Community News & Updates

Stay informed with the latest happenings, achievements, and announcements from our community.

All News

calendar_today October 25, 2026

Gir Somnath News: વેરાવળ સિવિલ હોસ્પિટલમાં AC આઉટડોર ચોરીનો ભેદ ઉકેલાયો, બે બુટલેગર અને એક કિશોર ઝડપાયા

ગીર સોમનાથ જિલ્લાના વેરાવળ શહેરમાં આવેલી સિવિલ હોસ્પિટલમાંથી એસી આઉટડોર યુનિટની ચોરી થવાના ચકચારભર્યા કિસ્સામાં પોલીસે મોટી સફળતા મેળવી છે. હોસ્પિટલના સંવેદનશીલ વિસ્તારમાંથી સરકારી મિલકતની ચોરી કરનાર તસ્કરોને પોલીસે ઝડપી પાડીને આ ગુનાનો ભેદ સફળતાપૂર્વક ઉકેલી નાખ્યો છે.14 થી 15 ઓક્ટોબર દરમિયાન આપ્યો હતો અંજામપ્રાપ્ત વિગતો અનુસાર, ગત 14 થી 15 ઓક્ટોબર દરમિયાન વેરાવળ સિવિલ હોસ્પિટલના IOT વિભાગની પાછળના ભાગમાંથી AC આઉટડોરની ચોરી કરવામાં આવી હતી. અંદાજે રૂપિયા 25,000 ની કિંમતના આ આઉટડોર યુનિટની ચોરી અંગે પોલીસ સ્ટેશનમાં ફરિયાદ નોંધાવવામાં આવી હતી, જેને પગલે પોલીસે તપાસના ચક્રો ગતિમાન કર્યા હતા.બાતમી અને ટેકનિકલ એનાલિસિસથી મળી સફળતાસ્થાનિક પોલીસ દ્વારા બાતમીદારો અને ટેકનિકલ એનાલિસિસના આધારે હાથ ધરેલી તપાસમાં ચોરોની માહિતી મળી આવી હતી. પોલીસે કડક કાર્યવાહી કરીને જીતુસિંગ સરદાર બાવરી અને રવિ ભરતભાઈ ભાટી નામના બે શખ્સોને ઝડપી પાડ્યા છે, જ્યારે આ ગુનામાં સંડોવાયેલા એક કાયદાના સંઘર્ષમાં આવેલા કિશોરને પણ અટકાયતમાં લેવામાં આવ્યો છે.મુદ્દામાલ જપ્ત અને આગળની કાર્યવાહીપોલીસે પકડાયેલા આરોપીઓ પાસેથી ચોરાવાયેલા ACનું કમ્પ્રેસર, મોટર અને કોપરની જાળી સહિતના મહત્વના ભાગો કબજે કર્યા છે. કુલ રૂપિયા 20,000નો મુદ્દામાલ રિકવર કરીને પોલીસે ત્રણેય આરોપીઓ વિરુદ્ધ કાયદેસરની સઘન કાર્યવાહી હાથ ધરી છે.આ પણ વાંચો: Gir Somnath News: ઉનાના ભીંગરણ ગામે 80 વર્ષીય વૃદ્ધાની લૂંટના ઇરાદે ઘાતકી હત્યા

Read Full Story arrow_forward

calendar_today October 25, 2026

Ahmedabad: યમન પાસે વહાણ પર હુમલો : સલાયા અને સિકકાના 14 ખલાસીઓનો આબાદ બચાવ

લાલ સમુદ્રમાં યમનના ઝુકાર ટાપુ નજીક 14 ભારતીય ખલાસીઓ સવાર વહાણ પર હુમલો કરાયો હતો. 21 ઑક્ટોબરે બનેલી આ ઘટનામાં હુમલા બાદ વહાણમાં ભીષણ આગ ફાટી નીકળી હતી અને વહાણને ભારે નુકસાન પહોંચ્યું હતું. જોકે, સદનસીબે વહાણમાં સવાર તમામ 14 ભારતીય ખલાસીઓને સુરક્ષિત રીતે બચાવી લેવાયા છે. આ 14 ખલાસીઓમાં ગુજરાતના સલાયા તેમજ સિક્કા ગામના વતનીઓનો પણ સમાવેશ થાય છે. હુમલાનો ભોગ બનેલું આ વહાણ સલાલાહ મરીન ટ્રાન્સપોર્ટ કંપની (Salalah Marine Transport Co.) સાથે સંકળાયેલું હતું અને ઓમાનનો ધ્વજ ધરાવતું હતું. આ હુમલો કોણે કર્યો અને તેની પાછળ કોની જવાબદારી છે તે અંગે હાલ ઉચ્ચ સ્તરીય તપાસ ચાલી રહી છે. હાલ આ ખલાસીઓને લાલ સમુદ્રના કિનારે આવેલા હુદૈદાહ વિસ્તારની હોટેલમાં સુરક્ષિત રખાયા છે, જ્યાં તેમને રહેવા, જમવા, કપડાં સહિતની જરૂરી પ્રાથમિક સુવિધાઓ પૂરી પાડવામાં આવી રહી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 25, 2026

Palanpur: માર્કેટ યાર્ડમાં મગફળીના ભાવમાં ઉછાળાથી ખેડૂતોમાં હર્ષ : સારા ભાવથી દિવાળી સુધરી

પાલનપુર માર્કેટયાર્ડમાં આ વર્ષે મગફળીના ભાવમાં નોંધપાત્ર વધારો જોવા મળી રહ્યો છે. જેથી મોંઘવારી અને વરસાદની અછત વચ્ચે પણ ખેડૂતોના ચેહરા પર ખુશી જોવા મળી છે. એપીએમસીના આસિસ્ટન્ટ સેક્રેટરી અને સ્થાનિક ખેડૂતોના જણાવ્યા અનુસાર યાર્ડમાં જુદી જુદી જાતની મગફળીના ભાવ 37 નંબર મગફળી રૂા.1450થી 1650, મીનાક્ષી મગફળી 1500 થી 1900 અને 24 નંબર મગફળી 1600 થી 2000 સુધી ભાવ છે. ગયા વર્ષે મગફળીના ભાવ 1300 થી 1400 રૂપિયાની આસપાસ હતા જે આ વર્ષે વધીને 1500થી 2000 સુધી પહોંચ્યા છે. આ વર્ષે વરસાદ ઓછો થવાને કારણે મગફળીનું વાવેતર અને ઉત્પાદન મર્યાદિત રહ્યું છે પરંતુ જે પણ ઉત્પાદન આવ્યું છે તેની ગુણવત્તા ખુબ જ સારી છે. અત્યાર સુધીમાં યાર્ડમાં કુલ 5.15 લાખ બોરી મગફળીની આવક થઈ ચુકી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward