Community News & Updates

Stay informed with the latest happenings, achievements, and announcements from our community.

All News

calendar_today October 25, 2026

Bhopal ISBT Fire: ભોપાલ ISBTમાં આગથી અફરાતફરી, અમદાવાદ-સુરત રૂટની બસો પણ ભડભડ સળગી, કારણ અકબંધ

મધ્ય પ્રદેશની રાજધાની ભોપાલમાં આવેલા ઇન્ટર સ્ટેટ બસ ટર્મિનલ (ISBT)માં રવિવારે રાત્રે ભીષણ આગ લાગતાં અફરાતફરી મચી ગઈ હતી. આગની ઝપેટમાં ખાનગી ટ્રાવેલ કંપની વર્મા ટ્રાવેલ્સની 4 બસ સહિત આશરે 7 બસ આવી ગઈ હતી. અસરગ્રસ્ત બસોમાં નાગપુર-અમદાવાદ-સુરત રૂટ પર દોડતી બસોનો પણ સમાવેશ થાય છે.ભોપાલના ISBT બસ ટર્મિનલમાં રવિવારે સાંજે આગ લાગવાની ઘટના સામે આવી હતી. આગને કારણે બસ સ્ટેન્ડ પર અફરાતફરીનો માહોલ સર્જાયો હતો. આગની ઊંચી જ્વાળાઓ અને ધુમાડાના ગોટેગોટા જોઈને મુસાફરો અને આસપાસના લોકોમાં ભય ફેલાયો હતો.પ્રાથમિક માહિતી અનુસાર, બસમાં લાગેલા ACમાં શોર્ટ સર્કિટને કારણે આગ લાગી હોવાની આશંકા છે. જોકે, આગ લાગવાનું ચોક્કસ કારણ હજી સુધી સત્તાવાર રીતે સ્પષ્ટ થયું નથી.દોઢ કલાકની જહેમત બાદ આગ પર કાબૂ મેળવાયોપ્રાથમિક માહિતી મુજબ, આગ ઝડપથી ફેલાતાં આસપાસ ઊભેલી બસો પણ તેની ઝપેટમાં આવી ગઈ હતી. ઘટનાની જાણ થતાં જ ફાયર બ્રિગેડની ગાડીઓ, સ્થાનિક વહીવટીતંત્ર અને પોલીસની ટીમ ઘટનાસ્થળે પહોંચી હતી. આશરે દોઢ કલાકની જહેમત બાદ આગ પર કાબૂ મેળવવામાં આવ્યો હતો.આગથી અસરગ્રસ્ત બસોમાં નાગપુર-અમદાવાદ-સુરત રૂટ પર દોડતી બસોનો પણ સમાવેશ થાય છે. બસના માલિક દીપક વર્મા પણ ઘટનાસ્થળે પહોંચ્યા હતા.મુસાફરોની તમામ ટ્રીપ રદઆગની ઘટનાને પગલે મુસાફરોની તમામ ટ્રીપ રદ કરવામાં આવી છે. જોકે, આગ લાગવાનું ચોક્કસ કારણ જાણવા મળ્યું નથી અને આ અંગે વધુ તપાસ કરવામાં આવી રહી છે.

Read Full Story arrow_forward

calendar_today October 25, 2026

Surat: રાજ્યમાં હવે પાણીની ઘટ નહીં રહે, 'કેચ ધ રેઇન' અભિયાનથી દુષ્કાળ ભૂતકાળ બનશે!

રાજ્યમાં સિંચાઈ અને પીવાના પાણીની વ્યવસ્થાને લઈને સર્જાયેલી ચર્ચાઓ વચ્ચે મુખ્યમંત્રી ભૂપેન્દ્ર પટેલે અત્યંત મહત્વપૂર્ણ અને રાહત આપનારું નિવેદન આપ્યું છે. મુખ્યમંત્રીએ સ્પષ્ટ કર્યું છે કે રાજ્યમાં પાણીની વર્તમાન સ્થિતિ અને ભાવિ આયોજનને ધ્યાનમાં રાખીને આગામી મંગળવારે સરકાર દ્વારા આખરી નિર્ણય જાહેર કરવામાં આવશે. આ સાથે જ તેમણે વિશ્વાસ વ્યક્ત કર્યો છે કે સુનિયોજિત જળ વ્યવસ્થાપન થકી આગામી એક વર્ષની અંદર ગુજરાતમાંથી પાણીની અછતને સંપૂર્ણપણે દૂર કરી દેવામાં આવશે.કેન્દ્રીય જળશક્તિ મંત્રી સી.આર. પાટીલની કામગીરીની પ્રશંસામુખ્યમંત્રીએ રાજ્ય અને કેન્દ્ર સરકારના સંકલન અંગે મહત્વની વિગતો આપી કેન્દ્રીય જળશક્તિ મંત્રી સી.આર. પાટીલ દ્વારા દેશ અને રાજ્યભરમાં જળસંચય ક્ષેત્રે શરૂ કરવામાં આવેલા પ્રશંસનીય પ્રયાસોની મુખ્યમંત્રીએ મુક્તકંઠે પ્રશંસા કરી હતી.કેન્દ્ર અને રાજ્ય સરકારના સંયુક્ત સહયોગથી જળસંચયના પ્રોજેક્ટ્સને પ્રાથમિકતાના ધોરણે પૂરા કરવામાં આવશે, જેથી ખેડૂતો અને નાગરિકોને ઉનાળા દરમિયાન પાણીની તંગીનો સામનો ન કરવો પડે.'કેચ ધ રેઇન' અને વોટર હાર્વેસ્ટિંગને અપાશે નવો વેગવડાપ્રધાન નરેન્દ્ર મોદીના નેતૃત્વ હેઠળ ચાલતા ‘કેચ ધ રેઇન’ અભિયાન અંતર્ગત ગુજરાતમાં જળસંચયની કામગીરીને વધુ ગતિશીલ બનાવવામાં આવશે.વરસાદી પાણીના ટીપે-ટીપાંનો સંગ્રહ કરવા માટે રાજ્યભરમાં બોરવેલ રિચાર્જિંગ, ચેકડેમ ઊંડા કરવા અને મોટા પાયે વોટર હાર્વેસ્ટિંગ સિસ્ટમ સ્થાપિત કરવામાં આવશે.લાંબા ગાળાના આયોજન થકી ભૂગર્ભ જળસ્તર ઊંચા લાવવા અને જળાશયોમાં પાણીનો સંગ્રહ વધારીને રાજ્યને જળ આત્મનિર્ભર બનાવવાની ખાતરી મુખ્યમંત્રીએ આપી છે.આ પણ વાંચો: Ahmedabad: રિવરફ્રન્ટ વેસ્ટ પોલીસની સફળ ટ્રેપ, કપલ પાસેથી તોડબાજી કરનાર નકલી પોલીસ મોહમદ હુસૈન શેખ ઝડપાયો

