Community News & Updates

Stay informed with the latest happenings, achievements, and announcements from our community.

All News

calendar_today October 24, 2026

Surat પોલીસનું દિવાળી પર્વ અગાઉ મોટું એલર્ટ, જ્વેલર્સ, આંગડિયા અને હીરા ઉદ્યોગ માટે 10 સુરક્ષા સૂત્રોની માર્ગદર્શિકા જાહેર

ડાયમંડ સિટી સુરતમાં દિવાળીના તહેવારો નજીક આવી રહ્યા છે ત્યારે તસ્કરો અને અસામાજિક તત્વો પર લગામ કસવા માટે સુરત પોલીસ દ્વારા અત્યંત મહત્વનું સુરક્ષા એલર્ટ જારી કરવામાં આવ્યું છે. સુરતના જ્વેલર્સ, આંગડિયા પેઢીઓ, બેંકો અને હીરા ઉદ્યોગ સાથે જોડાયેલા તમામ વેપારીઓની સુરક્ષા સુનિશ્ચિત કરવા માટે પોલીસ તંત્ર દ્વારા ખાસ 10 સુરક્ષા સૂત્રોની માર્ગદર્શિકા જાહેર કરવામાં આવી છે, જેથી તહેવારો દરમિયાન કોઈપણ અનિચ્છનીય બનાવ ટાળી શકાય.24 કલાક CCTV, બ્લાઇન્ડ સ્પોટ નિવારવા અને KYC ફરજિયાતનવી માર્ગદર્શિકા મુજબ, તમામ પેઢીઓ અને દુકાનોમાં 24 કલાક સીસીટીવી (CCTV) કેમેરા કાર્યરત રાખવા અને કોઈપણ પ્રકારના બ્લાઇન્ડ સ્પોટ વિના કેમેરા ચાલુ રાખી તેનો ક્લાઉડ બેકઅપ રાખવાની કડક સૂચના આપવામાં આવી છે. આ ઉપરાંત, કર્મચારીઓ, ગ્રાહકો અથવા આંગડિયા સ્ટાફનું આઈડી અને વાહન વેરિફિકેશન કર્યા પછી જ પ્રવેશ આપવા તથા જૂના ઘરેણાં ખરીદતી વખતે ગ્રાહકોનું KYC ફરજિયાત કરીને આધાર-પુરાવા તપાસ્યા બાદ જ પાક્કું બિલ બનાવવા વેપારીઓને તાકીદ કરવામાં આવી છે.રોકડ અને દાગીનાની હેરાફેરી પર વિશેષ નજરરોકડ અને કિંમતી હીરા-દાગીનાની હેરાફેરી કરતી વખતે કોઈપણ મોટી રકમ કે માલ ક્યારેય એકલા વ્યક્તિ સાથે ન મોકલવા અને રસ્તાની માહિતી સંપૂર્ણપણે ગુપ્ત રાખવા માટે ખાસ સૂચના આપવામાં આવી છે. સુરત પોલીસ દ્વારા વેપારીઓ અને નાગરિકોને અપીલ કરવામાં આવી છે કે કોઈપણ શંકાસ્પદ વ્યક્તિ કે હિલચાલ જણાય તો કોઈપણ પ્રકારનું જોખમ લીધા વગર તાત્કાલિક ઇમરજન્સી હેલ્પલાઇન નંબર 112 પર જાણ કરવી, જેથી પોલીસ ત્વરિત કાર્યવાહી કરી શકે.આ પણ વાંચો : Ahmedabad News : રિક્ષાચાલકોના આક્રોશ સામે RTO નું કડક વલણ, ગાઇડલાઇનનો ભંગ કરનાર Ola-Uber-Rapido ને નોટિસ...

Read Full Story arrow_forward

calendar_today October 24, 2026

Ahmeedabad News : અડધી રાત્રે વેરહાઉસમાં ફિલ્મી ઢબે ચોરી, પતરાં તોડીને ઘૂસેલા ચોરો CCTV કેમેરામાં કેદ, 1 કરોડની મત્તા ચોરાઈ

અમદાવાદ ગ્રામ્ય વિસ્તારમાં આવેલા વ્યસ્ત અને ઉદ્યોગ બહુલ એવા ચાંગોદર પંથકમાંથી ચોંકાવનારી ઘટના સામે આવી છે. સનાથલ સર્કલ પાસે આવેલા એક વેરહાઉસ અને શેડને તસ્કરોએ પોતાનું નિશાન બનાવ્યું હતું. આંતરરાષ્ટ્રીય બ્રાન્ડ્સ અને મોંઘી ઈલેક્ટ્રોનિક્સ વસ્તુઓનો સંગ્રહ ધરાવતા આ ગોડાઉનમાં તસ્કરોએ માત્ર એક જ કલાકના ટૂંકા ગાળામાં અંદાજે 1 કરોડ રૂપિયા જેટલા માતબર મુદ્દામાલની ચોરીને અંજામ આપીને ભારે ચકચાર મચાવી દીધી છે.પતરાં ખોલીને બે બુકાનીધારીઓ ત્રાટક્યાપ્રાપ્ત વિગતો અનુસાર, ચોરીની આ ઘટનાને અંજામ આપવા માટે બે બુકાનીધારી શખ્સો આવ્યા હતા. તેમણે વેરહાઉસના છતનાં પતરાં ખોલીને અંદર પ્રવેશ કર્યો હતો. તસ્કરોએ ખૂબ જ આયોજનબદ્ધ રીતે અંદરથી કિંમતી ગેજેટ્સની ચોરી કરી હતી, જેમાં અંદાજે 40 iPhone-17 અને 30 iPhone-16 જેવા લેટેસ્ટ સ્માર્ટફોનનો સમાવેશ થાય છે. આ ઉપરાંત આઈફોન સિવાય વેરહાઉસમાંથી હાઈ-ટેક કીબોર્ડ, આઈપેડ (iPads), આઈવોચ (iWatch) અને પ્રીમિયમ લેપટોપ પણ ચોરી થઈ ગયા છે.CCTV ફૂટેજના આધારે ચાંગોદર પોલીસે હાથ ધરી સઘન તપાસઘટનાની જાણ થતાં જ ચાંગોદર પોલીસ સ્ટેશનનો કાફલો તાત્કાલિક ઘટનાસ્થળે દોડી આવ્યો હતો. વેરહાઉસ અને આસપાસના વિસ્તારોમાં લાગેલા CCTV કેમેરાના ફૂટેજ મેળવીને પોલીસે તપાસના ચક્રો ગતિમાન કર્યા છે. બે બુકાનીધારી ચોરોએ કઈ રીતે આટલી મોટી ચોરીને અંજામ આપ્યો અને ચોરાયેલો માલ કઈ તરફ ખપાવ્યો તે દિશામાં પોલીસે તપાસ હાથ ધરી છે, જેથી વહેલી તકે આરોપીઓ પકડાઈ શકે.આ પણ વાંચો : Surat પોલીસનું દિવાળી પર્વ અગાઉ મોટું એલર્ટ, જ્વેલર્સ, આંગડિયા અને હીરા ઉદ્યોગ માટે 10 સુરક્ષા સૂત્રોની માર્ગદર્શિકા જાહેર

Read Full Story arrow_forward

calendar_today October 24, 2026

Rahul Gandhi Delhi Rally: દિવાળી પર રાહુલ ગાંધીની રેલીનો વિરોધ, વેપારીઓએ લખ્યો પત્ર

દિવાળીના તહેવારો નજીક આવી રહ્યા છે ત્યારે દિલ્હીના વેપારી નેતાઓએ કોંગ્રેસના સાંસદ અને વિરોધ પક્ષના નેતા રાહુલ ગાંધીને પત્ર લખીને એક મોટી વિનંતી કરી છે. ચેમ્બર ઓફ ટ્રેડ એન્ડ ઇન્ડસ્ટ્રી (CTI) એ દિલ્હીના રામલીલા મેદાનમાં ૧ નવેમ્બરે યોજાનારી કોંગ્રેસની રેલીને મુલતવી રાખવા માંગ કરી છે. વેપારીઓનું કહેવું છે કે તહેવારોના આ મુખ્ય સમયમાં મોટી રેલી યોજવાથી કરોડો રૂપિયાના વેપારને ભારે નુકસાન થઈ શકે છે.રેલી ભાઈ બીજ સુધી મુલતવી રાખવા વિનંતીCTI ના ચેરમેન બ્રિજેશ ગોયલે રાહુલ ગાંધીને પત્ર લખીને વિનંતી કરી છે કે આ રેલી 1 નવેમ્બરના બદલે ભાઈ બીજ પછી એટલે કે 10 નવેમ્બર બાદ આયોજિત કરવામાં આવે. તેમણે સ્પષ્ટ કર્યું કે ધનતેરસ, દિવાળી અને ભાઈ બીજનો સમયગાળો વેપાર માટે સૌથી મહત્વનો હોય છે. CTI ના અંદાજ મુજબ, જો આ સમયે રેલી યોજાશે તો દિલ્હીના વેપારીઓને આશરે ₹10,000 કરોડના બિઝનેસને સીધી અસર પહોંચવાની ભીતિ છે.ટ્રાફિક જામ અને બેરિકેડિંગથી કરોડોનું નુકસાન થવાનો ડરરામલીલા મેદાનની ૫ કિલોમીટરની ત્રિજ્યામાં દિલ્હીના 20 થી વધુ મુખ્ય જથ્થાબંધ અને છૂટક બજારો આવેલા છે. જેમાં ચાંદની ચોક, સદર બજાર, ચાવરી બજાર, ખારી બાઓલી, ભગીરથ પેલેસ, કાશ્મીરી ગેટ, નયા બજાર, કરોલ બાગ અને દરિયાગંજ જેવા મુખ્ય વિસ્તારોનો સમાવેશ થાય છે. આ બજારોમાંથી સમગ્ર દેશમાં માલસામાન સપ્લાય થાય છે. રેલી દરમિયાન ટ્રાફિક ડાયવર્ઝન, બેરિકેડિંગ અને મેટ્રો સ્ટેશન બંધ થવાને કારણે ગ્રાહકો અને વેપારીઓની અવરજવર સંપૂર્ણપણે ખોરવાઈ જશે.રેલવે સ્ટેશનો અને બહારથી આવતા ખરીદદારોની મુશ્કેલીનવી દિલ્હી અને જૂની દિલ્હી રેલવે સ્ટેશન બંને રામલીલા મેદાનની ખૂબ નજીક છે. તહેવારો દરમિયાન દેશભરમાંથી લાખો વેપારીઓ અને ગ્રાહકો સીધા આ સ્ટેશનો પર ઉતરીને ખરીદી કરવા બજારોમાં આવતા હોય છે. રસ્તાઓ બંધ થવાના કારણે બહારથી આવતા આ મુસાફરોને ભારે હાલાકી ભોગવવી પડી શકે છે.ઓક્ટોબરમાં રુ. 3,000 કરોડનું નુકસાન અને CTI નો નિર્ણયબ્રિજેશ ગોયલે જણાવ્યું હતું કે કનોટ પ્લેસ, ઇન્ડિયા ગેટ અને સેન્ટ્રલ દિલ્હીમાં સતત યોજાતી રેલીઓ અને માર્ચના કારણે ઓક્ટોબર મહિનામાં દિલ્હીના વેપારીઓને પહેલાથી જ આશરે 3,000 કરોડનું નુકસાન થઈ ચૂક્યું છે. CTI એ સ્પષ્ટ કર્યું કે તેઓ લોકશાહીમાં વિરોધ પ્રદર્શન કરવાના અધિકારનું સન્માન કરે છે, પરંતુ તહેવારોના દિવસોમાં રાજકીય પક્ષોએ મુખ્ય બજાર વિસ્તારોમાં મોટી રેલીઓ યોજવાનું ટાળવું જોઈએ.આ પણ વાંચો : Weather Update : ઉત્તર પ્રદેશથી લઈને રાજસ્થાન સુધી વરસાદની આગાહી, ઉત્તરાખંડ અને હિમાચલમાં થશે બરફ વર્ષા

Read Full Story arrow_forward