્યો છે. અરજદારોનું કહેવું છે કે આ કાર્યવાહી અભિવ્યક્તિની સ્વતંત્રતા અને બંધારણીય અધિકારો અંગે સવાલો ઊભા કરે છે. CPIMના નેતા મોહમ્મદ યુસુફ તારિગામીએ પણ આ મામલે હાઈકોર્ટનો દરવાજો ખખડાવ્યો છે. તેમણે કહ્યું કે પુસ્તકો અને વિચારો પર પ્રતિબંધ મૂકવાનો સિલસિલો ચાલુ રહેવો જોઈએ નહીં અને લોકોને શું વાંચવું તે નક્કી કરવાની સ્વતંત્રતા હોવી જોઈએ.BJPએ કાર્યવાહીનો બચાવ કર્યોભાજપે પુસ્તકો હટાવવાની કાર્યવાહીનો બચાવ કર્યો છે. વિધાનસભામાં વિપક્ષના નેતા સુનીલ શર્માએ કહ્યું કે જે એજન્સીઓએ પુસ્તકો પર પ્રતિબંધ મૂક્યો છે, તેમણે કોઈ કારણસર જ નિર્ણય લીધો હશે. તેમણે ઓમર અબ્દુલ્લાને સવાલ કર્યો કે જો આ નિર્ણય તેમના અધિકારક્ષેત્રમાં નથી, તો સરકાર પોતાના અધિકાર હેઠળ આવતી બાબતોમાં શું કરી રહી છે.હવે આગળ શું?હાલ આ વિવાદ ત્રણ મુદ્દાઓ પર કેન્દ્રિત છે: વિધાનસભામાં સરકાર અને વિપક્ષ વચ્ચેની ચર્ચા, પુસ્તકોની તપાસ કરનારી સમિતિની ભૂમિકા અને હાઈકોર્ટમાં ચાલી રહેલી કાનૂની લડાઈ. કોર્ટનો અંતિમ નિર્ણય આવવાનો બાકી છે. હવે પુસ્તકો હટાવવાની પ્રક્રિયા અને પ્રતિબંધ અંગે આગળ શું નિર્ણય લેવાય છે તેના પર સૌની નજર રહેશે.વધુ સમાચાર વાંચવા ડાઉનલોડ કરો સંદેશ ન્યૂઝ એપ : https://sandesh.com/d

Read Full Story arrow_forward

calendar_today October 25, 2026

India News: ઓપરેશન ટ્રાઇડન્ટે ડ્રગ્સ માફિયાઓની કમર તોડી, 3 રાજ્યોમાં 38 સ્થળોએ દરોડા, 1,424 બેંક ખાતાં ફ્રીઝ

કેન્દ્રીય તપાસ એજન્સીઓ અને અસમ, મિઝોરમ તથા મણિપુરની પોલીસ દ્વારા 23 ઓક્ટોબરના રોજ દેશવ્યાપી આંતરરાષ્ટ્રીય ડ્રગ્સ નેટવર્ક સામે સંયુક્ત રીતે એક વ્યાપક સર્ચ ઓપરેશન હાથ ધરવામાં આવ્યું હતું. આ કાર્યવાહી અંતર્ગત પૂર્વોત્તરના આ ત્રણેય સરહદી રાજ્યોમાં ફેલાયેલા શંકાસ્પદ તત્વોના 38 જેટલા ઠેકાણાઓ પર સુરક્ષા દળોએ એક સાથે દરોડા પાડીને તવાઈ બોલાવી હતી. આ સંગઠિત સિન્ડિકેટ ભારત, મ્યાનમાર અને બાંગ્લાદેશની આંતરરાષ્ટ્રીય સરહદોનો દુરુપયોગ કરીને નશીલા દ્રવ્યોની મોટા પાયે હેરાફેરી ચલાવતી હતી. જેને સુરક્ષા દળો દ્વારા ‘ડેથ ટ્રાયેંગલ કોરિડોર’ તરીકે ઓળખવામાં આવે છે. આ સરહદી માર્ગો પરથી ચાલતી ગેરકાયદે હેરાફેરી માત્ર ડ્રગ્સની હેરાફેરી પૂરતી મર્યાદિત ન રહેતા સમગ્ર દેશની આંતરિક સુરક્ષા માટે પણ ગંભીર ખતરો ઊભો કરી રહી હતી. 17.82 કરોડની સ્થાવર-જંગમ સંપત્તિઓ ટાંચમાં લીધીઆ દરોડા દરમિયાન વિવિધ સ્થળોએથી ઝડપાયેલા 18 આરોપીઓની વ્યક્તિગત સંડોવણી, તેમની ગુનાહિત ભૂમિકા અને તેમની સામે ઉપલબ્ધ પુરાવાઓની હાલ ઊંડાણપૂર્વક ચકાસણી કરવામાં આવી રહી છે. તપાસ એજન્સીઓ આ સમગ્ર સિન્ડિકેટના મૂળ સુધી પહોંચવા માટે સરહદ પારથી શરૂ થતી સપ્લાય ચેઇન અને તેની પાછળ સક્રિય મુખ્ય માસ્ટરમાઇન્ડ્સની કડીઓ જોડી રહી છે. જેથી ત્રણેય રાજ્યોમાં સક્રિય સ્થાનિક સહયોગીઓની ઓળખ પણ સ્પષ્ટ થઈ શકે. ઓપરેશન ટ્રાઇડેન્ટનું સૌથી મોટું અને અસરકારક પાસું આ ગેરકાયદે ડ્રગ્સ કાર્ટેલના નાણાકીય માળખા પર કરવામાં આવેલો જોરદાર પ્રહાર છે. તપાસ દરમિયાન એજન્સીઓને આશરે રૂ. 100 કરોડના શંકાસ્પદ હવાલા વ્યવહારો થયા હોવાની વિગતો પ્રાપ્ત થઈ છે. આ કાળા કારોબારની આર્થિક કમર તોડવાના હેતુથી એજન્સીઓએ ત્વરિત પગલાં ભરીને 1,424 જેટલા બેન્ક ખાતા સીઝ કરી દીધા છે અને ગેરકાયદે કમાણીમાંથી ઊભી કરાયેલી રૂ. 17.82 કરોડની સ્થાવર-જંગમ સંપત્તિઓ ટાંચમાં લીધી છે. ઓપરેશન ટ્રાઇડન્ટ' દ્વારા ડ્રગ્સ સામે વધુ એક ઘાતક પ્રહારકેન્દ્રીય ગૃહ અને સહકારીતા મંત્રી અમિત શાહે એક્સ પર પોસ્ટ કરીને કહ્યું હતું કે, મોદી સરકારે 'ઓપરેશન ટ્રાઇડન્ટ' દ્વારા ડ્રગ્સ સામે વધુ એક ઘાતક પ્રહાર કર્યો છે. તપાસ એજન્સીઓએ 23 ઓક્ટોબરના રોજ આસામ, મિઝોરમ અને મણિપુરમાં 38 સ્થળો પર એકસાથે દરોડા પાડીને આંતરરાષ્ટ્રીય નાર્કો-કાર્ટેલનો પર્દાફાશ કર્યો હતો. આ ઓપરેશન દરમિયાન રૂ. 100 કરોડના હવાલા વ્યવહારોનો ખુલાસો થયો છે, 1424 બેંક ખાતાઓ ફ્રીઝ કરવામાં આવ્યા છે, રૂ. 17.82 કરોડની મિલકતો ટાંચમાં લેવાઈ છે, 500 ડેટોનેટર અને રૂ. 12 લાખ રોકડા જપ્ત કરાયા છે તેમજ 18 લોકોની ધરપકડ કરવામાં આવી છે. આ નેટવર્ક 'ડેથ ટ્રાયંગલ કોરિડોર' મારફતે ભારત, મ્યાનમાર અને બાંગ્લાદેશની સરહદો પરથી નશીલા પદાર્થોની તસ્કરી કરતું હતું. આ આક્રમક કાર્યવાહી 31 ડિસેમ્બર 2029 સુધીમાં દરેક ડ્રગ્સ નેટવર્કને જડમૂળથી નાબૂદ કરવાના મિશનને સાકાર કરવા માટે ભારતના હિમાલય જેવા દ્રઢ સંકલ્પને દર્શાવે છે.38 સ્થળોની તપાસમાંથી 500 ડેટોનેટર પણ જપ્ત કરાયાઆ ઉપરાંત સ્થળ પર હાથ ધરાયેલી તપાસ દરમિયાન રૂ. 12 લાખની રોકડ રકમ પણ જપ્ત કરવામાં આવી છે. આ સંયુક્ત દરોડા દરમિયાન 38 સ્થળોની તપાસમાંથી 500 ડેટોનેટર પણ જપ્ત કરવામાં આવ્યા છે, જેના કારણે સમગ્ર તપાસનો વ્યાપ માત્ર ડ્રગ્સ પૂરતો મર્યાદિત ન રહેતા અન્ય સુરક્ષા પાસાઓ તરફ પણ વિસ્તર્યો છે. આ વિસ્ફોટક ડેટોનેટર્સ ક્યાંથી મેળવવામાં આવ્યા હતા અને તેને સંગ્રહિત કરવાનો વાસ્તવિક હેતુ શું હતો, તે દિશામાં સુરક્ષા દળો સઘન પૂછપરછ કરી રહ્યા છે. પ્રાપ્ત વિગતો અનુસાર આ ડેટોનેટરનો ઉપયોગ કોઈ ચોક્કસ હિંસક ઘટના માટે થવાનો હતો કે કેમ તે અંગે કોઈ અંતિમ તારણ પર પહોંચી શકાયું નથી, પરંતુ તેની હાજરીએ સુરક્ષા ચિંતાઓમાં વધારો કર્યો છે. આ સમગ્ર અભિયાન દેશમાંથી 31 ડિસેમ્બર, 2029 સુધીમાં તમામ ગેરકાયદે નશાના નેટવર્કને જડમૂળથી ખતમ કરવાના રાષ્ટ્રીય લક્ષ્યાંક સાથે જોડાયેલું એક મહત્વપૂર્ણ કદમ છે. આ પણ વાંચોઃ Price Hike : દિવાળી પર્વ પહેલાં જ પ્રજા પર મોંઘવારીનો વધુ એક પ્રહાર, ફટાકડાના ભાવમાં થયો 25 ટકા સુધીનો અધધ વધારો!

Read Full Story arrow_forward