Read Full Story arrow_forward

calendar_today October 25, 2026

Mandal પાસે સર્જાયો ગોઝારો અકસ્માત: માલણપુર નજીક કાર પલટી ખાતા કડવાસણના વૃદ્ધ દંપતીનું મોત!

અમદાવાદ ગ્રામ્ય વિસ્તારમાંથી એક અત્યંત દુખદ અને હૃદયદ્રાવક અકસ્માતના સમાચાર સામે આવ્યા છે. અમદાવાદ જિલ્લાના માંડલ તાલુકાના માલણપુર બસ સ્ટેશનથી અડધો કિલોમીટર અંદર આવેલા સિંગલ માર્ગીય રોડ ઉપર એક ગ્રાન્ડ i10 કાર અચાનક અનિયંત્રિત થઈને રોડની બાજુની ખાઈમાં ખાબકી હતી. આ ગંભીર અકસ્માતમાં માંડલ તાલુકાના કડવાસણ ગામના એક વૃદ્ધ દંપતીનું ઘટનાસ્થળે જ કમકમાટીભર્યું મોત નીપજ્યું હતું, જ્યારે કાર ચલાવી રહેલો તેમનો ભત્રીજો ગંભીર રીતે ઇજાગ્રસ્ત થતા તેને ત્વરિત સારવાર અર્થે હોસ્પિટલ ખસેડવામાં આવ્યો છે.રોડ વિભાગની બેદરકારીના ગંભીર આક્ષેપોઆ ગોઝારી ઘટનામાં મૃત્યુ પામનાર દંપતીની ઓળખ કડવાસણ ગામના રહેવાસી 71 વર્ષીય જલાભાઈ મોતીભાઈ ડોડીયા અને તેમની 69 વર્ષીય પત્ની દેવીબેન જલાભાઈ ડોડીયા તરીકે થઈ છે. સ્થાનિક લોકો અને પ્રત્યક્ષદર્શીઓના જણાવ્યા અનુસાર, માલણપુર જતો આ રોડ નવો બનાવવામાં આવ્યો હતો, પરંતુ કોન્ટ્રાક્ટર કે રોડ વિભાગની ઘોર બેદરકારીના કારણે રોડની બંને બાજુએ માટીનું લેવલ સરખું કરવામાં આવ્યું ન હતું. વળાંક પાસેથી પસાર થતી વખતે કાર ખાડામાં ઉતરી જવાથી આ દુર્ઘટના સર્જાઈ હતી, જેના કારણે સ્થાનિક ગ્રામજનોમાં રોડ વિભાગ સામે ભારે રોષ ફેલાયો છે.પોલીસ દ્વારા તપાસ હાથ ધરીઅકસ્માત બાદ કારના આગળના ભાગને ભારે નુકસાન પહોંચ્યું હતું અને વૃદ્ધ દંપતીના ઘટનાસ્થળે જ પ્રાણ પંખેરૂ ઉડી ગયા હતા. આ કરુણ સમાચાર કડવાસણ ગામમાં પહોંચતા જ સમગ્ર ગામમાં સન્નાટો છવાઈ ગયો હતો અને પરિવારજનોમાં આક્રંદ મચી ગયો હતો. ઘટનાની જાણ થતાં જ સ્થાનિક પોલીસ કાફલો ઘટનાસ્થળે દોડી ગયો હતો અને કાગળોની કાર્યવાહી તેમજ ઇજાગ્રસ્ત યુવકની પૂછપરછ કરીને અકસ્માત અંગેનો ગુનો નોંધીને આગળની કાયદેસરની તપાસ હાથ ધરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward