Community News & Updates

Stay informed with the latest happenings, achievements, and announcements from our community.

All News

calendar_today October 24, 2026

Surat News: શેરબજારમાં ટ્રેડિંગના નામે 410 કરોડના મહાઠગાઈ રેકેટનો સાયબર ક્રાઈમે કર્યો પર્દાફાશ!

સુરત સાયબર ક્રાઈમ શેલે શેરબજારમાં ટ્રેડિંગના નામે કરોડો રૂપિયાનું સાયબર ફ્રોડ આચરતી એક કુખ્યાત ગેંગનો પર્દાફાશ કર્યો છે. આ મામલામાં પોલીસે બે આરોપીઓની ધરપકડ કરી છે, જેઓ બોગસ લિંક મોકલીને લોકો સાથે છેતરપિંડી કરતા હતા. તપાસ દરમિયાન સામે આવ્યું છે કે આ ગેંગનું નેટવર્ક દેશના 20 જેટલા રાજ્યોમાં ફેલાયેલું હતું અને અત્યાર સુધીમાં 338 જેટલી ફરિયાદો નોંધાઈ ચૂકી છે.બોગસ લિંક અને ચાઇનીઝ ગેંગ સાથે કનેક્શનઆરોપીઓએ 'SBI ULTRA' સહિતની બે અલગ-અલગ બોગસ લિંક બનાવીને એક સુરતી વેપારી પાસે 24 લાખથી વધુનું રોકાણ કરાવ્યું હતું. રોકાણ કર્યા બાદ રૂપિયા વિડ્રો કરવા ન દેતા સમગ્ર કૌભાંડ બહાર આવ્યું હતું. તપાસમાં ચોંકાવનારો ખુલાસો થયો છે કે આ કેસનો માસ્ટરમાઇન્ડ લિથુઆનીયાની યુનિવર્સિટીનો સિવિલ એન્જિનિયરિંગનો વિદ્યાર્થી છે, જે દુબઈ સ્થિત ચાઇનીઝ ગેંગના સીધા સંપર્કમાં રહીને આ રેકેટ ચલાવતો હતો.96 બેંક એકાઉન્ટ અને મુદ્દામાલ જપ્તઆરોપીઓ પાસેથી કુલ 96 બેંક એકાઉન્ટ મળી આવ્યા છે, જેના દ્વારા આ વિશાળ ફ્રોડનું નેટવર્ક ઓપરેટ થતું હતું. પોલીસે આરોપીઓ પાસેથી મોબાઈલ ફોન, ડેબિટ કાર્ડ અને યુનિવર્સિટીના આઈકાર્ડ સહિતનો શંકાસ્પદ મુદ્દામાલ જપ્ત કર્યો છે. મોબાઈલની તપાસ કરતા ચાઇનીઝ ગેંગ સાથેની ચેટ પણ મળી આવી છે, જેથી આંતરરાષ્ટ્રીય કનેક્શન હોવાની પુષ્ટિ થઈ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 24, 2026

Surendranagarના વસ્તડી ગામે ગેરકાયદે ફ્યુઅલ પંપ પર દરોડા, તંત્રએ 1,240 લીટર HVO ફ્યુઅલનો જથ્થો કર્યો સીઝ

રાજકોટ-અમદાવાદ નેશનલ હાઇવે પર આવેલ સુરેન્દ્રનગર જિલ્લાના વસ્તડી ગામની સીમમાં ગેરકાયદેસર અને અનધિકૃત રીતે ચાલી રહેલા ફ્યુઅલ પંપ પર સરકારી તંત્ર દ્વારા આકરી કાયદાકીય કાર્યવાહી કરવામાં આવી છે. લાંબા સમયથી બાયોફ્યુઅલ/HVO ઇંધણના અનધિકૃત વેચાણ અંગે મળી રહેલી બાતમીના આધારે સરકારી સંયુક્ત ટીમે સ્થળ પર પહોંચીને અનધિકૃત ફ્યુઅલ પંપને સીઝ કરી દીધો છે. હાઇવે પર બનેલી આ ઘટનાથી ગેરકાયદેસર ઇંધણનો વેપાર કરતા તત્વોમાં ભારે ફફડાટ વ્યાપી ગયો છે.સમુદ્ર એગ્રો એજન્સી પર દરોડાઆ દરોડા દરમિયાન 'સમુદ્ર એગ્રો એજન્સી' નામના સ્થળ પરથી સંયુક્ત ટીમને ગેરકાયદેસર રીતે રાખવામાં આવેલો અંદાજે 1,240 લીટર HVO (Hydrotreated Vegetable Oil) ફ્યુઅલનો જથ્થો મળી આવ્યો હતો. તંત્ર દ્વારા આ સમગ્ર ઇંધણના જથ્થા સાથે મશીનરી અને અન્ય સાધનસામગ્રી મળીને કુલ રૂ. 1.16 લાખ નો માતબર મુદ્દામાલ સ્થળ પરથી જપ્ત કરવામાં આવ્યો હતો. પરવાનગી વગર હાઇવે પર વાહનચાલકોને અનધિકૃત ઇંધણ વેચવામાં આવતું હોવાનું પ્રાથમિક તપાસમાં સામે આવ્યું છે.પોલીસ, મામલતદાર અને પુરવઠા વિભાગની સંયુક્ત કાર્યવાહીઆ સમગ્ર સફળ કામગીરી પોલીસ વિભાગ, મામલતદાર કચેરી અને જિલ્લા પુરવઠા વિભાગની સંયુક્ત ટીમ દ્વારા હાથ ધરવામાં આવી હતી. તંત્ર દ્વારા ફ્યુઅલની ગુણવત્તા અને તેમાં કરવામાં આવતી ભેળસેળની વિગતો જાણવા માટે ઇંધણના ખાસ નમૂનાઓ (સેમ્પલ) એકત્ર કરીને લેબોરેટરી ટેસ્ટિંગ માટે મોકલી આપવામાં આવ્યા છે. લેબ રિપોર્ટ આવ્યા બાદ સંબંધિત એજન્સીના સંચાલકો સામે વધુ કડક ફોજદારી અને વહીવટી કાર્યવાહી હાથ ધરવામાં આવશે.આ પણ વાંચો : Dwarka News : પરીક્ષાનો ડર કે સિસ્ટમની નિષ્ફળતા? કોમર્સના વિદ્યાર્થીના આપઘાતથી ખળભળાટ, પોલીસે ગુનો નોંધી સઘન તપાસ શરૂ કરી

Read Full Story arrow_forward

calendar_today October 24, 2026

Delhiમાં 1 નવેમ્બરે યોજાશે ‘વોટ બચાવો’ રેલી, મોટી સંખ્યામાં ભીડ એકઠી કરવા વિપક્ષની તૈયારી!

દિલ્હીના રામલીલા મેદાનમાં 1 નવેમ્બરે યોજાનારી ઇન્ડિયા ગઠબંધનની ‘વોટ બચાવો-દેશ બચાવો’ મહારેલીને લઈને કોંગ્રેસે તૈયારીઓ તેજ કરી છે. રેલીમાં લોકોની ભાગીદારીને લઈને હરિયાણા અને ઉત્તર પ્રદેશના નેતાઓએ મોટા દાવા કર્યા છે. તો કોંગ્રેસના સાંસદ સતપાલ બ્રહ્મચારીએ જણાવ્યું કે હરિયાણાને એક લાખ લોકોને એકત્ર કરવાનો લક્ષ્યાંક આપવામાં આવ્યો છે, પરંતુ રાજ્યમાંથી તેનાથી પણ વધુ લોકો દિલ્હીમાં રેલીમાં ભાગ લેવા પહોંચશે.બીજી તરફ, ઉત્તર પ્રદેશ કોંગ્રેસના અધ્યક્ષ અજય રાયે જણાવ્યું કે રાજ્યના તમામ 75 જિલ્લાઓમાંથી લોકો રેલીમાં જોડાશે અને 50 હજાર લોકોની ભાગીદારીનો લક્ષ્યાંક પૂર્ણ કરાશે. કોંગ્રેસના સંગઠન મહાસચિવ કે.સી. વેણુગોપાલની અધ્યક્ષતામાં બંને રાજ્યોના નેતાઓ સાથે યોજાયેલી બેઠકોમાં રેલીની તૈયારીઓ અને લોકોની ભાગીદારી વધારવા અંગે ચર્ચા કરવામાં આવી હતી.હરિયાણામાંથી 1 લાખ લોકોને લાવવાનો લક્ષ્યાંકઇન્ડિયા ગઠબંધનની પ્રસ્તાવિત રેલીને લઈને કોંગ્રેસના સાંસદ સતપાલ બ્રહ્મચારીએ જણાવ્યું કે 1 નવેમ્બરે દિલ્હીના રામલીલા મેદાનમાં યોજાનારી રેલી માટે હરિયાણામાંથી એક લાખ લોકોને લાવવાનું લક્ષ્યાંક રાખવામાં આવ્યું છે. સતપાલ બ્રહ્મચારીએ દાવો કર્યો કે રેલીની તૈયારીઓ પૂર્ણ થઈ ગઈ છે અને હરિયાણામાંથી લક્ષ્યાંક કરતાં પણ વધુ લોકો દિલ્હી પહોંચશે. રેલીમાં હરિયાણાની મોટી ભાગીદારી જોવા મળશે તેવો તેમણે વિશ્વાસ વ્યક્ત કર્યો હતો.UPના 75 જિલ્લાઓ,50 હજાર લોકોનો લક્ષ્યાંક અજય રાયે પણ રેલીમાં ઉત્તર પ્રદેશની ભાગીદારીને લઈને વિશ્વાસ વ્યક્ત કર્યો છે. તેમણે કહ્યું કે રેલીમાં ઉત્તર પ્રદેશની સૌથી મોટી ભાગીદારી જોવા મળી શકે છે. રાજ્યના તમામ 75 જિલ્લાઓમાંથી લોકો પૂરી તાકાત સાથે દિલ્હી પહોંચશે. અજય રાયે જણાવ્યું કે ઉત્તર પ્રદેશને 50 હજાર લોકોને એકત્ર કરવાનો લક્ષ્યાંક આપવામાં આવ્યો છે. તેમણે દાવો કર્યો કે પાર્ટી આ લક્ષ્યાંક પૂર્ણ કરશે. કોંગ્રેસ રાજ્યના અલગ-અલગ જિલ્લાઓમાંથી લોકોને રેલીમાં સામેલ કરવા માટે તૈયારીઓ કરી રહી છે.કે.સી. વેણુગોપાલ અને પ્રિયંકા ગાંધીની UPના નેતાઓ સાથે બેઠકરેલીની તૈયારીઓને લઈને કોંગ્રેસના સંગઠન મહાસચિવ કે.સી. વેણુગોપાલે પ્રિયંકા ગાંધી વાડ્રા સાથે ઉત્તર પ્રદેશ કોંગ્રેસના વરિષ્ઠ નેતાઓ સાથે મુલાકાત કરી હતી. બેઠકમાં ઉત્તર પ્રદેશના AICC પ્રભારી રાજેન્દ્ર પાલ ગૌતમ, પ્રદેશ કોંગ્રેસ અધ્યક્ષ આરાધના મિશ્રા ‘મોના’ સહિત અન્ય વરિષ્ઠ નેતાઓ હાજર રહ્યા હતા. આ બેઠકમાં 1 નવેમ્બરની રેલી માટે લોકોને એકત્ર કરવા અને સંગઠનની તૈયારીઓ અંગે ચર્ચા કરવામાં આવી હતી. ત્યારબાદ હરિયાણા કોંગ્રેસના નેતાઓ સાથે પણ બેઠક યોજાઈ હતી. તેમાં હરિયાણાના AICC પ્રભારી સંજય દત્ત, પ્રદેશ કોંગ્રેસ અધ્યક્ષ રાવ નરેન્દ્ર સિંહ અને પાર્ટીના વરિષ્ઠ નેતાઓએ ભાગ લીધો હતો. હરિયાણામાંથી વધુમાં વધુ લોકો રેલીમાં જોડાય તે માટેની રણનીતિ અંગે વિચારણા કરવામાં આવી હતી. હરિયાણાના કોંગ્રેસના નેતા દીપેન્દ્ર સિંહ હુડ્ડાએ બેઠક બાદ જણાવ્યું કે ભારતની જનતા પોતાના મતાધિકારની ચોરી થવા દેશે નહીં. તેમણે કહ્યું કે લોકશાહી અધિકારોનું હનન થવા દેવામાં આવશે નહીં અને હરિયાણામાંથી રામલીલા મેદાનમાં ઐતિહાસિક જનભાગીદારી જોવા મળશે.1 નવેમ્બરે દિલ્હી પહોંચશે ‘દિલ્હી ચલો માર્ચ’કોંગ્રેસની યોજના 1 નવેમ્બરે રામલીલા મેદાનમાં યોજાનારી મહારેલી પહેલાં મોટા પાયે જનભાગીદારી એકત્ર કરવાની છે. કે.સી. વેણુગોપાલે બેઠકો દરમિયાન જણાવ્યું કે પાર્ટીએ માત્ર રેલી પૂરતી સીમિત રહેવાનું નથી, પરંતુ માર્ચ પણ કાઢવાનો છે. તેમના જણાવ્યા અનુસાર, ‘દિલ્હી ચલો માર્ચ’ 1 નવેમ્બરે રાષ્ટ્રીય રાજધાની પહોંચશે અને ત્યારબાદ રામલીલા મેદાનમાં મહારેલી યોજાશે. કે.સી. વેણુગોપાલે દાવો કર્યો કે આ અભિયાનમાં દેશભરમાંથી મોટી સંખ્યામાં લોકો જોડાશે. તેમણે માર્ચમાં ઓછામાં ઓછા 10 લાખ નાગરિકો ભાગ લેશે તેવી આશા વ્યક્ત કરી હતી. જોકે, હરિયાણા અને ઉત્તર પ્રદેશના નેતાઓએ પોતાના રાજ્યોમાંથી અનુક્રમે એક લાખ અને 50 હજાર લોકોને એકત્ર કરવાનો લક્ષ્યાંક જણાવ્યો છે.જ્ઞાનેશ કુમારના રાજીનામા અને SIR પર રોક લગાવવાની માગકોંગ્રેસની આ મહારેલીના મુખ્ય મુદ્દાઓમાં મુખ્ય ચૂંટણી કમિશનર જ્ઞાનેશ કુમારના રાજીનામાની માગ અને વિશેષ સઘન પુનરીક્ષણ (SIR) પ્રક્રિયા પર રોક લગાવવાની માગનો સમાવેશ થાય છે. પાર્ટીનો આરોપ છે કે ચૂંટણી પ્રક્રિયામાં ગેરરીતિઓ થઈ રહી છે અને મતાધિકારની સુરક્ષાને લઈને ગંભીર સવાલો ઊભા થઈ રહ્યા છે. કે.સી. વેણુગોપાલે જ્ઞાનેશ કુમાર અને અન્ય સંબંધિત લોકો પર વોટ ચોરીમાં સામેલ હોવાનો આરોપ લગાવ્યો હતો. તેમણે આ માટે વડાપ્રધાન નરેન્દ્ર મોદી અને કેન્દ્રીય ગૃહમંત્રી અમિત શાહને જવાબદાર ઠેરવ્યા હતા. આ કોંગ્રેસ દ્વારા લગાવવામાં આવેલા આરોપો છે. પાર્ટીનું કહેવું છે કે રેલીના માધ્યમથી દેશભરમાં લોકશાહી અને મતાધિકારની રક્ષા કરવાનો સંદેશ પહોંચાડવામાં આવશે. કોંગ્રેસ આ આયોજનને ઇન્ડિયા ગઠબંધનની એકતા દર્શાવવાની તક તરીકે પણ જોઈ રહી છે. રેલીમાં ગઠબંધનના મુખ્ય નેતાઓ સામેલ થાય તેવી શક્યતા છે. હવે સૌની નજર 1 નવેમ્બરે દિલ્હીમાં એકત્ર થનારી ભીડ અને વિવિધ રાજ્યો માટે કોંગ્રેસે નક્કી કરેલા લક્ષ્યાંકો પર રહેશે.વધુ સમાચાર વાંચવા ડાઉનલોડ કરો સંદેશ ન્યૂઝ એપ : https://sandesh.com/d 

Read Full Story arrow_forward