Community News & Updates

Stay informed with the latest happenings, achievements, and announcements from our community.

All News

calendar_today October 25, 2026

Bhavnagar News: લઠ્ઠાકાંડ છતાં બૂટલેગરો બેફામ! તળાજામાં કારમાંથી વિદેશી દારૂનો જંગી જથ્થો ઝડપાયો

ભાવનગર જિલ્લાના તળાજા વિસ્તારમાં લોકલ ક્રાઈમ બ્રાન્ચ દ્વારા કડક કાર્યવાહી કરવામાં આવી છે. લઠ્ઠાકાંડ જેવી દુર્ઘટનાઓ બાદ પણ અન્ય રાજ્યોમાંથી ગુજરાતમાં વિદેશી દારૂ ઘુસાડવાના સતત પ્રયાસો થઈ રહ્યા છે, ત્યારે LCBની ટીમે બાતમીના આધારે દિહોરથી ટીમાણા તરફ આવતી એક શંકાસ્પદ કારને અટકાવીને મોટી સફળતા હાંસલ કરી છે.કારમાંથી મળી આવી દારૂની હજારો બોટલોઆ કાર્યવાહી દરમિયાન પોલીસ દ્વારા એક કારની સઘન તલાશી લેવામાં આવી હતી. તપાસ કરતા કારમાંથી ભારતીય બનાવટના વિદેશી દારૂની કુલ 1,391 બોટલો તેમજ બિયરના 96 ટીન મળી આવ્યા હતા. રૂ. 7 લાખની કિંમતની કાર અને દારૂના જથ્થા સહિત કુલ રૂપિયા 10,90,495 નો મુદ્દામાલ પોલીસ દ્વારા જપ્ત કરવામાં આવ્યો છે.રાજસ્થાનના કુખ્યાત બૂટલેગરોની ધરપકડઆ કેસમાં પકડાયેલા બંને આરોપીઓ રાજસ્થાનના જાલોર જિલ્લાના રહેવાસી છે. જેમાં ડુંગરપુરી ઉર્ફે સુંદર રાવતપુરી ગૌસ્વામી (રહે. વોઢા, તા. સાંચોર, જિ. જાલોર) અને નપારામ માનારામ માલી (રહે. મોરસીમ, તા. બાગોડા, જિ. જાલોર) ની અટકાયત કરવામાં આવી છે.મુખ્ય આરોપી સામે અગાઉ પણ નોંધાયા છે ગુનાઓપોલીસ તપાસમાં બહાર આવ્યું છે કે, આ કેસનો મુખ્ય આરોપી ડુંગરપુરી ઉર્ફે સુંદર રાવતપુરી ગૌસ્વામી અગાઉ પણ ગુજરાતના અલગ-અલગ જિલ્લાઓમાં પ્રોહિબિશનના 4 જેટલા ગંભીર ગુનાઓમાં સંડોવાયેલો છે, અને તેના નામનો પોલીસ રેકોર્ડ પણ બોલે છે. આ મામલે તળાજા પોલીસ સ્ટેશન ખાતે પ્રોહિબિશન એક્ટ હેઠળ ગુનો નોંધીને વધુ ઊંડાણપૂર્વકની તપાસ હાથ ધરવામાં આવી છે.આ પણ વાંચો: Bhavnagar News: વલ્લભીપુરમાં પિતરાઈ ભાઈએ ઘરમાં ઘૂસી દંપતી પર કર્યો જીવલેણ હુમલો! Video

Read Full Story arrow_forward

calendar_today October 25, 2026

Bharuch: બેઠકમાં દાંડલી મારનારા ચૂંટાયેલા પ્રતિનિધિઓ સામે સંગઠન એક્શન મોડમાં, નોટિસ જારી થતાં પક્ષમાં ખળભળાટ

આગામી વિધાનસભા ચૂંટણીની પૂર્વતૈયારીઓ વચ્ચે ભરૂચ જિલ્લા ભાજપ સંગઠનમાં શિસ્તભંગ અને ગેરહાજરીના મુદ્દે મોટો રાજકીય ભૂકંપ સર્જાયો છે. પક્ષની અત્યંત મહત્વપૂર્ણ સંગઠનાત્મક બેઠકમાં કોઈ પણ પૂર્વમંજૂરી વિના ગેરહાજર રહેનારા ચૂંટાયેલા પ્રતિનિધિઓ સામે જિલ્લા નેતૃત્વએ આકરું વલણ અપનાવ્યું છે. ભરૂચ જિલ્લા ભાજપ પ્રમુખ પરેશ લાડે કડક કાર્યવાહી કરતાં જંબુસર નગરપાલિકાના 15 સભ્યો અને જંબુસર તાલુકા પંચાયતના 10 સભ્યો સહિત કુલ 25 ચૂંટાયેલા સભ્યોને સત્તાવાર કારણદર્શક (શો-કોઝ) નોટિસ ફટકારી છે. તમામને 5 દિવસની અંદર લેખિતમાં સંતોષકારક ખુલાસો આપવા સ્પષ્ટ આદેશ કરાતાં સ્થાનિક રાજકારણમાં ગરમાવો આવી ગયો છે.ડિસ્ટ્રિક્ટ બેંકના સભાખંડમાં યોજાઈ હતી બેઠક22 ઓક્ટોબરના રોજ ભરૂચ ડિસ્ટ્રિક્ટ કો-ઓપરેટિવ બેંકના સભાખંડ ખાતે જિલ્લા સંગઠનની અગત્યની અને સમીક્ષા બેઠક બોલાવવામાં આવી હતી.આ બેઠકમાં સંગઠનની કામગીરી, સરકારી યોજનાઓનો પ્રચાર-પ્રસાર અને આગામી ચૂંટણીલક્ષી રણનીતિ ઘડવાની હતી.જોકે, જંબુસર નગરપાલિકાના કુલ ૧૬ સભ્યો પૈકી 15 સભ્યો બેઠકમાં ગેરહાજર રહ્યા હતા, જ્યારે જંબુસર તાલુકા પંચાયતના પણ 10 ચૂંટાયેલા સભ્યો હાજર રહ્યા નહોતા.આટલી મોટી સંખ્યામાં સામૂહિક ગેરહાજરી સામે આવતાં સંગઠનમાં અંદરોઅંદર જૂથબંધી કે નારાજગી હોવાની ચર્ચાઓએ જોર પકડ્યું છે.5 દિવસમાં લેખિત ખુલાસો રજૂ કરવાનો અલ્ટીમેટમજિલ્લા પ્રમુખે તમામ 25 સભ્યોને તાકીદ કરી છે કે મહત્વપૂર્ણ બેઠકમાં ગેરહાજર રહેવા પાછળનું વ્યાજબી કારણ આગામી 5 દિવસમાં લેખિત સ્વરૂપે રજૂ કરવું.જો નિર્ધારિત સમયમર્યાદામાં સંતોષકારક ખુલાસો નહીં મળે તો પક્ષના સંવિધાન અને શિસ્તભંગના નિયમો અનુસાર કડક સંગઠનાત્મક પગલાં ભરવામાં આવશે.આગામી વિધાનસભા ચૂંટણી નજીક આવી રહી છે ત્યારે સંગઠનમાં કોઈ પણ પ્રકારની શિથિલતા કે બેદરકારી સહન કરવામાં નહીં આવે તેવો સ્પષ્ટ સંદેશો પ્રદેશ અને જિલ્લા નેતૃત્વ દ્વારા આપી દેવામાં આવ્યો છે.આ પણ વાંચો: Chotila: PGVCL નો હેલ્પર 60 હજારની લાંચ લેતા રંગેહાથ ઝડપાયો; મીટર ઉતારી દંડ ન કરવા માંગી હતી લાંચ

Read Full Story arrow_forward

calendar_today October 25, 2026

Ahmedabad: રિવરફ્રન્ટ વેસ્ટ પોલીસની સફળ ટ્રેપ, કપલ પાસેથી તોડબાજી કરનાર નકલી પોલીસ મોહમદ હુસૈન શેખ ઝડપાયો

અમદાવાદના સાબરમતી રિવરફ્રન્ટ પર શાંતિથી બેસતા નાગરિકો અને પ્રેમીપંખીડાઓને ડરાવી-ધમકાવી તોડબાજી કરતી ગેંગ સામે રિવરફ્રન્ટ વેસ્ટ પોલીસે લાલ આંખ કરી છે. વહેલી સવારે રિવરફ્રન્ટ પર બેઠેલા એક નિર્દોષ કપલને ‘હું પોલીસકર્મી છું’ તેવી ઓળખ આપી, તેમના અંગત ફોટા પરિવારજનો અને સોશિયલ મીડિયામાં વાયરલ કરી દેવાની ધમકી આપી ઓનલાઇન ₹10,000 પડાવી લેનારા નકલી પોલીસને રિવરફ્રન્ટ વેસ્ટ પોલીસે ફિલ્મી ઢબે ટ્રેપ ગોઠવી દબોચી લીધો છે. પકડાયેલા આરોપીની ઓળખ ગોમતીપુરના કુખ્યાત મોહમદ હુસૈન ઉર્ફે હડ્ડી કમરૂદ્દીન શેખ તરીકે થઈ છે.વહેલી સવારે 4 વાગ્યે વોક-વે પર બેઠેલા કપલને નિશાન બનાવ્યુંગત 24 મેના રોજ વહેલી સવારે આશરે 4:00 વાગ્યાના સુમારે એક યુવક અને યુવતી સાબરમતી રિવરફ્રન્ટ પર એરોડ્રોમ પાછળ આવેલા વોક-વે પર શાંતિથી બેઠા હતા. દરમિયાન ગોમતીપુરનો મોહમદ હુસૈન ઉર્ફે ‘હડ્ડી’ ત્યાં ધસી આવ્યો હતો અને પોતે સાચા પોલીસકર્મી તરીકે રોફ જમાવી કપલ સાથે ગેરવર્તણૂક કરી ગાળાગાળી શરૂ કરી હતી.આરોપીએ કપલના બંને મોબાઈલ ફોન બળજબરીથી આંચકી લીધા હતા અને ‘તમારા ફોટા પરિવારજનોને મોકલી દઈશ તેમજ સોશિયલ મીડિયામાં વાયરલ કરી બદનામ કરી નાખીશ’ તેવી બીક બતાવી ધમકી આપી હતી.મિત્ર પાસેથી પૈસા મંગાવ્યા, QR કોડ સ્કેન કરાવી ખાતામાં રૂપિયા લીધાબદનામી અને કેસના ખોટા ડરથી ગભરાઈ ગયેલા કપલ પાસે આરોપીએ ₹10,000રોકડાની માંગણી કરી હતી.યુવક પાસે પૂરતા પૈસા ન હોવાથી તેણે તાત્કાલિક પોતાના મિત્રને ફોન કરી ઓનલાઇન ₹૬,૦૦૦ મંગાવ્યા હતા અને પોતાના એકાઉન્ટમાં રહેલા પૈસા મળી કુલ ₹10,000 ભેગા કર્યા હતા.નકલી પોલીસ બનેલા આરોપીએ પોતાનો ઓનલાઇન QR કોડ સ્કેન કરાવી સીધા પોતાના બેંક ખાતામાં ₹10,000 ટ્રાન્સફર કરાવી લીધા હતા.નાણાં પડાવ્યા બાદ આરોપીએ કપલને મોં બંધ રાખવા માટે જાનથી મારી નાખવાની ધમકી પણ આપી હતી.રિવરફ્રન્ટ વેસ્ટ પોલીસની ટ્રેપ: ‘હડ્ડી’ હાથ જોડવા લાગ્યોભોગ બનનાર કપલે હિંમત દાખવી સમગ્ર મામલે રિવરફ્રન્ટ વેસ્ટ પોલીસ સ્ટેશનનો સંપર્ક કરી લેખિત ફરિયાદ નોંધાવી હતી.પોલીસે કપલ પાસેથી ઓનલાઇન ટ્રાન્ઝેક્શન ડિટેલ્સ, સીસીટીવી ફૂટેજ તેમજ ઓડિયો-વીડિયો પુરાવા એકત્રિત કરી સુનિયોજિત ટ્રેપ ગોઠવી હતી.પોલીસે ગોમતીપુર વિસ્તારમાંથી આરોપી મોહમદ હુસૈન ઉર્ફે હડ્ડી કમરૂદ્દીન શેખને ઝડપી પાડ્યો હતો.ખાખી વર્દીનો અસલી પ્રભાવ જોતાં જ રોફ જમાવતો નકલી પોલીસ કરગરવા લાગ્યો હતો અને પોલીસ સમક્ષ હાથ જોડી માફી માંગવા લાગ્યો હતો.રિવરફ્રન્ટ વેસ્ટ પોલીસે આરોપી સામે તોડબાજી, ધમકી અને નકલી ઓળખ ઉભી કરવા સહિતની કલમો હેઠળ ગુનો નોંધી, તેણે અગાઉ અન્ય કોઈ કપલને આ જ રીતે શિકાર બનાવ્યા છે કે કેમ તે દિશામાં કડક રિમાન્ડ મેળવવાની તજવીજ હાથ ધરી છે.આ પણ વાંચો: Bharuch: બેઠકમાં દાંડલી મારનારા ચૂંટાયેલા પ્રતિનિધિઓ સામે સંગઠન એક્શન મોડમાં, નોટિસ જારી થતાં પક્ષમાં ખળભળાટ

Read Full Story arrow_forward