Gir Somnath News: ઉનાના ભીંગરણ ગામે 80 વર્ષીય વૃદ્ધાની લૂંટના ઇરાદે ઘાતકી હત્યા
ગીર સોમનાથ જિલ્લાના ઉના તાલુકાના ભીંગરણ ગામેથી એક અત્યંત ચોંકાવનારી અને હચમચાવતી ઘટના સામે આવી છે. જ્યાં ધોળા દિવસે અજાણ્યા શખ્સો દ્વારા 80 વર્ષીય વૃદ્ધાની ક્રૂરતાપૂર્વક હત્યા કરવામાં આવી છે. આ ગંભીર ઘટનાને કારણે સમગ્ર પંથકમાં ભારે ચકચાર મચી ગઈ છે, અને સ્થાનિક લોકોમાં ભારે રોષ તથા ભયનું વાતાવરણ ફેલાઈ ગયું છે.એકલવાયા ઘરને બનાવી નિશાન, ઘરેણાં લૂંટાયાની આશંકાપ્રાપ્ત વિગતો અનુસાર, મૃતક વૃદ્ધા રખમનબેન આંગણવાડી નજીક આવેલા પોતાના ઘરમાં એકલાં જ રહેતાં હતાં, જ્યારે તેમનો પરિવાર વાડીએ રહેવા ગયો હતો. આ એકલવાયા ઘરનો ફાયદો ઉઠાવીને તૂટી પડેલા શખ્સોએ લૂંટના ઇરાદે આ ઘાતકી કૃત્ય આચર્યું હોવાની પ્રબળ આશંકા વ્યક્ત કરવામાં આવી રહી છે. વૃદ્ધાએ પહેરેલા સોના-ચાંદીના ઘરેણાં પણ લૂંટી લેવામાં આવ્યા હોવાની વિગતો સામે આવી છે.ગળા પર તીક્ષ્ણ હથિયારના ઘા ઝીંકી ક્રૂર હત્યાહત્યાની આ ઘટનામાં હુમલાખોરોએ વૃદ્ધાના ગળાના ભાગે તીક્ષ્ણ હથિયારના ઘા ઝીંકીને નિર્દયતાથી મોતને ઘાટ ઉતારી દીધા હતા. ધોળા દિવસે બનેલી આ હત્યાની ઘટનાથી સાબિત થાય છે કે, અસામાજિક તત્વોમાં કાયદાનો કોઈ ડર રહ્યો નથી. વૃદ્ધાનો મૃતદેહ મળી આવતા આસપાસના લોકો તાત્કાલિક એકત્રિત થઈ ગયા હતા અને પોલીસને જાણ કરવામાં આવી હતી.નવા બંદર પોલીસ ટીમનો કાફલો ઘટના સ્થળે અને સઘન તપાસ શરૂઘટનાની જાણ થતાં જ નવા બંદર પોલીસ સ્ટેશનની ટીમ અને ઉચ્ચ અધિકારીઓનો કાફલો ત્વરિત ઘટના સ્થળે દોડી ગયો હતો. પોલીસે મૃતદેહને કબ્જે કરી પોસ્ટ મોર્ટમ અર્થે મોકલી આપ્યો છે, અને હત્યા તેમજ લૂંટના ડબલ એંગલથી ઊંડાણપૂર્વક તપાસ હાથ ધરી છે. આસપાસના સીસીટીવી ફૂટેજ અને શંકાસ્પદ લોકોની પૂછપરછ કરીને આરોપીઓને ઝડપી પાડવા માટે પોલીસે ચક્રો ગતિમાન કર્યા છે.આ પણ વાંચો: Gir Somnath News: વેરાવળમાં એપાર્ટમેન્ટની અગાશી પર મોબાઇલ ટાવર કેબિનમાં લાગી ભીષણ આગ!
Read Full Story arrow_forward
