android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Mahesana : આખજમાં મહેસાણા જિલ્લા યુવા ઉત્સવ 2026-27 યોજાઈ ગયો
calendar_today October 23, 2026

Mahesana : આખજમાં મહેસાણા જિલ્લા યુવા ઉત્સવ 2026-27 યોજાઈ ગયો

મહેસાણા જિલ્લા યુવા ઉત્સવ-2026-27નું આયોજન આખજ ખાતે કરવામાં આવ્યું હતું. જિલ્લા યુવા વિકાસ અધિકારીના માર્ગદર્શન હેઠળ આર.જે. પટેલ વિનય વિદ્યાવિહાર, આખજના સહયોગથી શાળા ખાતે યોજાયેલા યુવા ઉત્સવમાં લોકનૃત્ય, લોકગીત, ચિત્રકામ, કવિતા લેખન અને નુક્કડ નાટક સહિતની વિવિધ સ્પર્ધાઓ યોજાઈ હતી. જેમાં સ્પર્ધકોએ પોતાની કલા અને સર્જનાત્મક પ્રતિભાનું પ્રદર્શન કર્યું હતું. કાર્યક્રમમાં શ્રી નવયુવક પ્રગતિ મંડળ, આખજના પ્રમુખ રસિકભાઈ પટેલ મુખ્ય મહેમાન તરીકે ઉપસ્થિત રહ્યા હતા. જ્યારે મંડળના મંત્રી અંબાલાલભાઈ પટેલ અતિથિ વિશેષ તરીકે ઉપસ્થિત રહી સ્પર્ધકોને પ્રોત્સાહિત કર્યા હતા. મહેસાણા જિલ્લા યુવા વિકાસ અધિકારી પારુલબેન પટેલે યુવા ઉત્સવના સફ્ળ આયોજન બદલ શ્રી નવયુવક પ્રગતિ મંડળ, આખજના સંચાલક મંડળ તેમજ શાળાના આચાર્ય વિનોદભાઈ પટેલ દ્વારા મળેલા સહયોગની સરાહના કરી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Mahesana : બ્રાહ્મણવાડા વિદ્યાલયમાં ગણિત અને વિજ્ઞાન પ્રદર્શન યોજાઈ ગયું
calendar_today October 23, 2026

Mahesana : બ્રાહ્મણવાડા વિદ્યાલયમાં ગણિત અને વિજ્ઞાન પ્રદર્શન યોજાઈ ગયું

બ્રાહ્મણવાડા સ્થિત શ્રી સરસ્વતી વિદ્યાલય ખાતે એસવીએસ કક્ષાનું ગણિત-વિજ્ઞાન પ્રદર્શન યોજાયું હતું. પ્રદર્શનમાં 30 શાળાઓના 67 કૃતિઓ રજૂ કરવામાં આવી હતી. આ પ્રસંગે ભોજનદાતા-અધ્યક્ષ નરોત્તમભાઈ એન. પટેલ, મુખ્ય મહેમાન તરીકે ડૉ. મોહનભાઈ એસ. પટેલ, અતિથી વિશેષ મહેશભાઈ વી. પટેલ, ડાયટના પ્રકાશભાઈ, દેવાંગીનીબેન, પ્રિયાબેન, ડીઈઓના ઈઆઈ કનુભાઈ ચૌધરી, આચાર્ય સંઘના બળદેવભાઈ, અશ્વિનભાઈ ઉપસ્થિત રહ્યા હતા. ઉપસ્થિત મહાનુભાવોએ વિદ્યાર્થીઓની કૃતિઓનું નિરીક્ષણ કરી તેમની સર્જનાત્મકતા, વૈજ્ઞાનિક અભિગમ અને નવીન વિચારોને બિરદાવ્યા હતા. આચાર્ય યોગેશભાઈ પટેલ અને શાળા સ્ટાફ ઉપસ્થિત રહ્યા હતા. પ્રદર્શનના માધ્યમથી વિદ્યાર્થીઓમાં વૈજ્ઞાનિક દૃષ્ટિકોણ અને સંશોધનવૃત્તિને પ્રોત્સાહન મળ્યું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Mahesana : ગ્રીન ફટાકડા જ ફોડી શકાશે, રાત્રે 8 થી 10 વાગ્યા સુધીની જ મંજૂરી
calendar_today October 23, 2026

Mahesana : ગ્રીન ફટાકડા જ ફોડી શકાશે, રાત્રે 8 થી 10 વાગ્યા સુધીની જ મંજૂરી

દિવાળીના તહેવારો દરમિયાન ફ્ટાકડાથી થતા હવા અને ધ્વનિ પ્રદૂષણને નિયંત્રિત કરવા મહેસાણા જિલ્લા મેજિસ્ટ્રેટ દ્વારા જાહેરનામું બહાર પાડવામાં આવ્યું છે. જાહેરનામા મુજબ નાગરિકોના આરોગ્ય અને પર્યાવરણની સુરક્ષાને ધ્યાનમાં રાખીને ફ્ટાકડાના ઉત્પાદન, વેચાણ અને ઉપયોગ અંગે વિવિધ નિયંત્રણો લાગુ કરવામાં આવ્યા છે. જાહેરનામા અનુસાર, સુપ્રીમ કોર્ટની માર્ગદર્શિકા મુજબ ઓછું પ્રદૂષણ કરતા માન્ય ગ્રીન ફ્ટાકડાના ઉપયોગને જ મંજૂરી આપવામાં આવી છે. વધુ અવાજ અને ધુમાડો કરતા અને સિરીઝ ફ્ટાકડા પર પ્રતિબંધ મૂકવામાં આવ્યો છે. બેરિયમનો ઉપયોગ કરીને બનાવવામાં આવતા ફ્ટાકડાઓ પર પણ પ્રતિબંધ રહેશે. ફ્ટાકડાનું વેચાણ માત્ર લાયસન્સ ધારક વેપારીઓ જ કરી શકશે અને ઓનલાઇન માધ્યમથી ફ્ટાકડાના વેચાણ પર પ્રતિબંધ રહેશે.મહેસાણા જિલ્લા મેજિસ્ટ્રેટ મયંક પટેલે આ જાહેરનામા મુજબ દિવાળી તથા અન્ય તહેવારો દરમિયાન રાત્રે 8.00 થી 10.00 વાગ્યા સુધી જ ફ્ટાકડા ફોડી શકાશે. ક્રિસમસ અને નવા વર્ષની ઉજવણી દરમિયાન રાત્રે 11.55 થી મધરાતના 12.30 વાગ્યા સુધી જ ફ્ટાકડા ફોડવાની મંજૂરી રહેશે. માત્ર અધિકૃત સંસ્થા દ્વારા મંજૂર કરાયેલા અને નિર્ધારિત ધ્વનિ-સ્તરનું પાલન કરતા ફ્ટાકડાનો જ ઉપયોગ કરી શકાશે. હોસ્પિટલો, નર્સિંગ હોમ, આરોગ્ય કેન્દ્રો, શૈક્ષણિક સંસ્થાઓ, અદાલતો અને ધાર્મિક સ્થળોની આસપાસના 100 મીટરના વિસ્તારને શાંત વિસ્તાર તરીકે ગણવામાં આવશે. આ વિસ્તારમાં ફ્ટાકડા ફોડવા પર પ્રતિબંધ રહેશે. આયાતી ફ્ટાકડાના વેચાણ, સંગ્રહ અને ઉપયોગ પર પણ નિયંત્રણ મૂકવામાં આવ્યું છે. પેટ્રોલ પંપ, સીએનજી પંપ તથા અન્ય જોખમી સ્થળોની નજીક ફ્ટાકડાનો સંગ્રહ કરવા સામે પણ પ્રતિબંધાત્મક જોગવાઈઓ કરવામાં આવી છે. આ ઉપરાંત, ચાઈનીઝ ટુક્કલ, આકાશ દીવા અને રોકેટ જેવા ઉડતા સાધનોના ઉત્પાદન, વેચાણ અને ઉપયોગ સામે પણ જાહેરનામામાં નિયંત્રણો દર્શાવવામાં આવ્યાં છે. આ જાહેરનામું તા. 6.11.2026 થી તા.24.11.2026 સુધી તથા ક્રિસમસ, નૂતન વર્ષ દરમિયાન અમલમાં રહેશે. જાહેરનામાના નિયમોનો ભંગ કરનાર કે મદદગારી કરનાર ઈસમો સામે ભારતીય ન્યાય સંહિતા-2023 ની કલમ-223 તથા ગુજરાત પોલીસ અધિનિયમ-1951 ની કલમ-131 મુજબ શિક્ષાત્મક કાર્યવાહી કરવામાં આવશે. આ અંગે કાર્યવાહી કરવા માટે પીએસઆઈ કે તેથી ઉચ્ચ કક્ષાના અધિકારીઓને અધિકૃત કરવામાં આવ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward