Community News & Updates

Stay informed with the latest happenings, achievements, and announcements from our community.

All News

calendar_today October 27, 2026

Bayad : સાબરકાંઠા-અરવલ્લી દુષ્કાળગ્રસ્ત જિલ્લામાંથી બાકાત

સમગ્ર રાજ્યમાં આ વર્ષે ચોમાસામાં વરસાદની અછતના કારણે ખેતી માટે સંકટ સર્જાયું છે. ખેડૂતો અને પશુપાલકો મુશ્કેલીમાં મુકાયા છે. દરમિયાનમાં સરકારે રાજ્યના ચાર જિલ્લાને દુષ્કાળગ્રસ્ત જાહેર કરી ખેડૂતો, પશુપાલકો માટે સહાયની રકમની પણ જાહેરાત કરી છે. તેને લઇને અરવલ્લી અને સાબરકાંઠા જિલ્લામાં ખેડૂતોમાં ભારે રોષની લાગણી ફેલાઇ છે. બંન્ને જિલ્લામાં વરસાદની ઘટના કારણે ખરીફ ઉત્પાદનમાં ઘટાડો થવાથી ખેડૂતોને મોટો આર્થિક ફટકો પડયો છે. આમ છતાં અરવલ્લી અને સાબરકાંઠા જિલ્લાને દુષ્કાળગ્રસ્ત જિલ્લામાંથી બાકાત રખાતાં ખેડૂતો ઉકળી ઉઠયા છે. ખેડૂતોએ વીઘે રૂ.25 હજારની સહાય તેમજ પશુઓ માટે ઘાસચારાની સહાય આપવા માગણી કરી છે.અરવલ્લી અને સાબરકાંઠા જિલ્લામાં આ વર્ષે વરસાદની અછત અને દુષ્કાળ જેવી પરિસ્થિતિના કારણે ખેડૂતો મુશ્કેલીમાં મુકાયા છે. ખેડૂતોના જણાવ્યા પ્રમાણે આ વર્ષે ચોમાસાની સિઝનમાં સાબરકાંઠામાં 38.89 ટકા અને અરવલ્લી જિલ્લામાં 37.11 ટકા જેટલો ઓછો વરસાદ નોંધાયો છે. વરસાદના અભાવે તળાવો, નદી અને નાળા તેમજ જળાશયો ભરાયા ન હોવાથી પાણીની વિકટ સમસ્યા સર્જાઈ છે. બોર-કૂવાઓના જળસ્તર રિચાર્જ ન થવાથી સંકટ વધારે ગંભીર બને તેવી સ્થિતિ સર્જાઇ છે. ઉત્તર ગુજરાતમાં અરવલ્લી તેમજ સાબરકાંઠા જિલ્લામાં નર્મદા કેનાલના નેટવર્કના અભાવે સિંચાઇના પૂરતા પાણી મળતા નથી. સિંચાઈની યોગ્ય વ્યવસ્થાના અભાવે આ વર્ષે વરસાદ આધારિત ખેતી કરતા ખેડૂતોના ખરીફ વાવેતરમાં દાટ વળ્યો છે. આ વર્ષે ખરીફ્ સિઝનમાં ખેડૂતો દ્વારા મુખ્યત્વે ડાંગર, મકાઈ, તુવેર, મગ, અડદ, મગફ્ળી, દિવેલા, સોયાબીન અને કપાસ જેવા મુખ્ય પાકોનું વાવેતર કરવામાં આવ્યું હતું. પરંતુ વરસાદ ખેંચાવાના કારણે ડાંગર અને મગફ્ળીના ઉતારામાં મોટા પ્રમાણમાં ઘટાડો થયો છે. મગફ્ળીનો ઉતારો ઘટીને પ્રતિ વીઘા 20થી 30 મણ જેટલો જ ઉતારો આવ્યો છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 27, 2026

Dahegam : દહેગામ APMC માં અડદની ધુમ આવકઃ દૈનિક 100 ટ્રેક્ટરનો ધસારો

દહેગામ ખેતીવાડી ઉત્પન્ન બજારમાં પ્રથવાર કઠોળની ખરીદી શરુ કરવામાં આવી છે. જેમાં અડદની ખરીદી શરુ કરવામાં આવતા ગંજ બજારમાં દૈનિક 100 ટ્રેક્ટરોનો ખડકલો જોવા મળી રહ્યો છે. ખેડુતો દુર દુરથી ખેતીવાડી બજારમાં વેચાણ કરવા આવી રહ્યા છે. એક અંદાજ મુજબ માર્કેટયાર્ડમાં અત્યાર સુધીમાં એક હજાર બોરીની આવક થઇ ચુકી છે. દહેગામ તાલુકા ઉપરાંત નજીકના તાલુકામાંથી પણ અડદ વેચાણ કરવા ખેડુતો આવી રહ્યા છે. દહેગામ તાલુકામાં આ વર્ષે અડદનુ વાવેતર સારુ રહેતા ખેડુતોએ બજારમાં વેચાણ કરીને દીવાળીમાં રોકડી કરવા વાટ પકડી છે. દહેગામ એપીએમસીના ચેરમેન સુમેરુ અમીનના પ્રયાશોથી અડદની ખરીદી શરુ કરવામાં આવતા ખેતીવાડી બજારમાં ડાંગરની સાથે સાથે અડદની પણ ધુમ આવક થઇ રહી છે. ખેડુતો રોજેરોજ અડદ વેચવા માટે 100 થી વધુ ટ્રેક્ટરો ભરીને આવી રહ્યા છે. અત્યાર સુદીમાં એક હજાર કરતા વધુ બોરીની અડદની ખરીદી કરવામાં આવી ચુકી છે. દહેગામ ખાતે હાલ અડદની ખરીદી 1700 થી 2000 સુધી પ્રતિમણના ભાવે ચાલી રહી છે. ખેડુતોને પોષણક્ષમ ભાવ મળતા વેચાણ માટે દોટ લગાવી રહ્યા છે. દિવાળી પહેલા અડદ અને ડાંગરની આવકમાં નોંધપાત્ર વધારો થવાની સંભાવનાઓ વ્યકત કરાઇ રહી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 27, 2026

