Community News & Updates

Stay informed with the latest happenings, achievements, and announcements from our community.

All News

calendar_today October 27, 2026

Ahmedabad News : બે માસૂમ જીવ ગયા છતાં પોલીસ ફરિયાદ કેમ નહીં? AMC ના બેદરકાર અધિકારીઓને કોણ છાવરી રહ્યું છે?

અમદાવાદ મ્યુનિસિપલ કોર્પોરેશન (AMC) સંચાલિત સોલા વિસ્તારના Sewage Treatment Plant (STP) ખાતે એક કાળજું કંપાવનારી દુર્ઘટના સામે આવી છે. પ્લાન્ટમાં વેલ્ડીંગ અને સમારકામની કામગીરી દરમિયાન અચાનક ઝેરી ગેસનું ગળતર થતાં સાઇટ ઇન્ચાર્જ અને વેલ્ડરે પોતાનો જીવ ગુમાવ્યો છે. પ્રાથમિક તપાસમાં વેલ્ડીંગ સમયે સુરક્ષાના પૂરતા સાધનો (Safety Gear) ના અભાવ અને ગંભીર બેદરકારીના કારણે આ કરુણાંતિકા સર્જાઈ હોવાનું બહાર આવ્યું છે.મૃતકોના પરિવારોને 25-25 લાખનું વળતરઆ ગંભીર બનાવ બાદ શાસક પક્ષ અને AMC વહીવટી તંત્ર દ્વારા મૃતકોના આશ્રિત પરિવારોને રૂ. 25-25 લાખની આર્થિક સહાય ચૂકવવાની જાહેરાત કરવામાં આવી છે. આ ઉપરાંત કામગીરીમાં બેદરકારી દાખવનાર HNB એન્જિનિયર્સ એજન્સીને રૂ. 3.50 લાખનો દંડ ફટકારવામાં આવ્યો છે. જોકે, આટલી મોટી દુર્ઘટના ઘટી હોવા છતાં અજાણ્યા કે જવાબદાર અધિકારીઓ સામે હજુ સુધી કોઈ સત્તાવાર પોલીસ ફરિયાદ નોંધવામાં આવી નથી, જેને લઈને તંત્રની નીતિ-રીતિ સામે ગંભીર પ્રશ્નો ઉભા થયા છે.દુર્ઘટના છતાં સુરક્ષાના ધજાગરા, પ્લાન્ટ પર લોકો માટે બિન્દાસ એન્ટ્રીસૌથી ચોંકાવનારી બાબત એ છે કે 2 લોકોના મોત થયા હોવા છતાં સોલા STP પ્લાન્ટ ખાતે હજુ પણ બેદરકારીના દ્રશ્યો કેમેરામાં કેદ થઈ રહ્યા છે. પ્લાન્ટ પર સામાન્ય નાગરિકોના પ્રવેશ પર સખત પ્રતિબંધ હોવા છતાં લોકો ત્યાં 'પ્રવાસન સ્થળ' ની જેમ મુક્તપણે ફરી રહ્યા છે. સુરક્ષાના નિયમોના સરેઆમ ધજાગરા ઉડી રહ્યા છે ત્યારે સવાલ એ ઉઠે છે કે બેદરકાર અધિકારીઓ અને જવાબદારોને કોણ છાવરી રહ્યું છે?આ પણ વાંચો : Ahmedabad News : ગુજરાત પોલીસનું 'ઓપરેશન લંગડા' સુપર હિટ, છેલ્લા 2 વર્ષમાં 21 આરોપીઓ પર ફાયરિંગ, ગુનેગારોમાં ભારે ફફડાટ!

Read Full Story arrow_forward

calendar_today October 27, 2026

Gandhinagar: ઓપરેશન ગંગાજળ હેઠળ વધુ 2 સિનિયર GAS અધિકારીઓ ઘરભેગા; જોઈન્ટ કમિશનર અને MD ની તાત્કાલિક હકાલપટ્ટી

ગુજરાત સરકાર દ્વારા વહીવટી તંત્રને સ્વચ્છ, પારદર્શક અને ગતિશીલ બનાવવા માટે શરૂ કરાયેલા વિશેષ અભિયાન ‘ઓપરેશન ગંગાજળ’ હેઠળ વધુ એક આકરો સપાટો બોલાવવામાં આવ્યો છે. રાજ્ય સરકારે પોતાની કાનૂની સત્તાનો ઉપયોગ કરીને ગુજરાત વહીવટી સેવા (GAS) સિનિયર સ્કેલના વધુ બે વરિષ્ઠ અધિકારીઓને જાહેર હિતમાં સમય પૂર્વે ફરજિયાત નિવૃત્ત કરી ઘરભેગા કરી દીધા છે. સરકારના સામાન્ય વહીવટ વિભાગ (GAD) દ્વારા લેવાયેલા આ કડક નિર્ણયના પગલે સચિવાલયથી લઈને રાજ્યની સમગ્ર અમલદારશાહીમાં ભારે ફફડાટ અને સન્નાટો વ્યાપી ગયો છે.આ બે સિનિયર અધિકારીઓ સામે થઈ લાલ આંખડી.આઈ. ભગલાણી (D.I. Bhaglani - GAS સિનિયર સ્કેલ) તેઓ ગાંધીનગર ખાતે જોઈન્ટ કમિશનર (Joint Commissioner) તરીકે કાર્યરત હતા. તેમના કાર્યકાળ દરમિયાનની કામગીરી અને સેવાકીય રેકોર્ડની ચકાસણી બાદ સરકારે તેમને તાત્કાલિક અસરથી સમય પહેલાં નિવૃત્ત કરવાનો આદેશ કર્યો છે. જે.એમ. તુવર (J.M. Tuvar - GAS સિનિયર સ્કેલ)તેઓ ગુજરાત સફાઈ કામદાર વિકાસ નિગમના મેનેજિંગ ડિરેક્ટર (MD) તરીકે ફરજ બજાવી રહ્યા હતા. તેમની સામે પણ વહીવટી નિયમો મુજબ પગલાં લઈને મુદત પૂર્વે જ નિવૃત્તિ આપી દેવામાં આવી છે.શું છે ‘ઓપરેશન ગંગાજળ’ અને કેમ લેવાયો નિર્ણય?ગુજરાત સિવિલ સર્વિસીસ રૂલ્સ (GCSR) ની કલમો હેઠળ રાજ્ય સરકારને સત્તા છે કે જે અધિકારીઓની કામગીરી શંકાસ્પદ હોય, ભ્રષ્ટાચારના આક્ષેપો હોય કે વહીવટી રીતે બિનકાર્યક્ષમ સાબિત થયા હોય તેમને 50 કે 55 વર્ષની વય વટાવ્યા બાદ જાહેર હિતમાં ફરજિયાત નિવૃત્ત કરી શકાય છે. ઉચ્ચ સચિવોની બનેલી કમિટી દ્વારા અધિકારીઓના છેલ્લા કેટલાક વર્ષોના કોન્ફિડેન્શિયલ રિપોર્ટ્સ (CR), વિજિલન્સ તપાસો અને પ્રજાકીય ફરિયાદોનું બારીકાઈથી ઓડિટ કરવામાં આવ્યું હતું, જેમાં બંને અધિકારીઓની કામગીરી સંતોષકારક ન જણાતાં તેમને સમય પહેલાં ઘરભેગા કરવાનો આખરી ફેંસલો લેવાયો હતો. આ કાર્યવાહી દ્વારા સરકારે સ્પષ્ટ ચેતવણી આપી છે કે સરકારી તંત્રમાં કોઈપણ સ્તરે ભ્રષ્ટાચાર, નિષ્ક્રિયતા કે પ્રજાના કામોમાં બેદરકારી ચલાવી લેવામાં નહીં આવે.આ પણ વાંચો: Una: સોનાના દાગીનાની લાલચે માનવતા શરમાવી; પરિવાર સાથે આંસુ સારનારી ભાણેજ વહુ જ હત્યારી નીકળી!

Read Full Story arrow_forward

calendar_today October 27, 2026

Ahmedabad News : ગુજરાત પોલીસનું 'ઓપરેશન લંગડા' સુપર હિટ, છેલ્લા 2 વર્ષમાં 21 આરોપીઓ પર ફાયરિંગ, ગુનેગારોમાં ભારે ફફડાટ!

ગુજરાતમાં ગુનાખોરી પર કાબૂ મેળવવા અને અસામાજિક તત્વોમાં કાયદાનો ડર ઊભો કરવા માટે ગુજરાત પોલીસ દ્વારા શરૂ કરાયેલ 'ઓપરેશન લંગડા' અંતર્ગત મોટો સપાટો બોલાવવામાં આવ્યો છે. ગંભીર ગુના આચરીને પોલીસ કસ્ટડીમાંથી ભાગવાનો કે પોલીસ ટુકડી પર હુમલો કરવાનો પ્રયાસ કરતા આરોપીઓ સામે પોલીસે આકરું વલણ અપનાવ્યું છે. આ ખાસ ઝુંબેશના કારણે રાજ્યભરના ગુનેગારો અને કેફી પદાર્થોના કારોબારીઓમાં ભારે ફફડાટ વ્યાપી ગયો છે.છેલ્લા 2 વર્ષમાં 21 આરોપીઓ પર ફાયરિંગપોલીસ વિભાગ દ્વારા જાહેર કરવામાં આવેલા સત્તાવાર આંકડાઓ અનુસાર, છેલ્લા 2 વર્ષના ટૂંકા ગાળામાં પોલીસે અલગ-અલગ ઘટનાઓમાં એકશન લેતા કુલ 21 આરોપીઓ પર ફાયરિંગ કર્યું છે. કસ્ટડીમાંથી ભાગવા જતાં હાથ ધરાયેલા સેલ્ફ-ડિફેન્સ અને વળતા પ્રહાર દરમિયાન બનેલી ફાયરિંગની ઘટનાઓમાં 2 આરોપીઓના મોત નીપજ્યા છે. આરોપીઓને ઘટનાસ્થળે જ અટકાવવા અને તેમની ભાગવાની યોજના નિષ્ફળ બનાવવા માટે પોલીસે આ આકરા પગલાં ભર્યા છે.2025 અને 2026 ના વર્ષવાર આંકડા, કાયદો અને વ્યવસ્થા મજબૂતવર્ષવાર આંકડાઓ પર નજર કરીએ તો, વર્ષ 2025 માં 10 આરોપીઓ સામે સ્વબચાવમાં ફાયરિંગ કરવામાં આવ્યું હતું. જ્યારે વર્ષ 2026 માં અત્યાર સુધી 11 આરોપીઓ પર ફાયરિંગ કરી તેમની અટકાયત કરવામાં આવી છે. ગુજરાત પોલીસની આ આકરી અને ઝંઝાવાતી કાર્યવાહીથી સ્પષ્ટ સંદેશ જાય છે કે રાજ્યમાં શાંતિ, સુરક્ષા અને કાયદો-વ્યવસ્થાની સ્થિતિ સાથે ચેડાં કરનાર કોઈપણ ગુનેગારને બક્ષવામાં આવશે નહીં.આ પણ વાંચો : Surat News : મર્ડર થયેલા બૂટલેગર પાસેથી તમંચો લીધાની વિચિત્ર કબૂલાત! આરોપીની કહાણીથી પોલીસ પણ ચક્કરે ચડી...

Read Full Story arrow_forward