Community News & Updates

Stay informed with the latest happenings, achievements, and announcements from our community.

All News

calendar_today October 25, 2026

Suratના વેસુમાં કાળજું કંપાવનારી દુર્ઘટના, કારની અડફેટે આવતા અઢી વર્ષના માસૂમ બાળકનું કરુણ મોત

સુરત શહેરના પોશ ગણાતા વેસુ વિસ્તારમાંથી એક અત્યંત કરુણ અને આઘાતજનક સમાચાર સામે આવ્યા છે. રસ્તા કિનારે રમી રહેલા એક શ્રમિક પરિવારના માસૂમ બાળક પર પૂરપાટ ઝડપે આવી રહેલી કારનું ટાયર ફરી વળતાં બાળકનું ભયાનક અકસ્માતમાં મોત નીપજ્યું છે. આ બનાવને પગલે સમગ્ર વિસ્તારમાં ભારે શોકની કાલિમા છવાઈ ગઈ છે અને શ્રમિક પરિવાર પર દુઃખનો પહાડ તૂટી પડ્યો છે.અઢી વર્ષના માસૂમ પર કાર ચડી ગઈપ્રાપ્ત વિગતો અનુસાર, વેસુ વિસ્તારમાં શ્રમિક પરિવારનો માત્ર 2.5 વર્ષ (અઢી વર્ષ) નો માસૂમ બાળક ઘર પાસે રમી રહ્યો હતો. તે દરમિયાન એક મહિલા ચાલકે બેફામ રીતે કાર હંકારીને રમતા બાળક પર ચડાવી દીધી હતી. અકસ્માત સર્જાતા જ બાળકના શરીર પર કારનું ટાયર ફરી વળ્યું હતું. લોહીલુહાણ હાલતમાં માસૂમ બાળકને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યો હતો, પરંતુ ત્યાં હાજર તબીબોએ તેને તપાસીને મૃત જાહેર કર્યો હતો.સ્થાનિક લોકોએ મહિલા કારચાલકને ઝડપી પાડીઅકસ્માત સર્જીને ભાગવાનો પ્રયાસ કરતી મહિલા કારચાલકને ઘટનાસ્થળે એકઠા થયેલા સ્થાનિક લોકોએ તાત્કાલિક ઝડપી પાડી હતી. ઘટના અંગે જાણ થતાં જ વેસુ પોલીસ નો કાફલો સ્થળ પર દોડી આવ્યો હતો અને લોકોના કબજામાંથી મહિલા કારચાલકની સત્તાવાર અટકાયત કરી આગળની તપાસ હાથ ધરી હતી. બીજી તરફ, પુત્ર ગુમાવનારા પીડિત શ્રમિક પરિવારે હૈયાફાટ રૂદન સાથે આરોપી મહિલા ચાલક સામે કડકમાં કડક કાયદાકીય કાર્યવાહી કરી ન્યાય અપાવવાની આકરા શબ્દોમાં માંગ કરી છે.આ પણ વાંચો : Ahmedabad News : 'સે નો ટુ ડ્રગ્સ' ના નારા સાથે રાષ્ટ્રવ્યાપી બાઇક રેલીનું ભવ્ય સ્વાગત, સ્ટેચ્યુ ઓફ યુનિટી તરફ કરાયું ફ્લેગ ઓફ!

Read Full Story arrow_forward

calendar_today October 25, 2026

Patan News: વેગેનાર ગાડીમાં જ્યાં હાથ નાંખો ત્યાં દારૂની બોટલો મળી, બેફામ બનેલા બુટલેગરની ધરપકડ

રાજ્યમાં કડક દારૂબંધીના અમલ વચ્ચે બુટલેગરો વિદેશી દારૂ ઘુસાડવા સતત સક્રિય બન્યા છે. પાટણમાં બુટલેગર દ્વારા વિદેશી દારૂ ઘુસાડવા માટે તદ્દન નવો કીમિયો અપનાવવામાં આવ્યો હતો.પાટણ એલસીબી પોલીસની ટીમને વિદેશી દારૂની હેરાફેરી અંગે એક ચોક્કસ બાતમી મળી હતી.બાતમીમાં વેગેનાર ગાડી મારફતે વિદેશી દારૂનો જથ્થો લઈ જવાતો હોવાની વિગતો સામે આવી હતી.બાતમી મળતાં જ એલસીબી પોલીસે ચાણસ્મા હાઇવે પર ઝડપી કાર્યવાહી કરી વોચ ગોઠવી હતી.પોલીસે ચાણસ્મા હાઇવે પર પૂરતી તકેદારી રાખી માર્ગ પર સઘન નાકાબંધી કરી હતી. વેગેનાર ગાડી આવતાં જ પોલીસે તેને અટકાવી લીધી હતી.પોલીસને વાહનની નંબર પ્લેટ અંગે શંકા ઉપજી હતીપ્રાથમિક તપાસ દરમિયાન પોલીસને વાહનની નંબર પ્લેટ અંગે શંકા ઉપજી હતી.પોલીસે ઝીણવટભરી તપાસ કરતાં ગાડીમાં ખોટી નંબર પ્લેટ લગાવેલી હોવાનું બહાર આવ્યું હતું.પોલીસ તપાસમાં છેતરાઈ જાય તે હેતુથી ગાડી પર બોગસ નંબર લગાવી દેવામાં આવ્યો હતો.ત્યારબાદ એલસીબી પોલીસે વેગેનાર ગાડીની અંદરના ભાગે અત્યંત બારીકાઈથી સઘન તપાસ શરૂ કરી હતી.આ તપાસ દરમિયાન ગાડીની અંદર ખાસ બનાવેલા ગુપ્ત ચોર ખાતા મળી આવ્યા હતા.બુટલેગરે દારૂનો જથ્થો કોઈને દેખાય નહીં તે રીતે ગાડીમાં ચોર ખાના બનાવ્યા હતા.પોલીસે બનાવેલા ચોર ખાના ખોલીને તપાસ કરતાં તેમાંથી વિદેશી દારૂની 447 બોટલો મળી આવી હતી. વેગેનાર ગાડી સાથે પોલીસે એક શખ્સને ઝડપી પાડ્યોચાણસ્મા હાઇવે પરથી વેગેનાર ગાડી સાથે પોલીસે એક શખ્સને ઝડપી પાડ્યો હતો.પકડાયેલા શખ્સની પૂછપરછ કરતાં તેનું નામ રાજગોર ચંપકલાલ ઉર્ફે કનુ હોવાનું જાણવા મળ્યું હતું.દારૂની હેરાફેરી કરતો ઝડપાયેલો આ આરોપી મૂળ ડીસાનો બુટલેગર હોવાનું પોલીસ તપાસમાં ખુલ્યું હતું.ગાડીમાંથી ઝડપાયેલા આ વિદેશી દારૂના જથ્થાની કિંમત રૂ.1,38,345 હોવાનું સામે આવ્યું હતું.પોલીસે ગુનામાં ઉપયોગમાં લેવાયેલી વેગેનાર ગાડી તેમજ વિદેશી દારૂનો જથ્થો કાયદેસર રીતે જપ્ત કર્યો હતો.પાટણ એલસીબી પોલીસે ગાડી અને દારૂ મળીને કુલ રૂ.4,43,345 નો મુદ્દામાલ જપ્ત કર્યો હતો.પોલીસે પકડાયેલા આરોપી બુટલેગર વિરુદ્ધ ગુનો નોંધીને આગળની કાયદેસરની કાર્યવાહી હાથ ધરી છે. પાટણમાં દારૂ ભરેલી લક્ઝરી બસ ઝડપાઈપાટણ જિલ્લાના શંખેશ્વર નજીક પોલીસ દ્વારા હાથ ધરવામાં આવેલા વાહન ચેકિંગ દરમિયાન વિદેશી દારૂનો મોટો જથ્થો ભરેલી એક લક્ઝરી બસ ઝડપાઈ છે. સમીથી ગાંધીધામ તરફ જઈ રહેલી આ લક્ઝરી બસની તલાશી લેતા તેમાંથી અલગ-અલગ બ્રાન્ડની કુલ 6108 વિદેશી દારૂની બોટલો મળી આવી હતી. શંખેશ્વર પોલીસે દારૂ અને લક્ઝરી બસ સહિત કુલ રૂ. 22 લાખનો મુદ્દામાલ જપ્ત કરી કાયદેસરની કાર્યવાહી હાથ ધરી છે તેમજ આ ગુનામાં સંકળાયેલા અન્ય આરોપીઓને પકડવા માટે વધુ તપાસ શરૂ કરી છે.આ પણ વાંચોઃ Price Hike : દિવાળી પર્વ પહેલાં જ પ્રજા પર મોંઘવારીનો વધુ એક પ્રહાર, ફટાકડાના ભાવમાં થયો 25 ટકા સુધીનો અધધ વધારો!

Read Full Story arrow_forward

calendar_today October 25, 2026

Vadodaraના રણોલીમાં કેમિકલની તીવ્ર દુર્ગંધથી રહીશો તોબા, સત્યનારાયણ સોસાયટીના લોકોનું જીવવું હરામ

વડોદરા શહેર નજીક આવેલા ઔદ્યોગિક વિસ્તાર રણોલી ખાતેથી એક ગંભીર અને ચિંતાજનક મામલો સામે આવ્યો છે. રણોલીમાં આવેલી સત્યનારાયણ સોસાયટી અને આસપાસના વિસ્તારમાં છેલ્લા કેટલાક સમયથી અસહ્ય અને ઝેરી કેમિકલની દુર્ગંધ ફેલાતા રહીશો ભારે હાલાકી ભોગવી રહ્યા છે. આ તીવ્ર દુર્ગંધના કારણે સ્થાનિક રહીશો તેમજ નાના બાળકો અને વૃદ્ધોના આરોગ્ય સામે ગંભીર જોખમ ઊભું થયું છે, જેને લઈને વિસ્તારના લોકોમાં ભારે રોષ જોવા મળી રહ્યો છે.કેમિકલ ભરેલી ગાડીઓ ખાલી કરાતી હોવાનો આક્ષેપસ્થાનિક લોકોએ ગંભીર આક્ષેપ કરતા જણાવ્યું હતું કે કેટલાક બેજવાબદાર તત્વો દ્વારા રાત્રિના કે વહેલી સવારના સમયે અનધિકૃત રીતે કેમિકલ ભરેલી ગાડીઓ (ટેન્કરો) માંથી રસાયણો ખાલી કરવામાં આવે છે, જેના કારણે આખા વિસ્તારમાં દુર્ગંધ વ્યાપી જાય છે. આ મામલે ગ્રામજનો દ્વારા ફરિયાદ કરવામાં આવતા સ્થાનિક સરપંચ પ્રવીણા રોહિત તાત્કાલિક અસરથી ઘટનાસ્થળે દોડી આવ્યા હતા. તેમણે સ્થાનિકોની સમસ્યા સાંભળી હતી અને સમગ્ર સ્થિતિની તાગ મેળવ્યો હતો.તંત્ર પાસે તાત્કાલિક તપાસ અને કડક કાયદાકીય કાર્યવાહીની ઉગ્ર માંગઆ સમગ્ર પરિસ્થિતિને ધ્યાનમાં રાખીને રણોલીના રહીશોએ જીપીસીબી (GPCB) અને સ્થાનિક પોલીસ તંત્ર પાસે તાત્કાલિક ધોરણે આ વિસ્તારમાં સઘન તપાસ હાથ ધરવાની માંગ કરી છે. લોકોએ સ્પષ્ટ ચીમકી આપી છે કે પર્યાવરણ અને નાગરિકોના સ્વાસ્થ્ય સાથે ચેડાં કરનાર કેમિકલ માફિયાઓ અને જવાબદારો સામે વહેલી તકે કડક કાયદાકીય કાર્યવાહી કરવામાં આવે જેથી ભવિષ્યમાં આવા બનાવો અટકાવી શકાય.આ પણ વાંચો : Suratના પોશ ગણાતા વેસુ વિસ્તારમાં કરુણાંતિકા, પૂરપાટ ઝડપે આવતી કારની અડફેટે અઢી વર્ષના માસૂમ બાળકનું મોત!

Read Full Story arrow_forward