Bayad : મગફળીના બમ્પર ઉત્પાદનથી યાર્ડ છલકાયાં

અરવલ્લી જિલ્લામાં ખેડૂતો ખેતરોમાંથી મગફળીનો પાક થ્રેસરો મારફતે કાઢી રહ્યા છે. આ વર્ષે ચોમાસામાં અપૂરતા વરસાદના કારણે ઉત્પાદન ઘટવાની ભીતિ વચ્ચે મગફળીની માગ વધી છે અને યાર્ડોમાં ઉંચા ભાવ મળી રહ્યા હોઇ ખેડૂતો ટેકાના ભાવે સરકારને માલ વેચવાના બદલે આ વખતે યાર્ડો તરફ વળી જાય તો નવાઇ નહીં !!! તેવું તેમનું કહેવું છે. આ વખતે અરવલ્લી જિલ્લામાંથી નવ હજાર ઉપરાંત ખેડૂતોએ ટેકાના ભાવે મગફળી સરકારને વેચવા માટે રજિસ્ટ્રેશન કરાવ્યું હોવા છતાં માલ લઇને ખરેખર કેટલા ખેડૂતો પહોંચે છે ? તે હવે જોવાનું રહ્યું છે.સમગ્ર રાજ્ય સહિત અરવલ્લી જિલ્લામાં મગફળી, સોયાબીન, અડદ, મગ, ડાંગર, મકાઇ, બાજરી, જુવાર, રાગી સહિતના પાકોની ટેકાના ભાવે ખરીદી માટે પ્રક્રિયા જારી છે. મગફળી માટે રજિસ્ટ્રેશનની મુદ્દત વધારીને તા.24 ઓક્ટોબર કરાઇ હતી. આમ રજિસ્ટ્રેશનની પ્રક્રિયા પૂર્ણ થયા બાદ તા.25 ઓક્ટોબર 2026ની સ્થિતિએ જિલ્લામાંથી રજિસ્ટ્રેશન કરાવનારા ખેડૂતોની સંખ્યા નવ હજારને પાર પહોંચી છે. જિલ્લામાં 67 હજાર હેક્ટર ઉપરાંત મગફળીનો વાવેતર વિસ્તાર રહ્યો હોઇ હાલમાં માર્કેટયાર્ડોમાં મગફળીની બમ્પર આવક થઇ રહી છે. મગફળીનો ટેકાનો ભાવ મણનો રૂ.1503 છે. તેની સામે ખેડૂતોને માર્કેટયાર્ડોમાં સરેરાશ રૂ.1600થી રૂ.1850 અને રૂ.2000 સુધીનો ઉંચો ભાવ મળી રહ્યો હોવાનું ખેડૂતોએ જણાવ્યું હતું. ટેકાના ભાવ કરતાં બજારમાં ઉંચા ભાવ મળતાં ખેડૂતો એપીએમસી તરફ વળી રહ્યા હોવાનું તેમણે જણાવ્યું હતું. ખેડૂતોના જણાવ્યા પ્રમાણે ટેકાના ભાવે ખરીદીની પ્રક્રિયા ઘણી જ ધીમી હોય છે. વાતાવરણ બદલાય અને માવઠું થાય તો તૈયાર પાકનો સંગ્રહ ક્યાં કરવો ? તેને લઇને ધરતીપુત્રો મૂંઝવણ અનુભવતા હોય છે. આ ઉપરાંત ખરીદીના કેન્દ્રોની સંખ્યા વધારવામાં આવતી ન હોવાથી હાઇવે પર મગફળી ભરેલા ટ્રેક્ટરોની લાંબી કતારો લાગતી હોય છે. બજારમાં ભાવ નીચા હોય ત્યારે ખેડૂતો કલાકોના કલાકો રાહ જોઇને પણ પોતાનો માલ ખરીદ કેન્દ્રો સુધી પહોંચાડવા જહેમત ઉઠાવતા હોય છે. પરંતુ આ વખતે સ્થિતિ તદ્દન વિપરિત બની છે. ગત વર્ષે મગફળી વેચવા ખેડૂતોના ટ્રેક્ટરોની લાંબી લાઇનો લાગી હોવાના દ્રશ્યો સામાન્ય બન્યા હતા. આ વર્ષે ઉંચુ રજિસ્ટ્રેશન છતાં જિલ્લામાંથી મગફળી વેચવા માટે ધસારો થાય તેવી શક્યતાઓ ઓછી હોવાનું ખેડૂતોનું માનવું છે. બજારમાં ટેકાના ભાવ કરતાં ઉંચા ભાવ મળતા હોઇ ખેડૂતો યાર્ડો તરફ વળી ગયા હોવાનું તેમનું કહેવું છે. બીજું કે હજુ સુધી ખરીદીની તારીખની સ્પષ્ટ જાહેરાત ન થતાં ખેડૂતો અસમંજસમાં છે. નબળા ચોમાસાથી ઉત્પાદન ઘટવાની દહેશત વચ્ચે મગફળીના ભાવોમાં તેજી જોવા મળી છે. જેથી આ વખતે ટેકાના ભાવે મગફળીની ખરીદી શરૂ થાય તે પહેલાં જ માલ યાર્ડોમાં પહોંચી જશે તેવું ખેડૂતોએ જણાવ્યું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward