Community News & Updates

Stay informed with the latest happenings, achievements, and announcements from our community.

All News

calendar_today October 16, 2026

Kutch News: આડેસર, રાપર અને ભચાઉમાં ગેરકાયદે ખનન સામે તંત્રની લાલ આંખ, 8 કરોડનો મુદ્દામાલ જપ્ત

કચ્છ જિલ્લાના રાપર અને ભચાઉ તાલુકામાં લાંબા સમયથી ચાલી રહેલા ગેરકાયદે રેતી અને ખનીજના ખનન સામે વહીવટી તંત્ર દ્વારા કડક હાથે કાર્યવાહી કરવામાં આવી છે. કલેક્ટરની સૂચનાથી રચાયેલી સંયુક્ત ટીમે આડેસર, લોદ્રાણી સહિત વિવિધ સ્થળોએ દરોડા પાડીને આશરે રૂ. 8 કરોડનો કરોડો રૂપિયાનો મુદ્દામાલ જપ્ત કર્યો છે.ઉચ્ચ અધિકારીઓની સંયુક્ત ટીમનું સઘન ચેકિંગકચ્છ જિલ્લા મેજિસ્ટ્રેટ અને કલેક્ટર અનિલ ભાઈ રાણાવસિયાની સૂચના હેઠળ મદદનીશ કલેક્ટર અભિષેક ટાલે (IAS), ભચાઉ મામલતદાર એમ. કે. રાજપૂત, રાપર મામલતદાર એચ. બી. વાઘેલા અને ખાણ-ખનીજ વિભાગની સંયુક્ત ટીમે આ ઓપરેશન હાથ ધર્યું હતું. તારીખ 16/10/2026 ના રોજ હાથ ધરાયેલી આ ઝુંબેશથી ખનીજ માફિયાઓમાં ભારે ફફડાટ વ્યાપી ગયો છે.લોદ્રાણી અને સુરજબારી ખાતેથી વાહનો સીઝદરોડા દરમિયાન રાપરના લોદ્રાણી ખાતે 2 એકરમાં ચાલતા ગેરકાયદે ખનન સ્થળેથી 2 હિટાચી અને 3 ટ્રક ઝડપાયા હતા. આ ઉપરાંત રાપરથી 13 ટ્રક, જાટાવાડાથી 1 ટ્રેક્ટર લોડર, સુરજબારી ટોલપ્લાઝાથી રોયલ્ટી વગરની 4 ટ્રક તથા આધોઈ ખાતેથી 1 હિટાચી સીઝ કરવામાં આવ્યું હતું.ઓવરલોડ વાહનો પર 3.60 લાખનો દંડ અને કાનૂની કાર્યવાહીચેકિંગ દરમિયાન સુરજબારી પાસે 15 ઓવરલોડ ટ્રકો સામે RTO ટીમને સાથે રાખીને સ્થળ પર જ રૂ. 3,60,000 નો દંડ વસૂલવામાં આવ્યો હતો. આ સમગ્ર કામગીરીમાં કુલ રૂ. 8 કરોડનો મુદ્દામાલ કબ્જે કરી 'ગુજરાત મિનરલ્સ પ્રિવેન્શન ઇન લીગલ માઇનિંગ, ટ્રાન્સપોર્ટેશન એન્ડ સ્ટોરેજ રૂલ્સ, 2017' મુજબ કાયદેસરની કાર્યવાહી અર્થે વાહનો નજીકના પોલીસ સ્ટેશનને સોંપાયા છે.આ પણ વાંચો: Kutchમાં વિદેશી દારૂની ઘૂસણખોરીનો નિષ્ફળ પ્રયાસ, સામખીયાળી પોલીસે રૂ.15 લાખનો મુદ્દામાલ કર્યો જપ્ત!

Read Full Story arrow_forward

calendar_today October 16, 2026

Bharuch : સાયખાની સિન્ઝીલ ફાર્માકેમ કંપનીમાં રિએક્ટર બ્લાસ્ટથી 1નું મોત, ઈજાગ્રસ્તને તાત્કાલિક સારવાર માટે ખસેડાયા

ભરૂચ જિલ્લાના સાયખામાં આવેલી સિન્ઝીલ ફાર્માકેમ કંપનીમાં અચાનક રિએક્ટર બ્લાસ્ટ થવાની અત્યંત ગંભીર દુર્ઘટના સામે આવી છે. આ પ્રચંડ બ્લાસ્ટની ઘટનામાં 1 વ્યક્તિનું મોત નીપજ્યું છે, જ્યારે ઈજાગ્રસ્તને તાત્કાલિક સારવાર અર્થે હોસ્પિટલ મોકલાયા છે. ઘટનાની જાણ થતાં જ તંત્ર દોડતું થયું હતું અને પોલીસ તેમજ સેફ્ટી ટીમે સ્થળ પર પહોંચી તપાસ હાથ ધરી છે.પ્રચંડ અવાજ દૂર દૂર સુધી સંભળાયોસાયખા સ્થિત Synzeal Pharmachem કંપનીમાં અચાનક પ્રચંડ રિએક્ટર બ્લાસ્ટની મોટી દુર્ઘટના સર્જાઈ હતી. આ રિએક્ટર બ્લાસ્ટ એટલો ભયંકર હતો કે તેનો પ્રચંડ અવાજ દૂર દૂર સુધી સંભળાયો હતો. કંપનીમાં થયેલા ધડાકાના લીધે આસપાસના ગ્રામ્ય વિસ્તારના લોકોમાં ભારે ભયનો માહોલ સર્જાયો હતો. બ્લાસ્ટની અતિશય તીવ્રતાના કારણે રિએક્ટરનો તૂટેલો ભાગ હવામાં ફેંકાઈને કંપની બહાર જઈને પડ્યો હતો. આ ભયાનક વિસ્ફોટ થયા બાદ કંપનીની બહાર ચારેય તરફ ધૂળિયું વાતાવરણ છવાઈ ગયું હતું.રિએક્ટર પાસે હાજર 1 વ્યક્તિનું ઘટનાસ્થળે જ મોત નીપજ્યુંઆ કરુણ દુર્ઘટનામાં રિએક્ટર પાસે હાજર 1 વ્યક્તિનું ઘટનાસ્થળે જ મોત નીપજ્યું હતું. જ્યારે અન્ય 1 વ્યક્તિ ગંભીર રીતે ઈજાગ્રસ્ત થતાં તાત્કાલિક સારવાર માટે હોસ્પિટલ મોકલાયા છે. કંપનીમાં બ્લાસ્ટ થવાની ઘટનાની જાણ થતાં જ સમગ્ર સરકારી તંત્ર તાબડતોબ ઘટનાસ્થળે પહોંચી ગયું હતું. પોલીસ અને સેફ્ટી ટીમે ઘટનાસ્થળે પહોંચીસ્થાનિક પોલીસ વિભાગની ટીમ પણ તાકીદે ઘટનાસ્થળે દોડી આવી હતી. સેફ્ટી એન્ડ હેલ્થ વિભાગની ટીમ પણ તાત્કાલિક પ્લાન્ટમાં પહોંચી ગઈ હતી. તંત્રના અધિકારીઓએ સ્થળ પર પહોંચીને તાકીદે પરિસ્થિતિની સમીક્ષા કરી રાહત કામગીરી હાથ ધરી હતી.ઝીણવટભરી તપાસ શરૂ કરાઈ કંપનીમાં કયા કારણોસર રિએક્ટરમાં આટલો મોટો બ્લાસ્ટ થયો તે હાલ તપાસનો મુખ્ય વિષય બન્યો છે. પોલીસ અને સેફ્ટી ટીમે ઘટનાસ્થળે સઘન તપાસનો ધમધમાટ શરૂ કર્યો છે. રિએક્ટરમાં કઈ ખામીના પગલે આ ભીષણ બ્લાસ્ટ થયો તે જાણવા માટે ઝીણવટભરી તપાસ શરૂ કરાઈ છે. સેફ્ટી ટીમે કંપનીના પ્લાન્ટમાં સલામતીના માપદંડો અંગે ઝીણવટભરી તપાસ હાથ ધરી છે. પોલીસે અકસ્માત અંગે કાયદેસર કાર્યવાહી હાથ ધરીને તપાસ તેજ બનાવી છે. આ પણ વાંચો   :    Explainer: ઇમરાન ખાનને ભારત છોડવાની નોટિસ કેમ મળી? OCI કાર્ડના નિયમો શું કહે છે અને હવે આગળ શું થશે?

Read Full Story arrow_forward

calendar_today October 16, 2026

October 17 News: રૂબિયોનો ભારત પ્રવાસ, સેવા સંકલ્પ અભિયાનનો અંતિમ દિવસ

અમેરિકાના વિદેશ મંત્રી માર્કો રૂબિયો ભારત પ્રવાસેઅમેરિકાના વિદેશ મંત્રી માર્કો રૂબિયો બહુદિવસીય સત્તાવાર ભારત પ્રવાસે આવી રહ્યા છે. આ દરમિયાન તેઓ કેન્દ્ર સરકારના વરિષ્ઠ નેતાઓ અને ઉદ્યોગજગતના અગ્રણીઓ સાથે મુલાકાત કરશે. ઊર્જા ક્ષેત્રે સહયોગ, વ્યાપારી રોકાણ અને ભારત-અમેરિકા વેપાર કરારના પ્રથમ તબક્કાના કાનૂની મુસદ્દા અંગે ચર્ચા થવાની સંભાવના છે.ભાજપના સેવા સંકલ્પ અભિયાનનું સમાપનવડાપ્રધાન નરેન્દ્ર મોદીના જાહેર જીવનમાં 25 વર્ષ પૂર્ણ થવાના પ્રસંગે ભારતીય જનતા પાર્ટી દ્વારા 17 સપ્ટેમ્બરથી શરૂ કરાયેલા રાષ્ટ્રવ્યાપી સેવા સંકલ્પ અભિયાનનું 17 ઓક્ટોબરે સમાપન થવાનું છે. આ અભિયાન દરમિયાન વિવિધ સેવાકીય અને જનસંપર્ક પ્રવૃત્તિઓ યોજાઈ હતી.દિલ્હીમાં સુરક્ષા વ્યવસ્થા કડકમુખ્ય ચૂંટણી કમિશનર જ્ઞાનેશ કુમાર અને મતદાર યાદીમાંથી નામો દૂર કરવાના મુદ્દે વિરોધ પક્ષો તથા વિવિધ સંગઠનો દ્વારા કરવામાં આવેલા પ્રદર્શનો બાદ દિલ્હી અને કનોટ પ્લેસ વિસ્તારમાં સુરક્ષા વ્યવસ્થા પર નજર રાખવામાં આવી રહી છે. સંવેદનશીલ વિસ્તારોમાં તકેદારીનાં પગલાં ચાલુ છે.16 રાજ્યોમાં વરસાદ અને પવનની આગાહીભારતીય હવામાન વિભાગે 17 ઓક્ટોબર માટે દેશનાં 16 રાજ્યોમાં ભારે વરસાદ અને તેજ પવનને લઈને ચેતવણી જાહેર કરી હોવાના અહેવાલ છે. પવનની ગતિ 80 કિલોમીટર પ્રતિ કલાક સુધી પહોંચવાની શક્યતા દર્શાવવામાં આવી છે. સંબંધિત વિસ્તારોના લોકોએ સ્થાનિક હવામાન વિભાગની સૂચનાઓનું પાલન કરવું જરૂરી છે.એકતા નગરમાં મુખ્યમંત્રીનો સંભવિત કાર્યક્રમગુજરાતના મુખ્યમંત્રીનો 17 ઓક્ટોબરે એકતા નગર ખાતે સંભવિત કાર્યક્રમ છે. નિર્ધારિત કાર્યક્રમ મુજબ તેઓ સાંજે 4:30 વાગ્યે સુરવા હેલિપેડ ખાતે પહોંચશે. ત્યારબાદ 4:45થી 5:00 વાગ્યા દરમિયાન સ્થળ મુલાકાત અને સમીક્ષા બેઠક યોજાશે. સાંજે 5:15થી 5:45 દરમિયાન એકતા પ્રકાશ પર્વનું લોકાર્પણ થવાનું આયોજન છે. ત્યારબાદ મુખ્યમંત્રી 5:45 વાગ્યે હેલિપેડ જવા રવાના થશે અને સાંજે 6:00 વાગ્યે ગાંધીનગર માટે પ્રસ્થાન કરશે.રાજકોટ મનપાના જનરલ બોર્ડમાં હોબાળાની શક્યતારાજકોટ મહાનગરપાલિકાનું જનરલ બોર્ડ 17 ઓક્ટોબરે મળવાનું છે. બેઠકમાં ખરાબ રસ્તાઓના મુદ્દે શાસક પક્ષના કોર્પોરેટરો અધિકારીઓને સવાલો કરી શકે છે. બીજી તરફ, તપાસ સમિતિના મુદ્દે કોંગ્રેસ દ્વારા હોબાળો થવાની શક્યતા છે. બેઠકમાં રસ્તાઓની સ્થિતિ અને તપાસ સમિતિ સંબંધિત મુદ્દાઓ ચર્ચાના કેન્દ્રમાં રહેવાની સંભાવના છે. આ પણ વાંચો  :   Explainer: ઇમરાન ખાનને ભારત છોડવાની નોટિસ કેમ મળી? OCI કાર્ડના નિયમો શું કહે છે અને હવે આગળ શું થશે?

Read Full Story arrow_forward