Community News & Updates

Stay informed with the latest happenings, achievements, and announcements from our community.

All News

calendar_today October 24, 2026

Ahmeedabad News : અડધી રાત્રે વેરહાઉસમાં ફિલ્મી ઢબે ચોરી, પતરાં તોડીને ઘૂસેલા ચોરો CCTV કેમેરામાં કેદ, 1 કરોડની મત્તાની ચોરી

અમદાવાદ ગ્રામ્ય વિસ્તારમાં આવેલા વ્યસ્ત અને ઉદ્યોગ બહુલ એવા ચાંગોદર પંથકમાંથી ચોંકાવનારી ઘટના સામે આવી છે. સનાથલ સર્કલ પાસે આવેલા એક વેરહાઉસ અને શેડને તસ્કરોએ પોતાનું નિશાન બનાવ્યું હતું. આંતરરાષ્ટ્રીય બ્રાન્ડ્સ અને મોંઘી ઈલેક્ટ્રોનિક્સ વસ્તુઓનો સંગ્રહ ધરાવતા આ ગોડાઉનમાં તસ્કરોએ માત્ર એક જ કલાકના ટૂંકા ગાળામાં અંદાજે 1 કરોડ રૂપિયા જેટલા માતબર મુદ્દામાલની ચોરીને અંજામ આપીને ભારે ચકચાર મચાવી દીધી છે.પતરાં ખોલીને બે બુકાનીધારીઓ ત્રાટક્યાપ્રાપ્ત વિગતો અનુસાર, ચોરીની આ ઘટનાને અંજામ આપવા માટે બે બુકાનીધારી શખ્સો આવ્યા હતા. તેમણે વેરહાઉસના છતનાં પતરાં ખોલીને અંદર પ્રવેશ કર્યો હતો. તસ્કરોએ ખૂબ જ આયોજનબદ્ધ રીતે અંદરથી કિંમતી ગેજેટ્સની ચોરી કરી હતી, જેમાં અંદાજે 40 iPhone-17 અને 30 iPhone-16 જેવા લેટેસ્ટ સ્માર્ટફોનનો સમાવેશ થાય છે. આ ઉપરાંત આઈફોન સિવાય વેરહાઉસમાંથી હાઈ-ટેક કીબોર્ડ, આઈપેડ (iPads), આઈવોચ (iWatch) અને પ્રીમિયમ લેપટોપ પણ ચોરી થઈ ગયા છે.CCTV ફૂટેજના આધારે ચાંગોદર પોલીસે હાથ ધરી સઘન તપાસઘટનાની જાણ થતાં જ ચાંગોદર પોલીસ સ્ટેશનનો કાફલો તાત્કાલિક ઘટનાસ્થળે દોડી આવ્યો હતો. વેરહાઉસ અને આસપાસના વિસ્તારોમાં લાગેલા CCTV કેમેરાના ફૂટેજ મેળવીને પોલીસે તપાસના ચક્રો ગતિમાન કર્યા છે. બે બુકાનીધારી ચોરોએ કઈ રીતે આટલી મોટી ચોરીને અંજામ આપ્યો અને ચોરાયેલો માલ કઈ તરફ ખપાવ્યો તે દિશામાં પોલીસે તપાસ હાથ ધરી છે, જેથી વહેલી તકે આરોપીઓ પકડાઈ શકે.આ પણ વાંચો : Surat પોલીસનું દિવાળી પર્વ અગાઉ મોટું એલર્ટ, જ્વેલર્સ, આંગડિયા અને હીરા ઉદ્યોગ માટે 10 સુરક્ષા સૂત્રોની માર્ગદર્શિકા જાહેર

Read Full Story arrow_forward

calendar_today October 24, 2026

Rajkot News : સાવધાન! તહેવારોમાં ફટાકડા વેચવાના બદલાયા નિયમો, જાણો પોલીસના નવા જાહેરનામાની મોટી વાતો!

રાજકોટ શહેરમાં દિવાળી અને નૂતન વર્ષના તહેવારોને ધ્યાનમાં રાખીને નાગરિકોની સુરક્ષા અને જાહેર શાંતિ જાળવવા માટે પોલીસ તંત્ર દ્વારા એક અત્યંત મહત્વનું અને કડક જાહેરનામું બહાર પાડવામાં આવ્યું છે. આ જાહેરનામું આગામી 29 ઓક્ટોબરથી 25 નવેમ્બર સુધી સમગ્ર રાજકોટ શહેરમાં અમલી રહેશે. તહેવારો દરમિયાન કોઈ અનિચ્છનીય બનાવ ન બને અને અકસ્માતો રોકી શકાય તે માટે પોલીસ દ્વારા અગાઉથી જ તૈયારીઓ શરૂ કરી દેવામાં આવી છે.માત્ર લાઇસન્સધારકો જ કરી શકશે ફટાકડાનું વેચાણજાહેરાત મુજબ, રાજકોટમાં માત્ર અધિકૃત લાઇસન્સ ધરાવતા વેપારીઓ જ નિયત કરેલી જગ્યાઓ પર જ ફટાકડાનું વેચાણ કરી શકશે. જો કોઈ પણ વ્યક્તિ વગર લાયસન્સે કે ગેરકાયદેસર રીતે સ્ટોલ લગાવીને ફટાકડા વેચશે તો તેની સામે ત્વરિત કાયદાકીય કાર્યવાહી કરવામાં આવશે. આ ઉપરાંત, શહેરમાં પર્યાવરણ અને અવાજના પ્રદૂષણને નિયંત્રિત કરવા માટે ભારે અવાજ ધરાવતા ફટાકડા તેમજ સિરીઝ (લૂમ) ફટાકડાના વેચાણ અને ઉપયોગ પર સંપૂર્ણ પ્રતિબંધ ફરમાવવામાં આવ્યો છે.DCP જગદીશ બાંગરવાએ આપી વિગતોઆ સમગ્ર માબતે માહિતી આપતા DCP જગદીશ બાંગરવાએ સ્પષ્ટ કર્યું છે કે જો કોઈ વેપારી કે શખ્સ ગેરકાયદેસર રીતે ફટાકડાનું વેચાણ કરતા પકડાશે તો તેમનો સમગ્ર માલ જપ્ત કરી લેવામાં આવશે અને તેમની સામે કડક ફોજદારી ગુનો નોંધવામાં આવશે. પોલીસ તંત્ર દ્વારા તમામ વિસ્તારોમાં સઘન ચેકિંગ હાથ ધરવામાં આવશે, જેથી કાયદો અને વ્યવસ્થાની સ્થિતિ જળવાઈ રહે અને નાગરિકો સુરક્ષિત રીતે તહેવારોની ઉજવણી કરી શકે.આ પણ વાંચો : Ahmeedabad News : અડધી રાત્રે વેરહાઉસમાં ફિલ્મી ઢબે ચોરી, પતરાં તોડીને ઘૂસેલા ચોરો CCTV કેમેરામાં કેદ, 1 કરોડની મત્તા ચોરાઈ

Read Full Story arrow_forward

calendar_today October 24, 2026

Morbi News: જેતપરમાં ચાલી રહેલા ખેડૂત આંદોલનના બાકી 3 મુદ્દાઓ પર સરકાર ટૂંક સમયમાં નિર્ણય લેશે

મોરબી ખાતે ચાલી રહેલા ખેડૂત આંદોલનમાં ખેડૂતો વિવિધ પડતર માંગણીઓ રજૂ કરી રહ્યા હતા.આ આંદોલન દરમિયાન ખેડૂતો દ્વારા કુલ 24 જેટલા મહત્વના મુદ્દાઓ સરકાર સમક્ષ મૂકવામાં આવ્યા હતા.તે પૈકી અગાઉ સરકાર અને ખેડૂતો વચ્ચે 21 મુદ્દાઓ પર સહમતી સધાઈ ગઈ હતી.જોકે બાકી રહેલા ત્રણ મુદ્દાઓને લઈને ખેડૂતોમાં અસંતોષ અને નારાજગી પ્રવર્તતી હતી.ખેડૂતોની આ નારાજગી દૂર કરવા ઉમિયાધામ સિદસર દ્વારા મહત્વપૂર્ણ મધ્યસ્થી કરવામાં આવી છે.સિદસર ઉમિયાધામ સંસ્થાએ સરકાર અને આંદોલનકારી ખેડૂતો વચ્ચે સમાધાન માટે ભૂમિકા નિભાવી છે.આ મધ્યસ્થી બાદ ખેડૂતોના પ્રશ્નો અંગે સરકાર સકારાત્મક હોવાનો દાવો કરવામાં આવ્યો છે.ખેડૂતોના હિતમાં સરકાર બાકી ત્રણ મુદ્દાઓ પર ટૂંક સમયમાં સકારાત્મક નિર્ણય લઈ શકે છે. માંગણીનો કાયમી ઉકેલ આવવાની શક્યતાઆ સમગ્ર મામલે સિદસર ઉમિયાધામના ઉપપ્રમુખ જગદીશ કોટડિયાએ ગાંધીનગરમાં મહત્વની મુલાકાત કરી હતી.તેમણે ગાંધીનગર ખાતે રાજ્યના મુખ્યમંત્રી સાથે આંદોલન અંગે ઉચ્ચ સ્તરીય બેઠક યોજી હતી.આ ઉપરાંત જગદીશ કોટડિયાએ પ્રદેશ ભાજપ અધ્યક્ષ સાથે પણ આ મુદ્દે ચર્ચા કરી હતી.આ મહત્વની બેઠકમાં રાજ્યના કૃષિમંત્રી પણ ખાસ ઉપસ્થિત રહ્યા હતા.જગદીશ કોટડિયાએ સરકારના શીર્ષ નેતાઓ સમક્ષ ખેડૂતોના ત્રણ મુદ્દાઓની વિગતો મૂકી હતી.આ બેઠકમાં હાઈ વોલ્ટેજ લાઈન અને કોરિડોરના વળતર અંગે વિચારણા કરવામાં આવી હતી.પાવર લાઈન તથા કોરિડોરના વળતર મુદ્દે સરકાર તરફથી મહત્વનો નિર્ણય આવી શકે છે. ખેડૂતોને વળતર યોગ્ય રીતે મળે તે બાબતે સરકારે અનુકૂળ વલણ દાખવ્યું છે.સરકાર અને મધ્યસ્થી વચ્ચે થયેલી આ વાતચીત ખૂબ સકારાત્મક રહી હોવાનું મનાય છે. આ મહત્વપૂર્ણ બેઠક બાદ ખેડૂતોની વર્ષો જૂની વળતર માંગણીનો કાયમી ઉકેલ આવવાની શક્યતા વધી છે.મોરબી ખેડૂત આંદોલનનો કાયમી ઉકેલ આવશેઆંદોલનના ઉકેલ માટે જમીનના ભાવ નક્કી કરવાની કમિટીમાં ખેડૂત પ્રતિનિધિની ભૂમિકા મહત્વની રહેશે.કમિટીમાં ખેડૂત પ્રતિનિધિનો સમાવેશ થવાથી ખેડૂતોના પક્ષની યોગ્ય રજૂઆત થઈ શકશે.જમીનના ભાવ નક્કી કરવાની પદ્ધતિમાં પણ મોટો ફેરફાર લાવવા વિચારણા ચાલી રહી છે.અગાઉ ત્રણ ભાવોની ગણતરી થતી હતી તેમાં સુધારો કરવાની માંગણી હતી.હવે ત્રણ નહીં પરંતુ બે બહુમતી ભાવના સરેરાશ ભાવ નક્કી કરાય તેવી વિચારણા છે.આ નવી ગણતરી પદ્ધતિથી ખેડૂતોને જમીનનું વધુ વાજબી વળતર મળવાની આશા છે.સરકારના સ્તરે આ તમામ મુદ્દાઓ અંગે પ્રાથમિક સહમતી બની ચૂકી હોવાનું જણાય છે. ગાંધીનગરની બેઠક બાદ હવે આંદોલનકારી ખેડૂત પ્રતિનિધિઓ સાથે મુલાકાત યોજવામાં આવશે. ખેડૂત પ્રતિનિધિઓને મળીને ટૂંક સમયમાં સરકાર દ્વારા આખરી નિર્ણય જાહેર કરાશે. આ નિર્ણય જાહેર થતાં જ મોરબી ખેડૂત આંદોલનનો કાયમી ઉકેલ આવશે તેવી સંભાવના છે.આ પણ વાંચોઃ Weather Update : ઉત્તર પ્રદેશથી લઈને રાજસ્થાન સુધી વરસાદની આગાહી, ઉત્તરાખંડ અને હિમાચલમાં થશે બરફ વર્ષા

Read Full Story arrow_forward