Community News & Updates

Stay informed with the latest happenings, achievements, and announcements from our community.

All News

calendar_today October 23, 2026

Banaskanthaમાં ખાખી પણ સુરક્ષિત નથી! દાંતીવાડા BSF જવાન પર બુટલેગરોનો જીવલેણ હુમલો, ધારિયાં ઝીંકી લોહીલુહાણ કર્યા...

દેશની સરહદોની રક્ષા કરનાર સુરક્ષા જવાનો પોતાના જ વતનમાં કેટલા સુરક્ષિત છે તે અંગે બનાસકાંઠાથી એક અત્યંત ચોંકાવનારી ઘટના સામે આવી છે. દાંતીવાડા ખાતે આવેલા BSF કેમ્પમાં ફરજ બજાવતા અને અમીરગઢ વિસ્તારના રહેવાસી એવા જવાન ભરત દેસાઈ પર કેટલાક અસામાજિક તત્વો દ્વારા ઘાતકી હુમલો કરવામાં આવ્યો છે. આ હુમલાની ઘટનાને પગલે સમગ્ર વિસ્તારમાં ભારે રોષ અને સનસનાટી ફેલાઈ ગઈ છે.બુટલેગરો અને સાગરીતો દ્વારા ધારિયાં જેવા તીક્ષ્ણ હથિયારોથી પ્રહારપ્રાપ્ત વિગતો અનુસાર, અમીરગઢ પંથકમાં સક્રિય બુટલેગરો અને તેમના સાગરીતો દ્વારા આ હુમલો કરવામાં આવ્યો હોવાનો ગંભીર આક્ષેપ લગાવવામાં આવ્યો છે. હુમલાખોરોએ અગાઉથી જ ઘાત લગાવીને BSF જવાન ભરત દેસાઈ પર ધારિયાં અને અન્ય તીક્ષ્ણ હથિયારો વડે જીવલેણ પ્રહારો કર્યા હતા. આ અચાનક થયેલા હુમલામાં જવાન ગંભીર રીતે ઘાયલ થયા હતા અને લોહીલુહાણ હાલતમાં રસ્તા પર પડી ગયા હતા, જ્યારે હુમલાખોરો નાસી છૂટ્યા હતા.પોલીસ પ્રશાસન સામે ગંભીર સવાલોઘટનાની જાણ થતા જ પરિવારજનો અને સ્થાનિક લોકો તાત્કાલિક દોડી આવ્યા હતા અને ગંભીર રીતે ઘાયલ થયેલા BSF જવાનને ત્વરિત સારવાર અર્થે પાલનપુર સિવિલ હોસ્પિટલ ખાતે ખસેડવામાં આવ્યા હતા, જ્યાં હાલ તેઓ તબીબી દેખરેખ હેઠળ સારવાર મેળવી રહ્યા છે. ખુલ્લેઆમ બુટલેગરો દ્વારા સુરક્ષા જવાન પર કરવામાં આવેલા આ હુમલાના કારણે સ્થાનિક પોલીસ પ્રશાસન અને કાયદો-વ્યવસ્થાની સ્થિતિ સામે ગંભીર સવાલો ઊભા થયા છે. પોલીસે આ મામલે ગુનો નોંધીને ફરાર આરોપીઓને ઝડપી પાડવા માટેના ચક્રો ગતિમાન કર્યા છે.આ પણ વાંચો : Dwarka News : ઓખાના દરિયામાં મોટી દરિયાઈ દુર્ઘટના ટળી, માછીમારી કરતી વેળાએ બોટ અને હોડી વચ્ચે ગંભીર અકસ્માત

Read Full Story arrow_forward

calendar_today October 23, 2026

Surat : તહેવારો ટાણે લોકોના સ્વાસ્થ્ય સાથે ચેડાં કરતા નકલી ઘીના કૌભાંડનો પર્દાફાશ, 900 કિલો નકલી ઘી ઝડપાયું

સુરત શહેરમાં તહેવારો ટાણે નાગરિકોના આરોગ્ય સાથે ગંભીર ચેડાં કરતા નકલી ઘીના મોટા ગોરખધંધાનો આરોગ્ય વિભાગ અને પોલીસે પર્દાફાશ કર્યો છે. ‘સાહસ પ્રીમિયમ’ બ્રાન્ડના નામે બનાવટી ઘી બનાવી બજારમાં વેચવાનું મોટું નેટવર્ક ઝડપાયું છે. તપાસ દરમિયાન લેબ રિપોર્ટમાં આ ઘી ડુપ્લીકેટ હોવાનું બહાર આવતાં તંત્ર દ્વારા કાયદેસર કાર્યવાહી શરૂ કરવામાં આવી છે.વનસ્પતિ ઘી, સોયાબીન તેલ અને કેમિકલ એસેન્સનું મિશ્રણપોલીસ અને આરોગ્ય વિભાગની સંયુક્ત ટીમે સુરતમાં બાતમીના આધારે દરોડો પાડીને એક ગેરકાયદે ફેક્ટરી ઝડપી પાડી હતી. આ ફેક્ટરીમાં વનસ્પતિ ઘી, સોયાબીન તેલ અને કેમિકલ એસેન્સનું મિશ્રણ કરીને અસલ જેવું દેખાતું નકલી ગાયનું ઘી તૈયાર કરવામાં આવતું હતું. 900 કિલો જેટલું પેક્ડ નકલી ઘી ઝડપાયુંદરોડા દરમિયાન ફેક્ટરીમાંથી આશરે 900 કિલો જેટલું પેક્ડ નકલી ઘી તેમજ અન્ય સામગ્રી સહિત લાખો રૂપિયાનો મુદ્દામાલ જપ્ત કરવામાં આવ્યો હતો. આ નકલી ઘીને બજારમાં જાણીતી બ્રાન્ડ જેવું પેકિંગ આપીને ગ્રાહકોને છેતરવામાં આવી રહ્યા હતા.કારખાનું છેલ્લા 1 મહિનાથી લાયસન્સ વગર ધમધમતું હતુંતપાસમાં ચોંકાવનારી વિગત સામે આવી છે કે આ કારખાનું છેલ્લા 1 મહિનાથી કોઈપણ કાયદેસર મંજૂરી કે લાયસન્સ વગર ધમધમી રહ્યું હતું. તહેવારોની મોસમનો લાભ ઉઠાવીને આ ભેળસેળિયું અને ઝેરી ઘી બજારમાં માત્ર રૂ. 300 પ્રતિ કિલોના અત્યંત સસ્તા ભાવે વેચી સામાન્ય લોકોના સ્વાસ્થ્ય સાથે ખુલ્લેઆમ ચેડાં કરવામાં આવતાં હતાં. સામાન્ય રીતે શુદ્ધ ઘીના ભાવ ઘણા ઊંચા હોય છે, ત્યારે સસ્તા ભાવની લાલચ આપીને ભેળસેળયુક્ત જથ્થો પધરાવી દેવાતો હતો.બજારમાં રહેલા જથ્થાને પરત લાવવા કવાયતઆ સમગ્ર મામલે આરોગ્ય વિભાગે સ્થળ પરથી પેક્ડ ઘીના વિવિધ સેમ્પલ લઈને તાત્કાલિક લેબોરેટરી પરીક્ષણ માટે મોકલી આપ્યા છે. લેબ ટેસ્ટમાં આ ઘી ડુપ્લીકેટ અને અખાદ્ય હોવાની પુષ્ટિ થતાં જ પોલીસે ફેક્ટરી સંચાલક સામે ગુનો નોંધીને કાયદેસરની કડક કાર્યવાહી હાથ ધરી છે. આ ગેરકાયદે નેટવર્કમાં અન્ય કોણ સંડોવાયેલું છે તેની પણ ઊંડાણપૂર્વક તપાસ શરૂ કરવામાં આવી છે. આ ઉપરાંત બજારમાં પહોંચેલા નકલી જથ્થાને પણ તાકીદે પરત ખેંચવાની કવાયત હાથ ધરાઈ છે. આ પણ વાંચો  :   CJP નેતા સૌરવ દાસ અને આશુતોષ રાંકાને કઇ શરતો હેઠળ મળ્યા જામીન ? કોર્ટને શું આપી બાંહેધરી ?                                

Read Full Story arrow_forward

calendar_today October 23, 2026

Vadodara News : સરકારના નવા પરિપત્રથી શિક્ષણ જગતમાં ખળભળાટ, આચાર્ય કે શિક્ષકની પરવાનગી વગર શાળામાં પ્રવેશી નહીં શકાય!

ગુજરાત સરકારના શિક્ષણ વિભાગ દ્વારા રાજ્યની તમામ શાળાઓમાં પ્રવેશ પ્રક્રિયા અને સુરક્ષાને લઈને એક નવો કડક પરિપત્ર જારી કરવામાં આવ્યો છે, જેના કારણે સમગ્ર શિક્ષણ જગતમાં ભારે ખળભળાટ મચી ગયો છે. આ નવા નિયમ અનુસાર, હવેથી શાળા પરિસરમાં પ્રવેશવા માટે શાળાના આચાર્ય કે જવાબદારી સોંપાયેલા શિક્ષકની પૂર્વ પરવાનગી મેળવવી અત્યંત ફરજિયાત બનાવવામાં આવી છે. પૂર્વ મંજૂરી વિના કોઈપણ વ્યક્તિને શાળા કે વર્ગખંડ સુધી જવાની મંજૂરી આપવામાં આવશે નહીં.વીડિયોગ્રાફી અને અનઅધિકૃત એન્ટ્રી સામે કાર્યવાહીઆ પરિપત્રમાં એ બાબત પણ સ્પષ્ટ કરવામાં આવી છે કે શાળા પરિસરમાં વગર પરવાનગીએ પ્રવેશ કરવો અથવા શાળાની અંદર પરવાનગી વગર વીડિયોગ્રાફી કે ફોટોગ્રાફી કરવા સામે કાયદાકીય કડક કાર્યવાહી કરવામાં આવશે. બીજી તરફ, શાળાની સુરક્ષા અને શાંતિપૂર્ણ શૈક્ષણિક વાતાવરણના નામે વાલીઓના પ્રવેશ પર જ સીધા નિયંત્રણો મૂકી દેવાતાં વાલીઓ અને વાલી મંડળોમાં ભારે વિરોધનો સૂર ઊઠ્યો છે. વાલીઓનો આક્ષેપ છે કે આ નિયમથી શાળાઓની મનમાની અને ખામીઓ છુપાવવાનો પ્રયાસ થઈ રહ્યો છે.પરિપત્રની અમલવારી અને સ્પષ્ટતાની રાહ જોઈ રહ્યા છે વાલીઓશાળાની સુરક્ષા માટે લેવાયેલા આ નિર્ણય સામે અનેક પ્રશ્નાર્થ ચિહ્નો ઊભા થયા છે. વાલીઓનું કહેવું છે કે જો અચાનક બાળક સાથે કોઈ આકસ્મિક બનાવ બને તો આટલી લાંબી પરવાનગી પ્રક્રિયાના કારણે મુશ્કેલી સર્જાઈ શકે છે. હાલ રાજ્યભરના વાલીઓ અને શિક્ષણ ક્ષેત્રના નિષ્ણાતો આ પરિપત્રની અમલવારીની રીત અને તે અંગે સરકાર દ્વારા કરવામાં આવનારી વધુ સત્તાવાર સ્પષ્ટતાની આતુરતાથી રાહ જોઈ રહ્યા છે.આ પણ વાંચો : Banaskanthaમાં ખાખી પણ સુરક્ષિત નથી! દાંતીવાડા BSF જવાન પર બુટલેગરોનો જીવલેણ હુમલો, ધારિયાં ઝીંકી લોહીલુહાણ કર્યા...

Read Full Story arrow_forward