Community News & Updates

Stay informed with the latest happenings, achievements, and announcements from our community.

All News

calendar_today October 25, 2026

Vadodara : શરદપૂનમે બરકાલના શ્રીલીલા ગૌધામ ખાતે ભોજનસેવા-ભંડારો

શિનોર તાલુકાના બરકાલ મુકામે માં નર્મદા ના કિનારે આવેલા શ્રી લીલા ગૌધામ ના પ્રેરણા મૂર્તિ ભારતી શ્રીજી ની પાવન પ્રેરણાથી આજરોજ તારીખ 25 ઓક્ટોબર 2026 રવિવારે શરદ પૂનમના દિવસે સવારે 10:00 કલાકે ભોજન , સેવા અને દિવાળીના ભંડારાનું આયોજન કરવામાં આવ્યું હતું.. વિશાળ ભોજન ભંડારો તથા જીવનોપયોગી વસ્તુઓના વિતરણનો કાર્યક્રમ પ્રેરણામૂર્તિ ભારતી શ્રીજીની પાવન પ્રેરણા તથા દિવ્ય સાનિધ્યમાં શરદ પૂર્ણિમાના નિમિત્તે અહીંના બરકાલ તથા આસપાસના ગામો જેમ કે બરકાલ કોલોની, ઝાંઝડ, મોટા ફોફ્ળિયા, કંજેઠા, અંબાલી, મોલેથા, બીથલી, ,સેગવા, મોટા કરાડા, સીમડી, વગેરે ગામોની માતાઓ, બહેનો, ભાઈઓ, વડીલો અને બાળકો ઉપસ્થિત રહ્યા હતા. શ્રી લીલા ગૌધામ, બરકાલ દ્વારા આયોજિત ભંડારામાં અન્ન, વસ્ત્ર્રો , મિઠાઈ, ફ્ળ, શાકભાજી, પગરખાં, સ્વેટર, ટોપી તથા અન્ય જીવનોપયોગી વસ્તુઓનું વિતરણ કરવામાં આવ્યું. સાથે સાથે ભોજન પ્રસાદીનો લાભ તથા હરિ નામ સંકીર્તન અને સત્સંગનું આયોજન થયું, જેમાં શ્રીજીના દિવ્ય સાનિધ્યમાં ગામલોકો, ભાઈઓ, બહેનો, માતાઓ, વડીલો અને નાના બાળકોએ ભાગ લીધો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 25, 2026

Dabhoi : તાલુકા ધરમપુરી પ્રશાખા નહેરમાં ઝાડી-ઝાંખરાનું સામ્રાજ્ય

ડભોઇ તાલુકાના ખેડૂતોને ખેતી માટે પૂરતું પાણી મળી રહે તે હેતુથી બનાવેલી ધરમપુરી પ્રશાખા નહેર (સાંકળ 5584 મી.) હાલ તંત્રની ઘોર ઉપેક્ષા અને યોગ્ય દેખરેખના અભાવે બદહાલ સ્થિતિમાં મુકાઈ છે. નહેર અને તેની આસપાસના ભાગમાં મોટા પાયે બાવળ અને ઝાડી-ઝાંખરા ઊગી નીકળતાં નહેરનું અસ્તિત્વ જ જોખમાઈ રહ્યું હોય તેવી સ્થિતિ સર્જાઈ છે. પાણીની વહેણ થંભી ગયું છે.ધરમપુરી માઇનોર કેનાલની લાંબા સમયથી સફાઈ કે મરામત કરાઇ નથી. કેનાલમાં તથા પાળા પર બંને તરફ્ ઘટાદાર વનસ્પતિ અને ઝાડીઓ જામી ગઈ છે. જેના કારણે કેનાલમાં પાણી છોડાય ત્યારે પ્રવાહ અવરોધાય છે. છેવાડાના ખેતરો સુધી પાણી પહોંચતું નથી. વળી, કેટલીક જગ્યાએ કેનાલ ક્ષતિગ્રસ્ત થવાની ભીતિ પણ સેવાઈ છે. હાલ ખેતીની સિઝન દરમિયાન પાકને સમયસર પાણી મળવું અત્યંત જરૂરી છે. ખેડૂતો દ્વારા વારંવાર રજૂઆત કરવા છતાં નર્મદા નિગમ કે સંબંધિત સિંચાઈ વિભાગ દ્વારા નહેરની સાફ્-સફાઈ પ્રત્યે પૂરતું ધ્યાન અપાતું નથી. કેનાલમાં ઊગી નીકળેલા બાવળો અને કાંટાળી વનસ્પતિના કારણે પાણીનો વેડફાટ થવાની સાથે પાણી અટવાઈ જાય છે. જેથી ખેડૂતોને સિંચાઈથી વંચિત રહેવાનો વારો આવે છે. સ્થાનિક ખેડૂતો અને ગ્રામજનો દ્વારા માંગણી કરાઇ છે કે, તંત્ર દ્વારા સત્વરે સ્થળ તપાસ કરી ધરમપુરી પ્રશાખા નહેરમાંથી ઝાડી-ઝાંખરા દૂર કરી કાંપ અને કચરો હટાવવાની કામગીરી હાથ ધરવામાં આવે, જેથી કેનાલમાં સુચારૂ રીતે પાણી વહી શકે અને ખેડૂતોના ઊભા પાકને જીવતદાન મળી રહે. જો વહેલી તકે યોગ્ય પગલાં નહીં લેવાય તો ખેડૂતોને નુકસાન વેઠવાનો વારો આવશે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 25, 2026

Padra : પાદરામાં રાષ્ટ્રીય સ્વયંસેવક સંઘ દ્વારા શસ્ત્રપૂજન

રાષ્ટ્રીય સ્વયંસેવક સંઘ દ્વારા પાદરા નગરના પશ્ચિમ મંડળની ગાયત્રી વસતી અને સાંઈ વસતીનો વિજયાદશમી ઉત્સવ આજરોજ સ્ટેશન રોડ સ્થિત સયાજીબાગ ખાતે મૃત્યુંજય શાખામાં યોજાયો હતો. જેમાં મોટી સંખ્યામાં જૂના-નવા સ્વયંસેવકો તેમજ સંઘવિચાર સાથે જોડાયેલા કાર્યકરો ઉપસ્થિત રહ્યા હતા.ઉત્સવમાં ડૉ. સંદીપ ખૂટ અને વેપારી વિજય પટેલ અધ્યક્ષસ્થાને ઉપસ્થિત રહ્યા હતા. જ્યારે મુખ્ય વક્તા તરીકે વડોદરા વિભાગના વ્યવસ્થા પ્રમુખ ઋષિરાજ વ્યાસ તથા જિલ્લા સદભાવના પ્રમુખ જીગર પંડયા ઉપસ્થિત રહ્યાં હતા. નગર અને તાલુકાના પદાધિકારીઓ દ્વારા કાર્યક્રમની વ્યવસ્થાઓ સંભાળાઇ હતી. કાર્યક્રમના પ્રારંભે સ્વયંસેવકો દ્વારા શારીરિક વ્યાયામ અને યોગનું પ્રદર્શન કરાયું હતું. ત્યારબાદ અમૃત વચન, વ્યક્તિગત ગીત સહિતના કાર્યક્રમો યોજાયા હતા. મુખ્ય વક્તા ઋષિરાજ વ્યાસે જણાવ્યું હતું કે, માનવીની આંતરિક અને બાહ્યશક્તિઓનો વિકાસ યોગ દ્વારા થાય છે. જે વ્યક્તિને શ્રેષ્ઠ બનાવવામાં મદદરૂપ બને છે. આ શક્તિઓનો ઉપયોગ દેશ, ધર્મ અને સંસ્કૃતિની સેવા માટે થાય ત્યારે તે શક્તિનો સાચો સદ્ઉપયોગ ગણાય છે. માત્ર જિમમાં કસરત કરીને કે સિક્સ પેક બનાવીને શારીરિક શક્તિ કેળવવી એ જ શક્તિની સંપૂર્ણ વ્યાખ્યા નથી. પરંતુ આંતરિક શક્તિ અને સંસ્કારોનું ઘડતર પણ એટલું જ મહત્ત્વનું છે. અંતે પરંપરાગત શસ્ત્રપૂજન કરાયું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward